المساعد الشخصي الرقمي

مشاهدة النسخة كاملة : من اي الرجال انت؟؟؟؟!!!!



راكان العياده
01-03-2002, 22:33
مســــــــاء الخير..............


هذي قصيدة قريتها واعجبتني وحبيت اشارك فيها واتمنى انها تعجبكم....


القصيدة للشاعر: عوض السماري ............. يقول فيها:



قلبي تهيض عقب ما شافت العين ** شافت ارجالٍ بينهم افتراقي

رجلٍ كريمٍ قابل الناس بالزين ** ومن جا جنابه يذكرونه ارقاقي

رجلٍ شجاعٍ مروي كل حدين ** ينطح وجيه القوم بليا متاقي

ورجلٍ بخيلٍ هرجته كلها شين ** تلقى هروجه بالمجالس اسباقي

ورجلٍ ابليسٍ هرجته بين زوجين ** ويحط ما بين الولايف اطقاقي

عساه يطعن له بخوصه ورمحين ** ويصير فدوه للنشامى حقاقي

ورجلٍ يفيد الناس بالخير والدين ** ويامر وينهى عن جميع النفاقي

وترى العواني وان تنصوك عانين ** قدم لهم ترحيب ما به حماقي

وعطهم طلبهم لين يمشو راضين ** وعيبٍ على اللي منه راحو اضياقي

وهذي تخص ارجال بالطيب ماشين ** الطيبين اللي عليهم اشفاقي

والجار حقه في القوانين حقين ** مثل الدخيل ليا دخل ما يعاقي

والضيف محشوم وله هرج باللين ** ويصبح مشكر عقب كيفٍ يساقي

وطيب النشامى في القساوات واللين ** وعاداتهم ذبح الغنم للطراقي

وصلو على سيد البشر يالمصلين ** شفيعنا بالحشر يوم التلاقي
[/poet]

بشير اللويش
02-03-2002, 13:29
شكرا لك اخي راكان على الاختيار الطيب

والمشاركه الرائعه

وصح لسان شاعرنا عوض السماري


بيض الله وجهك يابعد حيي

تقبل تحيااات اخوووك الصغيررر

راكان العياده
10-03-2002, 12:30
الاخ العزيز بشير اللويش


يا بعد راسي والله ............ ومشكور على التعقيب





اخوك


راكان العيادة

راكان العياده
10-03-2002, 12:36
اخوي ابو فيصل


مشكووووووووووووووور على التعقيب



وعساك ما تفقد غالي ............. آمين



لكن انا رديت على رسالتك ونداك

لكن ما اشوفها اليوم معروضه لييييييييييييييش؟ ما ادري

على العموم انا موجود وبانتظارك


اخوك

راكان العيادة

الحربي
12-03-2002, 11:28
الرائع راكان
قصائدك التى تشارك بها يجب ان تكون نبراسا لابناء هذا الجيل الذي طغت عليه المادة حتى تناسوا الكثير من الامور لعل اهمها اكرام الضيف
ننتظر منك المزيد
اخوكم الحربي

راكان العياده
12-03-2002, 12:59
الاخ الحربي....


مشكور على تعقيبك......


ونحن ايضا بانتظار ما عندك من درر.....



اخوك
راكان العيادة