((.. صــــرخة ؛؛؛ العــــــمر.. ))

[خلف الأسيد]

صبي الماء على اسمي واشربيني عذاب=ياليالاً تموج بدرب عابر سبيل
كل صوره بعيني يغتشيها ضباب=وكل فرحه توارت واعلنت بالرحيل
صرخة العمر تدوي فوق هام السحاب=احرقت في فؤادي كل شيٍ جميل
كنت اماري بنجم سهيل واسهيل غاب=وش بقالي بواقي يوم غاب الدليل
تاه معنى السؤال ومات رد الجواب=وانطفى كل نوربعالم المستحيل
واصبحت كل هالدنيا سراب بسراب=في عيوني وطاها مع سماها بخيل
ليت ياليت كلمة ليت فيها ثواب=كلمةٍ قمت ارددها بصوةٍ عليل
هي بقت راس مالي بالخطى والصواب=هي صحيبي وصاحب كل من شاف ميل
رافقتني بصدق احساس طفل وشباب=كلمةٍ عن رهيب الصمت تشفي غليل
لوتسكر بدربي كل ماسرت باب= والي الكون بعباده وكيلٍ كفيل
ماتهون الكرامه لو يشيب الغراب= مير شوفي بدالي يالليالي بديل
صبي الماء على اسمي واشربيني عذاب= موتي اهون قساوه من معيشة ذليل

[هاني العجل]

خلف الاسيد .. خلف الاسيد .. خلف الاسيد


اصفق لهذه القصيده الرائعه حتى يشيب الغرااااااااااااااااااااااااب


صح لسانك صح كلك

كفييييت ووفيييييت


.

[علي الشهراني]

اخوي خلف


صح لسانك


والله لايهينك



دمت بكل الود



علي الشهراني


جريح الحـــــــــــــــــــــــرف

[راعي الوقيد]

ياهلا والله بالأسيـــــــــــــد:)

وين ديارك ياخي لاعلم ولاخبر !!؟

عودا ً حميـــــــــــــدا ً وماتغاب إلا عن الشــــــــــر ،،،

وصح لسانـــــــــــك على هالرااااااائعة لاهنـــــــــــت يابعدحي:)

المهم ...

خلنا نقرأ اسمــــــــك كل ماهاهـ:)

لك التحيــــــــــــــــــــة ،،،

والسلااااااااااااام ...
..

[عبدالله الجعيثن]

ماتهون الكرامه لـو يشيـب الغـراب
ميـر شوفـي بدالـي يالليالـي بديـل

خلف الاسيد

صح لسانك

قصيده جميله ومعبره

لاهنت يالعذب

[ياسر عبدالرؤوف]

خلف الأسيد ..

صح الله لسانك مليووووون ..

ولاعدمتك ابد ..

ياسر الحربي ..؟؟؟

[بتول آل علي]

أخي الفاضل
خلف الأسيد


صح لساااانك
و لا هنت

و ما عااااش من يذلّك اخوي

دمت بخير



أختك
الدهور

[احـمد الـطـرقي]

كنت اماري بنجم سهيل واسهيل غـاب
وش بقالي بواقي يـوم غـاب الدليـل




المتعه يا خلف




هي كل مره اقوم بقرائه رائعه لك




صحيح تواجدي قليل


ولكن تاكد ان احمد الطرقي

يراقب سكناتك قبل تحركاتك من خلف الستار




كيف لا وانا متاكد من تواجد يلفح وجه الرتابه بمعاني راقيه



دائما معك ياخلف






الف صح لسانك وبوحك




تحياتي


اخوك احمد الطرقي

[سلطان الشمري]

هلا هلا هلا هلا



لاحت بروق الوسم ياخلف ..


وين الغيبات ..ياخوي...؟!!

ماتغيب الا وتجيب يابعدي ... والله راااائعه


صح قلبك

[طير سنجارة]

صرخة العمر تدوي فوق هام السحـاب
احرقت في فـؤادي كـل شـيٍ جميـل
كنت اماري بنجم سهيل واسهيل غـاب
وش بقالي بواقي يـوم غـاب الدليـل
تاه معنى السؤال ومـات رد الجـواب
وانطفـى كـل نوربعالـم المستحيـل
واصبحت كل هالدنيا سـراب بسـراب
في عيوني وطاها مـع سماهـا بخيـل
ليت ياليت كلمـة ليـت فيهـا ثـواب
كلمـةٍ قمـت ارددهـا بصـوةٍ عليـل



الله .الله الله


خلف الأسيد ،،، عذب هطووووول صااااارخ ، ومعااني متدفقة ..وورود ارتوت



خلف لله درك


أضع قلبي بجوار فاتنة الشاعر فقط


تقبل تحياتي...