عينى على بعيد النظر

[فـارس الحـرف]

يامرحبا يصحابنا من بعد ماطال الغياب=======ونعايد الاصاحب ونسوى سوات الغانمين
عينى على بعيد النظر راعى الطواريق العذاب=====الشاعر يثرى الطاروق ويقدم سمين

[بتول آل علي]

أخي الفاضل
بدر


صح لسانك
و من العايدين الغانمين ان شاء الله


معاكم بالصف
و بانتظار .. بعيد النظر



الدهور

[((بعيدالنظر))]

هلا وغلا أخوي / بدر .
يشرفني يالغالي اللعب معك .
لكن أتمنى تعيد النظر في إسمك باللغه العربيه يكون أفضل .
إستلم .
وكل عام وأنت بألف خير يابطل




يالله لعل إلك البقا يالشاعر اللي ماتهاب=نقراك من صوب اليسار ونحسبك صوب اليمين

العرف مثل السيف والمعنى مثل طعن الحراب=والهرج خيل وسرج والدنيا بها قسوه ولين

[حمود الشمري]

عينى على بعيد النظر راعى الطواريق العذاب=====الشاعر يثرى الطاروق ويقدم سمين

صح السانك وكل عام ونت بخير

[فـارس الحـرف]

هلا يابعيد النظر وبالنسبه للاسم ما اعتقد انه فيه مشكله نبيك ترطن اشوى فيه ههههه

الطيبه تحريبه تحسب لها دايم حساب ===== ماهى جديده ذى عوايدكم على مر السنين
لاكن قلى وين راح ابها وقلى ويش جااااب ===== التاجر الى يرصد الحجاج لو فى نصف عين


ملاحظه: ياخوان ترا معاد عرفنا انبروز ابيوتنا من بعد ماغيرتم نظام الموقع والبيوت اذا ما تتبروز تصير مثل الطبخ الى بدون بهار
الى يعرف يعلمنا
ومرحبا بشاعرنا الكبير بعيد النظر والله ولنا الشرف نلعب معه

[فـارس الحـرف]

عفوا تنووويه يوجد كلمه ناقصه بس خطى مطبعى
الى هى

الشاعر ....يثرى الطاروق بعد كلمت الشاعر (الى) هذى ما انطبعة مما يخل بالوزن عذار يا بعيد النظر

[فـارس الحـرف]

الاخوان الدهور......... و حمود صحة ابدانكم وعيدكم امبارك وكل عام وانتم بخير


وانا ابيكم تحطون لى اسم عربى ارضا لبعيد النظر لانى ماعرف

والاسم موجود عندى

[الأصيل]

عينى على بعيد النظر راعى الطواريق العذاب

الشاعر اللي يثرى الطاروق ويقدم سمين






أنا أشهد







العرف مثل السيف والمعنى مثل طعن الحـراب

والهرج خيل وسرج والدنيا بها قسـوه وليـن




هذا أول الأدله








بالصف وادزف لعيد الضحيه

[((بعيدالنظر))]

هلا يابدر : ماهناك مشكله ياقلبي أنت .
الهدف من الإسم باللغه العربيه هو الذي يحدد إنتمائنا .
ونحن أناس نعتز في عروبتنا.
ومثلك شاعر أحببت اللعب معه لذلك أحببت أن يكون (بدر) بقدر حبي له .

وآآآآسف لو أزعجك رأيي لكنك ستظل في القلب يابدر .

[((بعيدالنظر))]

الطيبه يابدر تبني قصر له طاقه وباب=ولا عليكم زود والخافي بعد مده يبين

المسلم اللي يتبع السنه دليله من كتاب=واللي يمد لنا شماله مانمد له اليمين

[((بعيدالنظر))]

الغاليه / الدهور .
كل عام وأنتِ بألف خير .. وشكراً لحضورك الممطر .

حمود الشمري . مشرفنا المتألق .
صح بدنك ياحمود وشكراً لحضورك ونورك .
وعيدك مبارك يابطل


الأصيل الغالي جداً على قلبي ..
كم هو شرفٌ كبير هذا المرور المختلف يالغالي .
أدام الله الموده ولك جل التقدير .
عيدك مبارك يالغالي

[فـارس الحـرف]

مرحبا والله يبعيد النظر وكلامك صحيح طال عمرك والعروبه هي اصلنا بس انا نوهت ماعرف اغير الاسم بالعربى غشيم بدوى




اليا تعلا صاحبى جيناه من فوق السحاب=يارعى الهقوات والمعود رب العالمين
الى سأل فالانتظار ولا لقى رد الجواب=وانا ماقول الامدايح مابها يالذرب شين

انت استااااااااذ وحنا تلاميذ عندك والله والغايه الاحتكاك بك والاستفاده من خبرتك يالسنااااافى

[((بعيدالنظر))]

اللي قعد للسمع يابدر إنطلق صوبه شهاب=عساك تسلم من غثا الدنيا ولوم اللايمين
حنّا ترصدنا الهدف والرميّ في قلبه صواب=وإن كان ماجاك الخبر حنا نثمّن في الثمين

[((بعيدالنظر))]

ماعليك زود يابدر .
وكلنا نتعلّم طال عمرك ما حنا باساتذه .

أما بخصوص تعديل الإسم . مهما تعلمت ما آنت إلا عضو مثلي مثلك لاتستطيع تغييره
والحل أن تراسل المشرف العام وتطلب منه تغيير الإسم من الإنجليزيه للعربيه وسلامتك

وشكراً لتجاوبك وأهتمامك يابدر .

[فـارس الحـرف]

القوم تبحث عن علوم القوم وتحث الركااب= على نظام اعامامنا وجدادنا والاولين
صريتها صره وانا مابى طعام ولا شراب= وانا ذكرتك يالنبى ورتاح مابه حاسدين

[((بعيدالنظر))]

راع الذهيب يموت ما أخرجها من حلوق الذياب=هذا جزا المحتال يابدر وغضيب الوالدين
ياراعي الخيل المغيره ماش سيف بلا نصاب=ماني مدّور للذهانه غير فالعقل الذهين

[فـارس الحـرف]

مدرى تغنيلى خلف ولا تغنيلى حجاب=بالله قلى وين حنا رايحين وراجعين
نبغى اعلومك ظاهره من فوق قمات الهضاب= ولا تبارينى سوى حتى دعاوينا تزززين

[((بعيدالنظر))]

يابدر هوّنها تهون وكيف ظني فيك خاب=أنته من أحيا الناس ما أنته في عداد الميتين
إحذر تصير اللقمه اللي بين ضرس وبين ناب=ولاّ تجي بالدعوه اللي ماعليها شاهدين

[فـارس الحـرف]

ههههههههههههه صح اللسانك لا لا معاك بالدرب وانت معاى بس ان لفلفها ههههه



انته تبى تفرض لوامر بالطواع وبالعقاااب= ياحيلتك ياذاك يلى حيلته عن حيلتين

يكفينى انى فى مظيف الى يفكووون الرقاااب= ونكان ماتقنعك لعبه عندنا لك لعبتين
يارجل يكفينا شرف مجاااراااتك

[((بعيدالنظر))]

إن كان ماراسك صليب إبعد عن الروس الصلاب=يفوز أبو نيه ويخسر من بقلبه نيتين
ونعم بهم والبدر صافي ماعلى نوره ضباب=واللي معك هاته وأنا أجزم ماغدالي معك دين

[((بعيدالنظر))]

ههههههههههههههه
ماضيّعنا ألا اللفلفه يابدر . خلّك معي أخشى تلفلف وإنت اللي بتضيع ههههههههههه

والله إني اتشرف بمثلك وشرواك يابدر . ربي يحفظك يابطل

[الأصيل]

يكفينى انى فى مظيف الى يفكووون الرقاااب

ونكان ماتقنعك لعبه عندنـا لـك لعبتيـن


**

ونعم بهم والبدر صافي ماعلى نـوره ضبـاب

واللي معك هاته وأنا أجزم ماغدالي معك ديـن









متابع فقط ... ( ذل ):good1:

[فـارس الحـرف]

ههههههه

الله يستر بس الى المجد يصارع الليث فى عرييينه



لاتامن الدنيا وتقلبك وتصبح فنقلاب=لو قلت انا مثل الجمل ودحمك فالظلع المتييين
انت تقوله وانت راسك ماتشووفه يوم شاااب= وان قلت شايب قلت راسى مابه الا شعرتين

[((بعيدالنظر))]

ههههههههههههههههههههه
طيّب ... طيّب

ياسلام عليك يابطل .

إستلم




أنا على نفسي بصير وتوخذ الدنيا غلاب=ما أصدق الدنيا ولا اقطف من غصون الطلح تين
لو شفتني يابدر ماتلقي على العالم خطاب=لو جبت لك تمره وجمره في عيونك تمرتين

[((بعيدالنظر))]

ابو ثووووووب .. متابعتك شرف لايناله إلا من وفِقَ له .
أشكر لك هذه المتابعه التي نتشرّف بها أنا واستاذي / بدر

ارق التحايا يا اصيل

[فـارس الحـرف]

ابو ثوب زدتنا شرف متااااابعتك

بعيد النظر انا زعلان منك لأن العين لايمكن تعلى على لحاااااجب

العفو العفو انت استاااذى

[سلطان الشمري]

متابع متابع متابع



لكما يارائعين

[فـارس الحـرف]

مطيبك يبعيد النظر مايلحقك لوم وعتاااب=مايهفى احقوق الرجال الا الرجال الخايبييين
الله يعز اهل المظيف وطاب كل الكيف طااب= وختامها ممنون لك وانا لك امن الشاااكريناشكر استاااااذى الكبيرررر بعيد النظر على اتاحته لى فرصه شرف الوقوف امامه ومجاراته
وهذا وسااام على صدرى

كما اشكر الاخوان كافه
ولا انسى الا الشكررررررر الجزيل للاخ نبراااااس الذى علمنى على طررريقة تنسيق القصييييده

الختام عندك يا استااذى اذا احببت

[((بعيدالنظر))]

أجل ياشاعرنا الرااائع / بــــــدر
أنت استاذ شعر واستاذ ادب واستاذ أخلاق واستاذ رقيّ ..
كم أنا ممنون لهذه المضايف التي تجمعني بي .
أخي الغالي وشاعري الممتليء بهاءً : بدر .
لن أحابي ولن أجامل عندما أقول كم أنا فخورٌ بك..
وكم هي سعادتي لاتوصف بما تحمله من شاعريه فذه . وروح قتاليه عاليه .

لن يكون ختامي إلا ان اسأل الله أن يحفظك وأن يزيدك تألقاً وبهاءً .

وهذه قبله على جبينك الشامخ .
وهي اقل ماتستحقه عرفاناً مني لك .

أخوك ومحبك // العرابي