المساعد الشخصي الرقمي

مشاهدة النسخة كاملة : الحقوووا جاي .... الحقوا ... وافزعوا


راعي الطيب
23-10-2005, 16:53
اخواني واخواتي
السلام عليكم ورحمة الله وبركاته


ابي لي سالفتن سمعته بله شريط من زمان والراوي كان سوري بس الشريط ماكان لي

واستحيت من ولد عمتي لا اخذوه ويوم سالتوه عنوه يقول كسروه اخوه المطوع


السالفه لبنيه الجربا ومرته زين المها اللي هي ايه من الجمال على ذكر الراوي


يوم يبي يغزونه مدري منهم علشان ياخذون منوه زين المها


الوكاد انه كانت عند الرعيان جايبتن لهم اكل ورابطتوه بطرف ثوبه وثوبه كان مشقق شوين

يوم جو عاد ريسهم ما يعرفه بس يسمع انه ملكة جمال

الوكاد سالوه عنوه قالت هناك بيتوه وش تبون بوه اللي هو بنيه

قالوه حنا جايين نغزيه وناخذ حرمتوه اللي هي زين المها



وهي ترد عليهم بقصيده طويله اذكر منه صدر واحد من البويت

تقول ان ما جابك اسير ومكتف يحرم عليه يقبلن على شفافي



ياليت اللي يعرفه تكفون لا يتاخر به علينا


ولكم خالص التحيه والاحترام
شريف روما
23-10-2005, 17:04
ناطر معاك ياراعي الطيب من يزودنا بهالسالفة
خالد الشمري
23-10-2005, 20:26
الاخ راعي الطيب موضوعك موجود صفحه 5 من مضيف قصه وقصيده بعنوان بنية الجربا وابن مهيد للكاتب الاخ الفاضل مشعل الغفيلي
وحبيّت انسخه لك لاني مااعرف اسوّي رابط


"بنيه" بعيد العلم يسوى عداله=ياما صفقت يمناه من مال ورجال
الاشمل اللي ماضيات فعاله=زيزوم "غلبا" معدل الشيل لامال

يالله حيــــــــــهم

هذا بنيه الجربا ابو عبطا يقولون سنة من السنيين صار بينه
وبين ربعه من شمر خلاف صغير وهو ينتزح عنهم
هو وكم بيت معه

يامار بنيه اكثر مغازيه على الروله وعنزه وخاصة الفدعان من عنزه

الوكاد هو ياصل العلم لتركي بن مهيد "مصوت بالعشا" امير الفدعان
جاء يمه واحد قال ياتركي كانك تبي بنيه شفه نازلن بهكا المكان
قال ابن مهيد ترونا غزو
وهو يغزي هو وحوالي خمس طعش فارس معه ماهم واجد

يامار بنيه بأول سنيين زواجه
يامار متزوج له واحد بكلام الرواه انه من اجمل بنات العرب بزمانه

وهو يمر ابن مهيد على حلال بنيه يامار هذي مرة بنيه لابسه عباةٍ متقطعه
يامار اللبس وسط والزين واجد

" يامار ابن مهيد مايعرفه ولايدري منهي"
قال ابن مهيد :بالخير يابنت
قالت : يالله حيه

قال ابن مهيد: من انتي يابنت
قالت: مالك بالمعرفه شف بيتنا هذاك هو والله يحيك ضيف

قال ابن مهيد ماحنا ضيوف وكانك من عرب بنيه علميه حنا غزو
قالت :خلو الغزو عنكم وضيفوا بنيه

وهو يزعل ابن مهيد من رده عليه قال:

يابنت من علمك سرح الغنم=والضان عرجا والمعز كشاّف
يابنت من لبسك جرد العبا=يبلى بشلفى من يميني شاف
يابنت عزباء ومالك حليل=ورمان صدرك للعقل خطاف
يابنت وان كنتي قصيره عندنا=لاالبسك ثوب الحرير الضاف

"يامار ابن مهيد مايدري انه زوجة بنيه"

قــــــالت "تبي تعلمه منهو زوجه"

انا حليلة من يجر ردونه=واليا هرج هرجه ماهو زياف
انا حليلة من يقصر بعيطه=يغض النضر عن جارته عفاف
انا حليلة من يحط المنسف=كفه صخيه وخنصره دلاف
انا حليلة من يعز ربوعه=ياصار بالجمعين كز شلاف
هالساعه تشوفه وعينكم لداده=من فوق حمراء شلفته تنشاف
يخوي عليكم كالعقاب الكاسر =انتم حباري وهو لكم خطاف
وان ماجابك اسير مكتف=حارم عليه يقبل علي شفاف
قال ابن مهيد علمي رجلك انا خذينا حلاله وهو ياخذ الحلال ويقفي به

وهي تركض يم بنيه يامار جالس يتقهوى
وهي بوجهه تسرج الفرس
قال بنيه عسى ماشر قالت غزو
قال كم هم قالت حول هالعشر
قال بنيه بسيطه

وهو يركب فرسه وهو يلحقهم يوم اقبل عليهم وهو يطلع له ابن مهيد
وهو يصير بينهم طراد عندك وعندك
وهم يتجادعون وهو يجدعه بنيه ويكز الرمح ياذابحن الفرس
وهو يلتفت بنيه للفريس الباقين قال ردو الحلال ولا ان الله اشى الا تشيلون بعضكم

الوكاد يوم ردو الحلال وهو يجيبهم بنيه لبيته ويذبح لهم
يوم تغدوا وخلصوا قال ابن مهيد نبي نمشي مار عطن فرسك يابنيه

قال بنيه اردف لحدى خوياك وياجيت ربعك علمهم بالعلم الوكاد
راعي الطيب
23-10-2005, 22:02
اخوي ابو حميد

يالله حيه ششلونك يالغالي ما تطلع على الماسنجر من تالي

وين هالغيبه ؟؟؟؟؟؟؟



مشكوووووووور على التواجد والمتابعه جابه طير شلوى خالد

خلنا نغزي صفحة خمسه


لا هنت يالغالي
راعي الطيب
23-10-2005, 22:04
اخوي ابو خلود


يا هلا والله ومسهلا
نورت يالغالي انت وابو حميد وكل من قرا هالموضوع


والف شكر لك على فزعتك يالغالي

هذا العشم بك وبكل الاعضاء

لا هنت
وتسلم
راعي الوقيد
23-10-2005, 23:02
^
^
الحشم غيرناهـ الى العشم:)

والحمدلله على السلامة ياراع الطيب !!

انا معلمك ان مضيفنا مليان بالقصص والقصايد اللي يحبهن قلبك :)

والشكر موصول للأخوان الزقروطي والبنااااخي خالد:)

سلاااااااااام ...
..
راعي الطيب
24-10-2005, 12:07
^
^
الحشم غيرناهـ الى العشم:)

والحمدلله على السلامة ياراع الطيب !!

انا معلمك ان مضيفنا مليان بالقصص والقصايد اللي يحبهن قلبك :)

والشكر موصول للأخوان الزقروطي والبنااااخي خالد:)

سلاااااااااام ...
..

يالله حي الغالي ابو فيصل

الله يسلمك يالغالي والليله ان شاء الله عندكم بالرياض


والله انا ما انكر هالشي والحمد لله بهم البركه الاخوان وانت اولهم




حياك يالغالي ومشكوووووووووور على المرور الطيب هذا منك يالغالي



لا هنت
تركي السلمو
02-11-2005, 16:01
عيد سعيد عليكم وعلى العالم الاسلامي
راعي الطيب
03-11-2005, 00:40
عيد سعيد عليكم وعلى العالم الاسلامي


وعليك اخوي تركي وكل عام وانت بخير
سيدة القـــــلم
03-11-2005, 09:50
انا كنت جاايه ابفزعلكـ ..

<-- ياهي تسذوووووب..

بس سبقني خالد..

يلااا الجايات اكثر ان شاءلله.. وفزعلك مرتن ثانيه..




مع السلامه..