المساعد الشخصي الرقمي

مشاهدة النسخة كاملة : سلالالالالالالالالالام



فـارس الحـرف
26-09-2005, 19:39
سلام يلى جيتكم زوار=والظيف فى حكمة معازيبه
ناخذ مع اهل المعرفه مشوار=علم(ن) نبا نوديه ونجيبه

حمود الشمري
26-09-2005, 22:02
يامرحبابك ونت راعي دار=وطيبه يا الذيب تحريبه

ومضايف شمر تكرم الشعار= الف الهلا ومليون ترحيبه

فـارس الحـرف
26-09-2005, 22:30
دام البقا يالشاعر البيطار=والى علومه طيب ياطيبه
ابا تسلا واخذ الاخبار=والشمرى ذيبن عوا ذيبه

فواز الشبيكان
26-09-2005, 23:33
الله ايحييك يابدر في مضيفك والحقيقه حمود كفى ووفاء بالترحيب

متابع شكله محاورة عمالقه


تحياتي للجميع

شام
26-09-2005, 23:42
اهدي هذه الورود للشعراء
مع خالص الشكر والتقدير
:trluv4:
:539:
وصح لسانكم

فـارس الحـرف
27-09-2005, 00:09
شكرا للاخ القديمى والخت ايمان وشكرا لحمود ايظا والجميع

حمود الشمري
27-09-2005, 13:22
نبا نعرف الشاعر المغوار== لالحين اما جتنا مكاتيبه

يابدر صح ان الزمن دوار== مابين تشريقه وتغريبه

فـارس الحـرف
27-09-2005, 17:24
عجمى وربعى ماتهاب النار=يوم الحرايب كلها هيبه
بين لنا الميراد والمصدار=والرجل ياقف فى مواجيبه

حمود الشمري
27-09-2005, 22:06
ونعم يارع الوفا والكار=وراكان كل اناس تدريبه

من قلتلي عجمي ونا محتار= مابيننا دستور نمشيبه

فـارس الحـرف
27-09-2005, 23:08
دستورنا فسلومنا ياجار=هذا الخبر لعاد تحكيبه
شمر مع العجمان ناس اخيار=ربعن لنا والعلم تدريبه

حمود الشمري
28-09-2005, 14:20
انا حسبتك يابدر طيار==وهاذي بيوتك لاتهذريبه

ياصاحبي منته من الصرار==تاخذ على ام اهلال تهريبه

فـارس الحـرف
28-09-2005, 16:07
ضيعتها يالشمرى وش صار=راسك علينا قمت توميبه
منته بربن تعلم الاسرار=والظيف لا تشذب عراقيبه

احـمد الـطـرقي
28-09-2005, 17:32
الله الله


متابع :)

حمود الشمري
28-09-2005, 21:22
البحر يا العجمي دخله اعصار==وكلان مواويله ايغنيبه

وتحالف المطران بالخبار==ومطير معروفه مطاليبه

حمود الشمري
28-09-2005, 21:23
صح السانك يابدر والمجال مفتوح لكل الشعرا

وكفيت وفيت وشاعر ولعبك جزل

فـارس الحـرف
28-09-2005, 21:37
الله يسلمك ياحمود وتشرفت باللعب معك وانا عضو جديد فى منتداكم الموقر مره ثانيه تشرفت باللعب معك وانت شاعر كبير ومافيك اقصور ونعم ابشمر فى كل لحوال وراح اختم اللعبه بالبيتين الجايين

فـارس الحـرف
28-09-2005, 22:04
ياحمود تسلملى ولك مقدار=وشمر فعايلها تماريبه
حنا وقفنا مع رجال اكبار=وختامها بالمسك ننهيبه

احـمد الـطـرقي
29-09-2005, 00:53
صح لسانك اخوي بدر وصح لسان الرائع حمود




وحياك الله بين اخوانك بمضايف شمر



عز الله امتعتونا




تقبل تحياتي اخوك احمد الطرقي

فـارس الحـرف
29-09-2005, 01:13
تسلم يالطرقى ومشكور على الترحيب

حمود الشمري
29-09-2005, 11:38
الف شكر لك اخوي بدر

وشكر كل الاخوان الي الي شرفوني في مرورهم

حمود الشمري
29-09-2005, 12:00
شاعر ولك وسط البحر معبار= والبحر ماتصفي مشاريبه

ياحر يالي جيت وكر حرار= والبدر تعجبني مراقيبه