تسجيل الدخول

مشاهدة النسخة كاملة : وينكم يا بعيدين الأنظار...


متأمل
07-09-2005, 11:31
الفارس بلا منازع...بعيد النظر

بالله ...طاروق على الماشي..بعد الصيفيه


بعد انتهى لبس البناطيل عند الترك و الروم=قم يا العرابي و انفض البشت و البس لك عمامه

يا أهل البلد لا سمع صوت الرعد و مكاون القوم=لا أحدٍ يخش الراس تحت الثرى مثل النعامه

تحياتي..
فواز الشبيكان
07-09-2005, 12:04
اسلم متأمل الله ايقويك على الطاروق وانا ماسك صفك
((بعيدالنظر))
08-09-2005, 04:25
وين أنت يوم الخيل والسيف ياصاحي من النوم=الحمدلله بعد ماجيت راجع بالسلامه

ياطير ياللي توّ شفنا جناحك يكسر الحوم=لو غبت ياطير السعد خير من مبدا الملامه
((بعيدالنظر))
08-09-2005, 04:27
القديمي / هلا ومرحبا والله يقوي الجميع أنت تبي تمسك الصف مع متأمل لكن أنت من في صفك . روح رد الله لايهينك وصف متأمل خلووه للنشاما يايقصرون :)
فواز الشبيكان
08-09-2005, 11:10
بعيد النظر احيانا اقول من وين تجيب بعض الكلمات اللبقه ولكن ماالومك الجود من الموجود هذا عرفك
حمود الشمري
08-09-2005, 11:32
متامل طاروق جميل ويستحق المتابعه

وحسنت الاختاير من اخترت بعيد النظر

الاخ الشاعر المشرف ابو حمود انا متاكد ان بعيد النظر مهو قاصد اخر كلمه من تعليقه الا انها خطا مطبعي
((بعيدالنظر))
08-09-2005, 12:42
أخي الشاعر / القديمي ..
فهمت من رد الأخ حمود أن هناك كلمه في ردي على تعليقك . ربما تكون سيئه .
أقول لك والله الذي نفسي بيده لم اكتب ما تعمدت فيه الإساءه لك أو لغيرك وخاصةً التعليقات ولكن ربما حاولت تقليد لهجة شمّر وجبت العيد .

ساعيد لك ترجمة ما كتبته في ردي باللغه الفصحى . في الكلمات مثار الشك .

(أترك صف متأمل للنشاما ولن تجد اي تقصير ) .

أعتذر للشاعر القديمي واتمنى أن أكون قد أوضحت لك ما كنت أقصده //

وإن كنت تقصد ((يا يقصرون )) فهي خطأ مطبعي والصح ( مايقصرون)

لاتكن فضّاً وألتمس لأخاك العذر . ولا أظن الكلمه الأولى تؤدي إلى أي معنى لا أدري ماذا أصابك منها؟؟؟؟

شكراً للتنويه أخي حمود . واحسنوا الظن وتأكدوا أن بعيد النظر لايرمي إلى إثارة الفتن والمشاكل . هذا ليس في حساباتي ابداً
متأمل
08-09-2005, 13:12
خلّو السوالف برا...الناس جايه تستانس و تنبسط

القلوب معروف ما فيها...خير في خير

استلم يا بعيد النظر..


الهرش في بر الجزيره تحته الكل محكوم=حافظ حلاله زين فارض على الناس احترامه

أكلي ثمر ما طاب يوم أنت مما طاب محروم=صايبك عقب العقل غرّه مع الطيش الغشامه

الصفوف يا عيال...لا هان القديمي ..ما عليّ خلاف و هو في صفي

وين صفك يا عبيد
((بعيدالنظر))
08-09-2005, 13:44
بعض العلوم كبار وتشيلها وتطيح وتقوم=لو نختبرك من الثلاثين ماتاخذ علامه
بعض الرصاص يثور في مخزنه والموت محتوم=عزالله إني مابغيت الفشق ياكل عظامه
متأمل
08-09-2005, 14:28
حياك الله يا حمود...

ايه..خلوكم كذا..أحيوا المنتدى بتواجدكم و مشاركاتكم

و افصلوا ..كل من يتهاون في ذلك

استلم يا العرابي...


يا اللي تسل السيف لا تعتزي و الظهر مقصوم=تنقد كتاب الشيخ لكن ما تاصل مقامه

غرّتك في دنياك يا صاحبي تيجان و نجوم=و الحر له جنحان لكن أخير من الحمامه

تحياتي..
((بعيدالنظر))
08-09-2005, 14:49
السيف ما آسله لياشفت كل أخصامي رخوم=إرتاح راسك مايجمّل ولا يحمل حجامه
مادام هذا اللي معك مستوي وعلومك علوم=عزالله إنا ماوقفنا على باب الرخامه
متأمل
08-09-2005, 18:38
يا سلام ...يا سلام

هذي البيوت اللي تجمّل...لا هنت يا عبيد

استلم...


من زل عمره قلت جعله بدار الخلد مرحوم=رزقه من الدنيا ترى ما وصل لو ربع خامه

لا تعطي المسكين دفعة بلاء من مال مكتوم=و أركد على ممشاك و أحذر ترى السرعه ندامهتحياتي...
((بعيدالنظر))
08-09-2005, 19:45
خلك على الحوزه مراقب تصير امام معصوم=واللي معه خبزه يدوّرك وتقدم يدامه
ياللي تلوم الناس لاباس ماتسلم من اللوم=نبي نسجلّك قسيمه وتدفعها غرامه
متأمل
08-09-2005, 23:32
وين الصفوف...


تمشي مع الغاره و لكن صابك سهم مسموم=و أنا طبيب اللي فقد مزهبه و الدهر ضامه

أنته تشيل الصك لكن صكّك غير مختوم=و اللي رطن نبغى مترجم يفهمنا كلامه
فواز الشبيكان
08-09-2005, 23:49
:480r: :480r::480r::480r::480r::480r::480r::480r::480
:480r::480r::480r::480r::480r::480r::480r::480r::480r
:480r::480r::480r::480r::480r::480r::480r::480r::480r
:480r::480r::480r::480r::480r::480r::480r::480r::480r:




شف الصفوف يامتأمل شد حيلك
متأمل
08-09-2005, 23:53
عاش و الله القديمي...

يا لوم عيني و الله...هذا اللي أبيه

صب قهوه يا ولد...و رحب بالرياجيل

تحياتي للجميع...و أخص القديمي
((بعيدالنظر))
09-09-2005, 00:00
ياراعي القرشين بيع الذهب ماصار بالكوم=واللي يشيل إسهوم تبقى على ظهره سهامه
ليتك تعلّم فالغدير وتطب البحر وتعوم=والله يعينك بعد ما أخذتها فالوجه شامه
((بعيدالنظر))
09-09-2005, 00:02
عشت يالقديمي عشت وأكيد الصفوف لنا الإثنين .
معقول هذا صف متأمل لوحده؟؟؟

تحيه وتقدير لحضورك يالقديمي
متأمل
09-09-2005, 05:28
يا سلام...يا سلام


حنا نعرف اللي بوقت المواقف سيف صاروم=و أنته تجر الصوت لكن فالقلب انهزامه

للذيب في صيدته يا صاحبي شارات و رسوم=و أنته على سوره تغذّى و تشبع من طعامه
((بعيدالنظر))
09-09-2005, 19:32
الهرج هيّن والمواقف تبيّن عقد منظوم=خل الضعيفه عند أهلها وللسالم سلامه
الحق قوله لاتسب الصقر وتمجّد البوم=وتصير مثل اللي على سرقته يعقد صيامه
متأمل
09-09-2005, 20:03
الله لا يهينك...يا بعيد النظر

أبيات طيبه...من شاعر طيب

استمتعت باللعب معك...و استفدت من خبرتك

و سأستمتع بمتابعة محاوراتك مع أعضاء المنتدى الكرام

تقبل تحياتي...