تسجيل الدخول

مشاهدة النسخة كاملة : ((مواقف طفوليه)) مرّ بها اعضاء المضايف !!!!!


السطامة
27-08-2005, 16:44
السلام عليكم ورحمة الله وبركاته
http://www.nawafith.net/uploaded/00.gif

إنّ مرحلة الطفولة هي أجمل مرحلة يمرّ بها الإنسان في سنوات عمره

وتظل محفورة في الذاكرة
المواقف شقيّة ، والمضحكه ، وأخرى تعبّر عن البراءة

ولكن يستحيل إعادتها لأنها في وقتها أجمل
فما هي أجمل مواقف طفوليه مرّ بها اعضاء المضايف ؟؟!!..

بانتظار مواقفكم

http://www.nawafith.net/uploaded/ya.gif
بـنـت النـور
27-08-2005, 19:02
وعليكم السلام ورحمة الله وبركاته

السطامة

موضوع بغايه الجمال والروعه

ذكريات ومواقف تبقى بالذاكره لاتنسى ابداً

سلمتِ لطرحكِ واسلوبك

دمتي بنـور
الشبث
27-08-2005, 19:41
مرتن من المرات شرالي ابوي سيكل

( قاري يالمطنوخ )

وبس اتمشى بوه



وشنقل بس يتبتسبتس عندي يبيني اعطيه دوره

وانا شاطفوه


اثريه رقشن عين



وانا اجي في احد مغامراتي طااااااااااااير ابي اسوي حركات

وبوجهي وانا ادخل بالبقاله اللي بالحاره


وهو يقوم يمردغن السوداني ليما عفت روحي






تسلمين اختي السطامه على هالموضوع

وخلي بعض الاخوان يطلعون اللي ببطونهم





وخصوصا شنقل


وياويلوه اذا ماقال

والله لجيب انا







همسه في اذن المشرفه بنت النور ( يعنني اعرف اهمس )


ليه ماتجيبين مواقفتس؟؟

ولا علشانتس مشرفه مسويه ثقل


ههههههههه







وتقلدوا تحيتي
بـنـت النـور
27-08-2005, 19:53
همسه في اذن المشرفه بنت النور ( يعنني اعرف اهمس )


ليه ماتجيبين مواقفتس؟؟

ولا علشانتس مشرفه مسويه ثقل


ههههههههه

كثرانتن همساتكم هاليومين :)

وانت وش دخلك ياشبثوووه

قول اللي عندك من مواقف والا بنخلي شنقل يعلم عليك :)
wannat_7ezen
27-08-2005, 20:10
الاخت العزيزة / السطامة ....

اشكرك علي طرحك مثل هذا الموضوع الخفيف علي القلب حيث تذكرينا

بشقاوة طفولتنا سواء كانت حلوة اوغير حلوة بس الله يذكرك بالخير ذكرتيني

باشياء حلوة بس اسمحيلي مااقدر اقو لها لان فيها شطانة ... لاهنت ...
اخو سعدى
28-08-2005, 00:23
السطامه ..

موضوع حلووووووووووووو

مرررررررره كانت عندنا لصق حقت جروح الصغيره ( bandage )
وكنت انتظر يجيني جرح او خدش ولكن طولت السالفه .. ههه

المهم .. جبت امواس حلاقه .. وجرحت اصبعي .. هههههه
ولصقت عليها من اللصقه .. قمه الونااااااااااااااااسه
هههههههههههههههههههههههههههه

تصدقون عاد الجرح طول وكل يوم ضماد ههههههههههههههههه



اما ماضي الشبث وشنقل ... عندي ..
هههههههههههههههههههه

اللي يبي شئ منهم .. يعلمني بس ....
الشبث
28-08-2005, 00:35
قول اللي عندك من مواقف والا بنخلي شنقل يعلم عليك

اييييييييييييه انا اصلا كان عندي شك بانك فتاااااانه


وتحبين تفتنين بين الناس


بس هالمره فتنتي بسن انسان ( انا ) وبيد مخلوق فضائي ( شنقل )





اللي يبي شئ منهم .. يعلمني بس ....

اخو سعدى

خل ماك بسماك احسن لك

والله العظيم لجيب العيد


وافضح بك


ترن انسان لا ذمه ولا ضمير

خخخخخخخخ










همسه في اذن اللي يجي ولا يقول موقف ( كثرة همساتي )

ياخي السطامه ما نزلت هالموضوع علشان تذكركم بماضيكم الحلو

نزلت هالموضوع علشان تعلموننا بمواقفكم








وتقلدوا تحيتي
درداح
28-08-2005, 00:40
انا ودي اسوي موقف مابعد صار يالسطامه .... يعني طازج

ودي اسطر هاللي يقاله شبيثان لوه طراق واخلي عيونوه بعلباوه
وشنكر يكمل الباقي أو المحروم يخ يخ يخ أه أه أه
ضحكت عليتس :eek:
اخو سعدى
28-08-2005, 00:50
الشبث ..

ياجنيني .. تراني قالطن على تمايمك ..
لا وبعد القلطه الثانيه .. ههههههههههه


وبعد فيه شين ثاني .. هههههههههههههههههههههه
الشبث
28-08-2005, 01:06
ودي اسطر هاللي يقاله شبيثان لوه طراق واخلي عيونوه بعلباوه
وشنكر يكمل الباقي أو المحروم

درداحوووه

ليه تصطرن

طايحن لك انا


والله لعلم ابو سلطان


مهو تشوفن مسيكين وتحسب ماعندي والي




الشبث ..

ياجنيني .. تراني قالطن على تمايمك ..
لا وبعد القلطه الثانيه .. ههههههههههه


وبعد فيه شين ثاني .. هههههههههههههههههههههه

اخو سعدى

ياخي انا كنت العب بسيكل عشرين وانت على ابو ثلاث كفرات




خل عنك المهايط



لا تصير مثل درداح الفقر


هذا درداح يومهو صغير عطتوه دتوه علتس ماء ( حق العجز )

وقام يعلتس ونام وهو بفموه وبغا يذبحوه

لقوه نافخن نفاخه ومنفجره وسادتن نفسوه


خخخخخخخخخخ





وتقلدوا تحيتي
اخو سعدى
28-08-2005, 01:12
اخو سعدى

ياخي انا كنت العب بسيكل عشرين وانت على ابو ثلاث كفرات

ايه صادق .. قصدك الدباب اللي كان عندي ..
ابو ثلاث كفرات ...

ياعندي سالفتن تخصك .. حييييييييييل ... تخبر ..
هههههههههههههههههه
الشبث
28-08-2005, 01:53
ايه صادق .. قصدك الدباب اللي كان عندي ..
ابو ثلاث كفرات ...

ياعندي سالفتن تخصك .. حييييييييييل ... تخبر ..
هههههههههههههههههه

ياعلك ماتربح


وانا عندي لك سوالف خاصااااات


واذا لزم الامر الفق عليك سوالف





وتقلد تحيتي
شام
28-08-2005, 02:37
الأخت السطامة:
الموضوع خفيف ولذيذ وحلو ... لعل من أجمل ذكريات العمر ذكريات الطفولة والضحكات الصغار ... واللعب على سطوح الجيران ...
مشكورة أختي على هذا الطرح الرائع ... دمتي بكل الخير
فقط
28-08-2005, 02:42
الله ياهي مواقف تفطس ضحك لكن انا جايب لكم موقف غير
بعيد عن جو السياكل

اتذكر موقف قد صار لي

تخبرون من قبل كانت البيوت جرس عادي

وفي بيت باخر الحارة اصحابه من فلسطين
وكانت الام قشرررره ولسانها طويل و عصبية والظاهر انها مخفه ههههه

وكانت شمحوطة طول بعرض كانها مارد
فكنت انا مع مجموعة من خوياي
نحب اننا نستفزها وطلعها من طورها

كنت أنا ارسل احد اخوياي يدق الجرس ويهرب فلما تجي هي و تفتح الباب ما تشوف أحد
وتعصب ، وترعد ، وتسب ، وتلعن بنت اللذين
المهم استمرينا بهالحركة تقريبا خمس مرات او اكثر
جاء دوري بالاخير ادق الجرس
والا هي اتريها الملعونة تتربص لي وسامعه خطوات اقدامي
و قبل ما احط يدي على جرس الباب
الا هي ناشبه بحلقي
وقبل ما تسألني قلت لها مهوب
ناصر ناصر والله ناصر هو اللى يدق عليس الجرس
ولكن انا جاي قصدي اعطيك خبر عشان تعاقبين ناصرالولد الشقي ههههه <<< مسوي فيه بريء
امحق براءه المهم ان الحركة انطلت عليها ، وجلست تمدح فيني وفي اخلاقي وشهاامتى
عاد انا صدقت من يومها تأدبت <<< خايف تكفخه ههههههههخخخخ
ابو ســـــيف
28-08-2005, 04:45
ههههههههههههههههه

والله ياهي مولعه بين اخو سعدى والشبث...!! :)


مويضيعن حليل ...واسمحولي ابي اشارك..

اخبر به له سالفتن صارت منذ قديم الازمان..

هذا ياطويلين العمر والسلامه ...كنت طالب دافور بصف رابع جيم..

وقال المدير نبي نكرم الطلاب المجتهدين.. برحله لمزرعه بوسط له مخيم.... مادري المخيم بله وسط مزرعه :)

المهم .. لعبنا كوره وصيد ومكشوف وثلج ماء :)

... وخربنا وسوينا كل شي..


وقبل المغرب بشوي كنت اتمشى مع العيال... قالو نبي نتسابق..

قلت انا تعبان ومابي حيل طردي وركض..مابعيوني الا النومه ..مع العلم اني كنت اصغرهم..!!

.. جاء واحدً بصف سادس خبل قاطمن الوغدان كلهم .. ماحد يسوي شي مايبه الا ويتمردغه..


المهم خط له خط وقال ياله نبي نتسابق.. والله وهم يربطون ثيابهم العيال .. انا صغير ماعرف اربطه ... كومت ثوبي بالسروال..

وهي يجي العربجي ويحط رجله قدام الخط.. وحنا نحط رجلينا وراه تمهيدن لأنطلاق الماراثون..

وماحد قدر يقوله شين ابد... المشكله ماهي هينا...!؟

المشكله انه يتوعد يقول والله اللي يسبقن لاتوطى بطنووه..


يقول ابي اعد لثلاثه وننطلق... ويعد واحد .. ويركض وهو يركض يكمل عده.. وبعدين حنا ننطلق...... حكم القوي على الضعيف :)

المهم انا صرت اخرهم اهرول شوي شوي...

وعيوني يغمضن وانا اركض


شوي الا واحس شينن وراي...يتشمشم رجليي

والتفت وانا اركض الا .....


وسلووووقي ياكبرووووه ...

والله وانا ادعس .. واجيك طاير امشي الفين..

من بين العيال عقبتهم كلهم.. وملعون ابو الرقبه هاك السلوقي ورااي

وهو يزوغ عقلي...

المهم زبنت ومن الخوف سبقتهم كلهم وانا ادخل ببيت الشعر...

وقلبي يسمع ركضوووه اللي بالعراق :)


شوي واطلع من بيت الشعر الا والسلوقي ذالف..


اوفيييه والله وانا اتنفس الصعداء..

خذيت شوي الا ويجيني الخبل ... يقول ليش تسبقن ..!!


قلت لحقن لي تسلب ياكبر سنونه..

قال ماعلي منك انا قايلن لكم ياويل واحد يسبقن..

وهو يمسكن ومنين يوجعك.. :)


قلت ياحبيبي ياهك السلوقي والله انك ارحم منه..

يامار رجعت من الرحله ... متسحووت ومدبوب :)


واسمحولي على الاطاله.........!!
سيدة القـــــلم
28-08-2005, 05:54
يعطيكـ العافيــه يالسطامه.. على هالموضوع الرايــق..
:
:
بصراحه المواقف كثيره .. بس الي جااي ببالــي الحين موقف.. وبذكره لكم ..

يوم اني صغيّره كنت انبسـط برحلاتي لحايلــ قمه الوناسـه ..:055r:
بس الي ينغص علي.. ولد جيران خوالـــي ...

ملعون جــدفــ ... مايدانيني بعيشـه الله..:590r:
واسموه عزوز..

دووبي وكبير واسمـر وعيونه حمـــر .. وغثيث واقشــر ..وهدومــه دايم الدوم وسخه...:148r:
واذا شافنــي تقولــ شايف بليس الرجيــم ...:188r:

انواع التكفيــخ فينـي .. ومافي يوم الا يبكيني ثلاث اربــع مرات..
ويفعشــني وينتفــ شعــري .. ويكسر ظهــري من زود الرزح والرنــح..

ونا ضعيّفــه ماقوى عليــه..:192r:

وكلــ ماشكــي لأخوي .. يقولــي وش تبيني اسويه فيه هالبدووي ..؟!!
عاد اخوي دلووع وماهوب راعـي هوشات ومطاقق..
صرت ارشيــه بفلوس .. وكل يوم اقولــه عزوز معااي ريالين .. تبيهن ..؟!!
عاد هو مايبلش ياخذهن.. ومع ذلكـ يكفخني ويسطرنـي ...

يعني لا بكذاا سلمت من شره .. ولا بكذاا سلمت ..:408r:
والطق فيني .. فيني ..

الغريب ان بنات خالي معاي .. ومعنا بنات حارتهم .. ولايقولهن شي ..
وحاطن حمى حيلوه بــي اناا ..:rolleyes:

المهم..

بمــره من المرات بالصباح كنت رايحه للبقالــه ..

ويوم ابعدت عن البيت بشوي والتفت وراي الا اشوفــه ...:eek:
يوم شفته واهــج .. واركض عن حيلــي ...

هو يوم شافني اركض .. وبركض وراي ..عساه للهندري..

ودخلـ البقاله.. ونا خايفــه وابكــي ..
وكان راعي البقاله يماني .. ياحليلوه كاليماني..
قالـ وش فيكـ ...
قلت عزوز بيطقني .. ..
ويدخل علينا عزوز.. ويهاوشه اليماني ويطلع,,,
ويوم طلع وجلس احكي على اليماني معاناتـي مع هالخبلـ الدفش عزوز..:473r:
قالــ ولايهمكـ تعالي معي..

وياخذني من يدي.. ويرووح لأبو عزوز...:656:

قالـ له يابو عزوز شف لولدكـ مبهذلـ هالبنيّه..
وهو يشرح له معاناتي.. يعني قالها للشايب..
عاد انتم تعرفون الشيبان وخاصه الشمامره .. كيف يحشمون الجار .. ويقدرونه .. وخاصه اذا صار اجنبي..

قالــ الشايب ..
وخزيااااه ...:a:
وعيبااااه ...:a:
ولدنا يضرب هالاجنبيه...
انا ولد ابووي ....ويعض على لسانوه..
ويناااادي عزوز بعالي صوتووه ..
ياعزوووووووووووووووووووووووووووووووووووو ووووووووووووووووووووووز:c:
ويجي عزوز يركض ..
ويمسكه الشايب وبالعقالــ ويودنه تودين الين غداا مريسه..:147r:
عاد قالــي الشايب..
تعالي طقيه .. ..
وخوذي حقكـ منووه ..
وجي اطقوه .. بس مااش طقي مايعوره ..
واجي استخدم سلاحـــي الفتاكــ وهو ( العض)
ولله يااخوان اني اذكر عضيته مع عضده .. وحسيت ان اسناني تلاقت من قوي العضه ..كنت حاقده بالمره عليه وجتني الفرصــه..
عضيتوه بضمـــير وذمــه صراحه...
وعضيته مع كتفـه الين طلع دمــه ..
ومع رقبتوه ومع بطنوه ... ومع كل مكــان..
وحتى مع اذنووه ... ولله اني عضيتوه مع صرصور اذنوه ..

والشايب يقولــ ايه حيلتس بوه .. .. بالحيلــ .. ههاا .. اييييه بالحيلــ :thumb:

ومن يومهــا والولد متأدب معــي ولا يقرب لي ...
الين غيرو بيتـــهم ورحلــوو

بس ولله ياكنت حاقد عليه ...؟؟
لو يجيني الحين برضوو بعضووه .. الى الحين ونا حاقده عليه ..

هذاا الموقف الي جاء ببالي ...
واذا جاء ببالي ثاني ابرجع ...



ღ
ღ
ღ
تحياتي
سيـدة القـلـم
الشبث
28-08-2005, 19:32
مرتن من المرات كان اخو سعدى يحب بنت الجيران

طبعا هالحتسي يوم كان عمروه تسع سنين

وانا كان عمري خمس سنين

وكان يرسلني اعطي حبيبت القلب علوك وحلاو وكيك

وكنت انا ( بسم الله علي ) شقي بالمره هههههههه


وكنت اخذ هالغرضان ونتقاسمهن انا وشنقل


لين خربت بينهم والسبه هالحلاو






اخو سعدى ارسل شي دسم ثاني مره تراك امرضتنا بهالحلاو







وتقلدوا تحيتي
اخو سعدى
29-08-2005, 00:06
ايه منذو نعومه اصابعي ... ههه وانا رومنسي ..
شنقل
29-08-2005, 01:38
^
^
^
^
وش عندهم الشباب


يطلعون ملفات حوووووويل


<<<< لاتخلوني اتقلدكم

ياكثر المماسك عليكم

ياخو سعدى وشبيثاااااااااااااان
السطامة
29-08-2005, 03:20
----ثانكيووووووووو كثير ولكموووووووووو

ماشاء الله ردود كثيرة وتعليقات وموافق جميلة
انا عن نفسي استمتعت بالقراءة و المتابعة
وبما ان انا صاحبة المقال
فيتحتم علّي الرد على كل المشاركين والمشاركات

وبما ان الردود الان وصلت الى 18
فساكتفي با ذكر الاسماء مع تعليق بسيط
الشبث .. يسلمووووووو والله موقفك صعب كثبر ،،،
والحمد لله انها جاءت على كذا
مثل موقفك وقع فيه احد اقاربي وهو في الابتدائية
ولكن نتيجته اصتطدام
وسقوط السن الامامي من اسنانه
ولكن فطنته انقذته بحيث حمل السن معه ،،،
الى ان وصل للمستشفى تم اجراء اللازم
----
الشبث
29-08-2005, 03:21
ايه منذو نعومه اصابعي ... ههه وانا رومنسي ..

اما عاد رومنسي

ياعمي فكنا بالله


والله الرومنسيه يمين وانت يسار




ولا تخليني اجيب مواقف اكثر جديه





^
^
^
^
وش عندهم الشباب


يطلعون ملفات حوووووويل


<<<< لاتخلوني اتقلدكم

ياكثر المماسك عليكم

ياخو سعدى وشبيثاااااااااااااان


اقول انت محد يمك انت ووجهك هاللي تقل طاقية فيديو




لا تخليني اتلولس بفرتك





وتقلدوا تحيتي
السطامة
29-08-2005, 03:21
----

بنت النور ايمان قويدر ودرداح يسلموووو تشرفنا بك لكن اين مواقف الطفولة

؟!!!!!!!!!!!wannat_7ezen

اخو سعدى يسلموووووووو موقفك طريف جدا
وواقعي ايضا ،،، وينطبق عليه المثل (( من له حيله فليحتال))
والاطفال الى هذا الوقت يحبون لصقات الجروح ولا اعلم ما هو هذا السر ؟؟؟؟

الشبث وشنقل بلااااااااش فضايح استروا على ما واجهتوااااااا
----
السطامة
29-08-2005, 03:23
----




فقط و ابو سيف سيدة القلم


مواقف طفوليه ،،، فيها من البراءه الشيء الكثير
وهي مواقف لا تحسدون عليها والتصرف كان ايضا جميل

يسلموووووووووو
وانتظروووووووا مواقف السطامة غدا
ثنكيوووووووو


----
الشبث
29-08-2005, 03:28
على طاري المواقف يا اخوان

وعلى طاري اخو سعدى واخوه الاجهط ابن مره شنقل



مبطي يوم حنا وغدان

تخانقت انا وياهم علشان علتس

وانا اخذ العلتس واحطوه بافمي ( ابقهرهم )

والمشكله اني عندهم بالبيت

وهم يطبون علي هم واخوانهم

وانا لحيلي ( والله اني شجاع )


وهم يمردغوني وياخذون العلتس من افمي

وهم يقومون يلصقون العلك على شعري وينتفون

ليما رجعت لاهلي وبراسي صلعه

ويالله اخذلي شهر ليما نبت الشعر




وبس يطري علي موقف راح ادربيه لكم



وتقلدوا تحيتي
*.*
30-08-2005, 02:59
وتقول احداهن ايضا

مساء الخير عليكم

هذه مواقف مضحكة ومحرجة ، حصلت لاحدى الاخوات
وحبيت تشاركوني بالقراءه
[line]
قالت احداهن :
جانا ضيوف وجابو معهم هديه للمولود الجديد فكان ابني
يريد فتحها فقلت له اصبر حتى يذهبو الضيوف صار يدخل
ويطلع لما مل الولد من الانتظار دخل وقال بصوت مرتفع
خلاص ابقتحها شكلهم بينامون عندنا



[line]


وقالت اخرى :

ذهبنا زيارة لعمات زوجي وحده منهم كبيره في السن
قلت لولدي حب راسها فرفض وقال ريحة راسها شينه
يقصد ريحة الحنه شوفوا الاحراج اللي صار لي
[line]

وقالت احداهن ايضا :
زوجي كان عنده ضيوف على العشاء وحطيت العشاء كله لهم
وكان ولدي يبي يتعشى قلت له اذا خلصو الرجال بنتعشى
رحت اصلح لهم الشاي وهو دخل على الضيوف وقال لهم
لا تخلصون العشاء لانه بنتعشى انا وامي بعدكم
شوفو وجه ابوه وقتها
[line]
اثابك الله يالسطامة
مع خالص شكري وتقديري
المطنوخ
30-08-2005, 14:54
براءه طفوليه يالسطامه ها؟؟:)

الا فضايح طفوليه

واما عن نفسي

بسنة 1928 م:)

كنت بالمتوسطه وكنت ممثل على مستوى عالمي بالتميرض

وكل يوم عند المدير مسوي نفسي مريض ويعطيني اجازه طول اليوم واطلع من المدرسه على اساس ان اخوي ينطرني برى :)

الوكاد وهكاليوم بعد مازادت امراضي وكل يوم وانا اتلوى عند المدير تقل شايب ابوتسعين سنه

قال خلاص كم رقم بيتكم ((الله حق بلشت بس الشكوى لله))

واعطيه

وهو يدق ليا والله دق على اقشر اخواني الكبار

وهو يجي اخوي وهو يزخن يم المستشفى

وبلشت صدز يعني لازم اكمل الفيلم عند الدكاتره

واقعد امثل عليهم وهم يعطونن ادويه وعلاجات

الوكاد يوم وصلت للبيت وهو يحرص اخوي اني اكلهم((تقل يدري)):)

ماقعدت اربع ساعات الا وصدز ناقليني للمستشفى:)

شوووكريااااااتي سطامه على الموضوع الراااايق
الشبث
31-08-2005, 03:42
براءه طفوليه يالسطامه ها؟؟

الا فضايح طفوليه

واما عن نفسي

بسنة 1928 م

كنت بالمتوسطه وكنت ممثل على مستوى عالمي بالتميرض

وكل يوم عند المدير مسوي نفسي مريض ويعطيني اجازه طول اليوم واطلع من المدرسه على اساس ان اخوي ينطرني برى

الوكاد وهكاليوم بعد مازادت امراضي وكل يوم وانا اتلوى عند المدير تقل شايب ابوتسعين سنه

قال خلاص كم رقم بيتكم ((الله حق بلشت بس الشكوى لله))

واعطيه

وهو يدق ليا والله دق على اقشر اخواني الكبار

وهو يجي اخوي وهو يزخن يم المستشفى

وبلشت صدز يعني لازم اكمل الفيلم عند الدكاتره

واقعد امثل عليهم وهم يعطونن ادويه وعلاجات

الوكاد يوم وصلت للبيت وهو يحرص اخوي اني اكلهم((تقل يدري))

ماقعدت اربع ساعات الا وصدز ناقليني للمستشفى

شوووكريااااااتي سطامه على الموضوع

ول

شف هاللي عربده وجابه يدربيه


ياشين منت مستحي من روحك يوم تقول بالمتوسطه


لعنبو بليسك اهل المتوسطه شيبان

اخبر اول يوم حنا بلمتوسطه نتسالم حنا والمدرسين سلام عرف

وبنات المتوسطه اللي جنبنا يتغشن عننا





قل سوالف طفوليه ولا لا تقوم تهلس



هههههههه






وتقلد تحيتي
عبدالعزيز
04-09-2005, 04:42
^
^
والله من اللقافة تسان انا اعرف:)
السطامة
05-09-2005, 00:04
عبدالعزيز, سلمان النبهان, اخو سعدى, هلا والله وغلا, شموخ, نبراااس, الريم, ((الذيب)), شنقل, الــمـحـروووم, بو رائد, الشبث, منيره, المطنوخ, بـنـت النـور, *.*, خالد فراج الشمري, فقط, درداح, سيدة القـــــلم, ايمان قويدر, ابو ســـــيف, الزقروطي-, wannat_7ezen, قيصر العرب, أريام


يسلمووووووووووو جميعا
وثانكيووووووو للمشاركة والتفاعل والاطلاع

زورونا مره ثانيه

بااااااي
هـــلا
05-09-2005, 07:47
السطامة

تسلمين على هالمواضيع الرايقة

بصراحة بطني عورني من الضحك

عاد أنا بذكر لكم موقف لي وأنا صغيرة

= = = = = = =

أنا من صغير ماني راعية مشاكل

يعني أباري الساس مو خوف قد ماهوا إني راعية بال رايق

كنت أنا وعيال خالي أصدقاء وخبال

كان الكبير يضرب الصغير والصغير ما يقوى يضرب اخوه وش يسوي؟؟

يجي يضربني أنا

وأنا بس أصيح ياحيل الله

المهم إن الأمر تطور وصار حتى الكبير يستقوي علي

عاد ما يضربني كره فيني هو مزحة ثقيل الله يصلحة

يعني يمر من جمبي ويجر شعري لحد ما يطلع بيده كم خصلة

أو أنه إذا مريت يخطرف لي

أو إنه يبرك علي وأنا ما فيني حال نحيفة

وأنا ما أبي ادخل معه في هوشة لأنة كبير بالنسبة لي

أخاف أضربة يسطرني

ذاك اليوم خلاص نفذ صبري

إلا متى وأنا أسكت إذا ظربني وإلا تعدى علي

ذاك اليوم كنت جالسة بمجلس الرجال ما كان فيه أحد وتوهم طالعين وكان فيه الشاهي والقهوة والفناجيل وأنا جالسة ألعب بالزقاير الموجودة بالطفاية عقبهم (عبثة)

جاني زي عادته يتميلح

وظربني وقعد

نسيت أقولكم طبع أهلي

إذا جيت أشتكي يقولون تذابحوا ولا أحد يجي يشكي

حنا إذا شفنا الدم وصل عندنا قمنا نشوف وش السالفة

نرجع حق محور حديثنا

بعد ما ضربني الأخ الفاضل

قمت وبكل هدوء شلت الفناجيل اللي في الصينية وحطيتهم على جمب

وشلت صينية معدن خفيفة ورفعتها ووقفت جمب الباب ( أسرع للهجة )

وأخبطة على راسة هاك الخبطة وأركض وأتغبى جمب أمي

إذا فيه خير يمد يدة الحين

ولا تحركت من جمبها لحد ما رحنا بيتنا

والحمدلله عدت على خير

يوم جيناهم الخميس اللي عقبة وإذا هو ناسي سالفة الخبطة

ورجعنا أصدقاء

= = = = = = =

تصدقون الحين يوم كبرنا لا جلسنا نتذكر هالسوالف

والله إن مرت خالي تهاوشني تقول شلون قوى قلبك بالصينية على راس ولدي

بلاه ولدك ياخالة ثقيل دم الله يصلحة

أتمنى ما أكون طولت عليكم بسالفتي
الـمـحـروووم
05-09-2005, 12:29
على طاري المواقف


مره من المرات وأنا بصف رابع

قال لي أبوي رح ناد جارنا للقهوة
ورحت يمهم
وحصلت زر الجرس مكسور
وجلست أفكر وشلون أدق الجرس
خايف من لا يصعقن الكهرباء
وأنا أفكر شفت مسمار طايح بالقاع
وأنا أخذ المسمار وأحطه بالجرس :eek:
وما وعيت إلا جارنا يصب على رأسي ماء
زود الطين بله


ــــــــــــــــــــــــــــــــــــــــ ــــــــــــــــــ


مره جاء واحد موذي يسأل عن عمي
وقلت لعمي فلان عند الباب يسأل عنك
قال قله نايم أو ماهو موجود


جيت عنده وقلت عمي يقول إنه
نايم أو ماهو موجود:):)
تعاليل
05-09-2005, 12:57
أبوووووو سيف ...
الله يعطيك العافيه ...
يـــــــــــــــــا أنا متت من الضحك... على سالفتك
هههههههههههههههه متـــسحووووووت ومدبوب ..








تعاليل
تعاليل
05-09-2005, 13:23
أمممممممممممممم

ســــــــــــوالفي كثيره يومني صغيره .. وصراحه
كنت حيل قشـــــــــــــــراء ... بس السبب
كان إننا كنا ثلاث خوات بنات ... وباقي عيال الحاره كلهم صبيان
فتقدرون تقولون .. إننا أخذنا طبع العيال .. بطفولتنا << للحين بعد :)

المهم بلا طول سيره ... مره من المرات
كنــــــــا نلعب كره قدم .... <<< الأخت كانت الهداف حق الفريق
وكان بالفريق اللي انا كبتنوه .. معانا لنا ولد بليه .. دب(ن) ياكبروه ..

يالله يركض كنا نحطوه الحارس ... مابوه حيل يركض ..
المهم أخبر هاك اللعبه بالذات كنا قايلين الفريق اللي يخسر ..
يشتري أيسكريم أبو نص للفريق الثاني <<< شف الرهان وشو بس

ولعبــــــــــــنا طبعاً بدون حــــــــــكم .. على كيفنا ..
وآخـــــــر شئ ومهو لك يجي الفريق الثاني ويسجلون علينا هدف
وأنا ازعل .... وأروح للبيت ... وأشلع هـــــــوز دبة الغــاز ...
تعرفونوه ... اللي يجي ساعات ازرق وساعات حمر .. قوي ويوجع
وانا أفزع العيال اللي كانو معاي بالفريق ... وهم يمسكون هاك الدب
اللي كان سبب بخسارتنا .. وهم يسدحونوه ... واظربوه ظرب .. لين
ما أودعت جلدوه أزرق ... والله إني كفرت بوه .. <<< كنت منقهره حيل

والله وهو يملص ويروح يعلم أخوانوه الكبار .. وانا اشلع للبيت ..
واسبوع ما طلعت من البيت خايفتن منهم ... بس أفتح الباب أويق منوه
ويا شفت حدى أخوانوه .. اتسفت بالبيت واسكر ..

الحين يا صدفت وشفت هالولد هذا .. امووووووت من الضحك
اقووووووووول يا قوووم يا بعض الناس صايرين رجاجيل .. وانا اللي
كفختهم لين اودعت جلدهم ازرق ...

تعاليل
عيون السروق
05-09-2005, 16:43
مشكوره السطامه على هالموضوع ،،


ياعيال ابي اقولكم سالفه بس ماهو تمسكونه علي ،، :c:



سنتن من هاك السنين كان عندنا مناسبه كبيره ،،


وكان عندنا ناسن اجناب ،، وتخبرون الوغدان كانوا داخل عند الحريم عشان مايفضحوننا ،،


عاد انا كنت اكبرهم هاك الحين ،، وتون لابسن شماغ يعني بالحتسي غادين رجل ،، :)


الوكاد وهو يجينن ابوي وقال ولدي ياسرقان قلت ياعونك يايووووبه ،،


(( متأثر بمسلسل جواهر )) :)


قال خلك عند وجار النار ولحد يجي الدلال من الوغدان لاينثرون الدلال ،، قلت ابشر يووووووووبه


مالكم بالطويله وانا اقعد عند الدلال احرسهن مثل مايحرس الطير البعارين ((( انا قايل انك من ربع

الشيخ يووووبه )) وشو طير ويحرس البعارين ،، :232r:


وانا اقول انا ليه ما اقلط الدلال يم النار غديهن يصرن حارات ولايبردن وهاك الحين علينا شمالية

تكصم الوجه ،، :359r:


عاد انا يعني تسبير وادير الامور بحنكه وانا امسك الملقاط ابي احرك بوه الدلال وانا انثر الدله الاولى

وهي تخبط اللي وراه واللي وراه وهي تغديلكم تقل بلنا محرقه يادافع البلا من كثر الدخنه ،، :eek:

وهم يشوفنن اخواني الكبار وانا احط رجلي وانا اهرب (( لكن مالي بالطيب نصيب )) قضبونن وهم

يدبونن :629r: ويمردغونن :507r: وانا ابتسي واعيط :106r: لكن ماكسرت خاطرهم ،،

الوكاد وهم عاد يدمدمون السالفه ويصلحون لهم قهوه ،، وابوي ماقال لي شين ،، ويوم راحوا

الرجال وهو يصوت لي ابوي ،، (( عاد هنيه ماقلت لوه يوووووبه )) لاني داري انوه يبي يدبن :g:

وهو يخسخسن بالكلام (( ليته دابن ولا قال لي هالكلام )) ،،

وهو يقول والله ان شفتك عند الرجال لا اسوي واسوي ،، :590r:

اندزلع عند امك لين ننظر في امرك (( يعني اما تغدي رجل والا مالك مقعاد عندي )) :g:


ومن يومه وانا اتعلم ولله الحمد نجحت بالاختبار عند ابوي ،، ورديت وقلت لوه سم

يووووووبه ،، :238r:



استروا ماواجهتوا ،، :)




ودمتم،،،،،،،،،،،،
روح أبـــوهــــا
06-09-2005, 07:25
صبااااااااااااح الخير

اولا مشكوووووووووره السطامه على هالموضوع اللي اروع من رائع http://smilies.sofrayt.com/%5E/g0/claps.gif

ومن ينسى الطفوله وشقاوتها يازينها والله ليتها ترجع كان لعبت أكثر من اللي لعبته http://smilies.sofrayt.com/%5E/f/jumping.gifhttp://smilies.sofrayt.com/%5E/f/scatter.gif


انا داايم يحظرني هالموقف اذا اجتمعت مع صاحبته " بنيت عمي " وكل ماشفتها والا تعكر مزاجها قلتها لها تذكرين ********** عااد يتغير الجو لاخر وناسه



ودكم تعرفون وش هاللي مشفر بقولكم بس بليز بدون ضحك تراني :ezpi_blus:ezpi_blus


*الابطال انا وبنت عمي :656:
*الحدث ديرتنا في حايل وبالتحديد مزرعت عمي
*الزمن وقت ربيع وامطار
*عمر الابطال مايتعدون الخمس سنين
*السالفه من اولها
انا وبنت عمي نحب بس ندووج بهالمزرعه يوم حنا وغادين ونحب الارض وريحت المزرعه بعد المطر
عاد طرت على بالنا فكره يوم جينا نبي ننام
اشتهنا ريحت التراب قلنا بتالي الليل من يبي يروح المزرعه يشم ريحته
وش رايتس " مدري من اللي قالها والله بس الاكيد وحده من هالثنين "
بكرا الضحى نروح المزرعه نأكل ترااب http://smilies.sofrayt.com/%5E/4/jawdown.gifhttp://smilies.sofrayt.com/%5E/4/eek.gifhttp://smilies.sofrayt.com/%5E/4/eek2.gif
لا تستغربوون ولا تتعجبوون بقولكم الدوافع والاسباب
اولا نحب ريحت التراب
وثانيا نشووف هالناس يشربون دزروه من الشيخ فيها تراب
وثالثا سامعات معلومه تقول أننا مخلوقين من تراب <<العقل الباطني تبعي وتبعها اذا عادي نأكل ترااب
اتمنى تكوونون فهتموا الاسباب بالعقل الوغدانيhttp://smilies.sofrayt.com/%5E/8/superbiggrin.gifhttp://smilies.sofrayt.com/%5E/8/superbiggrin.gifhttp://smilies.sofrayt.com/%5E/8/superbiggrin.gifhttp://smilies.sofrayt.com/%5E/8/superbiggrin.gif
المهم نمنا وصحينا من الصبح وبعد الفطور رحنا المزرعه كما هو مخطط له http://smilies.sofrayt.com/%5E/r/goofy.gif
ومعنا عدتنا اللي هي صحن وملعقين
ودخلنا المزرعه ورحنا مو لحي الله تراب لازم ماركهhttp://smilies.sofrayt.com/%5E/r/hyper.gif http://smilies.sofrayt.com/%5E/r/giggles.gif
رحنا للتراب اللي حول النعناع واخذنا الكميه اللي تكفينا وبعدها رحنا يم والله مدري هو بير مدر ي برتسه المهم انه الماء اللي يسقون منه المزرعه
وحطينا على ترابنا ماء صااااااااااااااااااااااااار شكله رووعه http://smilies.sofrayt.com/%5E/r/content.gif
أحمر وريحته تهبل http://smilies.sofrayt.com/%5E/w/thumbs.gif
وهااااتي يأكل خلصنا الصحن كلوووووووووووووووووووه http://smilies.sofrayt.com/%5E/f/pasm2.gif<<عوافي على تسبودنا

الحمد لله ماصاربنا حصوى للحين عايشاات وبخير وستين نعمه
بس والله مره وحده ولا عدنااها

هاه وش رايكم ماكنا نفكر قبل لا نخطط لاي شي http://smilies.sofrayt.com/%5E/r/auskosten.gif<<<الحمد لله من صغرها عاقله
أتمنى سويلفتي عجبتكم واتكوون وجبه خفيفه على قلوبكم مثل ترابناhttp://smilies.sofrayt.com/%5E/r/giggles.gif

وتحيااتي للجميع
روح أبـــوهــــا
عبدالعزيز
06-09-2005, 15:49
^
^
لله في خلقه شؤون !! ....... تراب عاد ؟؟!! ومن زود التلذذ ياكلنه بملاعق بعد ياعينييييييييييي .... الله يعين عيالكن عليكن انتي وبنت عمتس مواريكن باينة من وانتن صغار:)


وهذا ياطويلين العمر والبقا وخالد السلامة وسلامة العبدالله ومن يسمع جارنا هكا الحين "قبل عشرين سنة بالظبط" ينقال له ابوبدر ..
ابوبدر هذا فات مع بابنا العصر برمضان الا على طلعة بابي .. وهم يتسالمون بوسط الشارع وكلمه بكلمه والا تماسكو باليدين وكلٍ يبي يطرح الثاني (يتمازحون) ...
أخيكم في الله اللي هو انا بهاللحضة ودزت مع الباب ولا ابوي والجار متماسكين يتخانقون وهي ترى النور ولأول مرة شياطيني عليه وانا عند الباب واقول "وخررررررررر عن ابووووووووووي وخررررر" والا ماش الرجال معطينن الخامس وانا اقعد افحط بمكاني واديور طبلوني للبيت ادور شي.ن اغدينن الزخوه بوه .. وهي تطيح عيني على المكنسة الصغيرة اليدوية :puzzled:
وانكس لمهم والالهالحين متماسكين ومدنقين ولاتطيح عيني الا على صلجة ابوبدر وانا اطبز عليهم بغفلة.ن منهم واصنّوه والا هو يجعر من الوجع :)
وخذ ياتلزيخ من الشايب لي "هذا وانا فازع.ن له:c:" وابوبدر يحلف عليه ويقول والله ماتلمسه ومالبلا بابوي ولا ابوبدر البلا والله يوم صلينا المغرب بالمسجد وطلعت منوه والا هذي سرية ابوبدر المتكونه من عياله الاربعة يتحرونن على احر من الجمر براس الشارع ودقونن هكا الدقة اللي ماانساه لليوم .

على الله تفهمون المفردات قبل ماتعجبكم السالفة:)
شموخ
06-09-2005, 16:53
صراحه مواقف تضحك وخاصة موقف روح ابوها وعلى قولت عزوز من زود التلذذ بملاعق :)

عزوز
فهمنا المفردات واعجبنا موقفك عاد برمضان هذا والشياطين مصفده عند البشر الظاهر عندك ماتصفدت زين اللي ماانصرع عليكم الشويب من الجوع والضربه اللي جته :112r::112r:

تحياتي للجميع
شموخ
روح أبـــوهــــا
06-09-2005, 19:04
^
^
لله في خلقه شؤون !! ....... تراب عاد ؟؟!! ومن زود التلذذ ياكلنه بملاعق بعد ياعينييييييييييي .... الله يعين عيالكن عليكن انتي وبنت عمتس مواريكن باينة من وانتن صغار:)




أنت بس جربه والله الا تعوده وتصير وجبتك المفضله



عين الله خير ابوك من فزعتك لوه

الحمد لله طلعتك بالسلامه بأقل الخساير
بـنـت النـور
06-09-2005, 20:02
يعطيكم العافيه

بس موقف روح ابوها هههههه صحون وملاعق :147r:

يعطيتس العافيه ياروح ابوها :)

واكيد عندتس مواقف اكثر :d:

عزووووز الحمدلله على سلامه ابوبدر :)

ماقصروا عياله خذو بثارهم منك :112r: