طلب مساعده

[تواصيف]

بسم الله الرحمن الرحيم
يسعد مساكم اجمعين
اتمنى مساعدتكم ياطويلين العمر ولا عليكم امر
بسال عن قصيده للاسف ماني حافظتها كلها وعندي بس بيتين اتمنى اللي يعرفها
ويعرف من قائلها وهل هو من شمر ومتى انقالت هالقصيده
وللى يساعدني له الف شكر وماتقصرون
القصيده حسب مافهمت بحروف الهجاء يعني كل حرف وعليه بيت شعر
بعدد الحروف تكون الا ابيات
وهل عبد الغالبين سالم هو من قالها ام لا
القصيده مطلعها:
الالف اولف على مالاح لى// بيوت بهن للفاهمين ارباح
البا بديت بقيلهن واعجبني//وهيضت مابالصدر ثم انباح
التا ترى كثرة جوابك يملهك//والصمت عزلك تكون شناح
والثا ثبات العقل ميزان الفتى//ترى الفتى ياماج عقله راح
اتمنى اللي يعرف القصيده ينورنا بها وعن من كتبها ومتي ولكم الف الشكر
تحياتي للجميع
اختكم اخت حاتم

[شريف روما]

كنت اتمنى اني اقدر اساعدج
لكن للاسف مااعرف القصيدة
انطري الشباب
وراح يجيبونه ان شاء الله

[خلـيف الجهيلي]

اختي العزيزه /

اخت حاتم

.

.

القصيده للشاعر / محمد عبدالله القاضي

وهي قصيده الفيه

وموجوده عندي كامله

بس اصبري علي كم يوم لاني ماني مستقر حاليا

تقبلي تحياتي

اخوووووووك

خليف الجهيلي

[سلطان الشمري]

هلا وغلا بأختنا الغاليه


هذي مكانه عند راعي الوقيد :)


وابو عبدالكريم ماقصر

[الصيرمي]

وانا اقول هاذي الفيه العوني:)

ومن دون حق هههههه

تحياتي:)

[سيدة القـــــلم]

كـــان مانيب واهمــه اني قريت هالقصيده بمضيف القصه والقصيده..
..
:
:
:
تحياتي
سيدة القلم

[احمد الهاجرى]

الموضوع عند خليف الجهيلي


ولاقصر جزاه الله الف خير

[الضيق]

وين الجهيلي

[تواصيف]

هلا يالزقروطي
تسلم على المرور

[تواصيف]

هلا اخوي خليف
تسلم والله ابشر ننتظر ولا يهمك تامر امر
تحياتي لك

[تواصيف]

هلا اخوي نبراس تسلم على المرور الكريم

[عبدالعزيز]

نُقل لذوي الإختصاص في مضيف القصة من قبلي وأنتظر مع الأخت عودة اخينا خليف بالمعلومات:thumb:

[تواصيف]

هلا اخوي الصيرمي تسلم على المرور

[تواصيف]

هلا اختي سيده القلم
تسلمين على المرور ماقصرتي

[راعي الوقيد]

مادام الدعوى وصلت لذوي الإختصاص:)

اجل ابشري يا أخت حاتم بالخير ،،،

لكن ترى فيه بعض الكلمات غير واضحة << شريط عندي قديم والصوت غير واضح ،،،

إستلمي الألفية والله ما ادري عاد هي للعوني او هي للقاضي:)


الف اولف من حلا ما لاح لي = ابني بيوت بهن للفاهمين ارباحي

والباء بديت بذكرهن واعجبني = اكن ما بالصدر ثم ينباحي

والتاء ترى كثرة جوابك تملهك = الصمت له حزة يكون سلاحي

والثاء ثبات العقل ميزان الفتى = تر الفتى لا خف عقله راحي

والجيم جرات الشر بينات الملا = لا تصير للشر جرار ملواحي

والحاء ليا حل القضاء من عاقل = افصل ........ الإصلاحي

والخاء خيار الرجال رجل عاقل = مع المراجل مجهد منصاحي

والدال دل النفس عنه هماته = تروا هماته ترّث الإفضاحي

والذال تذليل العدو معزه = والسيف يحنى للعدو ذباحي

والراء الرياسة هي عمود المرجلة = والليث ما ينطح بغير سلاحي

والزاء زمانك لا عصى طاوع معه = بلكي يجي من الرب الإله افتاحي

والسين سدك لاتودع به النساء = تصبح مثل مكسورة الجناحي

والشين شورك لا يفاخت راسك = تروه اخير لك من الصديق الصاحي

والصاد صادق من لبوك وجدك = وباقي الملا ييزيك منه اصفاحي

والضاد ضدك لا ضحك إضحك معه = وقلبك يشادي .... الصماحي

والطاء طلبك حاجة مقلولة = خص اليا صارت مع الاشحاحي

والظاء ظيوفك ليا لفوا رحب بهم = وعجل قراهم فن نيرك راحي

والعين عاون من بلي بالمظلمة = لو بالجواب .... ولفاحي

والغين غن لمن عنى لك واكرمه = تراه هاقين بك هقوة الإفلاحي

واللام لابد للنفوس من الفناء = ولابد يجيها قابض الأرواحي

والميم مالك إلا ماكتب الله لك = وهو مكتوب لك بالألواحي

والنون نيتك التي في قلبك = تسري وتقضب لك المصباحي

والواو وسيع الوجه بالك تقربه = ترى وسيع الوجه لك فضاحي

.... صلوا على النبي محمد = عدد ماناض برق وسال بطاحي

والسين سدك لاتـودع بـه النسـاء ** تصبح مثـل مكسـورة الجناحـي
:):)
ومشكورة اختي لمنحنا الفرصة في تقديم خدمة لأحد الأعضاء الأعزاء ،،،

تحيتــــــــي وسلااااااااامي ...
..

[تواصيف]

هلا اخوي احمد شكرا على المرور الكريم

[تواصيف]

هلا اخوي الضيق تسلم على المرور

[تواصيف]

هلا اخوي عبد العزيز تامر امر
تسلم على الاهتمام
تحياتي

[تواصيف]

تسلم اخوي راعي الوقيد
ماقصرت
تمياتي لك بدوام التوفيق
تحياتي