ياأهل المضايف على طاريه من هو (ساري الليل)؟؟؟؟؟

[((بعيدالنظر))]

نأسف عن طووول الغياااب أيها الأحبه .
وهانحن نعود بكل الحب للجميع .
ساري الليل تعااال..
لك عندي محراف .

من بعد غيبه سلام الله سلامِ يشبه السيل=في قدر شمّر وشمّر في مضايفها مقيمه

ياأهل المضايف نبي نعرف حكاية(ساري الليل)=قاري لي كتاب عن طاريه في قصه قديمه

[حمود الشمري]

حياك الله بعيد النظر

وساري بديت معه طاروق جديد وظنك شفته

وكنت اتمنا اجلته بعد ماتنتهي محاورتي معاه

ونترك الامر الى ساري الليل

[ساري^الليل]

هلا و مرحبا فيك يا بعيد النظر

عادي حنا في منتدى يعني نقدر على محاورتين في وقت واحد الأمر فيه شوية سعة أخوي حمود


استلم أخوي بعيد النظر


من بعد غيبه هلا بك يا هلا والله بالحيل = في دار تكرم هل المعروف و اخلاق عظيمة
إن كان تبغى الحكاية هات لك مكيال و نكيل = و المعرفة كنز يا ابن الناس والصحبة سليمة

[((بعيدالنظر))]

دام البقا يامرحب عد حب البن والهيل=وأعداد مايفرح الغرّام في شوفة غريمه

أنا معك والمواقف تعجب أهل السيف والخيل=لاتخرج العلم من دون الدروب المستقيمه

[ساري^الليل]

مدري بعيد النظر يبغى مجالسنا فناجيل = ما بان لي منه غير علوم ظاهرها حشيمة
انا معك يا طويل العمر في عزم الحلاحيل = و النفس تتطرب ليا لقيت لها نفس حليمة

[((بعيدالنظر))]

ياساري الليل وش تظهر من صدور الرياجيل=ماقصدي أظلمك وأنت بخير ماجايك ظليمه

مادام قلبك معي عطني علوم النجم ابو ذيل=من وين مبداه لجل الخصم يبدى مع خصيمه

[ساري^الليل]

الله عليم بما تخفيه في صدرك من الميل = و أنا لي الظاهر وبالظاهر أحكم كل شيمة
أصبر علينا يلين يبين تقرير التحاليل = و النجم ما نعرفه لو كان له بيت و خيمة

[سلطان الشمري]

عاشوا ../ القدعان :)


خلوني بالصف اتعلم

[((بعيدالنظر))]

الميل ماهو بصدري لاتجينا بالتهاويل=والغيب ماقلت هاته خابرك ما أنت بعليمه
حنا نشدنا عن النجم وعطيناك الدرابيل=من شان تكشف به المطلوب وتجيب الوسيمه

[((بعيدالنظر))]

نبرااس

تراني ما أ ........... لكن حياك في مضيافك وخلك بصف رفيزك لاتجي بصفي ..

يمكن اطلبك في قاااف حامي

[ساري^الليل]

ما قلت بالصدر شي وذي تخيلك تخاييل = و الله عليم بنفسك مؤمنه و الا سقيمة
لا تاكل التمر بالثنتين و تضيع المعاميل = لازم بعيد النظر خطط لتنفيذ الجريمه

[ساري^الليل]

يبي يأذن المغرب عندنا الحين مير الوعد بالليل يا بعيد النظر

[سلطان الشمري]

لاتطلبن انت بالذات ولا تقّرب لي


لأني ../ أ ....


بس عاد انا اشجعك ../ :)

[((بعيدالنظر))]

ساري الليل / سلمت يالغالي
والصلاه أهم من المحاوره . الله يحفظك ويتقبل منا ومنك


ياساري الليل مايتخيلون ألا المهابيل=ما أنته برب البشر وإيماننا ربك يديمه

أنا ليا ثوّر الميدان حاسب للتفاصيل=أما الخطط حاضره والسبع مايصبح بهيمه

[((بعيدالنظر))]

نبراااس تراهااااا واصله لاتزوّدها

لاتعلق على المحاورات اللي أنا بادعهن :d:

ولا تران شاكيك على الإداره :242r:

[الأصيل]

يسلموووووووووووو الشعااااار


الدخااان واااصل للمضيف الرياضي:d:










الليله صيفنا بالمضايف ... أحلى:thumb:









نبراااس

ترا العرابي جايك جايك

انطح عن رويحتك :315r:

[سرحــان]

السلام عليكم

واسعد الله مساكم

بعيد النظر.....................ساري الليل



معكم بالصف متابع لبداعكم لاعدمناكم


تحياتي

سرحان

[خالد الشمري]

يعطيكم العافيه وما قصرتو ومشكور يابعيد النظر

[المشعل]

الله الله

تابعو تابعو

[الاصمعي]

الا يا ربي وانا داخلٍ عليك

وهذي بعد البارح!

بس أشوى هذي ما بعد خلصت ونبي نقضب صف ساري الليل إغديه يتعب العرابي قبل نتلولس بحلقه:)

أنتم مبدعين وإنحن متابعين:thumb:

يعطيكم العافية

تحياتي

[ساري^الليل]

أخوي بعيد النظر لقد ساءني أني لم أستطع الحضور لأكمال المحاورة و كم فاتت لي فرصة لأقابل أستاذ كبير ولكن الحضر العاثر و ظروف السفر حالت بيني و بين ذلك


أتمنى أن أقابل في محاورة بأقرب فرصة لأني من زمان أتمنى أن أحاورك فهي فرصة كبيرة لمقابلة الشعراء الكبار أمثالك أكرر الأسف على غيابي الخارج عن إرادتي





أخوك ساري الليل