المساعد الشخصي الرقمي

مشاهدة النسخة كاملة : محمد المهاد وبناخيه بندر الطلال !!!



محمدالشمري
23-06-2005, 15:04
بعد التشجيع وشحن البطاريه من الصيرمي وراعي الوقيد راح أصير راويه في هذا المضيف بس ترى
ابو فيصل يتحمل المسئولية في كل ما اروي ..
راح أطلع هالأجازة منك يا بو فيصل .

أحد هالشيبان عسى الله يطول بأعمارهم يحفظ كثير من القصص والأشعار ، وأحب أجلس معه بين فتره والثانية وأدغفه لين يطلع اللي بطنه ، وقالي ها السالفه :

بعد أن تصالح الأمير محمد العبدالله مع بناخيه بندر الطلال رجع محمد لحايل ، وصار أمير على الحاج
وتخاوى هو وحمود العبيد مثل خوت ابهاتهم عبدالله وعبيد ، وبعد فترة خرج بندر من حايل للصيد فالتقى في طريقه بعمه محمد وكان مع محمد عرب من الظفير وكان بندر ما يود الظفير ، وكان محمد تقل مصوبه رجله ، فقاله بندر وشهم اللي معاك ؟ فرد محمد الظفير محملين حمل بحملين لحايل فرد بندر غاضب وهو من على فرسه : ومنهو بوجهه الظفير ؟ فرد محمد بوجهي يابندر فازداد غضب بندر وقال هو لك وجه جاين الظفير بهذا فقاله محمد أجل بوجهك يابندر وكان الغضب واضح على محمد فأدار فرسه بندر بغضب وكأنه غير راضي على عمه محمد الذي لم يتحمل ذلك فقمز ( اي طمر أو قفز ) وهو مصاب على فرس بندر واسقط بندر على الأرض وطعنه طعنة مميته .
كل هذا يالربع ويالربعات على قولت العود ابوغازي لم تشد أنتباهي كثر ما شد أنتباهي كلمة بندر الطلال لعمه محمد وهو ينازع الموت تدرون وش قال لعمه :
(( كزن يا عمي لا ملي هدومك )) .
عزاه يا جماعه كم كانت تلك الكلمه مؤثرة ، ولكنها ليست بغريبه على أمراء من قبيلة شمر .

أرجو المعذرة أن كان هناك شيء مفقود بهذه القصة ، فلقد سمعتها من أحد الشيبان منذ مبطي
على قولة ابو سلطان وقد يفوتني شيء منها .
وتقبلوا خالص الود

المطنوخ
23-06-2005, 15:28
هييييه
مانقول الا عسى الله يرحمهم

وشوهالزين يامحمد

لاتاكل الجو علينا :)

تسلم يالطربه

راعي الوقيد
23-06-2005, 15:32
[لوحة8]قصيدة تدحض وكالة يقولون !!! [/لوحة8]
^
^
اب سيد داون << قاموا يرطنون:)

تسسسسسسلم والله ولا يسلم ردي الباس:)

الله لا يهينــك يابعد حيي انت هالخشة:)

تحيتــــــــي لك والتقـديـــــــــر ،،،

والسلااااااااام ...
..

خالد الشمري
23-06-2005, 17:49
الله يرحمهم ......... ومشكور اخوي محمد على هالبدايه الرائعه وما نقدر نقول الا اوله ماهو تاليه

الصيرمي
23-06-2005, 18:41
بعد التشجيع وشحن البطاريه من الصيرمي :)

الله يسلمك يالطيب هاذا من طيب اصلك وجلبك:)

انت كريم وحنا نستاهل هههههههههه

تحياتي:)

المهرة
24-06-2005, 04:57
سلمت الانامل 00 على النقل 00
ويبقى الماضي زاخر بعذب القصص وروائع القصيد
الذي فقدناها في هذا الزمان
وننتظر الكثير ان شاء الله تتحفنا به
من خلال هذا الحضور العاطر
دمت بخير
اختك 00 المهرة

محمدالشمري
24-06-2005, 17:32
مانقول الا عسى الله يرحمهم

وشوهالزين يامحمد

لاتاكل الجو علينا

تسلم يالطربه

آمين يارب العالمين .

تسلم ياراعي الطنخه .

مرورك أسعدني كثيرا .

محمدالشمري
24-06-2005, 17:39
اب سيد داون << قاموا يرطنون

تسسسسسسلم والله ولا يسلم ردي الباس

الله لا يهينــك يابعد حيي انت هالخشة

تحيتــــــــي لك والتقـديـــــــــر ،،،

والسلااااااااام ...

أب سي أب ..... رطينة اللي ما يرطنون :m218:

أبو فيصل لا صار هاللون يمكن ما عاد أشب بالعام :188r:

تسلم على هالتعليقات المنتازه:thumb:

محمدالشمري
24-06-2005, 17:41
الله يرحمهم ......... ومشكور اخوي محمد على هالبدايه الرائعه وما نقدر نقول الا اوله ماهو تاليه

آمــــــــين

وأبشر بسعدك يا بوفراج .

شكرا لمرورك الطيب .

محمدالشمري
24-06-2005, 17:44
بعد التشجيع وشحن البطاريه من الصيرمي

الله يسلمك يالطيب هاذا من طيب اصلك وجلبك

انت كريم وحنا نستاهل هههههههههه

تحياتي

بعد حـــــــيي يا الصيرمي .

والله يلولا تشجيعكم يا كان ما تشوفن الا ..
شكرا ... ومشكور ...

تسلم يالغالي

محمدالشمري
24-06-2005, 17:47
سلمت الانامل 00 على النقل 00
ويبقى الماضي زاخر بعذب القصص وروائع القصيد
الذي فقدناها في هذا الزمان
وننتظر الكثير ان شاء الله تتحفنا به
من خلال هذا الحضور العاطر
دمت بخير
اختك 00 المهرة

أبشري يا المهره .
غديني اللحق على حدى الأوسمه اللي ضامه راعي الوقيد .
لونك تكلمينه لي غديه يضم له واحدن حدر الرف لين افوز بوه .

شريف روما
25-11-2005, 01:58
تسلم يالشمري

وعسى الله يرحمهم برحمتوه


يعطيك العافية

تحياتي لكـ

محمدالشمري
25-11-2005, 13:37
تسلم يالشمري

وعسى الله يرحمهم برحمتوه


يعطيك العافية

تحياتي لكـ


آمين يالزقروطي

ولاهنت على المرور يالغالي