منّا ومنّــا ومنّــــــاك !

[أم نــــــــــواف]

أعتذر عن إزحامكم بقصائدي

ولكن أحد الأسئلة ألجمني في المقابله الحواريه معي

فكان أن بادرت بنشر أحد قصائدي كرد على السؤال

السؤال كان من المشرف العام أخينا أبو سلطان حفظه الله وهو :

سؤالي :

متى تنتهي ظروف ام نواف ونجدها حاضره معنا دائما ؟


فإليك أخي وإلى بقية الإخوة والأخوات الأفاضل هذه القصيده رغم خصوصيتها

وللمعلومية فهذه القصيدة ليست وليدة اليوم ..

شكرا لكم وأعتذر لذائقتكم مقدماً ..





دلّت تجي منّـا ومنّـا ومنّـــاك = أشيل هذي وإتبـعــه شيل هذي

.

ياقوّها لاصارت الناس تشناك = وإنت بهمومك مكتفي ومتواذي


.

لاقادرٍ ترضي بهذا ولا ذاك = ولا انت من اللي تشتهي النفس خاذي

.


عدّو عليك الماء يحسبون لغذاك = مادريوا إن الدمع للخد غاذي

.


جيت أشتكي له ضيعتي بين الأفلاك = قال : إسمعيني ؟ وقام عندي يهاذي

.


يعني سبقني .. صار لي شاكي باك = متعللٍ بالهم شاك المواذي

.


بلعتها واقفيت بالصدر تكّاك = والدمع صار لمنبت الرمش حاذي

.


يالله ياللي بالصعيبات ننصاك = انت خوي الضيق وإنت الملاذي

[المهرة]

صح الله لسانك 00 وعذب هتانك

نحن هنا فقدنا الهوية .. وأضعنا باب الخروج

نستطيع أن نشاهد طيور الصدق
وهي تحط في قلب ( ام نواف) 0


لايزال قلمكِ المترف بالشعر00
والمورق بالجمال يصرخ00
في وجه الذائقه مع كل حضور 00
أضيع هنا بين محراب القلم 00
ونزف الشمرية

قيثارة الشعر00 سأقف
في أرصفة الشعر الأجمل 00
طويلاً 00لامتع النظر


دمتِ بخير 00 ودام تألقكِ
اختك 00 المهرة

[شموخ]

لاقــادرٍ تـرضـي بـهـذا ولا ذاك
ولا انت من اللي تشتهي النفس خاذي

هلا والله باأم نوااااف

صح لسانك ورضا الناس غاية لاتدرك ياعزيزتي بس حلو هالسؤال خلاك تنزلين هالقصيده :)

تحياتي لك
شموخ

[سلطان الشمري]

ياربي دخيلك ../ !!

أم نـــــواف .. أم نــــواف .. أم نـــــواف ..


.
.

عدّو عليك المـاء يحسبـون لغـذاك
................مادريـوا إن الدمـع للخـد غـاذي

.
.

ادامك الله للشعر ../ وللمضايف .. ولمتابعيك وتلاميذكـ امثالي..



أم نواف../

لك من ( الألف . . . . الى . . . . الياء ) اختاري اي كلام وضعيه هنا .!!


واثق أنه لن يفي بحقكـ ../ اختي ليت ابو سلطـــان قدّم بسؤاله


فالنبع الصافي يبقى طيب المذاق رغم جريانه .. وعدم توقّفه
.
.
.
../ قصيده ( مذهله جداً ) ..

.
.

((( فلكِ هذه الأبيات .. المتواضعه الكي بورديه .. )))
.
.
.




( مركاك) .. يابنت الأجاويد ..مركاك= اخوك ../ لا بارت هذيك الملاذي ..!!



قولي تمني اطلبي.../ كل شيء جاك = عصاك من هاذي../ الى كف هذي ..


قولي../ ( يابنت العم ) .. و الله فداياك = شيء تبينه غصب ينفذ نفاذي ..


عزك بني عمك ../ وسيفك و منصاك .. = نودع لعينك ../ كل شيء بذاذي


عبده وسنجاره و الأسلم ../ طناياك = ( وابن عدي) .. خيّك .. لعينك ملاذي ..








.
.
اخوك

[اجوديه]

صح لسااانك :)

ومثل مااتفضلت أختي شمووخ رضى النااس غاايه لاتدرك:):)

[بركات الشمري]

.
.



مبكية جدا ً ياأم نواف !



بلعتهـا واقفيـت بالصـدر تـكّـاك
ــ والدمع صار لمنبت الرمـش حـاذي ..


أبيات تتشح بالحزن الجميل !



أبعد الله عنك ِ كل هم ياأختاه




دمتي بخير


.
.

[أم نــــــــــواف]

اختي الغاليه المهره


يعجبني ردك أينما كان

فأنت تجيدين عزف سمفونيات تتناغم والمردود عليه


اسعدني مرورك الذي انتظره دوما

باركك الله

[أم نــــــــــواف]

هلا اختي شموخ

والله القصيدة هذي عندي من فترة لكني ماكان ودي انزلها

لأنه الناس مايحبون الحزين لكن سؤال اخوي ابو سلطان خلاني اسمح لها تصافح عيونكم الغاليه


شكرا لك وهي مثل ماقلتي ( رضا الناس غاية لاتدرك )

بارك الله فيك

[أم نــــــــــواف]

هلا فيك اخوي نبراااس

تتفكك ابجدياتي وإن نظمتها ردّاً ..

ولكن شكرا لشفافيتك والتي ليست بالغريبة عليك ..


( مركاك) .. يابنت الأجاويد ..مركاك= اخوك ../ لا بارت هذيك الملاذي ..!!



قولي تمني اطلبي.../ كل شيء جاك = عصاك من هاذي../ الى كف هذي ..


قولي../ ( يابنت العم ) .. و الله فداياك = شيء تبينه غصب ينفذ نفاذي ..


عزك بني عمك ../ وسيفك و منصاك .. = نودع لعينك ../ كل شيء بذاذي


عبده وسنجاره و الأسلم ../ طناياك = ( وابن عدي) .. خيّك .. لعينك ملاذي ..





::: إقبل ردّي الكيبوردي المتواضع :::


والنعم في طريا الطنايا وطرياك = مثلي لراع المسك دوم ٍ تحاذي


حنّـا لها ياخوك لادك دكّاك = فينا عزيمه صامده كالفُلاذي


مابك ولا بعيال عمّك طناياك = إلا الكرم والطيب وسرع النفاذي


بوجهك ووجه عيال عمي وشرواك = من كاسبين الطيب .. مثلي تلاذي


تقول : (قولي؟) ( إطلبي؟) خيّك اعطاك = واقول: تكفيني بها القول هــذي



الفُلاذي = الفولاذ << :(

[أم نــــــــــواف]

اجوديه


لك مني كل الشكر


وفعلا هي كما قلتي وقالت شموخ


بارك الله فيك

[أم نــــــــــواف]

اخي بركات


لم أقصد والله إيلام أحد ولكن المناسبة أجبرتني


شكرا لك ولجميل دعواتك

بارك الله فيك

[المشرف العام]

شاعرتنا القديرة \ أم نواف

كم هو جميل أن اكون سببا في بعثرة هذه المفردات <<< بعد ماهو معتذر :)

التي قرأتها ثم قرأتها . . حفظتها من كثر الترديد

فرغم مابها من ألم . . فلقد لامست الفؤاد وصالت وجالت بين أرْوِقته

لم يسبق لي احتساء الألم وأعيده احتسائه مرّات ومرّات

وهذه حاله فريده

.
.
.

قد الجم بعثرة حروفي لكي لا تثير مالم أرغب بإثارته

---
--
-

اخي نبراااس

لافض فوووك . . على الرّد الجميل


حفظك الله اختي ام نواف

[خلـيف الجهيلي]

شاعرتنا /

ام نواف

صح لسانك ولاهنتي


كل الشكر والتقدير

تحياتي

اخووووك
خليف

[عبدالله المهيني]

ام نــــواف

رائعه في بكل حضور لك


صح لسانك أختي

ودام تواجدك ونـــزفك


حضور لتسجيل التواجد في هذا المتصفح الحزين



دمتي مبدعة أختي

[عبدالله الجعيثن]

ام نواف

لم ولن... واعجز!!!

لذلك سأكتفي

ب..صح لسانك وفك الله ضيقك

والشكر موصول

لابوسلطان ونبراس

[أم نــــــــــواف]

أخي ابو سلطان

يكفينا مرورك ويسعدنا حضورك

ويزيد قصيدتي طربا ترديدك لها

شكرا لك ولتشجيعك

[أم نــــــــــواف]

اخوي خليف


صح بدنك ولله لايهينك

ويرفع من قدرك ان شاء الله

بارك الله فيك

[أم نــــــــــواف]

اخي عبدالله

تسلم والله

والرائع هو متابعة أمثالك

بارك الله فيك واسعدني حضورك الراقي

(( الف مبروك البكالوريوس ))

وعقبال الماجستير والدكتوراه بإذن الله ..

[أم نــــــــــواف]

اخوي الشاعر الغازي

الف هلا والله

صح بدنك ومشكور على الدعوة الاخويه

بارك الله فيك

[خلود البراري]

.


يالله ياللـي بالصعيبـات ننـصـاك
انت خوي الضيـق وإنـت المـلاذي



سبحانه




ام نواف


راااائعه



صح قلبك

[بـنـت النـور]

ام نــــواف

رائعه بكل حضور لك


صح لسانك

ودام تواجدك ونـــزفك

دمتـِ بنـور

[أم نــــــــــواف]

يصح قلبك خلود

والرائعــــــه هي طلتك


شكرا لك من القلب

[أم نــــــــــواف]

الله يديمك عزيزتي بنت النور


وأشكر لك روعة إطلالاتك البهيه


رعـــــــاك الله

[ابو غازي]

:2:

عساااااااااااااااك دايم بيننا اختنا / أم نواف

صـــــــــــــــــح لسانك مليااااااااااااااار :thumb:

الشاعر الكبير والقدير / نبرااااس
احســـــــــــنت ثم احسنت / وأم نواف
كلنا مراكي لها هي بس تأمر أمر والكل أخوانها



( مركاك) .. يابنت الأجاويد ..مركـاك=اخوك ../ لا بارت هذيك المـلاذي ..!!

قولي تمني اطلبي.../ كل شـيء جـاك=عصاك من هاذي../ الى كـف هـذي ..

قولي../ ( يابنت العم ) .. و الله فدايـاك=شـيء تبينـه غصـب ينفـذ نفـاذي ..

عزك بني عمك ../ وسيفك و منصاك ..=نـودع لعينـك ../ كـل شـيء بـذاذي

عبده وسنجـاره و الأسلـم ../ طنايـاك=( وابن عدي) .. خيّك .. لعينك ملاذي ..


:shrt27:

[متعب الحماد]

يالله ياللـي بالصعيبـات ننـصـاك
~~~~انت خوي الضيـق وإنـت المـلاذي

أم نواف


صح لسانك و لا هنتي

قصيدة رغم الألم إلا أنها ,,, راااائعة


_-_-_-_

نبراس


فعلاً ,, لك من إسمك كل شيء

دمت نبراساً

[أم نــــــــــواف]

اخوي صاحب القلب الكبير ابو غازي


تسلم والله ويصح بدنك


اشكرك جدا والله يحفظكم ذخر جميعا

عساك على القوة اخوي

[أم نــــــــــواف]

أخي متعب

تسلم والله

والرائع هو وجود م نيقرأ بصدق امثالك طال عمرك

شكرا لك

[محسن الدويخ]

يالله ياللـي بالصعيبـات ننـصـاك
انت خوي الضيـق وإنـت المـلاذي

صح السانك يا ام نواف

شاعره بالفطره وتملكين احساس راقي

لك تحياتي اختي الكريمة

[مابقالي قلب]

الرائعة
الشاعرة

ام نواف

بوح وقلب ٍ آبي شامخ
صح لسانك ودام تألقك