فاصــ بيضاءــلة
19-04-2005, 19:25
السلام بنات أخباركم!
مدري وش فيكم هاجدين هالأيام يبغالي أحرككم عاد قلت مافيه الا أجيب لهم سوالف المدرسة كللللللة عشان تتذكرون الأيام الخوالي
بس ماراح أعطيكم اياها دفعة وحدة لا على أجزاء تعرفون انتم مابغاكم تنجون وتبلشوني وتحببون يديني تقولون تكفين فصولة نبغى نجي مدرستكم لأن مدرستنا الصراحة ماتتفوت كل شي عندهم عااااااااادي ولا يهاوشون ولا يهددون كل حصة بـ(ورقة السلوك) << يمكن انتم يالكبار مالحقتو عليه هذي شي جديد ورهيييييب الصراحة
المهم نبدا بأول سالفة وهي تخصني لحالي باقي شلة الأنس مادخلت معي ايه صح نسيت أعرفكم على شلة الأنس هذي الله يسلمكم عبارة عن تسع بنات سبعة منهم بثاني أدبي بفصل واحد وثنتين بعلمي كل وحدة منهم بفصل ياعميري يكسرون الخاطر هالثنتين بس هذا جزى اللي يدخل علمي<< حاقدة على العلمي
السالفة ومافيها أنه ذاك اليوم الموافق النفس الخايسة لفصيلة كان علينا نحو الرابعة وبعد التحريات عرفنا أن معلمة النحو غايبة فيوم انتهت الفسحة دخلنا المبنى بس قعدنا بالساحة الداخلية يعني مادخلنا الفصل وبوسط السوالف والهبال أقبلت معلمة علم النفس وتفاجأنا يوم دخلت فصلنا هي علينا الخامسة وعلى طول ركض على الفصل يعني دخلنا بعده على طوووول وكن 12 بنت وانا كنت بالوجه أولهم يعني ووقفت عند الباب ( وانا وثنتين من شلتي قبل تاخرنا مادخلنا عنده بعد الفسحة لأن اداريات سكرو علينا باب المبنى لأنه كنا آخر من دخل من الساحة وودونا الإدارة وخرابيط) نرجع لموضوعنا
وقلت : ممكن أدخل؟
قالت وهي تضحك: لا
قلت : ليه > طلعت ببراءة
قالت : دخلتو بعدي
قلت : والله مادريت ان الجدول تغير
قالت : يعني لو معلمة غير عادي تدخلون بعدها
قلت : لا ياستاذة بس المعلمة اللي الحين علينا غايبة
قالت : المهم لكم خيارين ياتطلعون برا أو اخصم عليكم خمس درجات مشاركة
والبس نظارات سوداء اذا بغيت اصحح اوراقكم وتكون ببالي دايما
انا طيرت عيوني وش هالأسلوب يعني لو بتسوي كذا تسويه بصمت وش هالشجاعة اللي جتها وخلتها تقول كذا أول مرة أسمع مثل هالكلام
عاد انا عصبت صدق واذا عصبت ( اسكت) ماتكلم
عاد البنات بدو يتكلمون ويترجونها
قالت : يلا بسرعة اختارو
قالو البنات : لو طلعنا عاادي ماراح تنقصينا
قالت : لا
قالو البنات : بنطلع
قالت : انتم تفكيركم مادي ماتفكرون الا بالدرجات >> اجل ليش جايين المدرسة
وانا طول الوقت خايفة أول مرة (بمسيرتي الدراسية) كلها أحد يقولي اطلعي برا قوية احسها
المهم طلعنا وانا سااااااااكتة مانطقت والبنات يسولفون ولا عليهم وانا موصلة معي واقالهم بيلطفون الجو علي
قالو : وش فيك يالحرمة ساكتة >> مسميني حرمة لأني كنت ولا حظو كنت أعقلهم
قلت : وش هالأسلوب
قالو : وسعي صدرك
على جيت ادارية قالت وش فيكم وقالو لها السالفة قالت انا بتفاهم معها الحين دقيقتين ورجعت لنا وقالت يلا بنات ادخلو
دخلنا وقالت لنا معلمة علم النفس وقفو على الجدار ووقفنا شوي وطلعت ( ورقة السلوك قالت كل وحدة تكتب اسمها والحصة وتوقع) وسوينا اللي قالته بدون نقاش مني انا لكن الباقين قامو يترجونها ويتطلبونها وهي ولا همها
من بكرا ............
تعبت يدي من كثر الكتابة بعدين اكمل بس خوفي تقولون لا تكفين نأطينا بسكاتك بس بكمل بكمل لأنه هالسالفة مضيقة صدري من دهر وابغى اعرف انا غلطانة ولا لا ؟؟
باااااااااي
مدري وش فيكم هاجدين هالأيام يبغالي أحرككم عاد قلت مافيه الا أجيب لهم سوالف المدرسة كللللللة عشان تتذكرون الأيام الخوالي
بس ماراح أعطيكم اياها دفعة وحدة لا على أجزاء تعرفون انتم مابغاكم تنجون وتبلشوني وتحببون يديني تقولون تكفين فصولة نبغى نجي مدرستكم لأن مدرستنا الصراحة ماتتفوت كل شي عندهم عااااااااادي ولا يهاوشون ولا يهددون كل حصة بـ(ورقة السلوك) << يمكن انتم يالكبار مالحقتو عليه هذي شي جديد ورهيييييب الصراحة
المهم نبدا بأول سالفة وهي تخصني لحالي باقي شلة الأنس مادخلت معي ايه صح نسيت أعرفكم على شلة الأنس هذي الله يسلمكم عبارة عن تسع بنات سبعة منهم بثاني أدبي بفصل واحد وثنتين بعلمي كل وحدة منهم بفصل ياعميري يكسرون الخاطر هالثنتين بس هذا جزى اللي يدخل علمي<< حاقدة على العلمي
السالفة ومافيها أنه ذاك اليوم الموافق النفس الخايسة لفصيلة كان علينا نحو الرابعة وبعد التحريات عرفنا أن معلمة النحو غايبة فيوم انتهت الفسحة دخلنا المبنى بس قعدنا بالساحة الداخلية يعني مادخلنا الفصل وبوسط السوالف والهبال أقبلت معلمة علم النفس وتفاجأنا يوم دخلت فصلنا هي علينا الخامسة وعلى طول ركض على الفصل يعني دخلنا بعده على طوووول وكن 12 بنت وانا كنت بالوجه أولهم يعني ووقفت عند الباب ( وانا وثنتين من شلتي قبل تاخرنا مادخلنا عنده بعد الفسحة لأن اداريات سكرو علينا باب المبنى لأنه كنا آخر من دخل من الساحة وودونا الإدارة وخرابيط) نرجع لموضوعنا
وقلت : ممكن أدخل؟
قالت وهي تضحك: لا
قلت : ليه > طلعت ببراءة
قالت : دخلتو بعدي
قلت : والله مادريت ان الجدول تغير
قالت : يعني لو معلمة غير عادي تدخلون بعدها
قلت : لا ياستاذة بس المعلمة اللي الحين علينا غايبة
قالت : المهم لكم خيارين ياتطلعون برا أو اخصم عليكم خمس درجات مشاركة
والبس نظارات سوداء اذا بغيت اصحح اوراقكم وتكون ببالي دايما
انا طيرت عيوني وش هالأسلوب يعني لو بتسوي كذا تسويه بصمت وش هالشجاعة اللي جتها وخلتها تقول كذا أول مرة أسمع مثل هالكلام
عاد انا عصبت صدق واذا عصبت ( اسكت) ماتكلم
عاد البنات بدو يتكلمون ويترجونها
قالت : يلا بسرعة اختارو
قالو البنات : لو طلعنا عاادي ماراح تنقصينا
قالت : لا
قالو البنات : بنطلع
قالت : انتم تفكيركم مادي ماتفكرون الا بالدرجات >> اجل ليش جايين المدرسة
وانا طول الوقت خايفة أول مرة (بمسيرتي الدراسية) كلها أحد يقولي اطلعي برا قوية احسها
المهم طلعنا وانا سااااااااكتة مانطقت والبنات يسولفون ولا عليهم وانا موصلة معي واقالهم بيلطفون الجو علي
قالو : وش فيك يالحرمة ساكتة >> مسميني حرمة لأني كنت ولا حظو كنت أعقلهم
قلت : وش هالأسلوب
قالو : وسعي صدرك
على جيت ادارية قالت وش فيكم وقالو لها السالفة قالت انا بتفاهم معها الحين دقيقتين ورجعت لنا وقالت يلا بنات ادخلو
دخلنا وقالت لنا معلمة علم النفس وقفو على الجدار ووقفنا شوي وطلعت ( ورقة السلوك قالت كل وحدة تكتب اسمها والحصة وتوقع) وسوينا اللي قالته بدون نقاش مني انا لكن الباقين قامو يترجونها ويتطلبونها وهي ولا همها
من بكرا ............
تعبت يدي من كثر الكتابة بعدين اكمل بس خوفي تقولون لا تكفين نأطينا بسكاتك بس بكمل بكمل لأنه هالسالفة مضيقة صدري من دهر وابغى اعرف انا غلطانة ولا لا ؟؟
باااااااااي