المساعد الشخصي الرقمي

مشاهدة النسخة كاملة : ويلووووموني بطلال بعد،



مجموعة إنسان
30-01-2002, 01:20
رد طلال الرشيد على شاعر متخلف وذلك فزعة لبنت الجزيره

ويازينها من فزعـــــــه :


يابن الحلال ان طعتني خل الإسراف
ــــــــــــــــــ وإترك جمال الغيد لأهل البصيره

الزين مو بس الملامح والأوصاف
ـــــــــــــــ الزين روح وعفه وطيب سيره

مانيب من يهوى سريا وإنصاف
ــــــــــــــ أنا هواي وبس بنت الجزيره

بنت الخليج اللي تماري بالأعرف
ـــــــــــــــ وحنّا نماري بإسمها كل ديره

مالي غرام بقول وخّا وبالزّاف
ـــــــــــــــ إذبحني عند الطرحة المستديره

أحب قولة ياهلا وعل ماخلاف
ــــــــــــــ من بنت ثوبي بنت الأرض النضيره

اللي تحلاها الظبي حلو الأطراف
ــــــــــــــ جمال في عفّه ورقّه وغيره

واللي بها سحر مهو سحر عراف
ــــــــــــــ ياعل عين ماتراها ضريره

عطف وحنان وذوق في لين الاعطاف
ــــــــــــــ والى كشفت لثامها شفت أميره

صعبه على اللي بالردا شاف ماعاف
ـــــــــــــ وحلوه على اللي سنه الله ضميره

شمس الي من أشرقت والدجا طاف
ــــــــــــــ غابت نجومك غصب لو هي كثيره

السيف مايزهى سوى كف سياف
ــــــــــــــ والخيل دون حصانها مستخيره

بس إنت دور لك على قدك لحاف
ــــــــــــــ وإن طعتني دور بدلنا عشيره

برزان
30-01-2002, 11:37
الاخت مجموعة انسان
مشاركة جيدة لشاعر شمر الكبير
الامير طلال العبدالعزيز السعود الرشيد


..................................

http://shammar.org/vb/showthread.php?threadid=1468


...............................


وتقبلي تحياتي

فيصل اللويش
30-01-2002, 15:10
الغاليه0000 مجموعة انسان



صح لسانك ولسان المبدع طلا ل الرشيد



وشكرا على هذه المشاركه



فيصل اللويش

مجموعة إنسان
30-01-2002, 16:59
اخوي برزان

مشكور على التعقيب والوصله

ياحليلي ترى الدنيا قايمه وقاعده وانا مادريت

لا ياملحي بعد توى اكتبه ( والله فشله ) لكنها بتعيش معي العمر ماراح انساه

لكن تدري شفتك متحامل عليهم بردودك والله مامعك حق

وهذي فزعــــــــــــــــــه يعني دم يفور

هالحين لو قلت لك ( والعفو ) انا احسن من إختك وع ياإختك بذمتك وش بتقول

: أكيد بتقول : أختي ابرك منك واحسن منك ياللي وياللي ....... إلخ

فوفو
31-01-2002, 05:01
لا ياحيي محدن بلايمتس:D
هذا طلال ..
تسلمين اختي على مشاركتك...

تقبلي تحياتي..

ظبيانيه
31-01-2002, 06:57
بس إنت دور لك على قدك لحاف
ــــــــــــــ وإن طعتني دور بدلنا عشيره



كلام رائع وقصيده جميله ومو غريبه على طلال الرشيد هالقصايد


بس معناها رهيييييب