ريوف الشمري
25-03-2005, 00:42
بسم الله الذي بيده أمر كل شئٍ و إليه ترجعون
..................
...........................
لا أريد الإطالة بالحديث عن قصيدتي ، وعن مضمونها و غرضها
لأنها تكفلت عني بذلك
ولكن ما أود الإشارة إليه هو أنني و ضعت القصيدة في قالب فكاهي
لا لغرض الإضحاك وحده ولكني أهدف من وراء ذلك إلى ما هو أعمق
و أهم من الإنبساط و الضحك .
و أنا أكيدة أنكم ستلمسون ذلك و تعرفون هدفي .
قصة المؤامرة
ذات يـومٍ بـوش قاعــد بالعـلالـي = قاعــد يفـكـــر كفــانـا الله بـــلاه
درعمت سِت الحسن بـدر الليالي = (كنـدوليـزا رايس) في أحــلا بهــاه
قال:يامـرحب بمـن كِـنـَّه غـزالي = اقـلـطـي حـيـاك يـاريــم الفــــلاه
قالت: شلونك يابشبـوش الكمالي = أشهــد إنـك جبتـها يابـن الغُــزاه
قال:ياكوكو طمـوحي حيل عـالي = تـو تخطيـطـي مـا وصَّـل منتهـــاه
قالت:أبك عذبتني وشيـب حالي = شيـب من شاب وتشـيـَّب في عنـاه
وش بقى يابوش وأمـريكا المعـالي = أسقطـت (بغـداد) واحتـلَّـت رُبـاه
(العراق) اليـوم تحت الإحتـلالي = ومن قبل(كابـول) منـك وش لفـــاه
وهذي اسرائيل صارت مـا تبـالي = وداخل أرض القدس تفـعل ما تباه
حتىشيخ العنف ياسين الضـلالي = راح و ارتحـنـا مـن مـطـارد وراه
وأنت تعرف طبع شارون الخيالي = ما يحب العنـف والعنـف ابتــلاه
يامـا أرسـلي رسـايـل و شتـكـالي = ليـن جـوالـي بـكـا حــزنٍ معــاه
بـس صـار اليـوم يشـربهـا زلالـي = وصار يشخـر عقب ما نومه جفـاه
قـال:ياهـمـي عليــك و هـمـلالـي = دايـمٍ فـكـرك قـصـيــرٍ في مـــداه
قال أبوي ويسلم افـمه يــوم قـالي = السياسـه و(المـره) هـَـمْ و غـثـــاه
المـره عنـد السياسـه شيب حـالي = لا حكـت ودِّك تلـقـمـها حصـاه
وش لِكِـن بأمر السياسه يا حلالي = السياسـه ذي تبـي عقـل و أنــاه
خلكـن عنـد النميـمــه و العيـالي = وأخـر الموضـات و أرواج الشفـــاه
قالت:إخرس يا مبشبش لا تغالي = أنت واعـي للي لـسـانـك حكــاه
قالت أمي و صـدقت أول و تالـي = الرجــال أشبــاه في كـل الحيــاه
جعلك الحــمى و جعلك للهـزالي = صـــــار قلـبـي يقـــول منِّــك آه آه
قال:أنا أمزح معك ياخت الغزالي = واعذريني ماهـو قصـــــدي يا غَنـَـاه
إنتِ يا كوكو نسيتـي إنّه بقـالـي = (سوريا) و (إيــــــران) وبـلادٍ معــاه
قلت لك كوكو طموحي حيـل عالي = قلـت لـك تــوه مـا وصـَّل منتـهـــاه
قالت:أرضى بس جاوب عن سؤالي = وش تـفـكـــر فيــه يا ذيـب الفـــلاه
قال: أفـكر بأمـر مشـغـل كل بالـي = لـو تحقــق قلـبـي يا مسعــد مُـنـــاه
مـا أبـي للمسلـمـين أيـَّـــة مجـالي = والعــرب بالـذات يا عـيــن المـهـــاه
خايـف إن بغداد و أمـر الإحتـلالـي = ينـبـش المـاضـي بقلـب اللي نســــاه
وخايـفٍ يصـحـا عقـب نـوم اللـيالي = مــارد الإســـلام و يـقَـطِّــع غَـطــاه
لو صـحـا يا كنـدولـيـزا ويـل حالـي = السـيـــوف النايمـــة تصـحـا معـــاه
حتى أمـريـكــــا مصيـــره للــزوالـي = و ما يــردَّه دونـهـا سـلاحٍ و جـــاه
وتدفـع الجزيــه جنوبــه و الشمـالي = يــاه مـا اقـــدر أتـخيــل يــاه يــاه
وأنـتِ يمكـن تصـبحي بعـد الـدلالي = جاريـــــه و يـدرفعـونــك بالعـبــــاه
صاحت:اسكت سكري والضغط عالي = ما أقـدر أستـوعـب كلامك من غـثـاه
و آعــذابـي يا مبشـبــش و آهبـالـي = أنـا أصبــح جـاريـــه عنـد الطغـــاه
ما بقى إلاهـي و أنـا بنـت الرجـالي = كنـدولـيـزا رايـس نـجـــمٍ في عـــلاه
قل لي مشـروعـك بسـرعـه لا تبـالي = لجل أكـثـــر لـك دعـائي بالصـــلاه
قال:مشــروعـي أبـد ما هـو مُحـالي = بـس يبغـي وقـت مَــعْ صبـر و أنــاه
نبغـا مسلـم داخلــه يا بنـت خـالي = يطلـب الـدنيـا و يتـبـع مشـتـهــــاه
لجـل يمشـي في حيـاتــه مـا يبـالي = حتى لـو نحتـل أرضــه مَـــعْ سمـــاه
نبغـا نصنع (شـرق أوسط) يا غـزالي = مـا يمـيــز فـيــه ديـــنٍ عــن ســـواه
و بكـــذا يتـقـبلـــون و بإمتـثـــالـي = دولـــة إسـرائيـــل و بكامـل ثـــــراه
و تصبـح أمريكـــا لهـا أكبـر مجـالي = قـــــوةٍ كــل الــدول تـمـشـــي وراه
قامـت الخبلــه تـطـقـطـق بالنعـالـي = مـن كـثـــر إعـجابهــا باللي حكــاه
ثــمْ قـالـت:آه يا زيـــن الـرجـالـي = أشـهــد إنْ مخــك فـريـــدٍ في ذكـاه
رائـــع الـمشــــروع لكـن يا حـلالي = شكـل صهـيــون الحبايـب هــم وراه
قال:أنا أشهـد و بصـراحـه يا دلالي = هـم لـنا كالنـجــم نمـشـي في سـنــاه
بس أبي منك طلب يا أخت الهلالي = قالت:أبشــر يا عسـل زايـــد حــلاه
قال:عندي ناس غـثـَّــوا حيل بالـي = من بعـض قـومي هـل العـدل التـقـاه
يسألـوني و أشغـلــونـي بالســؤالـي = ويـن أسلحــة الـدمــار و مـن خــذاه
و من هـدم بـرج التجـاره من عـوالي = وهـذا غيـر أهـل الصحافـــه يا غَنَــاه
ساعـدينـي كندوليــزا فـي مـقـــالي = الخــوي يلحــق خـويـــه لا نخـــــاه
قالت:أبشـر راح أجادلهــم جـدالي = و راح أخلي الشعـب يمشـي في عَمَــاه
وراح أفـزِّع لـك (بـاول) وِلْــد خالي = مع وَلَــد عمي (عنـان) و مـن معـــــاه
بس (رامسفلد) الغبي قِطَّــه يا غالي = وش لنـا بـه شايـب و زايــد خَطَــــاه
يقهـرن لا شـافنـي أجلــس لحـالي = جـــا لعنـدي لجل يـبـــدا في غَثــــاه
و لا جلـس مـا عنـده إلا هالسـؤالي = كندوليـزا مـا انخطـبتـي يـا مَـهَــــاه؟
صِـرت يا بـشبـوش لا شفتـه قبـالي = أشعــر إنـي عانــسٍ محـــدٍ بـَغـــــاه
و أنا تـَـوَّه مـا طفـت شمعـة جمـالي = تــوي بالخمسـيـن وأنبـــض بالحيــاه
قـال:داري بــس صبـرك يا غـزالي = قالت:أبشــر لجلـك أتحمـل غـَبـــــاه
قال:و أيضاً فـزعي (بليـر) و تعـالي = تـرى جِـدانـــه بعــد مثـلـي غـــــزاه
و احذري تنسـيـن (شارون) المعـالي = هـو قمـر صهيـون يـا مكـثـــر حـــلاه
(دُبْ) لكن لـه طمـوح و فكـر عـالي = وهـو بعـد رجـل الســلام و مـنتـهـــاه
بعـدها قامــوا و راحــوا بـإختيـالي = كل واحـد عـارفٍ مـوقـــع خُـطـــــاه
قصـتـي أحداثهـــا مـا هـي خيـالي = حـق و التاريـخ يـرشـــد مـن قـَــــراه
مـن ظهـر (أحمـد) بدينـه مـا يبـالي = ابتـدت قصــــة مـؤامـــرة الطـغـــــاه
أمـس أبولهـب و أبوجهـل الضـلالي = وصـار بـوش اليـوم و أسـراب البغـــاه
يمكـن أسمـاهـــم تَغَـيـِّــر و اللـيالـي = بـس يجمعهــم هـدف هـم لـه دُعـــاه
و البطــل واحـد وشـامــخ كالجبـالي = صامــدٍ في وجـــه كِـلْ نـــذلٍ رُمـــــاه
البطــل (إســـلامنـــــا) أول و تـالي = و أُمـــةٍ هـو ديـنهــــا أيضــاً مَعَــــاه
البطــل محتاجنــا نِـسَـــا و رجــالي = لجل نرسي حكمــه و نضـرب عِــــداه
استمــع ياللـي تحــس إنـِّي أغـالـي = افـتــح القــــرآن و اقــــراه بـأنـــــاه
رتـِّلــه تلقـى وصـوف أهـل الضلالـي = لجل تعــرف صـــدق مـا شعــري رواه
ريوف معاشي الشمري
..................
...........................
لا أريد الإطالة بالحديث عن قصيدتي ، وعن مضمونها و غرضها
لأنها تكفلت عني بذلك
ولكن ما أود الإشارة إليه هو أنني و ضعت القصيدة في قالب فكاهي
لا لغرض الإضحاك وحده ولكني أهدف من وراء ذلك إلى ما هو أعمق
و أهم من الإنبساط و الضحك .
و أنا أكيدة أنكم ستلمسون ذلك و تعرفون هدفي .
قصة المؤامرة
ذات يـومٍ بـوش قاعــد بالعـلالـي = قاعــد يفـكـــر كفــانـا الله بـــلاه
درعمت سِت الحسن بـدر الليالي = (كنـدوليـزا رايس) في أحــلا بهــاه
قال:يامـرحب بمـن كِـنـَّه غـزالي = اقـلـطـي حـيـاك يـاريــم الفــــلاه
قالت: شلونك يابشبـوش الكمالي = أشهــد إنـك جبتـها يابـن الغُــزاه
قال:ياكوكو طمـوحي حيل عـالي = تـو تخطيـطـي مـا وصَّـل منتهـــاه
قالت:أبك عذبتني وشيـب حالي = شيـب من شاب وتشـيـَّب في عنـاه
وش بقى يابوش وأمـريكا المعـالي = أسقطـت (بغـداد) واحتـلَّـت رُبـاه
(العراق) اليـوم تحت الإحتـلالي = ومن قبل(كابـول) منـك وش لفـــاه
وهذي اسرائيل صارت مـا تبـالي = وداخل أرض القدس تفـعل ما تباه
حتىشيخ العنف ياسين الضـلالي = راح و ارتحـنـا مـن مـطـارد وراه
وأنت تعرف طبع شارون الخيالي = ما يحب العنـف والعنـف ابتــلاه
يامـا أرسـلي رسـايـل و شتـكـالي = ليـن جـوالـي بـكـا حــزنٍ معــاه
بـس صـار اليـوم يشـربهـا زلالـي = وصار يشخـر عقب ما نومه جفـاه
قـال:ياهـمـي عليــك و هـمـلالـي = دايـمٍ فـكـرك قـصـيــرٍ في مـــداه
قال أبوي ويسلم افـمه يــوم قـالي = السياسـه و(المـره) هـَـمْ و غـثـــاه
المـره عنـد السياسـه شيب حـالي = لا حكـت ودِّك تلـقـمـها حصـاه
وش لِكِـن بأمر السياسه يا حلالي = السياسـه ذي تبـي عقـل و أنــاه
خلكـن عنـد النميـمــه و العيـالي = وأخـر الموضـات و أرواج الشفـــاه
قالت:إخرس يا مبشبش لا تغالي = أنت واعـي للي لـسـانـك حكــاه
قالت أمي و صـدقت أول و تالـي = الرجــال أشبــاه في كـل الحيــاه
جعلك الحــمى و جعلك للهـزالي = صـــــار قلـبـي يقـــول منِّــك آه آه
قال:أنا أمزح معك ياخت الغزالي = واعذريني ماهـو قصـــــدي يا غَنـَـاه
إنتِ يا كوكو نسيتـي إنّه بقـالـي = (سوريا) و (إيــــــران) وبـلادٍ معــاه
قلت لك كوكو طموحي حيـل عالي = قلـت لـك تــوه مـا وصـَّل منتـهـــاه
قالت:أرضى بس جاوب عن سؤالي = وش تـفـكـــر فيــه يا ذيـب الفـــلاه
قال: أفـكر بأمـر مشـغـل كل بالـي = لـو تحقــق قلـبـي يا مسعــد مُـنـــاه
مـا أبـي للمسلـمـين أيـَّـــة مجـالي = والعــرب بالـذات يا عـيــن المـهـــاه
خايـف إن بغداد و أمـر الإحتـلالـي = ينـبـش المـاضـي بقلـب اللي نســــاه
وخايـفٍ يصـحـا عقـب نـوم اللـيالي = مــارد الإســـلام و يـقَـطِّــع غَـطــاه
لو صـحـا يا كنـدولـيـزا ويـل حالـي = السـيـــوف النايمـــة تصـحـا معـــاه
حتى أمـريـكــــا مصيـــره للــزوالـي = و ما يــردَّه دونـهـا سـلاحٍ و جـــاه
وتدفـع الجزيــه جنوبــه و الشمـالي = يــاه مـا اقـــدر أتـخيــل يــاه يــاه
وأنـتِ يمكـن تصـبحي بعـد الـدلالي = جاريـــــه و يـدرفعـونــك بالعـبــــاه
صاحت:اسكت سكري والضغط عالي = ما أقـدر أستـوعـب كلامك من غـثـاه
و آعــذابـي يا مبشـبــش و آهبـالـي = أنـا أصبــح جـاريـــه عنـد الطغـــاه
ما بقى إلاهـي و أنـا بنـت الرجـالي = كنـدولـيـزا رايـس نـجـــمٍ في عـــلاه
قل لي مشـروعـك بسـرعـه لا تبـالي = لجل أكـثـــر لـك دعـائي بالصـــلاه
قال:مشــروعـي أبـد ما هـو مُحـالي = بـس يبغـي وقـت مَــعْ صبـر و أنــاه
نبغـا مسلـم داخلــه يا بنـت خـالي = يطلـب الـدنيـا و يتـبـع مشـتـهــــاه
لجـل يمشـي في حيـاتــه مـا يبـالي = حتى لـو نحتـل أرضــه مَـــعْ سمـــاه
نبغـا نصنع (شـرق أوسط) يا غـزالي = مـا يمـيــز فـيــه ديـــنٍ عــن ســـواه
و بكـــذا يتـقـبلـــون و بإمتـثـــالـي = دولـــة إسـرائيـــل و بكامـل ثـــــراه
و تصبـح أمريكـــا لهـا أكبـر مجـالي = قـــــوةٍ كــل الــدول تـمـشـــي وراه
قامـت الخبلــه تـطـقـطـق بالنعـالـي = مـن كـثـــر إعـجابهــا باللي حكــاه
ثــمْ قـالـت:آه يا زيـــن الـرجـالـي = أشـهــد إنْ مخــك فـريـــدٍ في ذكـاه
رائـــع الـمشــــروع لكـن يا حـلالي = شكـل صهـيــون الحبايـب هــم وراه
قال:أنا أشهـد و بصـراحـه يا دلالي = هـم لـنا كالنـجــم نمـشـي في سـنــاه
بس أبي منك طلب يا أخت الهلالي = قالت:أبشــر يا عسـل زايـــد حــلاه
قال:عندي ناس غـثـَّــوا حيل بالـي = من بعـض قـومي هـل العـدل التـقـاه
يسألـوني و أشغـلــونـي بالســؤالـي = ويـن أسلحــة الـدمــار و مـن خــذاه
و من هـدم بـرج التجـاره من عـوالي = وهـذا غيـر أهـل الصحافـــه يا غَنَــاه
ساعـدينـي كندوليــزا فـي مـقـــالي = الخــوي يلحــق خـويـــه لا نخـــــاه
قالت:أبشـر راح أجادلهــم جـدالي = و راح أخلي الشعـب يمشـي في عَمَــاه
وراح أفـزِّع لـك (بـاول) وِلْــد خالي = مع وَلَــد عمي (عنـان) و مـن معـــــاه
بس (رامسفلد) الغبي قِطَّــه يا غالي = وش لنـا بـه شايـب و زايــد خَطَــــاه
يقهـرن لا شـافنـي أجلــس لحـالي = جـــا لعنـدي لجل يـبـــدا في غَثــــاه
و لا جلـس مـا عنـده إلا هالسـؤالي = كندوليـزا مـا انخطـبتـي يـا مَـهَــــاه؟
صِـرت يا بـشبـوش لا شفتـه قبـالي = أشعــر إنـي عانــسٍ محـــدٍ بـَغـــــاه
و أنا تـَـوَّه مـا طفـت شمعـة جمـالي = تــوي بالخمسـيـن وأنبـــض بالحيــاه
قـال:داري بــس صبـرك يا غـزالي = قالت:أبشــر لجلـك أتحمـل غـَبـــــاه
قال:و أيضاً فـزعي (بليـر) و تعـالي = تـرى جِـدانـــه بعــد مثـلـي غـــــزاه
و احذري تنسـيـن (شارون) المعـالي = هـو قمـر صهيـون يـا مكـثـــر حـــلاه
(دُبْ) لكن لـه طمـوح و فكـر عـالي = وهـو بعـد رجـل الســلام و مـنتـهـــاه
بعـدها قامــوا و راحــوا بـإختيـالي = كل واحـد عـارفٍ مـوقـــع خُـطـــــاه
قصـتـي أحداثهـــا مـا هـي خيـالي = حـق و التاريـخ يـرشـــد مـن قـَــــراه
مـن ظهـر (أحمـد) بدينـه مـا يبـالي = ابتـدت قصــــة مـؤامـــرة الطـغـــــاه
أمـس أبولهـب و أبوجهـل الضـلالي = وصـار بـوش اليـوم و أسـراب البغـــاه
يمكـن أسمـاهـــم تَغَـيـِّــر و اللـيالـي = بـس يجمعهــم هـدف هـم لـه دُعـــاه
و البطــل واحـد وشـامــخ كالجبـالي = صامــدٍ في وجـــه كِـلْ نـــذلٍ رُمـــــاه
البطــل (إســـلامنـــــا) أول و تـالي = و أُمـــةٍ هـو ديـنهــــا أيضــاً مَعَــــاه
البطــل محتاجنــا نِـسَـــا و رجــالي = لجل نرسي حكمــه و نضـرب عِــــداه
استمــع ياللـي تحــس إنـِّي أغـالـي = افـتــح القــــرآن و اقــــراه بـأنـــــاه
رتـِّلــه تلقـى وصـوف أهـل الضلالـي = لجل تعــرف صـــدق مـا شعــري رواه
ريوف معاشي الشمري