المساعد الشخصي الرقمي

مشاهدة النسخة كاملة : الله من ضيقة الصدر وشين الاخلاق



ابو خليف
26-09-2004, 21:47
يا اهل الفله يالي يالي باذن الله تبرون العله

ربعن على المله

ومن نصاكم ما يعرف الذله

الا ابو غازي ماعندك احد لله:c::c:

على قولة الشاعر
خبلن يدربي سلوم البدو بنعوله <<<<تكرمون:ezpi_blus

بالعربي انا هاليومين ضايقن صدري وشايتن اخلاقي

صايرن اعوذ بالله نفس بقعاوي
ما تقولي وشلونك ياولد
ومن زين الحظ الموتر الاودز نوبيل الخمس وسبعين مخبط له شهرين
ومن تشلح لا تشليح
ومن ورشه لا ورشه وكل واحدن اجيه
يقول نزينه لك بثلاثه بربعه والماخوذ ما يسوى له الف وخمس
ويالله بالملعونه واخته القا لي اجودي قال عليك بالقصيم
تر تشاليحهم ما مثله ورخيصين وكل شين عندهم وما يخافاهم شين
ان ما كان عندهم الشي ولوفوه لك
ومار اللعن الشيطان وارسب طيارة الجماعه (النقل الاجتماعي)
وبوجهي لبريده ديرتن تضيق الصدر ومن قابلك وراك
وانا التفت وراي ولا ما وراي شين
المهم وامرح هالكليله عند وراك سذا
والجهمه مع الغبشه واوسف هالكلقصيمي قلت ياولد
التشليح الله لايهينك قال عشررررررره يمط الرا مط
قلت مار لو تبي عشرين بس انفج بي عن ضيقة هالصدر
والله يوم رسبت معه وانا اتناولي سريج ابليس وانا اقبسه خربانتن
معي ومتسيه ابيه يحسي ابي العن خيره
ومار وهو يقول طف هالي انت ولعت قلت معصي قال وش تقول قلت الي سمعت
ومار وهو يلبز قال حول قلت معصي
انت اخذن مشوار وتوصلن وانت اذن ورجلك على غاربك
قال والله ماتحرك الا انت مطفيه او محول قلت والله ان تحرك وحنا ما تفاهمنا
وهي تطري علي قصيدة عيد مربح وانا ادلي اهيجنه ومار يتلطم
ويقول انزل قلت ما تعقب وانا ولد ابو
هالحين طيارة الجماعه ماقالو ا طفه تجين انت
الوكاد وتاصل الاقصى والتفلت اغدين اشوف من طلاب هالجامعه
اهل حايل احد
احد يفزع معي نويت ادبه اما ندقه او يدقنا مار ما من احد يامار اخبر لي شاين
يقول ولدي ولدي وداعتك وداعه لاصار لك مشكله وانت ما حولك احد من
ربعك يفزع معك تر ربعك بهاللحظه الشرطه هم من يفزع معك
يامار انا ذهين ياربي لك الحمد قلت هالحين له ادق على الشرطه
وسين وجيم وما ازغط جوالي من مخباي
وادق على المرور واقول لهم اني صدمت بالمحل الفلاني
تر من وقفتنا وانا كل ما قضت زقارتي ولعت الاخرى
وشمام وعسكري المرور عندنا ادري انهم منغثين من هالمكافئه الي صرفو لهم
وكل واحد ارسلوا له خطاب بعمله يسدد مخالفاته مرسلين له برنت بهن
ومار واشر له بيدي قلت يالحبيب
الولد هذا اركبن مشوار على شاني ماني من اهل هالديره
وقام ينافخ علي عيى يوصلن
وما خلانن لتكاسي الاجره ياخذونن غمارتين ويحمل ركاب
ومار قبله العسكري يرجع ورى ويجي معه دفتر القسايم
وياخذ رخصته واستمارته ويسجه قسيمه تحميل ركاب وانا واحد انا بس كتب ركاب
الله يعزه حسبن عن مجموعة رجال
ومار واقوم واتخطف راسه واحبه قلت طالبك تشيل هالقسيمه
يوم انك حسبتن عن مجموعة رجاجيل ومار وهو يشيله الله يجزاه خير
قال وش تبي هالحين قلت ابيك تخليه يوصلن للتشليح
قال توصل هالركاب معك التشليح انت تسمع قال ابشر
وهو يحرس موتره غصبن عليه وهو يودينن التشليح
و يوم وصلنا قلت امسك عشررررررررررتك (امط الرا مثله) الله لايشكر لك فضل
وما امر هالتشاليح واتمشى بهن ومن من تشليح لتشليح والقى هالقصيمي
وانشده قال ايه عندي لي مكينه على كيف كيفك الفعاله التراكه
الي ما صنعو اليابان مثله والموتر امريكي
عاد وانا وياه واخذه بالف وخمس واستاجر هالدينا واشحنه
من هالمكتب بسبعين ريال لحايل وبوجهي لطيارة الجماعه ولحايل
ويوم اصبحت واجي المكتب الي بحايل هاه ياولد ما جتكم المكينه الي ما صنعو ا
اليابان مثله قال الا مار واطلع سبعين وامدهن له قال وشن هذولي قلت قيمت شحنه
قال لا يوليدي بازي كثرهن خدمة مكتب قلت وشي هالخدمه لصار حتى التلفون مارفعتوه
يمي وقلتو تر لك غرضن عندنا قال هذا العلم
قلت وحياة معيش الذر ماتلس الريال غير هالسبعين لوهو ريال واحد
قال والله لارده قلت ترد (ب......ك) المهم واتلاج انا وياه قلت كله بسبعين وخدمتك بسبعين
ماتعقب المهم وادخل سيارتي يامر هي معلقه بالونش وانزله وبالنهايه انا وهو واعطيه عشره خدمة مكتبه
الي هي تعليزته بالونش المهم وقبلي للورشه حقت رفيزي قنقا وفك واربط وراربط وفك
ومع الشيل والحط ونرسبه بعد ما ولفنا لمااوجعتنا روسناوما واقوم وازغط سفطي واعطيه حق شغله
وبسم الله واشغل وتعيي تشتغل اثري بنزيمه قاضي واجيب بنزين واحقن مسبوع الابو
وبسم الله وتشتغل وامسح القزاز
واريوس وامشي بوجه يم حوشنا ما بين عيوني الا ميمتي ابي ابشره اني زينته
وما يوم وقفت عند الباب وليا الشكمان يصب زيت والاديتر يبوخ ماء
واطفي الموتر ويعيي يطفي
اقول به اقول به ويعي ومار بوجهي اعشق ويم قنقا تكفى يقنقا
ما من صديقن غيرك اليوم ننصاه وما يغلغله ويطفيه اشوى هاه يقنقا
وشو مشكل قال مكينه انت اول احسن من هذا مكينه هذا بستم زيت روح وراس خراب
ياولد ياقنقا قل غيره قال هزا علم ويهز رويسه ومار مع هزة رويسه
تضيق بي الدنيا وما بين عيوني الا مطوع التشليح ابو ..... الله يسلط عليه
وهالحين يالربع وش اعمل بالماخوذ هذا انا انفج لبريده ادق فرته
واتوطاء بطنه تحميل وتتصليح وشل ووود وحط وخذ وخساير كله
دين وتليته مكينتي احسن منه:c::c: علومنن وش اعمل به
ترووون بايعه بصرمايه على قولة السورن تكرمون وسلامتكم

راعي الوقيد
26-09-2004, 23:12
انا انفج لبريده ادق فرته واتوطاء بطنه تحميل وتتصليح وشل ووود وحط وخذ وخساير كله دين وتليته مكينتي احسن منه علومنن وش اعمل به
اي والله تفكــى رح دق فــرّته مثل الاول خله يتادب مثل رفيدزه:m:ـ

آآآآآههههههه

وتسان انت تطيع شوري خذ معك العيال وبتكسي بوجهكم يم فندق

السلمان عندهم مطعم على كيــّوف كيـّـوفك تعشـّـو ونومه والجهمه خذ

تكسي ماهو عــررررررراوي ليا انتم بالتشليح وشمام ليا انت بحلقه:(

اكيد يبي يتعذر ويعزمكم ويلزم عليكم:m: رضاوة لكم بس عيّو

لاتطيعونه اخاف انه يتكلف الاجودي ويذبح لكم:p:

يا ويطقــــــي :) راس خراب واجد:472r:خم بط

:goooood: رهيب << تقل جاريـــة عليك هالسالفه صدز :awink:
:p: :p: :p:
:p: :p:
:p:

الشبث
26-09-2004, 23:34
قال والله لارده قلت ترد (ب......ك) المهم واتلاج انا وياه قلت كله بسبعين

والله انك مدزدين بوه هالتسلب





وهالحين يالربع وش اعمل بالماخوذ هذا انا انفج لبريده ادق فرته
واتوطاء بطنه تحميل وتتصليح وشل ووود وحط وخذ وخساير كله
دين وتليته مكينتي احسن منه علومنن وش اعمل به
ترووون بايعه بصرمايه على قولة السورن تكرمون وسلامتكم

ذيبان انت حدوه من عندك وانا ابحدوه من عندي ونبي نليخوه ونلعن اللي هو تسلبنلوه ملعون الصلايب





ذيبان انت كذا :thumb:


مواضيعك ندوره بالمنقاش وانت تبخل علينا

بس هذا طبع الزين يتغلا :)

موضوع مميز وهااااااادف :thumb:



وتقلد تحيتي

المخاوي
27-09-2004, 03:31
اويطييييييييييييي اثريك ملعابه :tongue:

وقعوبك هالقصماان وانا احسبنك ذيب.ن. امعط :eek:

ولاعندك الا هالشتام واللعان صجيتنا وادوختنا واخرته خذو منك السبعين فوقن من الالف وخمس :p:

اقوووول حسافة هقوتي بك وانا ذاخرك ليومن احتاجك بوه :(

شوري علييك انك تحمل ملويتك بلك دينا بسبعين ريال وتقرطه عند راعي التشليح وتفتك :biggrin:

توي صدقت ابو غاااااازي :)

مفتاح14
27-09-2004, 11:37
وانشده قال ايه عندي لي مكينه على كيف كيفك الفعاله التراكه
الي ما صنعو اليابان مثله والموتر امريكي

ياصار هذا حتسيوه وشو له تشتري منوه :)


وياخذ رخصته واستمارته ويسجه قسيمه تحميل ركاب وانا واحد انا بس كتب ركاب
الله يعزه حسبن عن مجموعة رجال
ومار واقوم واتخطف راسه واحبه قلت طالبك تشيل هالقسيمه
يوم انك حسبتن عن مجموعة رجاجيل ومار وهو يشيله الله يجزاه خير
قال وش تبي هالحين قلت ابيك تخليه يوصلن للتشليح
قال توصل هالركاب معك التشليح انت تسمع

والله تسان هالعسكري مسوين هاللي انت قلت انه السنافي..سلم لي عليه بالله وحب لي خشموه:)




بعذرك ياذويبان لو ضاق صدرررررررك ( على وزن راء العشرررررره) .. وزين اللي الياهالحين وانت بحايل، الظاهر لو أنا بمكانك تسان من أمس وأنا متعوتلن برقبة راح التشليح المروح:)





مار نصيحتي لك شف عزوز ترى الولد عندوه اسلوب خذوه معك للقصيم وافطن ان ماعطوك بدل المكينه عشر..انت بس خذوه معك وابشر بالخير:)


( عزوز ويبي يطلع عن حايل.. مار بلى ) :):):)



يثبت يمكن حدى هالمبروكين يشوف لك حل والا شين :)

شنقل
27-09-2004, 15:42
ذيباااااااااااااان

اسعلك بالله الهنيدي اسمه قنقا
به له سالفتن عن قنقا
اعلمك به بعدين


وابشر بالعوض عندي لى جويب سوزوكي
ماني بحاجته ابرسله لك
بس حساب السطحه عليك
هههههههههههه
هههههههه


شكرياااااااااااات
شنقل عشيرك

ابو غازي
27-09-2004, 17:45
راعي الوقيد
اي والله تفكــى رح دق فــرّته مثل الاول خله يتادب مثل رفيدزهـ

هههههههه :p: الله يساامحك ياراعي الوقيد ... متى الحصني صار يضرب الرجال :32_f:


مفتاح 14
والله تسان هالعسكري مسوين هاللي انت قلت انه السنافي..سلم لي عليه بالله وحب لي خشموه

أفا يابو أربع طعش ... صدقت هالحصني :d:


المخاوي
اويطييييييييييييي اثريك ملعابه

توك تدري أنه ملعابة الله يسامحك بس ههههههههههههه :p:


توي صدقت ابو غاااااازي :)

خالي ياقال لك ابو غازي شي ن إخرز عليه :thumb:
ههههههههههههههههههههه:32_f:


شـــــــــــنقل

وابشر بالعوض عندي لى جويب سوزوكي
ماني بحاجته ابرسله لك
بس حساب السطحه عليك
هههههههههههه
هههههههه

شـــــــــــــنقل .... :d: لايغرك هالحصني مار تسان عندك زرابيل من زرابيلكم هذوليتس اهدهن عليه ترهم زياده عليه بعد
أما الجيب السوزوكي..... يعقب والله مايفحج عليه :32_f:
ههههههههههههههههههههه :p:


ذويبان ابالحصاااني :thumb:

عدي اشـــــــــــــوف صوابرك أكا ألي :26_f: تقل شــــــــــــــابوره محترقه :smooch:
ههههههههههههههههههههه :p:

تســــــــــــــــلم :32_f:

الاصمعي
27-09-2004, 22:47
أما سجعات هالمقدمة غير :thumb:

ذيبان الحمد لله على السلامة :)
والفلوس وصخ دنيا تجي وتروح ولو لعبوا عليك القصمان وخذوا فلوسك انت بردت تسبدك بهوشتك لواحد منهم "راعي العشرررررره" لوهي عاد "هوشة قصمان" :p:

تسلم يالذيابه :thumb: <<وش زود هالعسكري عنا :)

تحياتي

أبو مقرن
27-09-2004, 23:22
ياذيب ياللي تشتكي غش وخداع= قضيتك يالقرم..جاشي تثيره
كم واحد.ن.يمشي على روس الأصباع=ومن الحذر ماداج حول الحفيره
فرّت به الدنيا على كفّ وذراع=وقام يتخبط..والخطاوي عثيره
ومن ِقلّْ حظه سكتـّه كلها ضباع=عفون.ن.تواصى بالردى والمعيره
ولعبوبنا ناس.ن.دنيين الأطباع=ومن أسبابهم لليوم ساقي كسيره
الغش موضه..والفخر من بها باع=ودروب الأمانة معجزات وعسيره
ناس.ن.تلـّسن سمّها يذبح بساع=مثل الأفاعي ناعمات.ن.ضريره
قبلك عشيرك من لظى سمّها فاع=وقضيته بالجوف..قصة شهيره
بلاوي العالم عريضات ووساع=وبلواك منهن ياوسيع البصيره
ولاضاقت الدنيا..ولافيه فزّاع=المطلع الله..والمخارج كثيره


***
الغالي: ذيب شراف..
إنت سمعت بقصة الأسد..واللبوة..يوم أبا الموز يتحرش بهن..:)
ترنا حالنا مثله..:d::d:
وإن طعتن خل طاري النكسة..وتعوذ من إبليس..وتوّقع بالجايات..:puzzled:
وها لأمريكي سبيع الأبو..حتى سياراتووووه..جاهن بلاوه..ويعملن عملوه
وشيبّن بروس أهلهن.لذلك خلك منهن..:232r:
وعليك بنتاج(أفطس الخشم)..!!:thumb::thumb:
تحياتي

ابو خليف
28-09-2004, 12:22
ابو قيد

انت تهقاه صدز

اوقول والله ان نبطي عضم ما قلطنا
لكن الله والعالم ان شورك مبارك
بس المصيبه ما تشوف التكسي
كل عررررررررررررررررررراوي
وسان انا جمعت العيال رحت بخرايطه يالله تريله تشيلهم
بس ابشر يجيك علمه

ابو خليف
28-09-2004, 12:25
شبثان الا يابعد حيي هالفره
الا ياعله بعد فرة ابو غازي هالي تقل خمس دقايق الا اربع ثواني

اشي شف الرجل جاك منا احدره علي جاي
ما يشفي غليلي منه الا اصدمه بالودز مبيل
بعد ما نشري له مكينه ثانيه الله يعين

ابو خليف
28-09-2004, 12:31
المخاوي يعل تخاوى الجن مع جنوب عدوك قل امين

(الي ما يلعبون به الرجال ما يلعب بهم)
^
^
^
توخذ الحكمه من افواه الي مخبطه مكاينهم

اقول يالمخاوي ترك ان دليت تسمع كلام ابو غازي دهورك
وجدعك بلك مهمهيه
وانت عضو مميز ونذل عليك من هالنزغه المارجه ابو غازي
افطن لروحك يالبناخي

ابو خليف
28-09-2004, 12:37
يهلا بالشيخ ابو طعش :)

والله يابو طعش قلت يمكن ان الاجودي يضحك ويمزح
يوم يقول ما صنعو اليابان مثله
اثريه ماعندك احد

وابشرك اني هالحين معسكر بشري
اتحرى الربع يكتملون
وعلى راسهم شبثان
ويبي ياصلكم علمه ان شالله
والله يجزاك خير على سمرة الحاله بهالمسمار
ترى الربع على قولتك اجواد والله بهم من الدين والصلاح
تصلي على طرف شليل الواحد منهم من الطهاره
يمكن ان حديهم يجدع له راين مبروك


شكرا لمتناعكم عن التتن اقصد تعاونكم معنا

ابو خليف
28-09-2004, 12:47
هذا الي انت جيدن به يابو غازي

تزقلب هالكرش الي تقل عفش مطلقه
او بسطة حجه
وتشمت
ما تنفع اعوذ بالله لو بكليمتن تجبر به
خاطر اخيك المسلم المغلوب على امره
ذيب شراف
الله من الديم على قولة اللحوج مار الشرهه علي اللي
مطلق الحبل لك على الغارب
واقول كبير سن وشايب وخله على راحته
بس الضاهر ما ينفع بك العلم
يالله زدامي يم الترحيب والتعارف ولا تخلي عضو جديد
الا كاتبن به ترحيب ترن مديرك وسلمتي هي الي تمشي
ايه الله يرحمك يم كلسوم يوم تقول
وان سفاه الشيخ لاحلم بعده
وان الفتى بعد السفاهتي يحلمو
تروونن ماني متوسد هي رحمة ام كلسوم
الي قالته او احدن غيره
المهم ان الي قاله زادز اشوف ابو غازي كل ماله وينخبل
:p: :p: :p:

ابو خليف
28-09-2004, 12:56
يابو اصمعي والله انك نفخت راسي
واشوف رجلي عقبن كتوفي
من هالمدحه والحين الله والعالم اني
ابي اهون عن نفجة بريده وابي انفج
يم مضيف جبر الخواطر او مضيف الفصيح وابي
اعبر عن شعوري عندهم
يمكن ان الله يكتب لي خطبتن تشتهر مثل خطبة
ابو مدري منهو الي مطلعه يقول
يا ايه الناس اسمعو واعو من عاش مات ومن مات فات
الخ الخ الخ الخ
وتكون انت سبب اكتشاف هالموهبه الي مندفنتن
بصدري ولا درى عنها احد قبل تحمسن وتخلينن انفج لحدى
هالمضيفين
اما عن وسخ الدينا يرجال ماعينها حتى وهي وسخ
اشوف هالخلق مجودتن بها ولاتحركوا قالو وسخ دنيا
مدام هي وسخ اقرطوه خلونا نلقطه ونعرس ونفتح لنا تشليح
ونتعاطف مع خلق الله الي تخبط مكاينهم
والله يالبناخي انك لو تويز بمخباي تشوف
المصران الاعور والبنكرياس من الفقر ما خلنا لنا
الراجحي شين من وسخ هالدينا ولاتهو ن البنوك الاخرى
شكرا لك على رفع معنوياتي وانتضرني نافجن يم مضيف الفصيح
جايك يالفصيح

بو رائد
28-09-2004, 13:00
ذويبان بعد حيي هالوجه ابشر باللي تبي انشاء الله مايضيمك الدهر وحنا حولك كم تبي بس لايردك الا لسانك والخوي اللي ماينفع بالمواقف
هذي مابوه خير ماهوابو غازي جيدن بالتعليق هو وشنقل وينهم مايفزعون ابشر باللي يسرك يا الغالي شمر عشوا الذيب ماهم عجزين
عن سيارة ولكن تراني حاضر باللي تامر

ابو خليف
28-09-2004, 13:02
شنقل يابعد حيي هالفره

من الفرحه بالسزوكي قمزتك ورديت على ثنين عقبك
بس عاد بشرن هي ترسب للامريكي او لا
ترن من البارح افسر بها
وسعلت قنقا قال انت جبه ونشوف
يمكن ترسب
:) :) :)

ابو خليف
28-09-2004, 13:07
المحترم
ابو مقرن وشلونك ياخي اثريك

مثل حالتي الله يعيننا وياك
وصح لسانك على هالبويتات وسلم بنناك والله
والعالم ان شورك مبارك
بس عاد متى تقولي قصتك هالي اشهر قصه بالجوف
لاتحرمنا منها
ويمكن ان معاناتك تفجر فيني موهبه شعريه
واتاثر مثلك وارد عليك
لاتحرمنا منها بنتضارها

ابو خليف
28-09-2004, 13:22
ذويبان بعد حيي هالوجه ابشر باللي تبي انشاء الله مايضيمك الدهر وحنا حولك

الله يسلمك بو رايد بس اسمع سان هالي اسمه
الدهر اخون لدهور لا تشوفه عيني

بعدين ونعم بالجواد الي عشو الذيب
بس الي يبي يغثنن سانهم عشو راعي التشليح بعد
اسمع يالبناخي انت الحين اسمك بو رايد
وتوقيعك يو رايد
شوري عليك حط توقيعك يو مقدم او تدري تستاهل عقيد
خل التوقيع يو عقيد
ازين من يو رايد
:p: :p:
لاتزعل امزح ترن

بو رائد
28-09-2004, 15:02
ذيب مالك امان هالحين انا منغث علشانك وكلمت البنك ابي اشوف
كم رصيدي غدينا نساعك بكم قرش التوقيع خطا مطبعي حيي
لكني مالوم ابو غازي بك ياشين حتى الغداء ماطب كبدي منغث علشانك وكنت ابي اكلم الربع بالنفود نجمع لك كم خريف لكني
لازلت اغليك اي والله يا ذويبان يمكن حروفك زلقه سالف الربع

المخاوي
28-09-2004, 20:50
وانت عضو مميز ونذل عليك من هالنزغه المارجه ابو غازي
افطن لروحك يالبناخي

تصدق انك صويدز :)

اقوول هالحاله تره ماتطول بس اصبر شوي ياما افطن لحالي من ابو غازي :mf_ymca:



(الي ما يلعبون به الرجال ما يلعب بهم)


هااااااهاااااي

اما هالمثل تيكا تيكا :thumb:
وفيه مثل بعد يقول اللي مايخاف مايخوف :p:
اما تؤخذ الحكمه من اهل المكاين المخبطه شكله تمشي الحال :biggrin:

اقوول عندي لك مكينه تشتغل بستمين :rolleyes: لكن السرعه لاتعديه 40 :cool:

الأصيل
28-09-2004, 22:32
ذيب شراف

على كثر ماكسرت خاطري من هالمعاناة

على كثر ماضحتست من سالفتك وطريقة سرد أحداث القصة



لكن

ما أقول الا ( الله يرفع عن موترك ولا يبلا مواترنا )

والصبر زين وفيه مقظات ثنتين *** تكسب جميل وتاخذ الحق وافي

وعسا هي تكفير ذنوب .

(سنعوسي)
28-09-2004, 22:40
ذيب شراف


سجل واحد معك ان بغيت راع التشليح


بوه لوه قناتن عندي مدري هي يا صكيت به الوحد هي تجدعه او لا

نيب نجربه براع التشليح :)

ابو خليف
29-09-2004, 12:44
ابو رايد سلامتك من الغثاء

وتر الملح زين يغسل السبد
ويهبط الغط
والعن الشيطان وتغد كله مكينه مخبطه ما تستاهل
ان الواحد يضرب عن الاكل على شانه
وحنا ما اضربنا على شان امورن اكبر من هذي
مما نشوفه بحوال اخواننا المسلمين بمشارق الارض ومغاربها
نضرب عن الاكل على شان مكينه
ياحيفك حيفاه.....
بعدين حنا نبي نعرس
تجمع لنا خرفان من النفود جب ارطى قني نبي ندب
الرجال وانت رايحن تجمع عونات

هههههههه
الله يسلمك يابو رايد
وبعدين غلك الله بالجنه انت والديك والمسلمين اجمعين
^
^
^
هالدعوه على شان غلاك لي الله لايغلك على اقصاك

ابو خليف
29-09-2004, 12:49
ايه يالمخاوي

توك تسنع شوين

لايدهورك هذا مثل ما دهور الي غيرك

فكر زين قبل تطيعه

تره ماهو مضيبيط

ابو خليف
29-09-2004, 12:54
الاصيل اشكرك لك وقفتك هي معنا وتضامنك معنا

والله ينهض عنا قبل موترنا
وعساك استانست
اهم شي وناستك طال عمرك :p: :p:

ابو خليف
29-09-2004, 13:06
سنعوسي
الا يابعد حيي هالطرخمه
عز الله كفوا

وان شالله مخليك لامور الي اكبر من هذي انت شكل
قناتك والي هي تلمس وفاه

فلذالك مخلينك لامور القتل طال عمرك

عبدالعزيز
29-09-2004, 13:18
هااااااااااااااااااااااااااااااااااااااا اااااااااااااااااااااالا ذويبان

هلا بذيب الاخماس

ولم روحك نبي ناصل هالقصيم ونمر التشيلح نعطيهم الوعد ونطلع للمليدا نتحراهم هنا انا وانت وسنعوسي والفاضي بالحوض :)

وبدل المكينة ابشر بمكينتين :thumb:
وتسانك تبي تمشي حالك هاليومين تر عندي ثلاث نقال ان قعدو عندي اكثر مما قعدو ترن انجلطت :g:
تبينن اجيبهم لك يدفونك لابغيت مشوار؟؟ :)

على بركة الله نتحرك يمهم مسلولة مار انت حدد الوعد والوقت :smooch:
واليامننا قضينا نبي ننحر هالشرقية يذكرون مع ابوغازي كويبرس مادري هو يوفي معك او لا؟ :)

ابو غازي
01-10-2004, 01:34
ذيب مالك امان هالحين انا منغث علشانك وكلمت البنك ابي اشوف
كم رصيدي غدينا نساعك بكم قرش التوقيع خطا مطبعي حيي
لكني مالوم ابو غازي بك ياشين حتى الغداء ماطب كبدي منغث علشانك وكنت ابي اكلم الربع بالنفود نجمع لك كم خريف لكني
لازلت اغليك اي والله يا ذويبان يمكن حروفك زلقه سالف الربع

ابو رايد :)

ياخلف جدي لايغرك تروووه حصني وبعد من عيال إبن علف
ههههههههههههههه :p:
اخو موضي n) شقيقة بعلمتوووه وعلمووه :d:

سنعوسي :awink:
تكفا لاتوصخ هالقناة على شان حصنان إبن علف :(
أعطن القناة أبي أدمغ عزوز به هههههههههههههههههه :p:

:surprised

:359r:
:d:

ابو خليف
02-10-2004, 15:45
عزوز

عزالله انك خوش عضيد
والمسبوع نبي نتل موتره منه
انا والم

ابو خليف
02-10-2004, 15:47
ياخلف جدي لايغرك تروووه حصني وبعد من عيال إبن علف


تكفا لاتوصخ هالقناة على شان حصنان إبن علف :(


:d:



احلولات منهم العفك مع معزى امي
له ضحويه

ام خالد 231
20-11-2007, 20:34
يسلموووووووووووووووووووووووووووووووووووو وووووو

ام خالد 231
20-11-2007, 20:36
يسلمووووووووووووووو

أبوطروق
21-11-2007, 08:53
أم خالد

السالفة صارله 3سنين و19يوم وانتي جاية تقولين يسلمووو


عموما
يسلمووووووووو

:

المطنوخ
21-11-2007, 12:21
ام خالد

كيف الحال :)

عموما يا ام خالد هذا قسم المواضيع المميزة وتنقل له المواضيع التي كتبت في فلة الحجاج

اللي ياليت نشوفتس هناك تبدعين بالمواضيع اللي تسر الخاطر

الموضوع مغلق من البطا

ويسلمووووووووووو ذيب شراااااااااااااااف :solh: