المساعد الشخصي الرقمي

مشاهدة النسخة كاملة : بنت غرفتها حوسه تعالوا يابنات نساعدها !!



ريم شمر
24-01-2005, 20:23
هذا نص رسالة البنت والباقي على الخبيرات :)
7
7
7



غرفتي ياااجماعه تطلبكم الحل:(

محيوسه حوسه ما يعلم بها الا ربي

كانت فترة التطبيق هي بداية الحوسه

واستمرت في التراكم الين ما بقالي مكان انام فيه:)

طبعا قررت بعد مناقشات ومناورات بيني وبين الوالده

اني ارتبها

مع اني والله احب الترتيب .. بس الكسل غلبني هالمره

اهم شي اني نويت وبكل حزم اني اطلعها شي ثاني

وهذا ما راح يكون الا بمساعدتكم

وان شاء الله الاخوات الي لهم خبره في الديكوريشن بعد يساعدوني

وعشان ما اطول عليكم

هذي كم صوره لغرفتي من كم زاويه

وما يخفاكم اني استحيت اصورها بحوستها وعشان بعد يكون فيه معالم تنشاف

رتبتها شوي ...

ترى بس شوي .. يعني لا تهاوشوني اني شفتوها محيوسه:)

7
7
7
http://net2003.jeeran.com/nona%20048.JPG

http://net2003.jeeran.com/nona%20049.JPG

http://net2003.jeeran.com/nona%20051.JPG

http://net2003.jeeran.com/nona%20056.JPG

http://net2003.jeeran.com/nona%20054.JPG

ريم شمر
24-01-2005, 20:33
بقول بعض الملاحظات بشكل سريع

علشان بعد نستفيد كلنا

اول شي الالوان مابينها تناسق ابدا

المفرش غرب وباقي الالوان شرق

الغرفه اصلا حجمها صغير بالنسبه لكميه الاغراض الموجوده

الة المشى المفروض مكانها مو في الغرفه

اما في الصاله او في غرفه خاصه او الحديقه

لو تستخدم علب خاصه لحفظ اغراضها مثل الاكسسوارت
والمكياج وغيره بيكون طبعا ارتب واحلى

اللوحه مكانها غلط

الجزم وانتم بكرامه مكانها خارج الغرفه خصوصا لو كانت ابوات مثل اللي في الصوره


انتم بعد لاتبخلون بالتعليق والمساعده

شموخ
25-01-2005, 00:24
بعد الفحص تبين لي ان الغرفه شكلها صغيره بالأساس :) واختنا في الله قشت كل شي للغرفه :)....
لو كانت الغرفه كبيييييييييره صدقيني بتكون منظمه وتشيل أكثر ..
وصراحه فيه شي محيرني في غرفتها ليش القطع لونين ماهي متناسقه، فيه لون عودى فاتح ولون ابيض مع وردي هي اللي منسقه هالقطع والا جايه مع الغرفه اللون العودى لازم يشال من الغرفه ..
1) الالوان ماهي متناسقه ابد :nono::nono::nono: واللي يرحم والديك قشي مفرش السرير وحطي لون أبيض مناسب للغرفه ...

2)التسريحه اشك انها تسريحة طالبه الظاهر بعد التخرج اشتغلت في محل كوافير وش ذا العلب اللي عليها :):)

لاتخلين على تسريحتك الا أشياء بسيطه وتستخدمينها يوميا مثل كريمات مرطبه للبشره وعطورات وارواج خفيفه أما ادوات التجميل الثانيه فحطيها في شنطة مكياج لإستخدامها وقت الحاجه حتى الاكسسوارات شيليها..

3) المكتبه اللي عليها اكياس ( ثالث صوره)مدري كأني أشوف فيها تلفزيون لو تخرجينها برى دام الغرفه صغيره يكون أفضل الا زم تشال لأن أكثر شئ مشوه الغرفه هي مضيقتها والوانها ماهي مناسبه..

والآ أقول لك غيري الغرفه :)اختاري غرفه كبيره بالبيت وحطي جميع احتياجاتك عندك بغرفتك مثلي شوفيني مكتبي على مكتبتي على كمبيوتري كلها بغرفتي بس الصراحه مسويتها على شكل زوايا يعنى كأنها جلسات وبينها مسافات شوي :thumb:
حاولي في امك تغير غرفتك بغرفه كبيره وعطينا صورتها وانا ارتبها لك واقولك وين تحطين كل شي ..
إذا ماغيرتها عاد اصبري لاتحنين عليها :)

على فكره الصوره قبل الاخيره ماطلعت لي .

الا أكياسك ياكثرها وش فيها :)

تحياتي
شموخ

بنت الشمال
25-01-2005, 03:07
هههههههههههههههه
وش هالحووووسه :)


أوووووول شي واللي اشوف الكل معارض عليه هو
عــــــــــــــــــــــدم تنااااسق الألواااان بالمررررره

وبعد غير كذا مدري وش كل هالأكياس وش كثررررها ومسويه زحمه بعد :)

وبعد غير كذا <<< ياكثر هذرتس اخلصي علينا

الغرفه مثل ماهو ظاهر قدامي انها صغيررره مره والتلفزيون مكانه يبيله تناسق أكثر وحوووسة المكتبه أسلاااااك ومدري وشووو !!
اللي فيها يبيله ترتيييب مررره
ومفرش السرير برااااااااا الغرفه ماااهو متنااااسق لونه بالمره
بالله ياللي غرفتس هذي ... وشلون شريتي هاللون!! :)

هذا اللي عندي وان شاء الله يفيدونتس باقي البنات ....

والله يعينتس على الترتيب



أجمل وأرق وأعطر التحايااا
غيث السحايب

طَيْبَةْ الْفال
25-01-2005, 19:20
اولا السلام عليكم ورحمة الله وبركاته

ثانيا اشكر جهودكم المبذوله في مساعدة اختكم في تنظيم غرفتها

ثالثا فانا اتفق مع الاخوات في عدم تناسق الالوان وغير سالفة الالوان
نلاحظ ان الغرفه فيها اكثر من دولاب واكثر من مكتبه
http://net2003.jeeran.com/nona%20048.JPG

اولا: الغرفه على صغر حجمها فهي مملوءه بالاغراض التي ليس لها داعي
يعني المفروض تكتفي بدولاب واحد لوضع ملابسها .. والتلفزيون ماله داعي يكون بغرفة النوم
مكانه بالصاله احسن لان غرفة النوم للراحه .. اما في حال رغبتي بوجوده فضعيه على درج صغير
مخصص للتلفاز بدلا من وضع مكتبة كبيره تشغل حيزا كبير من الغرفه

والاكياس اللي تملأ الغرفه اخرجي مافيها ورتبيه داخل الدولاب وجهاز الجري ضعيه في اي مكان خارج الغرفه ..والشنط اللي في كل مكان فضيها ورتبيهم داخل الدولاب
كما نلاحظ وجود استريو ومسجل .. ياليت تكتفين بواحد منهم وتضعينه في درج مخصص له

نلاحظ ان الغرفه مساحتها جيده ولكن بعض الاثاث ليس له داعي بالغرفه هو الذي شغل حيزا من الغرفه وبدأت لنا بشكل صغير ..


اما اذا اردت تغيير جذري للغرفه يعني صبغ وديكور فانا بالخدمه لدي افكار رائعه ..

بـنـت النـور
26-01-2005, 16:24
اولا السلام عليكم ورحمة الله وبركاته

:goooood:

ثانياَ غرفه مين ؟؟


http://net2003.jeeran.com/nona%20048.JPG

اول مالفت انتباهي الة المشى المفروض مكانها مو في الغرفه

اما في الصاله او في غرفه خاصه:thumb:

والتسريحه المرايه بدت تختفي من العفش:p: اللي حاطته الاخت
واللوحه مكانها غلط بالغرفه وكذلك الالوان ابداً مافيه تناسق
والتلفزيون والاكياس والعفش اللي ماله داعي

لازم لها اعاده تنظيم من جديد من الوان الى تنسيق وترتيب
وتغيير الغرفه من جذورهاااا :d:

تحياتي
بنت النور

ريم شمر
27-01-2005, 13:03
شموخ
غيث السحايب
طيوبه
بنت النور

تسلمون يابنات

من جد ماقصرتوا

وبالنسبه للبنت تكتب في منتدى ثاني

وانا نقلت موضوعها كمساعده

أحمد المشتاق
28-01-2005, 18:53
كلكم تقولون الغرفه صغيره !!!!!!!!! مع اني اشوفها كبيره لكن الأغراض كثيره :)

بالنسبة للألوان صحيح انها ماهي متناسقة لأن فيه طقمين الأول كان الأبيض وهو الأصلي وبعدين لما صار زحمة اشترت اللون الثاني "خشبي مورنش"

طبعا الطقم الثاني هذا جايها تبرع يعني هدية :) وهو افضل من ناحية نوعية الخشب بعكس الأبيض وهو خشب مضغوط ويتكسر بسرعة

ومفرش السرير طبعا شاريته امها بدون ما تسألها وما ودها تكسر بخاطرها :) مع ان لون الستاره فيه سماوي "رايي تشيله" وما فيها شي اذا استخدمتة

اغراض ابو ريالين اشوفها كثيره يعني لو تلغيها مع اني عارف انها هدايا.

الصورة اللي معلقة تنشال نهائي لا تغير مكانها

اسلاك الكهربا تتشبك من الخلف مو من الأمام

واغراض التسريحة ما تكون في جهة وحده تتوزع على الجهتين

رصات الكتب "اذا كانت كتب العتب على النظر" تتوزع على الجهين يعني ما ترصهم مع بعض يعني ثلاث رفوف فوق بعض كلها كتب ما يصير :(

تقبلوا تحياتي

سلطان الشمري
28-01-2005, 21:07
سوري يا بنات .. كنت ابي الشارع اللي جمبكم:)

بـنـت النـور
29-01-2005, 00:33
أحمد المشتاق & نبراااس


عالم المرأه الخاص
خاص بالنساء
يمنع مشاركه الرجال

بهذا القسم وسوف يتم حذف اي مشاركه لهم بهذا القسم

ريم شمر
29-01-2005, 12:24
البنت صاحبة الغرفه والموضوع تكتب في منتدى عالم حواء
باسم نعومه
وانا ارسلت لها ودعيتها وان شاء الله تجي عندنا

بس مادري عاد هل الى الان غرفتها حوسه والا رتبتها :)


شوفي يانعومه حتى اخوانا الشباب ساهموا بالنصيحه علشانك

ونصايح احمد المشتاق ممتازه بس نبراس ماستفدنا منه شي

لقافه على الفاضي :477r:

ريم شمر
29-01-2005, 12:34
هذا رد اخونا نبراس

حذفه يوم انتبه ان الموضوع تابع للقسم الخاص بالبنات وهو يعتذر

وارسله وانا وضعته من جديد لانه اعتقد اختنا نعومه ممكن تستفيد منه

--------------------------------------------

بصراحهـــ انا ذوقي وسط ,, :)


لكن الغرفهـ متأكدين ذي غرفة بنوتهــ ..!!!!!


اخافها مستودع بس...:)

يادافع البلاء وين عايشهــ ذي ,, بس بكل امانه بالتمس لها عذر يمكن وقت امتحانات ,,

والا البنت باين ذوق ,, والدليل اختيارها لماء ( نوفا ) شوفوه جنب راسها من قريب ..

http://net2003.jeeran.com/nona%20056.JPG


<<<مايشرب غير مياه ( نوفا) :)


المهم ..

الالوان: اول شيء يتغير ,, الى لون هادئ وحلو ..

ونبداء بالصوره الأولى :


1)الة المشي ذي نخرجها خارج الغرفه ,, ليه البيت مافيه مجال لها ..؟
2) التسريحه عليها اشياء مالها لزمهـ زيادة عدد سكان بس للغرفهـ :)


(الصوره الثانيهـ):

طبعاً اكيد بتتغير اللوان الستاير مع تغيير لون الغرفهـ وتكون الوان هاديه شوي ومريحه للعين ,,



(الصوره الثالثهـ) :

1) الاكياس , والكرسي اش حقهــ بالغرفه ..؟ مالهم داااعي ..
2) الاسلاك وتوصيلها وحوستها .
3) الشُنط مش بمكانها الطبيعي, ولا اللي جنبها كلها خطأ .
4) حجم TV يكون احلى لو كان اصغر .
5) الشماعهــ ما منها فايدهـ . لانه باين ماتستخدم .
6) الليت ( اللمبه ) اللي فوق مو بمكانها .. لانها بزاااويهــ وماراح تسوي إضاءه كافيه .


( الصوره الرابهـ) :

بصراحهــ احرجتني , لأنه الأفضل يكون مكانها خالي .. الا من شيء ضروري , يعني كل اللي فيها لازم نبعده ونشوف له مكان مناسب ,

مثل المسجل , والكرسي ,

بس اللي قاهرني الفلين والاكياس اش قصتها .. :)
شكلها مدرسة ( اقتصاد أو تربيـــــهـ فنيهـ ) :)



( الخامسهـ ) :

ان كان ولا بد من الكتب ذي فنسوي لها ترتيب بحيث نضع ما نقرأ فيه دائما , ونحتاجه مثل كتب التخصص او الاشياء المفيده , اما ماعدا ذلك نودعهـ مكتبة المنزل :)

--------------------------------------------------------


شكرا لاخوانا احمد ونبراس

ومؤكد دخولهم كان بالخطأ

بس مؤكد انا استفدنا

فاصــ بيضاءــلة
29-01-2005, 21:26
طيب أنا جيت بحل مادري يعجبك ولا لا >> الحل مهوي شوي بس بقوله

أنا لاحظت أن الغرفة سقفها عالي وانا ناحب السقف العالي وغير كذا أن السقف النازل يغير من الغرفة فإذا أمكن نزلي السقف شوي:tongue:

ريم شمر
31-01-2005, 17:52
هلا فصفص

هو الحل مهوي صح

بس ممكن ليش لا

وممكن تسوى ديكور على السقف بحيث انه يكون نازل

تسلمين ياغاليه

نعومه
02-02-2005, 15:35
http://nona2003.jeeran.com/nawoomh.gif

ريومه << صارت صديقتي

عاد توني مهذريه .. وانتي قاريه هذرتي فيذا وفي ذاك

وانا معاك بكل الي قلتيه

الا في (( البوت ))

اي بوت الله يرحم حالتس؟؟

وشلون قدرتي تخترقين الدولاب وتشوفينها

والله غرفتي مسويه عمايلها

ما عليه يا قلبي عاذرتك .. داريه ان الغرفه تدوخ

خخخخخخخخخخخخخ

بس والله انكم شجعتوني للمطالبه بحقي في تغيير هذه الغرفه التعيسه

والمحااااولات ما زالت مستمره

الف شكر ياقلبي على نقل الموضوع .. وما تتخيلين وشلون استفدت من النقل

وبالاخير ماراح تشوفون الا الي يسركم

انتزروني

http://nona2003.jeeran.com/nawoomh3.gif

شموخ

هلا وغلا فيك

واهم شي التفحص ..

اسباب تلون الغرفه كتبته في ردي لاخوي احمد لاني بديت ارد من الاخير

بس الي توني اتوصل له .. اني ابقلب الغرفه لونين او 3 بيج وعودي فاتح اساسيين

والزهر كرتوش

يعني الموكيت بإذن الله ابغيره للبيج وكذلك الستاره واسفل السرير والمفرش العلوي وبعض المخدات

اما الزهر ابخليه للستاره الخفيفه وبعض المخدات الصغيره ومفارش الطاوله وبعض التحف

واما العودي راح يكون لون الكومدينه وطاولة التلفزيون والدواليب

المكتب راح يطلع برى (( اااوت )) وراح احط مكانه كم حركه ابخليها مفاجئه

والتسريحه

ههههههههههههههههههه

ترى عاد موب لذا الدرجه ..

بس انعكاس المكتب عطاها ارتفاع

بس ولا يهمك راح اسمع كلامك و ارتبها

واي تخرج الله يرحم والديك .. تونا نغني ياليل ما اطولك

والمكتبه جايه بعد طقاق تبيني اغيرها .. يا شيخه اطلع انا ولا تطلع هي

على جثتي .. مستعده اغير لون الغرفه كلها ولا اطلعها

يختي تفي من بؤك تفي

والاكياس فيها كل شي ..

انتي بس وش تبين

مشكوره يالغلى ..

http://nona2003.jeeran.com/nawoomh3.gif

غيث السحايب

منووره يالغلى

وعدم تناسق الالوان مشكله سهل حلها .. لكن المشكله في تغيير الاثاث بكبره

والاكياس بعد ميب مشكله .. ابضفها ضف

الغرفه ميب لهدرجه صغيره .. بس حوستها كاشتها

المفرش جايبته الوالده .. وبيني وبينك ماكان فيه الا هو

اصبري علي وان شاء الله بنصايحكم وشويه شغل بتشوفونها شي ثاني

منوره يا بعدي

http://nona2003.jeeran.com/nawoomh3.gif

طيبة الفال

الشكر لك انتي ياقلبي على نصايحك

اولا: الدوااليب من الصعب اني اغيرها .. لكن ابحاول

والتلفزيون صعب بعد اني اطلعه .. لان ماله مكان غير غرفتي .. واحسه صار حته مني

<< و ياكثر حتتي ما بعد شفتوا شيhttp://www.shmmr.net/vb/images/icons/icon10.gif

ثانيا : سمعا وطاعه الاكياس ابطلعها

والشنط بروضوا ابرتبها

اما المسجل عشان اسجل والاستريوا عشان اسمع << قولي قسم

وانا معك الاثاث الزايد هو الي مضيق

عشان كذا ابطلعه بلا رحمه

وعطينا من افكار تغيير الغرفه .. لعل وعسى يحنون علي اهلي ويرضون يغيرونها

بانتظارك يا عسل .. ومشكوره على النصائح

http://nona2003.jeeran.com/nawoomh3.gif

بنت النور

دي << تغمض عيونها بيدها وتفتحها

ذي غرفتي << حاسه انها بتتسطر وتحاول تميلح

بس وانا اختك ذي اخر مره ماعاد اتعودها ..

الة المشي هي البلوى .. انا الي طالبه منهم يشترونها

واخاف اذا طلعتها قالوا مزعجتنا عشان نشتريها وبعدين دوتس اياها منطولتن برى

وتعرفين وانا اختك كلام الاهل

لكن ابقوى قلبي وابطلعا والعفش وراها

والتسريحه بعد راح ابرد قلبك فيها

والالوان راح احاول انسقها قدر الامكان

ماراح تشوفون الا الي يسركم

اانتم بس انتظروني

والف شكر يالغلى نصائح غاااليه وراح اسمع فيها

http://nona2003.jeeran.com/nawoomh3.gif

احمد المشتاق

معاك حق اخوي

الغرفه كبيره .. و كثرة الاثاث وكبر حجمه مصغرها

واسمح لي اقول ان توقعاتك صائبه بنسبه 90 % ان كاني ما بالغت

كلامك صحيح ,, الطقم الثاني جا بعد ما طفح الطقم الاول من الاغراض

الثانيه برضوا كلامك صحيح

ههههههههههههههههه

الطقم الثاني اختيار الوالد .. وهو دائما ينقي الاجود قبل ينقي الشكل

والثالث ايضا صح عليك .. ياال سخرية القدر << اقول لا يكثر بس .. ابقلبها مسلسل تاريخي

الوالده شاريه المفرش

بس كانت متصله علي تقول انه مافيه الا ذا للون بحجم مفرشي وقلت لها تجيبه

ولاحظ موب بس ازرق .. الا مقلم بعد زي الستاره.. يعني يركب << اقول اها بس ولا يكثر

صح اغراض ابو ريالين شاريتها هدايا للبنات

بس والله ميب بريالين << قولي قسم

والصوره ليه ميب عاجبتكم .. والله جايزه لي ..

بس هي يا قلبي ماجتها فرصه تثبت وجودها

الاسلاك تيب ابشوف لها صرفه .. وترى ذي اخر مره ارتبتس << تهدد الاسلاك

اغراض التسريحه ابقضي عليها . لانها محومتن تسبدي

اما الكتب وش اسوي ذابحني العلم << ايه هين

اشوى ان نصها مجلات

بس ولا يهمكم الكتب بتترتب

والف شكر اخوي احمد .. نصائحك كالدرر

ماقصرت

http://nona2003.jeeran.com/nawoomh3.gif

الاخ نبراس

بصراحه بكلامك بينت ان ذوقك اعلى بكثير من الوسط

واخاف اقولك ان هوايتي الديكور وتسطرني

لكن خلها على ربك

وبعدين زي ما ذكرت كانت فترة تطبيق وبلاوي متلتله .. ماتشوف اللوح؟؟

اشي خلية نحل واشي بحر واعلام .. وليته نافع في البنات << خذت جو بالسواليف

نرجع لموضوع الاوضه

الالوان ذوق الوااالد .. يعني ما نقدر نقول شي

والغرفة تفصيل يعني ثمنها شي وشويات

وكل ما قلت للوالد ابغيرها قال توها ما خربت عشان تغيرينها

والمشكله ان شكلها ميب خاربه ابد

والله اني جفسه في التعامل معها .. ارادع بالبيان واشخبط على الدواليب .. و انواع التجاليد والتقشيع<< ايام اول

عاد ابوي يعرف يقهرني .. قام واعاد صبغ الدولاااااب

ولقيت انه لامفر ومستحيل يتغير الاثاث ..

لكن بسيطه يا انا يا الاثاث ونشوف

والله يجزى ريومه خير يوم دلتني عليكم

النصيحه الاولى مفهومه .. وحتتنفذ ان شاء الله

النصيحه الثانيه عشان تكون صريحين صعبه لكن ابحاول

النصيحه الثالثه

الاكياس انا معك مالها داعي . لكن الكرسي اسمح لي

طيب واش اقعد عليه انا؟؟

الشنط تيب ابشيلها

الـtv

برضوا شاري منه الوالد درزن وموزعه على غراف البيت

يعني مافيه اي مجال الزقه باحد هالغراف

كل وحده الي فيها كافيها

الشماعه لا والله تستخدم لا تظلمها

اللمبه بعد معكم فيها.. مركبها الوالد تجربه لنوعية اللمبه

لانه ناويه يكثر منها ان طلعت زينه

بس مع الاسف اثبتت فشلها وهون عنها

النصيحه الرابعه معاك حق فيها.. وبيني وبينك ناويه اشيل المكتب كله

والملاحظه الاخيره اصبت فيها

وش دراااك؟؟

النصيحه الخامسه .. برضوا استفدت منها

الف شكر اخوي نبراس ..

على الرغم من التهزيئة الي بالاول .. لكن استفدت في الاخير

http://nona2003.jeeran.com/nawoomh3.gif

فاصله بيضاء

ياااااااشيخه

وانا اقول وين المشكله

اثرها في السقف

والله ناويه اجيبتس عند اهلي

عشان يدرون ان اقتراحاتي معقوله

ورحمه جنب اقتراحاتك

بس برضوا منوووورهhttp://www.shmmr.net/vb/images/icons/icon10.gif

http://nona2003.jeeran.com/nawoomh2.gif

فاصــ بيضاءــلة
02-02-2005, 16:39
http://nona2003.jeeran.com/nawoomh.gif

[color=#FF0099]ريومه [/colorفاصله بيضاء

ياااااااشيخه

وانا اقول وين المشكله

اثرها في السقف

والله ناويه اجيبتس عند اهلي

عشان يدرون ان اقتراحاتي معقوله

ورحمه جنب اقتراحاتك

بس برضوا منوووورهhttp://www.shmmr.net/vb/images/icons/icon10.gif

http://nona2003.jeeran.com/nawoomh2.gif

ليه؟؟

وش هي اقتراحاتك قوليه خلينا نضحك شوي

من زمان ماضحكنا

نعومه
02-02-2005, 16:56
http://nona2003.jeeran.com/nawoomh.gif

كان احدها نهد البيت ونرجع نبنيه بحيث تكون غرفتي جنوبيه شماليهhttp://www.shmmr.net/vb/images/icons/icon10.gif

وان جينا للحق .. ما اذكر اقتراحاتي

لكن اخرها يوم قلت لهم ابغير الاثاث

خليها على الله وانا اختك

http://nona2003.jeeran.com/nawoomh2.gif

فاصــ بيضاءــلة
02-02-2005, 17:01
حللللللللللللوة جنوبية شمالية

الجازي
03-02-2005, 00:36
نعومة لايهمونك بس ,,

غرفتك ولا أحلى :) والألوان على الموضة ,, بالله وش يفهمهم بالموضة :)

مفرش السرير يعكس ميولك الرياضية ,, يعني الظاهر انك نصراوية :)

عشان كذا أقترح عليك مفرش جديد أبيض وأزرق :) لأن الأصفر مايمشي مع اللون الوردي :) >>> ولا عاد الأزرق اللي ماشي هالحين :)

التسريحة من رايي تشيلين المراية لأنها قصيرة يعني ماعندك كرسي واذا صرتي واقفة مافيه أمل تشوفين وجهك المليح :)

الدولاب قاطعن قلبي مدري ليه أحس انه يون ونة صويب بين الأضلاع مطعون :) >>> مدري هي صويب ولا شيء ثاني :)

مدري ليه حاسة ان الدولاب فيه مالا يعد ولا يحصى من الحوسة اللي كانت متناثرة في الغرفة :)

نعومة يبيلك جلسة مع جيك عصير ليمون عشان أوسع صدري في تعديل غرفتك :)

عسى الله يكتب لي رجعة :)

عموما اذا مارجعت اعرفي اني مابعد سويت جيك العصير :) يمكن ماعندنا ليمون :)

نعومه
03-02-2005, 12:13
http://nona2003.jeeran.com/nawoomh.gif

يا قلبي انتي يالريمhttp://www.shmmr.net/vb/images/icons/icon10.gif

اما النصر فما حزرتي .. ميولي هلاليه بحته

والتسريحه لا والله لقيمه .. وطولها زين ..

وفيها لمبات تنور من فوق ليلي ليييلوووhttp://www.shmmr.net/vb/images/icons/icon10.gif

بس المشكله عندي في التخزين .. يعني منيب لاقيه مكان اضافي ادحس فيه

يالله تراني احتريك بالييمون .. وبالله حطي عسل بدال السكر << ناويه تاخذ كاس

http://nona2003.jeeran.com/nawoomh2.gif

الجازي
04-02-2005, 12:35
^
^
^
أمحق هلالية :)

أجل عندتس عمى ألوان يوم رحتي تشترين المفرش :)

بعدين ترى الليمون بالعسل يجيب الشرقة :)

وأنا ماودي تشرقين قبل ماتزينين غرفتس :)

ومن رأيي ماتحترين هالليمون لأن ماعندي إلا الكسل :)

كانتس سنعة سويه وأرسلي لي منه كأس :)

نعومه
04-02-2005, 14:11
http://nona2003.jeeran.com/nawoomh.gif

الريم

وسعي صدرك ..

وبعيدن وراك ما شفتي الا اللون الاصفر

ترى المفرش فيه ابيض بعد

ولا الاخت نصراويهhttp://www.shmmr.net/vb/images/icons/icon10.gif

<< بتدبسها فيك

والليمون لا تجيبينه

داريه ان ما عندتس الا الدجه

الحين تقوم ريومه شعرت قلبي تجيبه لنا << ايه هين ان جابته http://www.shmmr.net/vb/images/icons/icon10.gif

http://nona2003.jeeran.com/nawoomh2.gif

الجازي
04-02-2005, 14:34
وبعيدن وراك ما شفتي الا اللون الاصفر

ترى المفرش فيه ابيض بعد

ولا الاخت نصراويه

لا شايفته ,,

بس ياذكية الأبيض هو لون الشرّاب :) وان كانهم يلبسون شراريب زرقاء أو صفراء اعتبريه هو لون الجزمة من تحت وانتي بكرامة :)

وان كان جزمهم بعد صفراء من فوق وتحت ,, اعتبريه هو لون أسنانهم :)

عاد الله يستر لاتطلع أسنانهم صفراء بعد :)

مجموعة إنسان
04-02-2005, 14:48
.

اول شئ احب اشكر ريمووو على دعوتها لنعومه

ثاني شئ بالنسبة للغرفه :

نعومه تراني وربي ضاق صدري وانا اتفرج

بس يبغالك على قولتهم ( شيل من دا لدا .... :) )

يعني ادخلي بغرفتك لحالك ولاتقفلين الباب افتحيه على كبره

وخوذي بيمناك واحذفي بررررررررررررررا

ولايرد الاغراض إلا الدرج :)

ترى التخزين هو المشكله

لاتخزنين وارمي على طول يديك

المكتب يبغاله نفضه :tongue:

التسريحه تراها تئــــــن :tongue:

الفرشه يبغالها تغيير لونها راحت موضته

تنسيق الوان ورمي اغراض مالها داعي موجوده في كل مكان

وحتى الدواليب نصّها يبغاله رمي برّا :)

اقول لك شئ :

عطيني مفتاح غرفتك وسافري يومين وتعالي ولاتهاوشيني

تراني بأسلخها سلخ :242r:

شكرا لك

.

ريم شمر
05-02-2005, 04:31
مين اللي طلب ليمون :)

7
7
7
http://www.maiduru.co.jp/drink.files%5Cimage020.jpg

هـــلا
05-02-2005, 09:37
سلااااااااااااااام عليكم

أسفرت وانورت وإستهلت وامطرت

بالسنة عيدين وهذا الثالث يالله إن تحيي نعومتنا

نورتينا يالغالية

:hala1::480r::hala1:

<<<< أدري إنه ماهوا مضيف الترحيب بس عجازة بختصر الترحيب والتعليق على الموضوع برد واحد

بنات تراني معاكم من اول يوم يوم أضافت فيه ريم شمر هالصور الحلوة بس ما ذبحني إلا الكسل عن الرد :ezpi_blus

كل ما أبي أقول إقتراح ألاقي أحد كاتبة قبلي ولا أحب أكون مجرد زيادة عدد

عاد الحين جبت لكم آخر إقتراح بنت أبوها تكون فكرت فيه قبلي أتحداكم

:bluboomte

رأيي إنها تخليها على غرفتها الحوسة:thumb:

أهم شيء إنك لحالك غرفتك لحالك إستانسي

<<<<< أسكتي أبرك وبلا هالنصيحة

تدرون ليش قلت كذى؟؟؟

أول كنت أنا واختي بغرفة وحدة وكانت انواع المشاكل

أبي أنام سكري النور وهي لا أبي أقراء

وإلا أصير جاية من برى أبي أدخل غرفتي أرتاح أحصل الباب مقفل تبي تلبس وإلا مدري وش عندها

أنواع المشاكل

وفضاً للإشتباكات اليومية قرروا الأهل إنه كل وحدة تنتقل بغرفة لحالها

ومن النواسة نمت بغرفتي الجيدة اول شهر بدون غرفة أساساً فرشت فراشي بالأرض وعقبها بفترة جبت الغرفة بدون الستارة

والحمدلله بعد سنة تقريباً كملت لي غرفة

بس تبون الصراحة أنا لو تتحرك علبة المناديل من مكانها ملم واحد تظايقت.... إنا منسقة أغراضي بشكل يقهر

= = = =

:ezpi_blus ما كني طلعت عن الموضوع الأساسي

= = = =

يالله عن أذنكم بروح أرتب غرفتي

:406r::406r:

نعومه
06-02-2005, 15:05
http://nona2003.jeeran.com/nawoomh.gif

الريم

دام الحسبه كذا

اجل اقلبي حساباتك

واللون الاصفر هو لون سنون لا عبين الهلال

والازرق بلايزهم والابيض شورتاتهم

ويادار ما دخلك شر

http://www.shmmr.net/vb/images/icons/icon10.gif

http://nona2003.jeeran.com/nawoomh3.gif

ريومه .. يا بعدهم كلهم

سنعه وربي سنعه

والمره الجايه جيبي مصاصين < < لي ولتس والريم مالها شي http://www.shmmr.net/vb/images/icons/icon10.gif

http://nona2003.jeeran.com/nawoomh3.gif

مجموعة انسان

دا كولوله كان مستخبي فين http://www.shmmr.net/vb/images/icons/icon10.gif

كل مره تذهلوني باالاقكار http://www.shmmr.net/vb/images/icons/icon10.gif

(( وحتى الدواليب نصّها يبغاله رمي برّا ))
^
^
بذي معاك حق ..

بس اخاف من هواش الوالده

تعرفين اذا جيت اطلع شي ..

تقول حسبي الله على بليستس .. مير ما طب الغساله من جدته

ويوم انه موب زين وراك تشترينه من اصل

اقسم بالله صرت ازمل ان جيت ارتب دولابي

اخاف اتهزء

لكن هالمره ماهنا الا التطليع بالدس

يا اطلعه وازرعه بدولاب اختي << ادبسه فيها خخخخخخخخ

يا اطلعه واعطيه الشغاله بدون ما تدري امي

يا اجمعهم واصب عليهم كلوركس الين يطقون افتك

http://nona2003.jeeran.com/nawoomh3.gif

هلا وغلا بـ ( هلا والله وغلا )

وتراك ريحتيني بعد من الرد مرتين <<< http://www.shmmr.net/vb/images/icons/icon10.gif سوداااانيز

والله يا هلا ما جمع الا وفق http://www.shmmr.net/vb/images/icons/icon10.gif

اما اني اخلي غرفتي على حلها فذي كثري منها

والله ما اقدر

اصلا انا ما اطيق الحوسه << انواع التناقض

بس والله جد ما اتحمل اقعد بحوسه

وهالمره طاقن في راسي ابغير اثاث الغرفه

لذلك تشوفيني تاركه الغرفه حوسه

عشان يرحموني اهلي ويطيعون يغيرونها لي

تعرفين ان صارت مرتبه بيقولون ناه غرفتس وش زينها

وشوله نغيرها ولا هو فساد وبس

ولذلك قررت اني اذا ابرتبها ماراح تترتب الا بالعفش الجديد

ولا خليها تنطق على حوستها .. بالطقاق ماراح ارتبها

ويا انا يا هي بالغرفه << شكلها بتصير هي تهيء تهئ

http://nona2003.jeeran.com/nawoomh2.gif

الجازي
07-02-2005, 03:53
واللون الاصفر هو لون سنون لا عبين الهلال

أمحق هلالية :)

أجل لو انتس نصراوية وش ناوية تقولين ؟؟ :)

تدرين عشان مانتطاق على هالمفرش :) وش رايتس ترسلينه لمخيم صفوق التمياط الانتخابي تعبير عن دعمتس وترشيحتس له في الانتخابات :)

وعلى قولتس يادار مادخلك شر :)

نعومه
07-02-2005, 13:25
http://nona2003.jeeran.com/nawoomh.gif

خخخخخخخخخخخخ

ما عطيته ضحايا التسونامي عشان اعطيه لصفوق

لا يا حبيبتي .. هالمفرش غالي على قلبي

يكفي انه من ذوق الوالده << بدينا سالفة التجميع

والله هذا الي ذابحن قلبي.. كل ما جيت ابطلع شي اقلبها وقوف على الاطلال

واقول ذا من فلان وذا من علان وذا له ذكريات

قسم بالله عندي قراشيعي يوم كنت بالروضه ..

ياشيخه اقربها فستاني يوم كان عمري ( سنه ) .. قسم بالله معلقته بالدولاب

هو وجزمته و ( ابته ) وكله

المهم تبين انتي المفرش عطيتك اياه ..

غيره لا تحااااولين

http://nona2003.jeeran.com/nawoomh2.gif

الجازي
07-02-2005, 22:26
المهم تبين انتي المفرش عطيتك اياه ..

غيره لا تحااااولين

خلاص ارسليه لي وأنا من جهتي برسله لمخيم صفوق :) ماتدرين يمكن يطلع مفرشتس كله بركة ويفوز صفوق في الانتخابات :)

نعومه
08-02-2005, 02:57
http://nona2003.jeeran.com/nawoomh.gif

انتي وش عندتس مع صفوق؟؟

وانا موافقه انتس تعطينيه له بس بشرط

انه يعلقه بصدر مجلسه

ايه عشون عيل ..

ويكتب فوقه ( مكرمه ) من نــــعومــــه << ويمطها كذا نفس الطريقه

والله يستاهل صفوق

http://nona2003.jeeran.com/nawoomh2.gif

ريم شمر
08-02-2005, 07:23
نعومه

صفوق التمياط لاعب الهلال سابقا

المرشح حاليا للدائره السادسه لانتخابات البلديه


وحنا نشجعه لانه شمري يعني ولد عمنا :)


علشان كذا الريم متحمسه له


يعني ابشرتس المفرش بينشهر ويطلع بالتلفزيون:)

نعومه
08-02-2005, 15:21
http://nona2003.jeeran.com/nawoomh.gif

اقول ريوم

لا تهكين علي تكفين

اسم اني منيب شمريه موب معناتها تلعبين عليhttp://www.shmmr.net/vb/images/icons/icon10.gif

اجل لاعب في الهلال اسمه صعفوق؟

المهم .. اذا فيه احد بينشهر فهو صفوق موب مفرشي

ايه وش على بالكم

مفرشي هذا الواااانه آآآآآآآآآاسره قااااتله <<< صدقت http://www.shmmr.net/vb/images/icons/icon10.gif

تجذب المصوتين للتصويت

اقول والله تراني خذت مقلب بذا المفرش

ويمكن شوي واهون ..

http://nona2003.jeeran.com/nawoomh2.gif

الجازي
10-02-2005, 14:38
ريم شمر الناطق الرسمي باسم الريم :)

ريومة مالتس لوا يابعدي هالمرة مافيه توارد خواطر بيننا :)

أنا ماجبت طاري صفوق عشانه شمري :) >>> هذي اللي ماعندها ولاء :)

بس لأن نعومة صاجتنا بمفرشها تقول هلالي وأنا أقول نصراوي :) ويوم انها أصرت على كلامها قلت أجل أرسليه لمخيم صفوق الانتخابي لأنه لاعب هلالي ,, وادعميه بهالمفرش :)

بس هذي كل السالفة :)

مشكورة يابعدي على هالفزعة الحولا :)

ريم شمر
10-02-2005, 18:56
[لوحة11] يعني مايمديني انصب لي نصبه الا
تطلعين وتخربين علي [/لوحة11]

نعومه
10-02-2005, 19:11
http://nona2003.jeeran.com/nawoomh.gif

رييم

شايفه وشلون اللفزعات الحولا ميب زينهhttp://www.shmmr.net/vb/images/icons/icon10.gif

لاعاد تعودينها

الا وين المصاصات جانا جفاف واحنا نحتري ذا العصير

http://nona2003.jeeran.com/nawoomh2.gif

لحظـات
10-02-2005, 22:02
نعومة

من شفت الصور قلت هذي البنت مثلي .. تحب تحتفظ بكل شيء :055r:

لو تشوفين غرفتي قبل .. غرفتج ارحم منها .. بس غرفتي اكبر

جيت في يوم .. و قلت يا بنت .. قوي قلبج و ارمي الأشياء القديمة اللي ما راح تحتاجينها

والله يا اني طلعت بلاوي منها

و الحمدلله الحين مرتاحه .. مع اني ناوية اسوي حملة تدمير ثانية

عندي فكرة لج يمكن تكون مفيدة

روحي لإيكيا ... و اشتري الأرفف اللي تتركب على الجدران .. تراها مفيدة و ممكن تحطين اغراضج عليها .. مثل الكتب و الأشياء الصغيرة (صدقيني مفيدة و جميلة في نفس الوقت .. اسألي مجربة)

نعومه
11-02-2005, 02:13
http://nona2003.jeeran.com/nawoomh.gif

لحظااتhttp://www.shmmr.net/vb/images/icons/icon10.gif

اجل انتي بعد نفس الحاله

اقوول .. كننا كثرنا

والله قامت تراودني فكره اني ما ارتبها

خوش قام يطلع لي سميااااات

واحسها صارت حركه

خخخخخخخخخخخخ

وتصدقين يا لحظات

انا امووت بايكيا .. والكل مدحها لي .. وانتي بعد

بس مشكلتي ان غثابيري كثيره

يعني لو تلاحظين مافيه مكان لعفش اضافي

عشان كذا ودي اغير الغرفه كلها

بس محد فاضي لي هاليومين

دعوااااااااااااااتكم لي تكفون

والله ما تتخيلون وشلون طفشت منها

منووره لحوظه

http://nona2003.jeeran.com/nawoomh2.gif