هل أدت الى التواصل أم الى الأنقطاع (المسجات ) [الأرشيف]

شموخ

16-01-2005, 14:32

قلبي معك لو شفت حسي مع الناس ......... ماغاب طيفك عن خيالي دقيقه

ليت المسافه بيننا بس مترين .......... تمشي متر وأمشي متر وانتلاقى

:):):)

هذه أمثله لبعض المسجات التي تصلنا من أحبابنا وأقاربنا وخاصة في المناسبات فقد تحولت هذه الرسائل (SMS) الى وسيلة تواصل أساسية بل حلت بدلا من أشكال تواصل أخرى أكثر انسانية بالرغم من قرب المسافه بين البعض منهم فهل ياترى أدت هذه الرسائل الى التواصل أم الى الانقطاع حتى بالصوت وعلى قولة الشاعر :)

عود علي بدافي الصوت لاأموت ......... عطنى حنان الصوت لو ماتجيني .

شكله ملّ من المسجات :)

موضوع للنقاش وخاصة اننا على وشك عيد الاضحى وإمتلاء صندوق الوارد بالتهاني :)

تحياتي
شموخ

الغثه

16-01-2005, 18:03

والله بنظري أنه تؤدي للتواصل

لي عوده بس بروح اصلي

المهرة

17-01-2005, 07:39

الله عليك 00 ياشموخه

على هالموضوع الحلو

اصبحنا في عصر السرعه وعصر الفضائيات حتى في لغة التواصل

التي دعانا اليها ديننا الحنيف

واصبحنا بعيدين كل البعد عن التراحم والتواصل 0 اشبه مانكون في وطن الاغتراب

رغم قرب المسافه التي لاتفصلنا عن بعض

اصبح الكثير ين في شغل دائم والهتهم الحياة عن صله الرحم والمقربين اليهم

في ضوء هذا الانشغال نسي الاجر

اين الاخوة والترابط والتكافل الاجتماعي الاسلامي

اعتقد سيأتي وقت نرى فيه بعض كل عام وقد يجوز ان الاخ لايرى اخاه او اخته

اصبح هنالك ضعف ايماني وقصور بالعقل وعدم ادراك لحجم

بعض السلوكيات الخاطئة لاعتقادهم انها نوع من التطور والمدنيه

يا سبحان الله كيف يفكرون هؤلاء

انظروا الى الغرب اللي تحاولون تقليدهم في كل شئ

في مناسباتهم يتقاربون ونحن نسير وراء التطور الاعمى

نحتاج والله العظيم ان نفيق من هذه الغفله

دمتي بخير 00 ياغلاهم

اختك 000 المهـ ـره

الاصمعي

17-01-2005, 08:05

حيا الله الشامخة/شموخ

حلاة الشي ياتي على حلة وفي وقته وموضوعك فعلاً في وقته:thumb:

عن نفسي أحب منها ما هو لي مخصوص!

يعني أحب الرسالة تكون من صياغة الشخص المرسل ومرسلة لي وحدي:)<<كأن به أنانية بس هذا هو الصحيح:)

وهذا ما أفعله مع بعض الأخوة والأصحاب حتى وأنا متواصل معهم عن طريق الهاتف أو متقابلين مباشرة،،

تبقى رسائل التهنئه العامة ك تقليد اجتماعي "مستحدث" أجاريه أحياناً حتى ولو لم أقتنع به،،

هذا مالدي الآن وسأتابع مستجداته لأرى وجهات الأخوة والأخوات فيه،،

عبدالرحمن

17-01-2005, 13:56

هلا اختي شموخ .

زين اذا تحصل - المسجات -

فيه ناس لا مسج ولا غيره !!

كان يامكان في قديم الزمان

كان الولد يروح لعمامه وخواله وجماعته

وبدير بعيده ولا فيه لا سيارة ولا طيارة

وهالحين كل شي متوفر

ولا نشوفهم الا بمناسبات كبيرة وحزينة

الله يستر من تالي هالزمن اللي

الكل تغير حتى الكبار مو مثل اول

اللي كان الواحد اذا تنوم بالمستشفي

تحصلين الزوار تارسين الصالة والجناح

وهالحين واحد او اثنين !!!

واللي تسئله يرد والله مشغول وهذا كلام ماخوذ خيره !!

لان كلهم بالليل يدورون القعدات لاخر الليل!!.

على العموم الزيارة بالاعياد مهمة للاقارب

بل هي عبادة ولها فوائد كثيرة.

واحب ان اضيف

البعض لا يزور اقاربه وعندما تسئله لماذا

لا تزور سين من الناس يقول هو مايزورني !!

اقول له واذكره بقول الرسول عليه الصلاة والسلام

- الواصل ليس من وصل من وصله انما الواصل من وصل من قطعه -

اخت شموخ شكرا ومعذرة على التشريق والتغريب 0

محمدالشمري

17-01-2005, 14:19

كل وانت والجميع بخير ، وعساكم من العايدين الفايزين
المسجات ، أو المعايدة بواسطتها ليست سيئة ، ففي ظل توسع وأنتشار معارف الأنسان قد تكون تلك السجات وسيله للتواصل ، ولكنها لاتعفي من التواصل للأقرباء المقربين والقريبين .
جميل أن أتذكر صديق أو قريب لي في دولة ما ، في مناسبة ما ، فأرسل له مسج لتعبر له عن مكانته ومعزته ، فهي أذن وسيلة جيدة أذا ما أستخدمت لأغراضها .
أختي شموخ لك كل التحية على هذا الطرح ، ولك مني مسج معايدة بمناسبة عيد الأضحى المبارك أعاده الله عليك وعلينا وعلى الجميع بالخير واليمن والبركات .
تقبلي تحيتي عبر هذه المسج .
أخوك محمد الشمري

راعي الوقيد

17-01-2005, 20:59

هلا والله بشمــــوخ

موضــوع مناسباتي:rolleyes:راااايق

واقـــــــول :-

ان الرسايل سببت القطاعة بين الناس !!

لأن إعادة الإرسال هو كل ما يقوم به الأخ المهنئ:(

والمستفيــــد شركــة الإتصالات:puzzled:

لكن شي اشوى من شي

وعيـــــدكم سعيــــــــد ومبارك:)

والسلااااااااام ...

..

بـنـت النـور

18-01-2005, 02:07

شموخ هذا مسج لتس
لك ورده جوهريه
بماء الورد مرويه
مكتوب عليها
كل عام وانتي بخير

برأي كثرت وسائل الاتصال بالغير ومنها المسجات قربت البعيد
واخالف رأي اخوي راعي الوقيد بكلامه انها سببت قطاعه بين الناس
بالله عليك الرسايل تسبب القطاعه ماظن هذا سبب مقنع
بالعكس اذا وصلك مسج من شخص من زمان ماسمعت عن اخباره او انقطع التواصل بينكم لكثره الاشغال تفرح به ولتواصله ولو بمسج
وحده من البنات هنا ترسل لي وافرح برسايلها الحلوه رغم اني ماشفتها لظروفها الله يرجعها سالمه يااااارب
واتوقع انها نفعت ماضرت ولاسببت قطاعه
بالعكس المسجات وسيله للتواصل ، ولكنها لاتعفي من التواصل للأقرباء المقربين والقريبين .
موضوع وطرح جميل جداً
دام تألقك اختي الغاليه شمووووخ
وكل عام والجميع بخير
عيدكم مبارك وسعيد

ابو منيف

18-01-2005, 04:06

هي وسيله للتواصل بلاشك ياشموخ لكن بعض الاحيان يصير التواصل فسقه :) وعد وغلط رسايل على قل سنع وكله كذب ومهايط مثل لو السما تمطر رياجيل وشيوخ كلما اشتري جوال القا هالرساله بوه
اما تهاني العيد ماله داعي
وصدق راعي الوقيد المستفيد شركة الاتصالات
ياخوي اذا تبي تعيد على واحد رح يم بيته وهنوه بالعيد وتقهوا عنده :) وامر الله من سعه

فلاح السعد

18-01-2005, 07:12

شـــــــــــموخ

سمعتي بالمثل القائل العوض ولا القطيعه

اكيد مر عليك ومن هذا الطاروق نستطيع

ان نسمر ونسهر مع طرب رساله احسن

وافضل بكثير من اننا نتقابل مع الحرمـــان

ونسيان الاحبه.

احببت ان اشارك بكل اختصار

وأن اشكرك على مشاركاتك الجميله

الامسح

18-01-2005, 08:15

تحياتي للجميع وحبيت التواصل معكم بالموضوع
المسجات لها وعليها ككل حاله ممكن تكون تطنيش ويقول حال المطنش ليش اخسر رساله وكان الله غفور رحيم
هذي حاله والحاله الاخرى أن الرسائل تقول للمستلم أن الراسل ماهب ناسيك وأنت على البال 0
لكن لابد من التواصل في الامور الحيويه والمناسبات الرساله
او المسج للتذكير ولا يغني عن المساير والتواصل
اسف للاطاله وسامحوني لو زليت

فاصــ بيضاءــلة

18-01-2005, 19:23

الرسائل أو المسجات حلوة لزيادة الصلة بين الأهل والأحباب

لكن اذا كانت تغني عن مكالمة التلفون فهذا يكون عيب فيها

وتبغون الصراحة أنا كنت آخذة موقف من أهلي وأقاربي وأقول دايما أنهم قاطعين وأن الدنيا تحولت وصار الناس بعيدين عن بعض ومن هالكلام

لكن نظرتي تغيرت تمااااما يوم مريت بموقف غير نظرتي مرررة وصرت أقول الدنيا لازالت بخير لكن المشاغل تلهي شوي>>ألاحظ أني طلعت عن الموضوع شوي..

ماأطول عليكم وهذي رسالة هدية قبل أختم
ابتسم.. خل الورود اللي جفت صحراء الرياض.. على خدودك ترتسم

سلطان الشمري

18-01-2005, 19:34

هذا من فاااصله بيضاء
7
7
7
ابتسم.. خل الورود اللي جفت صحراء الرياض.. على خدودك ترتسم

وهذا مني
7
7
7
7
السرور الا على طاري السرور..!!
..........................................هو عااد باقي له على الدنيا ذكر..؟!!

**

بصرااااحه المسجااات سلاح ذو حدين

يعني تزيد التواااصل من جهه ,, وتحش عمره من جهه ثااانيه

يعني اذا كانت تحل محل المكالمات ,, والزيارااات فهذا خطأ

اما اذا كانت للتواااااصل في ايام يكون الانساان مشغول باموره الحياتيه فهي طيبه ..

شكرا شموخ ..

وهذا مسج ثااني
7
7
7
كذا يوم اجدبت فيك الحقايق جابك التخمين..؟
.................................وش اللي ينحني للغيم غيرالزرع ياااخلي..؟!!

شموخ

18-01-2005, 21:29

أهلين بالأخ الغثه

يعنى انت من الفئة اللي تقول انها تؤدي الى التواصل .

يعطيك العافيه اخوي .

شموخ

18-01-2005, 21:45

الله عليك 00 ياشموخه
اعتقد سيأتي وقت نرى فيه بعض كل عام وقد يجوز ان الاخ لايرى اخاه او اخته دمتي بخير 00 ياغلاهم

اختك 000 المهـ ـره

هلا والله بالمهره .

أبشرك حاصل هذا الأمر في بعض العائلات بس ولله الحمد مو بين الأخ والأخت :) بين أبناء العمومه ، والله فيه بنات مايعرفون أشكال بعض بنات أعمامهم " بس عاد مو أعمام أشقاء يعنى الأباء أولاد عم ويكتشفون كل سنة بالعيد وجوه جديده والله العظيم ولا فيه مسجات ولايعرفون أرقام بعض بعد .:frown:

شاكره لك مرورك يالغاليه .
تحياتي
شموخ

شموخ

18-01-2005, 22:00

حيا الله الشامخة/شموخ

من قال يحيا :)

حلاة الشي ياتي على حلة وفي وقته وموضوعك فعلاً في وقته:thumb:

الله يحلي أيامك ياخوي .

عن نفسي أحب منها ما هو لي مخصوص!

يعني أحب الرسالة تكون من صياغة الشخص المرسل ومرسلة لي وحدي:)<<كأن به أنانية بس هذا هو الصحيح:)

وهذا ما أفعله مع بعض الأخوة والأصحاب حتى وأنا متواصل معهم عن طريق الهاتف أو متقابلين مباشرة،،

طيب حلاة الشي لكان مخصوص تدري إنها من القلب وخاصة لتضمنت إسمك .:wink::wink:

تبقى رسائل التهنئه العامة ك تقليد اجتماعي "مستحدث" أجاريه أحياناً حتى ولو لم أقتنع به،،

هذا مالدي الآن وسأتابع مستجداته لأرى وجهات الأخوة والأخوات فيه،،

لابد من مجاراة العصر .

مع التيار والدنيا الجديده ........ركبنا موج بحر مانريده ..

شاكره لك اخوي مرورك العطر .

تحياتي
شموخ

شموخ

18-01-2005, 22:06

هلا اختي شموخ .

مرحبا بالأخ عبدالرحمن .

زين اذا تحصل - المسجات -

فيه ناس لا مسج ولا غيره !!

يادافع البلا :frown:

كان يامكان في قديم الزمان

كان الولد يروح لعمامه وخواله وجماعته

وبدير بعيده ولا فيه لا سيارة ولا طيارة

وهالحين كل شي متوفر

ولا نشوفهم الا بمناسبات كبيرة وحزينة

صدقت والله وبالحزينة اكثر وتشوف وجوه جديده أول مره تشوفها :frown::frown:

الله يستر من تالي هالزمن اللي

الكل تغير حتى الكبار مو مثل اول

اللي كان الواحد اذا تنوم بالمستشفي

تحصلين الزوار تارسين الصالة والجناح

وهالحين واحد او اثنين !!!

واللي تسئله يرد والله مشغول وهذا كلام ماخوذ خيره !!

لان كلهم بالليل يدورون القعدات لاخر الليل!!.

على العموم الزيارة بالاعياد مهمة للاقارب

بل هي عبادة ولها فوائد كثيرة.

واحب ان اضيف

البعض لا يزور اقاربه وعندما تسئله لماذا

لا تزور سين من الناس يقول هو مايزورني !!

اقول له واذكره بقول الرسول عليه الصلاة والسلام

- الواصل ليس من وصل من وصله انما الواصل من وصل من قطعه -

هذا مكافي مو واصل زرني وازورك :biggrin::biggrin:

اخت شموخ شكرا ومعذرة على التشريق والتغريب 0

خذ راحتك شرق وغرب " أمزح لاتصدق ":biggrin:
شاكره مرورك العطر والله يعطيك العافيه .

تحياتي لك
شموخ

شموخ

18-01-2005, 22:28

كل وانت والجميع بخير ، وعساكم من العايدين الفايزين

وانت بخير وصحة وسلامه ياخوي .

المسجات ، أو المعايدة بواسطتها ليست سيئة ، ففي ظل توسع وأنتشار معارف الأنسان قد تكون تلك السجات وسيله للتواصل ، ولكنها لاتعفي من التواصل للأقرباء المقربين والقريبين .
جميل أن أتذكر صديق أو قريب لي في دولة ما ، في مناسبة ما ، فأرسل له مسج لتعبر له عن مكانته ومعزته ، فهي أذن وسيلة جيدة أذا ما أستخدمت لأغراضها .

معليش لكان بدولة بعيده وماقدرت أتصل وأعيد عليه وأسمعه الصوت أرسل له لكن اللي يقهر الواحد لكان مابينك وبينه غير مترين ويرسل ليت المسافه بيننا مترين وهو لو يحسبها تساوى المترين :):)

أختي شموخ لك كل التحية على هذا الطرح ، ولك مني مسج معايدة بمناسبة عيد الأضحى المبارك أعاده الله عليك وعلينا وعلى الجميع بالخير واليمن والبركات .
تقبلي تحيتي عبر هذه المسج .

تسلم على المسج والله يعيده علينا وعليكم وعلى الامه الاسلاميه بافضل حال .أخوك محمد الشمري

تحياتي لك
شموخ

شموخ

18-01-2005, 22:52

هلا والله بشمــــوخ

المهلي مايولي .

موضــوع مناسباتي:rolleyes:راااايق

واقـــــــول :-

ان الرسايل سببت القطاعة بين الناس !!

لأن إعادة الإرسال هو كل ما يقوم به الأخ المهنئ:(

والمستفيــــد شركــة الإتصالات:puzzled:

لكن شي اشوى من شي

وعيـــــدكم سعيــــــــد ومبارك:)

والسلااااااااام ...

الاتصالات مستفيده مستفيده لاتخاف عليها وأكثر شي من سوالفنا وخاصه حنا البنات على قولة خالي لكلمن بعض كنهن على جال نار متقابلات .:):)..

وكل عام وانت بخير ياخوي .

تحياتي
شموخ

شموخ

18-01-2005, 23:21

شموخ هذا مسج لتس
لك ورده جوهريه
بماء الورد مرويه
مكتوب عليها
كل عام وانتي بخير.

وانت بخير وصحة وسلامة ياقلبي :)

برأي كثرت وسائل الاتصال بالغير ومنها المسجات قربت البعيد
واخالف رأي اخوي راعي الوقيد بكلامه انها سببت قطاعه بين الناس
بالله عليك الرسايل تسبب القطاعه ماظن هذا سبب مقنع
بالعكس اذا وصلك مسج من شخص من زمان ماسمعت عن اخباره او انقطع التواصل بينكم لكثره الاشغال تفرح به ولتواصله ولو بمسج
وحده من البنات هنا ترسل لي وافرح برسايلها الحلوه رغم اني ماشفتها لظروفها الله يرجعها سالمه يااااارب
واتوقع انها نفعت ماضرت ولاسببت قطاعه
بالعكس المسجات وسيله للتواصل ، ولكنها لاتعفي من التواصل للأقرباء المقربين والقريبين .
موضوع وطرح جميل جداً
دام تألقك اختي الغاليه شمووووخ
وكل عام والجميع بخير

وانت بخير وصحه وسلامه ياقلبي

يعطيك العافيه حبيبتي على المداخله .
عيدكم مبارك وسعيد

تحياتي لك
شموخ

شموخ

20-01-2005, 22:35

هي وسيله للتواصل بلاشك ياشموخ لكن بعض الاحيان يصير التواصل فسقه :) وعد وغلط رسايل على قل سنع وكله كذب ومهايط مثل لو السما تمطر رياجيل وشيوخ كلما اشتري جوال القا هالرساله بوه

ههههههههههههههههه
هههههههههههههه

اما تهاني العيد ماله داعي
وصدق راعي الوقيد المستفيد شركة الاتصالات
ياخوي اذا تبي تعيد على واحد رح يم بيته وهنوه بالعيد وتقهوا عنده :) وامر الله من سعه

أهلين ابو منيف

طيب إذا كان بعيد بدوله ثانيه أو منطقه بعيده كيف تهنيه بمكالمه والا رساله ..

يعطيك العافيه اخوي على المداخله الطريفه .

..................شموخ

شموخ

20-01-2005, 22:37

شـــــــــــموخ

سمعتي بالمثل القائل العوض ولا القطيعه

ايه سمعت فيه ياوجه السعد :)

اكيد مر عليك ومن هذا الطاروق نستطيع

ان نسمر ونسهر مع طرب رساله احسن

وافضل بكثير من اننا نتقابل مع الحرمـــان

ونسيان الاحبه.

احببت ان اشارك بكل اختصار

والف شكر لك اخوي على هذه المشاركه .

وأن اشكرك على مشاركاتك الجميله

تحياتي لك
شموخ

شموخ

20-01-2005, 22:40

شموخ

20-01-2005, 22:44

الرسائل أو المسجات حلوة لزيادة الصلة بين الأهل والأحباب

لكن اذا كانت تغني عن مكالمة التلفون فهذا يكون عيب فيها

وتبغون الصراحة أنا كنت آخذة موقف من أهلي وأقاربي وأقول دايما أنهم قاطعين وأن الدنيا تحولت وصار الناس بعيدين عن بعض ومن هالكلام

لكن نظرتي تغيرت تمااااما يوم مريت بموقف غير نظرتي مرررة وصرت أقول الدنيا لازالت بخير لكن المشاغل تلهي شوي>>ألاحظ أني طلعت عن الموضوع شوي..

لا عادي خذي راحتك :)

هلا بفاصله انسجمت مع ردك شوي ونسيت لاارحب فيك ..

ماأطول عليكم وهذي رسالة هدية قبل أختم
ابتسم.. خل الورود اللي جفت صحراء الرياض.. على خدودك ترتسم

تكفين وربي اليوم بالذات مالي خلق للإبتسامه مع انه عيد بس علشانك ببتسم :)وعلى قولة نبرااس على شانه على شانه :)[/color]

تحياتي لك
شموخ

شموخ

20-01-2005, 22:50

هذا من فاااصله بيضاء
7
7
7
ابتسم.. خل الورود اللي جفت صحراء الرياض.. على خدودك ترتسم

وهذا مني
7
7
7
7
السرور الا على طاري السرور..!!
..........................................هو عااد باقي له على الدنيا ذكر..؟!!

صحيح والله :redface:

بصرااااحه المسجااات سلاح ذو حدين

يعني تزيد التواااصل من جهه ,, وتحش عمره من جهه ثااانيه

يعني اذا كانت تحل محل المكالمات ,, والزيارااات فهذا خطأ

اما اذا كانت للتواااااصل في ايام يكون الانساان مشغول باموره الحياتيه فهي طيبه ..

كلام سليم وعين العقل :thumb:

شكرا شموخ ..

شكرا نبرااس

وهذا مسج ثااني
7
7
7
كذا يوم اجدبت فيك الحقايق جابك التخمين..؟
.................................وش اللي ينحني للغيم غيرالزرع ياااخلي..؟!!

وش المقصود بها البيت :)

تحياتي

فاصــ بيضاءــلة

20-01-2005, 22:59

هلا فيك أنتي..
تسلمين ياشموخ

سلطان الشمري

21-01-2005, 02:36

كذا يوم اجدبت فيك الحقايق جابك التخمين
........................وش اللي ينحني للغيم غير الزرع ياخلي

وش المقصود بهالبيت ..؟

تحياتي

هلا اختي شموخ ..

لا مقصود ولا معصود ..

كل مافي الامر .. انه تطارفته من الجوال ونزلته كرساله لا غير,,

شكراً لسؤالك رغم انني اشتم فيه مقصد غير..؟

شموخ

21-01-2005, 12:51

هلا نبرااس

لا والله ياخوي ماقصدت شي :)بس كان نفسي أعرف معناه أكثر فقط لاغير .

تحياتي

راعي الوقيد

21-01-2005, 18:04

اخالف رأي اخوي راعي الوقيد بكلامه انها سببت قطاعه بين الناس
بالله عليك الرسايل تسبب القطاعه ماظن هذا سبب مقنع
بالعكس اذا وصلك مسج من شخص من زمان ماسمعت عن اخباره او انقطع التواصل بينكم لكثره الاشغال تفرح به ولتواصله ولو بمسج
اللي قصدته اختي العزيزة .. انه ومن وجهة نظري للتواصل اللي ارغب به بيني وبين من يعز علي هو بالوقوف عليه شخصيا ً:) وإن تعذر علي ذلك فباإتصال به هاتفيا ً والتحدث معه:) اما المسجات فإنني استخدمها ولكن اعتبرها من بين اسباب عدم التواصل المطلوب برأيي:)
اما ما ترينه من انها على العكس من ذلكn)
فأنا لا اعترض على وجهة نظرك لإختلاف الرؤية بيننا في طريقة التواصل المرغوبة والمطلوبة !!.؟

ياخوي اذا تبي تعيد على واحد رح يم بيته وهنوه بالعيد وتقهوا عنده وامر الله من سعه
هذا الحتسي اللي يجمد على الشارب:thumb:

سلاااااااام ...