الإنتقام ...

[الأصيل]

السلام عليكم ...

بالخير ياللي بهذا ...::ezpi_blus

(( أبو الأصايل .. أشوف مويضيعاتك كثرانه هاليومين )) !!!:hala1:

ترا كثرة الشيء تملل .... والمثل يقول : بارك الله بمن زار .. وخفف:thumb:


لكن هالمويضيع .. مهو هكا الموضوع اللي يسوا ..

لكن اللي تكدر من ( حانت لحظة الوداع )

إغديه يسامحنا بالموضوه هذا ... مع إنوه متواضع ...
.............






(( الموضوع حقيقي .. لكن أضيف عليه بعض التمليحات والتبهيرات والتعليقات )):thumb:

*****************


هالمره لاأشوف واحد تهمل عيونوه ويقول: تكتن العبره !!!!!:)

اللي يبي تتكه العبره وتخنقه خنق يروح لـ حانت لحظة عظة الشليل:315r:

واللي قلبوه جامد يتسفت على الرحب والسعه

واللي قلبوه رهيف ... يشغل موتروه ، ولا يودزف ألا بمنتدى المطبخ وهكا السوالف:d:

.............................

نكسه إلى الموضوع

تعرفون إذا انتقم الأصيل ؟؟

وثارت براكين غظبوه:c:

أي ثورة ؟؟؟ وأي حمم ؟؟ وأي زلزال المحيط الهندي والمد البحري ؟؟


على طاري المحيط الهندي ، ليه ماسموه المحيط العربي ؟؟؟

والله لو إنه ذرعي ،، تسان من صباح الله خير ،،

أشيل خيمتي ، وأطق أوتاده بالمحيط الهندي ، وأسميه : المحيط العربي

واللي بوه خير من الأمم المتحده يقول لي : انزح وراك يالأصيل .:eek:

................

المهم :

سنه من السنين ، أخوكم كان وغيد ( تصغير طفل ):d:

والغريفه اللي أنام به مع الوالده ( الله يرحمه ويرحم أموات المسلمين )

ومعي إخواني ..


ومن حسن حظي إني أنام بالطرف ( خبركم التسبير ولا أخاف ):untitled:

وكل ليله ..

بعد ما أغط في سبات عميق ( السبات : هو مثل السبات العميق:315r:

يقول الشاعر :

ياطير شلوه لو تجي بالمضايف=يجيك حتفك .. والسبات عميقُ:d:

ولكن متى ما أسرج الربع ناقتي=فإن عناء الباكيات زواعجاً :thumb:

( أنا معكم إن في اختلاف بالوزن والقاف ، بس هذا نوع من الشعر الحجري ):eek:

انشدو نبراس وهو يعلمكم:thumb:



المهم : يامني غطييييت وصرت بسابع نومه

أسمع عند راسي خرفشه ( خشخشخش ):eek:

وعندها : أفوووووووع

والفوعه هي الاستيقاظ بسرعه وفزع تسنك شايف مفتاح 14 على حقيقتوه :biggrin:

أقوم .. ماأشوف شي !!!

وكان عند راسي نظيده للعجوز .. تحط فوقه الفرش والبطاطين واللحف ( جمع ديباج ):d:

أحس إن الخرفشه تندفع من حدر الفرش واللحف ..

ماني خابر بوه ديبان ولا عقارب بالغرفه!!!:359r:

وش هالصوت ؟؟؟؟

المهم ..

على هالحال كل ليله ،، والصراحه زهقت ،،

وفي ليلة من الليالي : بحّرت ،، ليوالله هكا الفاره !!!!:c:

قلت بس : هذا هو المجرم اللي أقلق منامي .....


...........


هكا الأيام جانا عامل مختص بالقوارض والفيران .

قال : عندكم فار بالبيت ؟؟

قلت : نعم

وهو يعطيني هكا الصفيحة مثل الكرتون مقاس ( 10سم × 10 سم ) تقريباً

وحاطن عليه لزاق مثل الصمغ ( لو تمشي فوقه هلكس 2001 يمكن تتعلق بالكرتون

قال العامل : حط هالكرتون بالمتسان اللي بوه الفار .

ونا من زود حرصي ، جبت لي قطعة جبن مثلث ونا أحطه بوسط الكرتون ( طعم ):315r:

وعقب رسم الخطه ،،، بدأ التنفيذ

قمت من العصر وتسفت الكرتون حدر النظيده ( سبق تعرفه ):p:

على أمل أن يجي الفار لأكل قطعة الجبن ثم تلصق رجلووه بالصمغ اللي على الكرتون




جاء الليل ...

حطيت راسي ..

وبالي وتفكيري مع المجرم ... هل سيقع في الفخ ؟؟؟؟

وفي الصباح ... وأي صباح ؟؟

قمت .. وعلى عيوني النوم ..

مباشره إلى قطعة الكرتون ...

سحبته بهدووووووووء

ماذا وجدت ؟؟؟؟

وقع الفاس بالراس .. ووقع الفار :biggrin:

غمرتن الفرحه مثل الأمواج اللي غمرت أندونيسيا:sleeping:


ياسلالالالالالالالالالالالالالالالالالال الالالالام

وحانت لحظت الانتقااااام:c::c::c:

أخذت الكرتون ..

وعليه الغنيمه له وصيص ( صوت منخفض يصدره الفأر عند شعوره بالخطر ):055r:

كيف أنتقم ؟؟؟:rolleyes:


طلعت ... خارج البيت

ونا أروح لمكان مابوه الوالي

وأنا أجيب بلوكتين ( طابوقتين )

حطيت الأولى على القاع

ثم

نزلت الكرتون فوق البلكه

ثم


غمظو ياشباب

ثم

اللي متغدي لايكمل القرايه


ثم


حملت البلكه الثانيه فووووق

والفار ينظر ... وكأنه يقول : تكفا يالأصيل ... تووووبه

قلت : تعقب ..

وبعد أن رفعت البلكه الثانيه على ارتفاع متر وربع تقريباً( ماكنت طويل هكا السنين ):)


ونا لك أهدّه ...

وهي لك ترتطم بالكرتون وتلاصقه ملاصقتننننن:d:

ماسمعت ألا صوت : بق:c:


لم أتجرأ أن أكشف على الفار بعد الارتطام

ولكن ... شفيت غليلي


وهذا إنذار ووعيد لكل من تسول لوه نفسوه أن يعبث بأمن وراحة الأصيل:315r:



وبمان الله

بمان الكريم

[مفتاح14]

ههههههههههههههههههه
هههههههههههههههه

تدري وش اضحك عليه؟:)

قريت ويوم وصلت تحذيرك(((( اللي متغدي لايكمل القرايه))) وأنا اغمض واقطع الاتصال واروح اتغدا ..
قلت اكيد ان هاللي يبي يأثر على المتغدين..يبي بعد يأثر على اللي يبون يتغدون<<اللي مافهم من اول مره لا يعيد قرايته تكفون:)

بس عجزت اصبر ورجعت وقريت الموضوع:)


انتقام دكتاتوري ياشين..ماعندك رأفه بالحيوانات!!!



بس تعريفك للفوووعه شي هههههههههه أول مره يصير اسمي تعريف<<- من زين خشتك:)


نووووورت الفله..وبالعكس شوفة مواضيعك تزيدنا سعاده يالغالي..لا تبطي علينا بليييز..


شكرا يابعدي

[المطنوخ]

سفاح = مجرم =غير انساني =ارهابي =جودك على الضعيف<<<<من فيدين اللي يدافعون عن حقوق الانسان وحقوق الحيوان

ياجبان لو هالفار (ورل) تسان هذيييييتس غبرتك

عقابك رح الحين وجمع اشلائه ورح ادفنه بحوش الشبث <<<من منظمة حقوق الحيوان


لي نكسة اخرى

[غاده]

متوحش http://www.asmilies.com/smiliespic/evil/058.gif وين جمعيه الرفق http://www.asmilies.com/smiliespic/evil/027.gif بالحيوانات عنك؟


لو اخذته ووديته للحديقه وبس من دون جريمه قتل http://www.asmilies.com/smiliespic/evil/025.gif


http://www.asmilies.com/smiliespic/animals/031.gif <<<<<<< المغدور فيه صوره للذكرى
http://www.asmilies.com/smiliespic/sad/001.gifhttp://www.asmilies.com/smiliespic/sad/001.gifhttp://www.asmilies.com/smiliespic/sad/001.gifhttp://www.asmilies.com/smiliespic/sad/001.gifhttp://www.asmilies.com/smiliespic/sad/001.gif

[الأصيل]

مفتاح 14

قمة الانبساط إذا كان مفتاح 14 يضحك :thumb:

أشوا إنك ضبطت الغدا ...:p:

وبيني وبينك .. هو انتقام دكتاتوري حبتين

لكن ،، الجزاء من جنس العمل ...

هاللي ماتخليني أرتاح بنومتي .. أنا خليته ترتاح من الدنيا كله:c:


وشكرنااات على التعليق











أووووووووه

جانا راعي جمعية الرفق بالبعارين :d:

نطلالالان

أنا مجرم ؟؟!!!

ليه ؟؟ذابحن أبوووك ياشين ؟؟

وبعدين ،، لو كان ورل ... فــ لكل وقت دولة ورجال ، ولكل حادث حديث:a:



كاسرتن خاطرك هالفويره ...

ونا ماكسرت خاطرك يومني أتقلب كل ليلة على فراشي

تقول مقلقل ( نوع من الأتسل):good1:

على العموم..

تسان إنت بجمعية الرفق بالحيوان

أنا بجمعية الرفق بإبن آدم ( الإنسان):goooood:






ماعمر شفت منك الريدز الحلو :puzzled:

شوف مفتاح15 شيقول :good1:

الله يدفع البلا ،، تسنك تبي تخسر من مخباك يامنك مدحتن:g:










الملاك غيداء

ياخيه

ياعلتس بعد الشبث والنطول وشنقل:d:

يابنت الحلال ،، أنا قلت وحذرت أهل القلوب الرهيفه ( لايتسفتووون)n)



هالبنيوات قلوبهن آيسكريم بالقيظ :)

تقول ود الفاره للحديقه !!!!!!!!!!!

الحدايق والبيوت مليانه فيران ،، وين أقلعه ياخاله:p:



انقلب السحر على الأصيل:c:

كلهم صارو ضدي:g:


وتحيتي للملاك غيداء

[الـمـحـروووم]

والله والنعم يالأصيل
قدها وقدود(يضبط):):)
والله من زود الشجاعة

[سلطان الشمري]

" لا ماخذه "

<<<<رومنسي وحتى شوفوا لون الكتااااااااااااابه :ويلوموني:406r:


ياااااااااااااااااااااي :106r:,, مجرم:mad: ,, كرهتك:confused: ,, بديت اخاااف منك:confused: ,,



<<<<نعّوم ولا يداااني صفافير الحجل ..<<<وهذي يعرفه لكم الاصيل:242r:



اما الحركه هذي سفلكس خلفي .. تصدق عاد يابو الاصااايل اان الفار له تالي يعني مهو معقوله لحاله ,, بس اكيد انت كتكوت:260r: هكالسنه وتحسبه لحاله ,,:192r:



وقصيدتك سليمه ميه% .. :165r:



الا ماعينت .. ( الصبيه ) وش وقعه هو به خضاااار يقولونمتروسه مخيمات:480r:

[ابو خليف]

مااقوى اكتب شين

للحين تاكتن العبره

ومااقوى اعلق والعبره تاكتن

[الأصيل]

هلا بالمحروووم

وش تضبط ياعزيزي

إنت مضبوووط من زمااان :)

وعلاقتنا مايهزه فار ولا ورل ولا شبث:315r:

بس عطن رايك بصراحه : شجاع ولا ماني شجاع ؟؟:biggrin:

مانتحرمشششش من تعليقات المحروووم









جانا الرومانسي الثاني .. نبراااس:290r:

يازين لون الكتابه

يذكرن بلون الدم اللي تناثر من أشلاء المغدوره ( الفاره ):)


عاد وش هالنعومه يابعدي ؟؟؟؟

ماني خابرك هاللون

أخبرك تاكل الظب وهو يركض:315r:


((( القصيده ميه ميه ؟؟؟؟ ) والله إنت كدا:thumb:


حول شوين








لاتفلت بالحتسي يامسلم ( الجو بوه غيوم ):c:










لاحول ولاقوة ألا بالله

ياشباب

أنا أبي أغير اسمي من : الأصيل أبوالأصايل

إلى

الأصيل أبو التكات:d:

هذا ذيب شراف تاكتوه العبره:eek:

هاللي يشوف الموضوع يقول إني ذابح عبدالحليم حافظ :biggrin:


خلاص ياذيب

حقك علي

وتوووبه ماراح أكتب أي موضوع يسبب التكات والعبرات:055r:

موضوعي الجاي بعنوان / رحله إلى مدينة الألعاب:hala1::p:

[محارش]

ومات !!! :)

[الأصيل]

شرايك يامحارش ؟؟!!!:359r:

تهقاو يعيش عقب هالقنبله النوويه الأصيلية:188r:



يابن الحلال ...

هالصبخه .. لو إني صابخ راس شنقل

تسان صاير عشرين قطعه متشنقله:):d:




ياحليلك يامحارش

يقول : ومات !!!

[سرحــان]

ابــــــــــــــو الاصـــــــــــايل



الر ابع اسمك ضمن القائمه




الارهابيه في المضايف



عند جماعت الرفق بالحيوان.


وانا


اشوف هالكنهار تقول مشغول


اثريه ناخلن الثويب ههههههههههههه




تقبل تحياتي

[أبو مقرن]

أرخوووووووووووو من طاع الله..تسيف ذبحتوه..يامقروود:eek::eek:


ياشين..تسان مولع.ن.بوه وهو حيّ..؟!!<<<أبرد للتسبد:188r:

تخطيط..:thumb:
7
7
مراقبة:puzzled:
7
7
اعتقااااال:151r:
7
7
رجمممممممممم:147r:
777
77
7
وكل هالحتسي....وإنت بهكالعمر اللي طولك بوه هكالحين مايعينك على شيل طااااابوقة
أجل..اليوم يالنشمي.....وشلوووووووونك؟!:232r::232r:
أقول: ((ترن خوي.ن.لك..وتسان جاك منا ماتستحس منوه..تروه عن غير قصد)):448r:
<<<<<زرع بربد..! عقب هالمسكتة..:redface:
***
الأصيل.....
بارك..الله بمن كل ماهذا لامعة.ن.خشتوه..وبخرجوووه زهاب.ن.للفلة..
لاتحرمنا....المزيد..والجديد..
تحياتي

[المخاوي]

اريت انت سميت قبل اعداموه :a:



المهم : يامني غطييييت وصرت بسابع نومه
أسمع عند راسي خرفشه ( خشخشخش )
وعندها : أفوووووووع

هذا لوه خشخشه واعدمتوه طيب واللي لوه شخير حولك وش مصيروه :puzzled:


قلت بس : هذا هو المجرم اللي أقلق منامي .....

مالوه حق يستاهل ماجاوه :biggrin:


وهذا إنذار ووعيد لكل من تسول لوه نفسوه أن يعبث بأمن وراحة الأصيل

عقب هالسالفه ماظنتي احدن يقرب حولك :)

وعلى فكره تسانك تبي تجي للطلعه الجاييه خل فراشك بالسياره لاتنام حولنا :p:

تسلم يالاصيل , يابو ثوبن طويل , سعدنا بوجودك بيننا وبانتظار ماتجود به قريحتك من بطولات حربيه وحكايات نرجسيه :)

[شنقل]

الاصيل
عزالله انك من الفريس الاولين

لوانك لاحقن على وقتهم

تسان صيرن عقيد قوم




صوره مع التحيه للشبث/ للاطلاع والاحاطه

[الأصيل]

مرحبتين ياسرحان

حي الله سمي الذيب:)



بعدين ..

من هم اللي بالقائمة الإرهابية ؟؟؟:eek:

عطن أسماء الثلاثه البادزين !!!:biggrin:



وأحلى تحيه لأحلى سرحان:thumb:












أبو مقـــــــــرن

عميد الفله:315r:

والله ياخوك .. لو هي بيدي

تسان ذبحتوه 14 مره :biggrin:


أما التوليع بوه ... فالصراحه ماجت على بالي هالفكره الجهنميه:eek:

والجايات أكثر:)



بعدين

أشوفك قمت تسمح دروووب:d:

لاتخاف يابعدي

أنا اختصاصي القوارض والدواب الأرضيه

يعني من الضب والشبث وجاي:188r:

وأحلى حبة خشم لأحلى أبومقرن بكوكب القاع والمريخ:thumb:


حول تسان مابه عليك كلافه













تويقيعك .. حاطن بوه تسم بيت

عسى المقصود مهو أنا؟؟؟:eek:













هلا بالمخاوي

لاوالله .. ماسميت من العجله !!!!:goooood:

يخرب ببيت عدوك .. وين لقيت التسميه ؟؟؟:315r::477r:


وأما اللي لو شخير ... فهذا نستخدم معوه طريقة :

((( أسلوب اللبيب في دس السم بالحليب ))):359r:


وهذي طريقه مجربه :hala1:


وأما الطلعه ...

فلازم تطلعون بمتسان مابوه أي نوع من الزواحف والطيور والحشرات

والنباتات الشوكيه ( يعني لو تطلعون للبحر أزين ):477r:



وتحيتي لك على أريحيتك وتعليقاتك الطريفة









حيا الله الزعيـــــــــــــــم

شنقـــــــــــــل أبو تونجيقيا:477r:

أبوسيم .يقول الوسيم (وأدخل على الله)مدري هو وسيم أو ..لا:rolleyes:



أما أخوك فلا شك أنوه من الفريس

بس هكا اليوم ( يوم تنفيذ العمليه ) مالقيت بيرق:315r:



ثم ( إنتبه لـ ثم ):477r:

وين هالصوره اللي دازه مع التحيه للشبث ؟؟؟