المساعد الشخصي الرقمي

مشاهدة النسخة كاملة : وينه المتأمل اللي بعث ساعي بريد!!


((بعيدالنظر))
03-01-2005, 23:04
وينه (المتأمل )اللي بعث ساعي بريد=وإختفي ورسالتي ماوصلني ردها

والزمن لومال ماعدله بيت القصيد=دوروا للغايب اللي سيوفه حدها
الاصمعي
03-01-2005, 23:42
الله الله
العرابي وطاروق جديد
ننتظر ونتابع الابداع والامتاع:thumb:
الأصيل
04-01-2005, 08:17
وتعود رايات العرابي

واليوم مع متأمل



وأنا مع الأصمعي بالصفووووف
متأمل
04-01-2005, 11:12
هلا...بالربع

شرفتوا يا متابعين...

حياك الله يا العرابي...و استلم


لا بغيت الحر خل النظر دايم بعيد=ينطح المعصار و الذاهبه يرتدّها
ما عليّه لو شكا زيد ابن عمه يزيد=مدّ له كف تحب الدسم ما شدّها

تحياتي..
((بعيدالنظر))
05-01-2005, 18:28
الله يحييكم جميع وآسف جداً على التأخير لظروف الإختبارات

تحياتي لكلٍ منكم وكلٍ بإسمه .

وإستلم يالمتأمل لاهنت


يابعد حيي لو أعطيك سيف إبن الرشيد=راح منك السيف وآنت القرون تكدها

ودي إن الشك ينفك وألبسك الجديد=ودها الحساد ولا عسى ماودها
متأمل
06-01-2005, 11:02
حياك الله يا العرابي

الطيب عذره معه...نسأل الله لك التوفيق

و استلم يا بعد حيي...


لا تعمّر فلّتك و أنت ما عندك رصيد=و الرجال الوافيه ما يبيّح سدها
بالسّعه كل هرج و السوالف ما تفيد=ما تعرف الناعمه لين تلمس ضدها

بانتظار الشعر الوافي...من الشاعر الوافي

تحياتي
((بعيدالنظر))
06-01-2005, 14:40
الوصيه خلها تنفع الفكر البليد=خلها عندك ولن جاك غيري عدها

فنّد المعنى ترى الموت في حبل الوريد=وش بلاْ أهل الجهل تمزح وهي من جدها
متفاائل
06-01-2005, 16:08
http://shmmr.net/vb/images/smilies4/wavetowel2.gif http://shmmr.net/vb/images/smilies4/wavetowel2.gif http://shmmr.net/vb/images/smilies4/wavetowel2.gif http://shmmr.net/vb/images/smilies4/wavetowel2.gif
متأمل
06-01-2005, 21:00
تفاءلت بوجهك الأصباح...يا متفاءل

تشكر على التشجيع...

استلم يا عبيد...


كل مطلع يوم و الخير في الديره يزيد=مير سلمى ما لقت شيخ يخطب يدّها
لا شريت العير فاشتر معه مطرق و قيد=علّته في باطنه لا ضربته هدّها

الصفوف يا الربع...
((بعيدالنظر))
07-01-2005, 02:19
مزعج أهل السوق مرزوق والمبلغ زهيد=يوم غيره قال بدّ الثمينه بدّها

من عرف مقدار نفسه يعيش إبها سعيد=خير له من صاع بعض العلوم ومدها
((بعيدالنظر))
07-01-2005, 02:22
متفاائل الغالي

حياك الله ومرورك يشرفنا جميعاً

تحياتي لقلبك
متأمل
07-01-2005, 20:00
إن جلس ما سرّنا و إن غزا ما جاب فيد=ما لقينا كلمته صاحيه نعتدّها
ديرة الروم ابتلت ما بها رايٍ سديد=حلّلوا لهف الربا قضاتها و عمّدها
((بعيدالنظر))
07-01-2005, 22:17
أنت خارج عن نطاق الهدف تمشي وحيد=يامأمل خير هات الصحونُ ودها

طيعني وإرتاح ماللحديد الا الحديد=أنت هجمات العدا ماقدرت تصدها
متأمل
08-01-2005, 00:04
و أبك أنا اللي عادتي فاللقا باسي شديد=و أنته أمك يوم جابتك تلطم خدها
أحسبك تفطن لها و أثر راسك فيه حيد=بنت الأطرم ضيّعت خالها من جدها
الأصيل
08-01-2005, 08:11
أنت خارج عن نطاق الهدف تمشي وحيد
يامأمل خيـر هـات الصحـونُ ودهـا

طيعنـي وإرتـاح ماللحديـد الا الحديـد
أنت هجمـات العـدا ماقـدرت تصدهـا

قنبله .............






و أبك أنا اللي عادتي فاللقا باسي شديدو أنته أمك يوم جابتك تلطـم خدهـا
أحسبك تفطن لها و أثر راسك فيه حيدبنت الأطرم ضيّعت خالها من جدهـا

قنبله ...


افزعو يالصفووووووووووف لاتخلون الشعراء
((بعيدالنظر))
08-01-2005, 22:15
الشاعر الراااااائع / الأصيل
مرورك يعني لنا الكثير الكثير أيها المبدع ..

إستلم يالمتأمل



من يقول إن القلايد تجي في كل جيد=لايجي مابين جزر البحور ومدها

ماتمنيت إنك تموت يالضبي الفريد=الرصاصه غير حب القلوبُ ودها
متأمل
09-01-2005, 09:45
الأصيل...كاسمه...له معدن فريد...لا تغيره السنون

و الدور تراه عليك يا الأصيل...جهز عزبتك...الدرب طويل و شاق

استلم يا العرابي...


لا تكايد ما بعد كيد رب الكون كيد=خلّك ان لبست جبّتك لينك قدها
منيتك فالصدر و الله يفعل ما يريد=طيع شوري عن حمى الجار عينك لدها
الأصيل
09-01-2005, 10:12
حمي الوطيس من زماااان

ودرجة الحرارة وصلت للغلياااان






هذا متساني للنهايه


متأمل : حوّل شوين لايسمعنا العرابي










اذكر الله ،، وعيّن خير

الناس تبي تحج يامسلم

وعزبتي فاااارغه
((بعيدالنظر))
10-01-2005, 11:57
ياقعود البدو لو ننحرك في كل عيد=كان مايمدي ولايفك عضت بدها

ماتمنينا حصل لاتزيد ولا تعيد=إبنها ياراع الآمال ولاّ هدها
متأمل
10-01-2005, 13:51
هلا بالأصيل...

من كان مثلك ما تجي عزبته فارغه يا بعدي...

و الأمور سهالات مع أخي عبيدالله...شاعر متمكن و أُسر باللعب معه

هو عزيز و غالي...و يعرف ذلك جيدا

استلم يا الغالي...


لا طلبت أكبر بناة الحجر جاني عبيد=الشرايد ناشبتني و لا ني ندها
ولّ يا عصرٍ سما بالرعاة مع العبيد=لو تتاجر بالغنم ما يخارج كدها

تحياتي...
((بعيدالنظر))
10-01-2005, 14:17
كيف تحرم فمك زال اللبن في كل ديد=عشها وإعتاش منها وبكره غدها

شوف كيف أرض النكد نبتها يطلع نكيد=والدواهي ترتقي بالفعول وبالدها
متأمل
10-01-2005, 18:50
أتوقف هنا بعد أن بدأ العرابي...طاروقا جديدا

يطلب فيه المشرف...ثامر

آمل أن نستمتع باللعب...و نتابع

بيض الله وجهك يا عبيد الله على الطاروق الحماسي...

و اللقاء بالمستقبل ان شاء الله تعالى

تحياتي...