تبي قلبي ولا عيني ولا عمري؟

[شاعرالرافدين]

تحيه طيبه لكل اهل المضايف ويشرفني ان تقرأوا قصيدتي واتمنى ان تنال استحسانكم
واقول فيها بعد ماعذبني الحبيب


البارحه بالليل شوقي سرالك=ودَه يعبرلك عن الحب وشلون
شوقي تزايد وارتسملي خيالك=حتى بديت اتصورك وين ماكون
صورتك في بالي توضح آمالك=تطلب وانا اطلب والليالي لها فنون
مواطن الفتنه ربي عطالك=واهداك لي رب المخاليق والكون
شخص يشوفك سيدي مايتمالك=يضيع علومه وترميه مطعون
ولا اللذي يقدر يجاهد جمالك =عز الله انه تايه العقل مجنون
اطلب تدلل سيدي وشبدالك=اللي تريده كول له تم ويكون
ان كنت تبي قلبي القلب جالك=وان كنت تبي عيني ترخصلك عيون
وان كنت تبي عمري كله فدالك=انت الوحيد اللي على النفس تمون
لو تجتمع بنات حوا كبالك=ولو جابو من زين الرعابيب مليون
اعاهدك بالله ماهوا بدالك=انت الوحيد اللي لك القلب مرهون
ماعاشر الخفرات عقب ارتحالك=من عقبكم يحرم علي كل مزيون
عهدٍ علي اعيش عمري وفالك=وحق رب البيت للعهد ماخونوسلامتكم
مع تحياتي واشواقي لكم

شاعر الرافدين
منيف بن عبيد بن حمدان بن جدعان الشمري
بلاد الرافدين_الموصل_ناحيه ربيعه

[متفاائل]

صح لسانك ياشاعر الرافدين مبدئياً
ولي نكسه لتصفح القصيده الجيده
تخياتي

[فهد الاسلمي]

شاعرؤ الرافدين


صح لسانك :-


وهذه ليست قصيدة محاوله بل هي قصيده كامله متكامله


ولكن دون التعدي على احقية شخص وبدايتهم انت يا شاعر الرافدين

اجد ان هناك بيت واحد يحتاج لبعض التحسينات ان وافقتني الرأي وهو

البيت الذي تقول فيه :-



وان كنت تبي عمري كله فدالك = انت الوحيد اللي على النفس تمون


فلو قلنا :-


يا زين عمري بالمحبه فـدالك = انت الوحيد اللي على نفسي تمون

[شاعرالرافدين]

تحياتي لك ...فهد الاسلمي
جميل جدا وكلامك مضبوط وفي مكانه
اشكرك جزيل الشكرو ارجو المزيد من ارائك المميزه
اخوك .
شاعر الرافدين