فهد النايف
19-12-2004, 07:38
رسول الحب لو تسمح ابيك توصل المضـروف=امانـه وصلـه ياطارشـي للجافـي النـاسـي
وقلة خذ جـواب اللـي تعلـم وقفـة الملهـوف=تراني يارسول الحب دايـخ مـن عنـا راسـي
ابيك تبلغه عني وانـا بحفـظ لـك المعـروف=جميلك بحفظـه مـادام راسـي حـي لنفاسـي
وقل للجافـي الناسـي ترانـي حايـرٍ مكتـوف=مابين البعـد والذكـرى وتحنانـي وهوجاسـي
وقله مانسيته كيف انا انسى ضامر السرجـوف=يميـنٍ حارمـة منسـى حبيـبٍ مدلـي كاسـي
ثلاث سنين مرنـي وصدفـات الليـال وقـوف=على بـاب القطيعـه والنيـا دقـن الاجراسـي
اردد ليـل يـا دانـه وغيـري دالـهٍ بـالاوف=على رتم النغم يطرب وانا الهوجاس مرواسـي
تعبت انظم من احزاني على صدر الورق معزوف=وتعبت ارمي خيالاتي علـى النوتـه وكراسـي
صبرنا يارسول الحب مـدة والعيـون تشـوف=وانا خايف بعد صبري يروح ويذبـح عماسـي
وانا ماقول كلماتي واصيـغ حكايتـي بحـروف=لجل يدري بها القاصي ويدري به بعض ناسـي
ابيه يقرر لوضعـي نهايـة مـا ابيـه يـروف=ولاينظـر لـي برحمـة ولا لطعونـه يواسـي
ويعطيني حسب عرفه نتيجـه دامنـي مكلـوف=بحبه حسب ماقلبـي عطـاه العهـد بحساسـي
وش اللي حلل بعاده وانا عني الوصال يطـوف=وش اللي حلل افراحه وانـا للحـزن متواسـي
تصبحني عصافير الغـرام بصوتهـا المآلـوف=واقول ارجوك روحي له انا مرتاح مـع ياسـي
لعله يذكر الواقف على بـاب الرجـاء مكتـوف=برجوى رجعة الغايب ورجوى رجعـة انفاسـي
فهد النايف
وقلة خذ جـواب اللـي تعلـم وقفـة الملهـوف=تراني يارسول الحب دايـخ مـن عنـا راسـي
ابيك تبلغه عني وانـا بحفـظ لـك المعـروف=جميلك بحفظـه مـادام راسـي حـي لنفاسـي
وقل للجافـي الناسـي ترانـي حايـرٍ مكتـوف=مابين البعـد والذكـرى وتحنانـي وهوجاسـي
وقله مانسيته كيف انا انسى ضامر السرجـوف=يميـنٍ حارمـة منسـى حبيـبٍ مدلـي كاسـي
ثلاث سنين مرنـي وصدفـات الليـال وقـوف=على بـاب القطيعـه والنيـا دقـن الاجراسـي
اردد ليـل يـا دانـه وغيـري دالـهٍ بـالاوف=على رتم النغم يطرب وانا الهوجاس مرواسـي
تعبت انظم من احزاني على صدر الورق معزوف=وتعبت ارمي خيالاتي علـى النوتـه وكراسـي
صبرنا يارسول الحب مـدة والعيـون تشـوف=وانا خايف بعد صبري يروح ويذبـح عماسـي
وانا ماقول كلماتي واصيـغ حكايتـي بحـروف=لجل يدري بها القاصي ويدري به بعض ناسـي
ابيه يقرر لوضعـي نهايـة مـا ابيـه يـروف=ولاينظـر لـي برحمـة ولا لطعونـه يواسـي
ويعطيني حسب عرفه نتيجـه دامنـي مكلـوف=بحبه حسب ماقلبـي عطـاه العهـد بحساسـي
وش اللي حلل بعاده وانا عني الوصال يطـوف=وش اللي حلل افراحه وانـا للحـزن متواسـي
تصبحني عصافير الغـرام بصوتهـا المآلـوف=واقول ارجوك روحي له انا مرتاح مـع ياسـي
لعله يذكر الواقف على بـاب الرجـاء مكتـوف=برجوى رجعة الغايب ورجوى رجعـة انفاسـي
فهد النايف