المساعد الشخصي الرقمي

مشاهدة النسخة كاملة : سيرة محارش ج1 من مليون << الله من الفضاوه



محارش
02-04-2002, 01:14
السلام عليكم :

من يوم طليت عليكم طلتي البهيه والاتصالات تنهال علي من كل صوب وحدب تطلب مني اعطاء نفسي حقها من التعريف خصوصا في ظل الحرب الشرسه التي يمارسها تجاهي بعض المشرفين والمراقبين ومحاولتهم النيل ( الابيض ) مني واضفاء الشرعيه على ممارساتهم القمعيه تجاه شخصي الكريم وانني اذ اطالب اخواني المساندين لي في حملتي الانتخابيه لقشع ( خربه :D ) بعض المشرفين المناؤين لحركة الاصلح في هذا الصرح العظيم بسياسة ضبط النفس وصفط اعدائهم الله يسبعهم :D لاؤكد لهم عزمي خوض غمار هذه التجربه بكل قوة واقتدار كعادتي دائما واعلنها لكم صريحه بانني سوف اتخلى عن جميع اشغالي ومهنتي الطبيه ( حارس مستشفى :D ) واتفرغ لهذه الحمله وبناء على مطالباتكم لي بالتعريف بنفسي اكثر واستخدامها كسلاح نفسي ضد اعدائي فانا ومن باب تواضعي الجم وحبي لنفسي دون غيرها ومن باب يالله انا طالبك حمرا هوى بالي :)
فانني اقدم لكم هذه النبذة المختصره عن شخصيتي حفظني الله :)

كنت لا اود الخوض باسمي الصريح كون اكثركمبدو واسمي لا يتناسب مع مجتمعكم ولكن وللامانة العلميه والحقوق الفكريه فاسمي هيثم ويدلعوني جعيثن :D وقد ولدت ونشأت كابن مدلل لاسرة ثريه تسكن في سفوح طعوس تربه وكان اخواني منقهرين مني ( وشو عليه ) وكان مولدي فأل خير على الجميع ( تبون وقائع نجيب مهي عايقه :) )

اشتهرت بين اقراني بهوايات عديده لعل ابرزها تنقيش الاضافر وتدزرين الخنافس والان احاول ان اطور احد الهوايات التي اكتشفتها في نفسي مؤخرا متمثله بتمسيح الجوخ والله لا يخيب تعبنا :)

وكأي وغد سعودي ذهبت الى المدرسة باذني :D ثم تتلمذت على يد ثير من الدخاتر بالحاره ( عجز وشيبان ) الى ان ظهر نبوغي المبكر بالطب ثم تفرغت لبحوثي العلميه عن الخشه والعظيم :)
وكان من اشهر مؤلفاتي كتاب وش احسن للعظيم التدفيع وللا التلذيع :D
ومن بعد هذا الكتاب ذاع صيتي وانتشر اسمي وكان الناس يأتوني من كل بلاد الدنيا من كل بقاع الارض :D

واذكر انه جاني شايب عجز الدخاتر لا يداوونه :( ومن اول نظره عرفت انه مخشوش فوصفت له عنزروتين :D وما فاد حيث اتضح لي بعدين ان الخشه مفرختن بوه ( 24 ساعه بين العجز :D ) فتسويته بعود رمث وما فاد وبعده بمخطر واشوى جاب نتيجهوابشركم من هاك اليوم ليا اليوم ما اشتكى المرض ( عمركم شفتوا ميت يشكي المرض :D )

ومن عرض السوالف اللي مرت علي اثناء قيامي بواجبي الانساني انه جاني واحدن مدرتس ( يعني على شفا جرف :D ) ومعه اهله يهلون الدمع ويتطلبوني اعالجه قلت لهم والله اني ما ني ذاخرن عنه حاجه ( لو الله يفكه منك مابوه بلا :D ) وانا اللي اعطيه الاسعافات الاوليه واعطيه شوية صعوط وهو اللي يقوم مابوه البلا , ويرجع مع اهله ويجلس عندهم يومين ( وعية الموت :D ) ثمن مات وهذا قضاء الله وقدره وانا سويت اللي علي ويحمدون ربهم اللي لحق يكتبالوصيه :(

وهاللحين انا شغال بمايو كلينك كدكتور زائر ( علشان يورون مرضاهم ان دخاترتهم مسكتين :D ) ومستشفى الخرسانيه العام وتخصصي خريص والله يعيننا على اللي بوه مصلحة البلاد والعباد :)

واي واحد منكم يشكي من مرض او شاك ان يبي يجيه مرض , لا يرده الا لسانه وانا بالخدمه ( والله مايجيك الا الخبل بعد سيرتك المشرفه :D )

انتهى الجزء الاول من سلسلة الشخصيه الاسطوريه محارش_محارش رائد الطب الحديث وصاحب بوفيهات السعاده :)
لنا لقاء في الجزء الثاني من سيرته الخالده في كفاحه المجيد وحبه للثريد :

فلاح السعد
02-04-2002, 17:49
صراحه مكافح جدا

ونتمنى لك التوفيق

وانا شخصيا اترقب الجزء الثاني على جمر :)

ابو يزيد
02-04-2002, 19:06
على طريا ابحاثك طال عمرك
وش تنصحنا فيه علشان نعالج الصغيرة
خاصة وهي ماترضع !!!!!!!
وكل مانعطيه حليب تعيي تبي حليب بعارين!!
ولاكن يوم الله جابك ايهن احسن التلذيع والا التدفيع لمثل هالحالات
................................................................................ .................................................................

وعلى فكرة ياجعيثن لاتخفي علي تكفى الجزء الثاني من السيرة الذاتيه

وترايناوي اشتري سيارتك الذاتيه وابحتفظ بحق نشرها متى ماخلص الجزء

المليون تراني اعطيك عرض جاد ولا تخفي علي اذا زاد علي أحد بالسوم (وترى المكاتبه والفحص علي يعني لك صافي)
................................................................................ .............................................................

-
-
-
-
-
-
-
-
-
-
-
-
-
-
-
-
-
-
-
-
تسلم والله يامحارش على هالسيرة العطرة (كثر منها) وانا من اشد المعجبين بالخبرة (اليمنية والرئيس علي عبدالله صالح خاصة بعد كلمته المكتوبه(المنكوبه) بالقمة وتراهم هم اهل الحلبه لكن ترى حلبة الخيل ازين يقولون (ماله ريح بالهدوم) ومثلك يادكتور مايعلم.

-
-
-
-
-
-
-
-
-
-
-
-
-
-
-
-
عاد تبي الصراحة من العصر وانا احاول اكتب رد عليك ولا قدرت وقلت ياولد يكفي تقراء وهذا محارش ماينتحارش لكن الف مبروك لي على شجاعتي بالرد عليك
-
-
-
-
-
-
-
-
-
-
-
-
-
-
-
-
والمهم اني جريء واحسن من غيري

(والله صراحة عارف انك ماانت راد علي قلت ياولد اكرب وجهك بهاالكلمات الزينه))

تحياتي

محارش
02-04-2002, 20:25
بما اني امون على فلاح فسفطته زي براد ابو اربع :D
<<<< ياشينه لا مان على واحد

حبيبي ابويزيد :)

وليه ما ارد عليك ياخلف جدي الا ارد وملعون يلعون ابليس .
بس لا هاللحين انا ما أعرف الطريقه السائده بالمنتدى بالنسبه للردود واللي انا متعود عليه اني انتظر عقب الموضوع بيومين ثلاث ثمن ارد على الاخوان اللي ردوا وبعض الاحيان يطري على رد واضيفه بدون تجاهل للي ردوا واحط تحت تنويه اني ابارجعوصدقني ان ردك انت والاخوان باستثناء فلاحوه اللي حاطن بعبع مع اني وش حليلي ( الله من الصدز :D ) اقول والله ان الردود اثلجت صدري ( يتدهن بفكس عقب هالثلج :p ) وتقبل مني ارق وازكى واشنع التحيات :)

اما بالنسبه لسؤالك عن ان بنيتك الله يصلحه ما تشرب الحليب وتبي حليب نياق فالسبب واضح والعلاج بسيط وانا اخوك :p
يااخوي ابعد عن البنت ولا توريه وجهك الا عقب الفطام حيث ان البنت مشبهه وبما ان ابوه بعير خالص :D فيتخزن في مخه الباطن انه هي حويشي وتطالب بحليب نياق :p

وبالنسبه لسؤالك عن حلبة الخيل فه ممتازه وينصح باكلها على طلوق الريدز بدون اي سوائل ( نذل )

وش سؤالك اللي بعده ؟؟؟؟؟
<<<<< ابوك يالتصريف

ابو سعد :

ابرد عليك بس قلت خل اصرف هالماخوذ ابو يزيد :p
<<<<< ما ييوز :cool:

ابو يزيد
02-04-2002, 21:20
D :D :D :D :D :D :D :D :D :D :D :D :D
بالله عليك انت دكتور يامحارش
انا ماعرفت البكش أبد
وكنت مصدق أنك دكتور
لكن من يوم قلت أن البنية تصور نفسه انه حويشي واني بعير:( :( :(
وانا غاسلن يدي من طبك:p :p :p ومن تعقيباتك:D
................................................................................ ...........................................................
أما بالنسبة لردودك علي فهي(مثل قلته) :D :D ولو اني المن منها كان ابرك (بعير لاتشره عليه:D )

تحياتي

محارش
04-04-2002, 15:20
فلاح :)

الله يخليك فعلا كفاحي سبب نجاحي <<<< وش رايك اصلح شاعر :p
صدقني ( نوى التسذبه :D ) ان مليون جزء مهي كفايه لسرد سيرتي الذاتيه بس اني ما حبيت اطول عليكم وقلت اختصره لمليون بس ( :D )

ابو يزيد :)

مشكور يابعدي وردي عليك فوق اكبر دليل على تواضعي الجم انا وخشتي :p

محارش_محارش :(

خير وش عندك رازن وجهك كل ما هذا يانت راد واقل رد عشرين سطر ذابحتك الفضاوه وللا معجبك فيسك اللي تسنه فيس فلاحه :p

ابو يزيد :p

اقول ما تسنك خاشرتن بموضوعي ( من زين هالموضوع عاد :D ) بس لا تكون ناوي تقلبه شات يامال الغنات والله معزوم هالخميس بس الخميس الجاي مافيه مانع نجيك يامال الهشله :p
<<<<< ما ينعطى وجه ابد ابد

المشرف العام
05-04-2002, 02:24
الاخ جعيثن .. حفظه الله ورعاه


---------------
تسلم :D


تحياتي

ظبيانيه
05-04-2002, 15:47
اثناء قيامي بواجبي الانساني :D :D :D


انته جتلت الادمي فقير الله وتقول واجب انساني :D :D :D



اخ جعيثن (غلج ) ترانا من الحين نقولك ما نبا واجب انساني دخيلك شكل واجباتك تودي الاخره سيده :D :D

فلاح السعد
06-04-2002, 08:04
مرحبا يامحارش

والله انك وفيت وما مااري وش اللي عقبه ياتختر وانا خابرك تسمح لزباينك هفواته
والله ادري ان ابو يزيد ناشبن بحلقك وكان تبي القيوووووه والله انه مقدي لو اني ادري انه راح يتحسف لانك ماتنحارش واسمك خير دليل :)

يامحارش ترى الاخت ظبيانيه تقول ان اسمك خلج يعني خلق وانا معه صراحه اسمك لبناني :)

ابو يزيد

اسمك اللي تبلشت وانا لك بالدعاء غيره اسمح المساله فيها مرمطه :)

ابو يزيد
06-04-2002, 12:20
الأخ/فلاح ابو سعد

انت شكلك تحرش محارش علي

بالله ليه

انت عارف انه مينتحارش

لكن يوم قريت موضوعه السياسي والله واستانس

قلت الحمدلله الرجال عنده حس :D

واكيد انشاء الله انه بيقدرني ((كثر منها ))

.............


أخوي محارش لايهمك ابو سعد

والله الله سفسطه مثل براد ابو اربع

تحياتي

فلاح السعد
06-04-2002, 13:47
يابو يزيد مايحتاج حرش الرجال

يعني اسمه داقن سلف لنفسه :)

محارش
07-04-2002, 01:02
فلاحوه انت وابو يزيد :D
ما ودكم بلكم بريدز شاهي على هالتكيه بالموضوع !!!!!!!
وللا اغديكم تبون عصير !!!!!!
هااااااااااااه :(
يالله قوموا لا تشوفكم عيني :p

ابو يزيد
12-04-2002, 23:16
أخوي محارش_محارش

ماودي اطول عليك (الله من الفضاوة)

نبي طال عمرك الجزء الثاني من سيرتك العطرا

وترانا ملينا من الجزء الأول وابطيت علينا بالجزء الثاني

ولا تنسى ان باقي من سيرتك 999999جزء

يالله لاتبطي علينا.

تحياتي

محارش
25-04-2002, 12:56
المشرف العام :

تسلم :)

ومشكور :)

<<<< وده يتحرش بس حيل الله اقوى :D

ظبيانيه :

حكمتي في الحياه هاااااات من الاخر :D وانا اطبق هالحكمه بحذافيره ( والله وصرت ترطن , بحذافيره مررررررره وحده :D ) .

تسلمين :)

الاخوان فلاح السعد وابو يزيد ليميتد :D

اقول عسى ما طلعتكم طلعت الاخوان رايت وللا طلعت الاخوين هذواك اللي لا تعبوا انتجوا مهو انتم مغير شبات وضرب من هالمفاطيح وليا شبعتوا جيتوا تلعبون بمواضيع خلق الله :p
تسلمان حبيباي ويعلكما بعد بعضكما :D <<< عاد فسروه :D

ابو يزيد
25-04-2002, 15:03
أخوي الشيخ/محارش_محارش
صح النوم
اقول
((عسى ماطلعتك "طلعة التمياط"
ولا" طلعة القدية بالرياض"
ولا "طلعة الأجفر"
يالله قم بس قم
وعطنا الجزء الثالث يابعدي
ونبي حنا البراد ابو اربع نتكي عليه ونقرأ .

تحياتي

الشمالية
26-04-2002, 20:22
عيونو خير

سلمان النبهان
26-04-2002, 21:31
الاخ محارش / انت شرا على البلاد والعباد الاخ محارش وارش / انت شرا على البلاد والعباد

الشقاوي
30-04-2002, 21:01
شقا شقا

بعدي والله

انا اقول ان الاشقياء واجد مثلي وشرواي:D :D

ياحبني لك يامحارش المحارش

بس ها انتبه تقول شي:mad: :mad: تراني ماني بسيط

وه

نسيت لاقول عفيه على تسجيل سيرة حياتك البهلوانيه:) :)

شقا شقا

شقاوي

الحسيني
11-08-2002, 02:42
احم..احم.. :) <<< متنفخاتن ال وزه (<<< تراه عربي:D ) ويدور عندك علاج :D

ت. محارش <<< مايحتاج اقول التاء وشو اختصارن له ;)
والله يا ال(C.V :)) حقتك مسكته.. بس الله لا يحدنا على علاجك كخخخخخ
.
.
.
.
.
أبد والله بس شفت المنتدى ( راكد ) هاليومين قلت خلنا نخضه :D
ونطلّع من اللي بقاعة هالدزدر . <<<24 ساعة بالمطبخ :D:D

<<< ودّه يمحط بسيرته الذاتيه س تخبره زوووووووووول :)

تحياتي المتوحشه/
الحسيني
طبيب قرّاح ..اُولوب الناس العب بحسبته :D<<< جورج وسوف على غفله:D

:D:D:D:D:D:D:D:D:D:D:D <<< لقاهن ببلاش ورثعبهن :p:p

الشمري محمد فهد
11-08-2002, 02:45
8
8
8
8
كحححححححح كحححححححححح لا تنسى تنفض الغبار عنهن :rolleyes:

عبدالله الجعيثن
11-08-2002, 12:37
محارش حاف

الا اسم جعيثن لاتتهزا به. ترا اجيب الفضايح كله.

وبعدين حقوق الطبع محفوظه. وترا طلب التعويض عند ابوراكان بالخششششكاري.

وانتبه تراني ليا هالحين حاشمك.

الزريقي
12-08-2002, 02:29
يا تختور/ محارش_محارش

أنا سلمك الله بي لي بلى يا جاء هااليل دززت عيني ولا أنام يلما تذن مواذين الفجر
بسبت وجعن بهاالنويحره:(

تسان عندك من هاالمخدرات<== قصده .. مسكنات (كلن وتعليمه)

السالمي
12-08-2002, 22:00
الاخ محــــــــــــــــــــــــــــارش&محــــــــــــــــــــــــارش




وش علاج اللي مرضان بالعافية ويتفتل على عباد الله ؟؟؟





لا تنسى تختم على الوصفه

عفات الدواس
15-08-2002, 09:42
وشلونك وشلون صحتك
مبطين عن كتاباتك يالغالي

باله كملنا الأجزاء الثانيه
ابو دواس

الاشعل
15-08-2002, 13:07
هـــــــــــــــلا والله بعفاااااات الدوااااااااس


يالله حيه ويــــــــــــــنك ووين الغيبااااااااااات


مشتــــــــاقين لك يا اخوي


اخوك

الأشعل

عفات الدواس
16-08-2002, 21:54
http://www.shammar.net/vb/showthread.php?threadid=3960&pagenumber=2
http://www.shammar.net/vb/showthread.php?threadid=3960&pagenumber=2
http://www.shammar.net/vb/showthread.php?threadid=3960&pagenumber=2


وشلونك ياألأشعل يالغالي وشلونك ياجدي
وانشاء الله موجودين من اليوم ورايح
http://www.shammar.net/vb/showthread.php?threadid=3960&pagenumber=2
http:/www.shammar.net/vb/showthread.php?threadid=3960&pagenumber=2
http://www.shammar.net/vb/showthread.php?threadid=3960&pagenumber=2