ياثامر المتعب ...

[الونش]

ياثامر المتعب يامرحبا وياهلابك= وافي يالقرم ولافيك قصور يالغالي
عيدك مبارك يوم الله يمنا جابك = بس حال بين المواصل طعوسِ وجبالي
نويت ارسل مار النظام وقف جوابك = وقال لي على هونك يالونش عدالي
مايفيد المراسل بالخاص يم اصحابك = من دون ميه يالونش مابه مجالي


( يجب أن تشارك 100 مشاركة قبل ان تستطيع استخدام نظام الرسائل الخاصة )
اليد قصيره والعين بصيره :)
وعيدك مبارك وكل عام وانت بخير يابو متعب عزيز وغالي

[متفاائل]

هلا بالونش من العايدين

بانتظار ابو متعب

[ثامر]

هلا بالونش صح لسانك وتسلم يالغالي على هالقصيده الحلوه
وانا كل ما بالرساله اللي ارسلته لك معايده لك لانك عزيز وغالي
وان بغيت شي انا مستعد

اخوك ثامر المتعب

[الونش]

مشرفنا العزيز متفاائل

حياك الله يالغالي

[الونش]

ومن قال سالم

الاخ العزيز ثامر

اخي لي الشرف بمعرفتك والله يعز مقدارك ولك بالمثل يالاجودي ووجهك ابيض وهذا من طيبك وطيب اصلك والله لايهينك .

وان بغيت شي كلي ثقه فيك وادري انك ماتقصر ياجعلك ذخر والله وعلى ماقالوا الاولين معرفة الرجال تجاره وانت يابو متعب من الرجال اللي نعتز ونفتخر بهم وتسلم يالغالي .

[ثامر]

الا يابعد حيي هالوجه والله انك غالي يالونش

[متفاائل]

ثامرررررررررررر:puzzled:

ليس هذا المطلوب بلاش ...... :awink:

الردود هناء تكون بأبيات شعريه واصل نحن بإنتظار ردك على الونش استلمت :hala1:

تحيااااااااااااتي لكم

[بتول آل علي]

وانا برايي تنقلونها المحاااوره

و نحن متااابعين :awink:


الدهور

[عبدالعزيز]

الاول قال بإنتظارك والثانية تقول متابعين .. وين انت ياثامر؟؟

وصح لسانك يالونش :thumb:

[ثامر]

الا يا منين البلش انتم وشتبو بي انا والونش

فكوووووناااااااااااااااااااااااااا من شركم

[الونش]

اولا ياهلابالجميع

وثانيا الدعوى رد مني على الاخ ثامر لان الرسائل الخاصه ماقدر استخدمها ياما يكبر عمري :) وهو ماقصر مرسل لي رساله فيها سلام ومعايده هذي السالفه يالربع .

[الونش]

الاخت الدهور

وليه ماتابعين هنا :biggrin:

حنا هنا بالمحاولات الجاده وانا جاي اتعلم من اخوانا هنا ولانستغني عن تعليماتهم وتوجيهاتهم فهم لهم باع طويل بالشعر والاخ ثامر من شعراء المحاوره البارزين ولاني بمستواه الشعري فانا هنا اتعلم منه هو والاخ متفاائل مشرف هذا المضيف .

وشكرا لك اختي الدهور على حضورك ومتابعتك .

[الونش]

الاخ العزيز عبد العزيز

صح بدنك يالغالي وحضورك شرف اعتز به .
وبعدين وش تبي بثامر تصوت لوه ترن ياخويك ماقوالوه الا تسان تبي تفزع معي عليه :)