المساعد الشخصي الرقمي

مشاهدة النسخة كاملة : روحي بحايل ما تفارق جبلها ....



راعي الوقيد
04-10-2004, 02:05
سامرية بحايل ...


روحـي بحايل ما تفارق جبلها = حبي لها عيـّا على كل الأوصاف
افـرش حصاها واتوسّـد سهلها = وارقـد بحضن جبال سلمـى ولا اخاف
اسمح واراضيها واداري زعلها = واشتاق له شوق الطنايا للأضياف
او شوق سمر جبال حايل لاهلها =جاوزت من حبي لها حد الإسـراف
عينـي بإجاء ماتسمع اللي عذلها= وخشـوم سلمى مثل شذرات الأسياف
قصة غرام تراب حايل نقلها = تحكي على التالين من ماض الأسلاف
اجاء تهضّم عبـرته وإحتملها = ولا هي بعادة عبـرت الحـر تنشاف
وحـوّل على سمر الجبال ونزلها = عن دار ذلٍ عقب ما شاف ما عاف
سلمـى تغنـي له قصايـد غـزلها=على الـوفاء والود وسلوم الأشراف
وحاتـــم زرع عـود الصخى في جبلها = واوقـد بشامخ ضلعها نارالأضياف
وعنتر على عبله كتابه عقلها = شحوا عليه عيال سلمى بالإنكاف
داربها الشلقان صاغوا مثلها = خويهم شالوه من فوق الأكتاف
وقصـة معشي الذيب محد جهلها = يا من يعد الذيب من عـرض الأضياف
وراع اللبـون اللي علينا نزلها = ترعى لبونه بالقـريه والأرياف
ما لوم من روحه لحايل بذلها = وارخص لها قلب من الود ينلاف

وسـلامتكــــــم ...

شموخ
06-11-2004, 02:44
ياعيني :)

روحي بحايل ماتفارق جبلها :thumb:


صح لسانك ولسان الشاعر .

الا هي لمن ؟ :a: :a:


تحياتي لك
شموخ

راعي الوقيد
15-11-2004, 22:00
:) اي والله يا شموخ ولا يهون من يقرا

روح روحي بحايل ما تفارق جبلها:smooch:لجبلها

من قال يسلم وصح بدنتس

مادري والله من هي له !؟

مار اغدي يمر علينا احد يعرفه :)

سلاااااااااام ...

تركواز
15-11-2004, 22:40
فعلا رائعة

شكرا اخي راعي الوقيد

ليتك وضعتها رابط صوتي :smileyb:

راعي الوقيد
18-11-2004, 18:25
تــركــواز

العـفــــووو

وياليـــت اعــرف سالفــة الـرابــط الصـوتـي

كان من زمان حطيــت من السـامـريــات اللـي عنـــــدي !!

آســــــــــــــــــف جــــــــــــــــــــدا

سلاااااااااااااام ...

ديمــــه
18-11-2004, 18:52
روحي بحايل ماتفارق جبلها

يعطيك العافيه

تحياتي لك

راعي الوقيد
21-11-2004, 07:19
هلا والله بديمــه

توهـ تصيـر الـروح بحايل عقب مفارقنا له

الله يرجعنا لهـذيــك الـديار !! عمار يالوقيــد :puzzled:

مرور سعـدنا به اختاهـ

سلااااااااااااااااام ...

عبدالعزيز
21-11-2004, 08:17
اشوف مطشيك على هالصبيحة ويضهر لي انك عند اذني :puzzled:

تسانوه صدز ازعجن بآلو :thumb:

اما هالقصيدة شفه نزلت بشريط سامري توه نازل بالتسجيلات الاسلامية بشريط (دار حاتم)

من شريته وانا ماانزل عن الموتر يابوفلان من زينوه :)

ولاهانت يمينك ياجدي فرتك على هالنقل :thumb:

راعي الوقيد
21-11-2004, 12:36
والله تسان انت تعني اذنك اليسرى فهي ما سمعتك الصدز :smileyb:

واليمنى ترهـ صدوق التفت وتلقانن هنااااااااااااااااك بين جبلي الرياض :a:

سمعته ع الطاير !!

إلاّ ما تدري هالسامرية منهي له من الشعار :)

ومن قاااااااااال يسلـــــــــم لا هنت

سلاااااام ...

أبو هلا
26-11-2004, 00:33
القصيدة لـ أحمد الفهد العريفي . وهي موجودة ضمن القصائد في موقع برزان .

راعي الوقيد
26-11-2004, 15:13
ابو هلا والف غلا :hala1:

منين يارجل ؟ انقطعت عنا وإنقطعت اخبارك

السارة اللـي تـوردهن هكالنـوادر :smooch:

ننتظـر إطلالتــك عليـنا وإبـداء مـرئياتــك ما نستغنــي :awink:

والسلااااااام ...