aljaffaly
05-09-2004, 21:43
بداية نهايتنا
متى ياعرب نمشي على راي بالاجماع=وحنا بايادينا نفرق تجمعنا
متى ياعرب نسترجع الماضي اللي ضاع=وحنا السبب في كل شي مضيعنا
متى ياعرب؟جسم العرب يشكي الاوجاع=وحنا بنار الغدر نكوي مواجعنا
لامر بعضنا نرفض ولامر العدو ننصاع=تواضع للاعدا ولبعض ما تواضعنا
تعبنا تعبنا نطرد المظهر اللماع=وعلى ركضنا الفاشل عدانا تشجعنا
تعبنا من التمثيل والشجب بالمذياع=من الشجب ياهل الشجب ملت مسامعنا
كبيره كبيره ياعرب نشرى وننباع=وايادي عدانا لقتلنا بعض تصنعنا
كبيره وحنا اهداف بمخطط الاطماع=وعلى بعضنا تظهر وتكمن مطامعنا
كبيره كبيره والكبيره يصير صراع=على يدبعضنا للاسف صار مصرعنا
شرينا المدافع ندعي نقهر الطماع=ولا كان ندري موتنا من مدافعنا
شرينا نهاية بعضنا من يد الصناع=وشرينا الخيانه والامانه لها بعنا
غريبه غريبه ما بنا واحد(ن) جزاع=تموت الالوف ولا تذرف مدامعنا
واذا كان دم ابن العرب سال منه القاع=ولا منه نجزع ياعرب وش يجزعنا
فلا ادري ولا ادري كيف نرقد ولا نرتاع=رغم ما نشوفه نهتني في مضاجعنا
ننام ونقوم وهكذا يعزف الايقاع=ولا شي يشغلنا سوى الاكل اذا جعنا
كأننا نعيش بكهف ما نعرف المطلاع=ونبي ننتظر لعل الاقدار تطلعنا
تلاشت عزيمتنا وحب المظاهر شاع=بداية نهايتنا حياة(ن)بلا معنا
رضينا الغدر منهج وسابق وفانا ضاع=واذا كان ضيعنا الوفا يا عرب ضعنا
نسينا نسينا ديننا لين صرنا اتباع=ضعفنا ضعفنا والسبب ضعف وازعنا
تعبنا تعبنا نحترق يا عرب نلتاع=تعبنا وملينا من الكذب والتعنا
على فوهة البركان نصنع هدوء اوضاع=شكت كذبنا اقلام بكت بين اصابعنا
نبي نفرض الكذبه على الواقع الملتاع=وعلى صيغة الكذبه نبرمج مطابعنا
وعملنا لها تضخيم حتى خبرها ذاع=وسكتنا عليها واشتكى الضيم واقعنا
المرحوم ( منصور بن سعدي الرمالي الشمري)
متى ياعرب نمشي على راي بالاجماع=وحنا بايادينا نفرق تجمعنا
متى ياعرب نسترجع الماضي اللي ضاع=وحنا السبب في كل شي مضيعنا
متى ياعرب؟جسم العرب يشكي الاوجاع=وحنا بنار الغدر نكوي مواجعنا
لامر بعضنا نرفض ولامر العدو ننصاع=تواضع للاعدا ولبعض ما تواضعنا
تعبنا تعبنا نطرد المظهر اللماع=وعلى ركضنا الفاشل عدانا تشجعنا
تعبنا من التمثيل والشجب بالمذياع=من الشجب ياهل الشجب ملت مسامعنا
كبيره كبيره ياعرب نشرى وننباع=وايادي عدانا لقتلنا بعض تصنعنا
كبيره وحنا اهداف بمخطط الاطماع=وعلى بعضنا تظهر وتكمن مطامعنا
كبيره كبيره والكبيره يصير صراع=على يدبعضنا للاسف صار مصرعنا
شرينا المدافع ندعي نقهر الطماع=ولا كان ندري موتنا من مدافعنا
شرينا نهاية بعضنا من يد الصناع=وشرينا الخيانه والامانه لها بعنا
غريبه غريبه ما بنا واحد(ن) جزاع=تموت الالوف ولا تذرف مدامعنا
واذا كان دم ابن العرب سال منه القاع=ولا منه نجزع ياعرب وش يجزعنا
فلا ادري ولا ادري كيف نرقد ولا نرتاع=رغم ما نشوفه نهتني في مضاجعنا
ننام ونقوم وهكذا يعزف الايقاع=ولا شي يشغلنا سوى الاكل اذا جعنا
كأننا نعيش بكهف ما نعرف المطلاع=ونبي ننتظر لعل الاقدار تطلعنا
تلاشت عزيمتنا وحب المظاهر شاع=بداية نهايتنا حياة(ن)بلا معنا
رضينا الغدر منهج وسابق وفانا ضاع=واذا كان ضيعنا الوفا يا عرب ضعنا
نسينا نسينا ديننا لين صرنا اتباع=ضعفنا ضعفنا والسبب ضعف وازعنا
تعبنا تعبنا نحترق يا عرب نلتاع=تعبنا وملينا من الكذب والتعنا
على فوهة البركان نصنع هدوء اوضاع=شكت كذبنا اقلام بكت بين اصابعنا
نبي نفرض الكذبه على الواقع الملتاع=وعلى صيغة الكذبه نبرمج مطابعنا
وعملنا لها تضخيم حتى خبرها ذاع=وسكتنا عليها واشتكى الضيم واقعنا
المرحوم ( منصور بن سعدي الرمالي الشمري)