مشاهدة النسخة كاملة : رسالة الي الاخ العلامة ذيب شراف ارجوك وضحلي
أبكي هلي هـل العلـوم المليحـه
ولا الوم عيني لو بكت دمعهـا دم
إخواني أبكي والقصور الفليحـة
إخواني اللي لا بغـو لازم ٍ تـم
ياما إنتخو بإسمي ليا حل صيحـة
اليا انتخو بي كافر الجـن يسلـم
إسمي كما نجم ٍ ضرب قاع بيحة
أو الصواقع يوم للضلـع ترجـم
نورة أنا بنـت الشيـوخ الفليحـة
أبوي حاكم وإخوتي صفوة الجـم
يا حيف حايل فارقن ريح شيحـه
بذيك الشغايا تقل ما قيل لي سـم
محمد طلال اللي جرح للقريحـة
وناس ٍ بنا خانو .. وناس ٍ بنا نـم
خانو بحايـل كاسبيـن الفضيحـة
وأهل العمايم جعلهم فـي جهنـم
أهل العمايـم يِدّعـون النصيحـة
جهال بـدو ٍ مـا تعـرف التيمـم
يالعبد عقب العز كبـدي جريحـة
حب الوطن يالعبد من عصـر آدم
يالعبد ماهي من حكايا الفضيحـة
خل السهر لي وإنت يالعبد قم نـم
من أول ٍ نامـر تجيـب الذبيحـة
واليوم ياعصر الندم صرت لي عم
من كاتب هذه القصيدة وما المناسبة ومتى ؟
ابو خليف
03-08-2004, 05:16
اوضح لك يالغالي ابشر
انت تنسب القصيده للشاعر منصورالرمالي الله يرحمه
ويوم تنسبه يالغالي الضاهر انك ماقريت الموضوع زين ورديت وانت مستعجل
وهذا اثبات كلامي بس الله يهداك اول شي انا
لاني علامه ولا شي
ثاني شي كاتب هذه القصيده / نوره الرشيد ولا مجال للشك في ذلك
وواضح كاتبها من خلال ابياتها
المناسبه / انت ادرى
متى / بعد سقوط حائل ورحيلها االرياض
اضغط هنا وتلقى الاثبات (http://shmmr.net/vb/showthread.php?t=21873)
يقال انها لمنصور الرمالي ولكن لست متأكد
وبخصوص الموضوع انا رديت على استفسار الاخت قطرية للأبد بالشيء الي اعرفه ومتأكد منه وشلي بمواضيع ثانيه ؟
الأخت قطرية للابد قالت ابي سالفة هالقصيدة وانا رديت انها ماهي لنورة الرشيد اساسا
ايش اقراء عشان افهم الله لا يهينك ؟
ابو خليف
03-08-2004, 05:45
يقال انها لمنصور الرمالي ولكن لست متأكد
وبخصوص الموضوع انا رديت على استفسار الاخت قطرية للأبد بالشيء الي اعرفه ومتأكد منه وشلي بمواضيع ثانيه ؟
سبحان الله
الحين اول ردك تقول ماني متاكد واخر الرد تقول الشي
الي اعرفه ومتاكد منه
تناقض 100%100
اذا ان ردك عليها تقول ان القصيده لمنصور الرمالي رحمه الله
كيف الحين تقول ماني متاكد ورديت بالي متاكد منه
يالغالي ماكل مايقال ينقل وهناك قصائد يكون فيها مجال للنقاش
عن اصحابها لانها تكون مبهمه
اما مثل هذه القصيده فقائلتها
مثبتتها للنفسها بابياتها
ملاحظه/
اذا انت تقصد منصور سعدي الرمالي فلمعلوميه ان القصيده
مقيوله قبل ان يولد منصور رحمه الله
اخي الموضوع ليس تحدي
اسمع اخي اذا اردته تحدي فهات ايا من الرشيد او من نسائهم اسمها نورة بعد السقوط
نورة من او بنت من من هي نورة المقصوده ممكن ؟
من أول ٍ نامـر تجيـب الذبيحـة
واليوم ياعصر الندم صرت لي عم
هذا كلام وحدة من الرشيد ؟؟؟؟؟؟؟؟؟؟؟؟؟؟؟؟؟؟؟
صلفيق ابو قناة
03-08-2004, 17:00
ماعليش خيي سنعوس
انا مع العلامة ذيب قدس الله سره وأقول أنه لا يمكن تكون لمنصور الرمالي
عاد لنورة ولا سارة أنا مادري
وبعدين يعني أنت مسوي أحصائية على شان تقول أتحدى إذا عندهم أسم نورة
ياخي أنا متأكد لو ماني بخيص بهالأجواد أن أسم نورة موجود وبكثرة يكفي أنه عزوتهم وأكيد أنهم يتسمون به
وبعدين هالبيت الي حاط قدامه علامة إستفهام:
من أول ٍ نامـر تجيـب الذبيحـة
واليوم ياعصر الندم صرت لي عم
معقول ونص!
ماتشوف بعض الي يعدون نفسهم من الرشيد ماغير يتفدون للأمير فلان والأمير فلان وهم كانوا لهم أنداد!
شكراً لأخي سنعوس وشكراً لأستاذي العلامة ذيب شراف
اخوي صلفيق مع اخينا ذيب انت حر باقتناعك ولن اجبرك على شيء
نعم احصيت جميع الرشيد لا يوجد واحده من ال رشيد تدعى نورة شاعره وقت السقوط او بعده واتحدى العلامه او غيره ان يقول من اي مرجع اخذه او على الاقل سمعها من من ؟
القصيده يقال انها لمنصور الرمالي
وانا مازلت اقول هو الأقرب لكن اريد ان يريني الاخ ذيب اين قلت 100%
القصيده لم يقلها ايا من الرشيد سواء رجل او امرأه
ابو غازي
03-08-2004, 20:36
سنعوس
امرك محير اخي ولماذا تغالط وإنت تجهل كل شي
من أول ٍ نامـر تجيـب الذبيحـة
واليوم ياعصر الندم صرت لي عم
8
8
( نأمرك) وإنت غلطان بالكلمة وهي ذات معنى واضح بعد
هذه الأبيات كانت تقصد بها العبد
والقصيدة لنورة ااااااااااااالرشيد ولا غبار عليها
سوا رضيت أو لم ترضى
ابو غازي
POWERFUL
03-08-2004, 20:37
تحية إلى ذيب شراف.....و......صلفيق ابو قناة....
وهمسة في أذن الأخ سنعوس....
مومس الوقت لو صلّت ماهي دينّه = والله إني حسبت العاقبة عاقبه
زيّن اللي تبي واللي تبي شيّنه = منت حول الطنايا لحيتك عاقبه
سنعوس ياحلالي
هذي قصيدة نوره الرشيد
يالغالي اسعل ادناة شايب ويعلمك
واذا منت مقتنع
ريح نفسك ولا تسعل
شنقل عشير ذيب شراف
راعي الوقيد
03-08-2004, 23:10
الأخ سنعوس ،،،
يالله حييووووه بمحلووووه ،،،
الغالي ..
الشيء اللي متعارف عليه والدارج بين الناس إن القصيدة هي لـ نورة الرشيد وليس هناك مايثبت عكس ذلك ، اما إنك تنسبها للمرحوم الشاعر/ منصور بن سعدي الرمالي الشمري فهذا هو وجه الغرابة في الموضوع !؟
عموماً.. هو سؤال سئل من اخت وتمت الإجابة عليه حسب ماهو معروف ومتناقل بين عامة الناس ،،،
وكما قيل .. ونكرر .. بأن الإختلاف ــ سواء في الرأي او في الفكر او في مصادر المعلومات او... ــ يجب أن لايفسد للود قضية ،،،
ويجب أن لانخرج بطرحنا ، والآراء المتباينة حوله عن المضمون ، لتعم الفائدة الجميــــع من خلال تبادل المعلومات ووجهات النظر ،،،
للجميـــــــــــــــــع التحيــــــــــــــــــــة والتقديـــــــــر ...
سلطان الشمري
04-08-2004, 00:10
يالربع السلام عليكم:
سنعوس يابعد حي:
القصيده كما قال الاخوان...بالضبط ومنصور الرمالي..ماهي له..لان ديوانه معروف ولم تكن هذه القصيده من ضمنه..
هذا اولا
ثانيا القصيده :لنوره..الرشيد..
سنة سقوط حايل..طلعت للمدينه المنوره على حسب علمي.. القليل..
والاخوان افتوك..وكلامهم صوااااااااب..وصح..
احترامي
اتمنى ان نختلف بأدب اولا
ثانيا هل هناك كتاب يقول ان القصيدة لنورة الرشيد ؟
ولم نسمع عن هذه القصيدة الا منذ سنوات قليلة !!!
تبون اعدلكم كم نورة موجوده بحايل وقت السقوط ؟
فقط وحده نورة الحمود العبيد فقط ولم تقل هذه القصيدة نهائيا
الان عندما ناتي بقصيده الي اي شخص نعرف من هو ومن قائلها ولكن هذه القصيدة شبه ( يتيمه )
نورة بنت... بن ... بن ... الرشيد
الرجاء منكم اكمال الفراغات
بعدين انا ما انشد انا ( ابخص ) بهالعلم
رجائي اعطونا معلومات عن كاتبة القصيدة اذا امكن
ولادتها اسم ابيها وفاتها ام مازالت على قيد الحياة
اما عباطة ترا ما احب
برايفت تو بورفول
انا الطنايا
بانتظار ردودكم لتخبرونا من نورة التي تعرفوها ونحن لا نعرفها ؟ !!!!!!!!!!
وباثبات او على الاقل اسم ابيها ان امكن
وعجبي
اكثر ما اعجبني في الموضوع ان هناك كاتب ليس له الا ردا واحدا فقط
اهمس باذنه اخطات باختيار الاسم فهو لا يناسبك
ومنت حولي ولحيتك عاقبه
وياليت تشيل قناعك وتواجه الرجال اجل تسجل اليوم وترد على طول
نسيت شيء
فيه مرثية لطلال العبدالعزيز رحمه الله تداولتها المنتديات تقول ان كاتبتها بنت اخته هل هذا الكلام صحيح ؟؟؟؟؟؟؟؟؟
راعي الوقيد
04-08-2004, 12:02
اتمنى ان نختلف بأدب اولا
ومن الذي قل ادبه في هذا النقاش !!؟؟
لا احد !؟
بعدين انا ما انشد انا ( ابخص ) بهالعلم
رجائي اعطونا معلومات عن كاتبة القصيدة اذا امكن
حلوووووووووووووووه هذي سنعوس :) لا بجد
ماتنشد وبخيص ورجائي اعطونا معلومات !.؟
لي عودة على الموضوع
بانتظار عودتك للموضوع اخي راعي الوقيد
صلفيق ابو قناة
05-08-2004, 22:44
نسيت شيء
فيه مرثية لطلال العبدالعزيز رحمه الله تداولتها المنتديات تقول ان كاتبتها بنت اخته هل هذا الكلام صحيح ؟؟؟؟؟؟؟؟؟
وليه ماتصير صحيح!
حسب ما أعرف وخاصة من خلال ملازمتي للعلامة ذيب شراف أن النساء أقوى من الرجال في شعر الرثاء
ولا تنسى الخنساء ومراثيها بأخويها ثم بأبنائها!
ولا تنسى أم محمد الي تقول :
الله من علمٍ لفابه قرينيس~~~ياليت منهو ميتٍ مادرى به
في رثاءه لأبنه الي قتلوه الطنايا من ضمن من قتلوا من جيش ابن صباح بالصريف.
ولا تنسى زوجة أبن عروج وغيره الكثير الكثير من النساء الي اشتهرن بمرثياتهن التي تقطع نياط القلوب<<نياط هذي توي متعلمه من استاذي العلامة :wink:
يا كثر إحتجاجك وحثبرتك بسوالف الرشيد ياسنعوس>>>خلك بقصيداتك الي تفدوى به لفلان وفلان أحسن:)
وبعدين لا تحاول تزعج العلامه ، وتقطع جميل أحلامه:)
POWERFUL
06-08-2004, 22:23
كلام الأخ صلفيق ابو قناة وقبله رأي المشرف
حلوووووووووووووووه هذي سنعوس لا بجد
ماتنشد وبخيص ورجائي اعطونا معلومات !.؟
من وجهة نظري أقرب إلى الصواب
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir