المساعد الشخصي الرقمي

مشاهدة النسخة كاملة : اقلطوا على تصاميم .......ريــــــــم !



ريم شمر
24-06-2004, 18:02
من فتره طويله وانا احوس بهالعله الفوتوشوب

وطلعت معي بلاوي متلتله رميتها في اقرب سلة مهملات :rolleyes:

وكل مره اقول اركدي يابنت وخلي التصاميم لاهلها

وحطي حيلتس بهالعالم تهاوشي وياهم ابرك :D

لكن بما اني حطيتها في راسي وقررت اني اتحدى

كبار المصممين هنا في المضايف |509|

ابتداء من ابن جشعم مرورا بعبد العزيز الى المشرف العام بكبره

واسوى تصاميم بلمسه حريميه تنافس التصاميهم الرجاليه

الخاليه من الذوق تقريبا :cool:<<< هذا وهي تبي رايهم |1|



الزبده

هذي محاولاتي المتواضعه

وكل اللي ابيه

النقد البناء والملاحظات اللي ممكن استفيد منها

ومايمنع شوية تشجيع

وانا مازلت في خطواتي الاولى المتعثره

يعني مؤكد الاخطاء واجد

وكني المح بعضها الحين |13|


ماانسى اشكر كل من كان له فضل في تشجيعي

اخوي الاكبر ابو سلطان

واخوي ابن جشعم

جزاهم الله كل خير وحفظهم من كل سؤ



7
7
7


(حــلــم )

http://alreem199.jeeran.com/4yearflowerpainttint.gif

( القلب الطيب )

http://alreem199.jeeran.com/smili.gif


( كبرياء )

http://alreem199.jeeran.com/67.gif


( من أنا؟ )

http://alreem199.jeeran.com/reemy11.gif



هديه لابو سلطان ارجو قبولها

http://alreem199.jeeran.com/Candles1.gif






ريم

ابو فارس
25-06-2004, 03:53
اختي ريم شمر

بصراحة احس ان الصور فيها مراحل من المهارة
يعني فيه صور قديمة لك في هذه التصميمات
وصور جديدة تدل انك متطورة نوعا ما
على العموم خطوات ممتازة
والكل يبدا من لاشئ وينتهي البعض الى محترفين
اتمنى لك كل توفيق
ملاحظة ان نوعية الخط لها تأثير كبير في التصميم
اعجبتني تصميم الحلم
لكن كان طولها اكبر من ان تعرض على الشاشة
اتمنى لو كان عرضها يناسب عرض الشاشة
اتنمنى لك التوفيق

شموخ
25-06-2004, 04:04
ياهلا بريم شمر

موفقه باذن الله .

اعجبني الحلم وكبرياء رهييييييييييبه .

يعطيك العافيه واستمري الى الامام وبالتوفيق .


تحياتي
شموخ

ريم شمر
25-06-2004, 06:00
هلا فيك ابو فارس

جزيل الشكر والامتنان لك على القدوم والملاحظات

التي ساخذها بعين الاعتبار




الغاليه شموخ

نورتيني ياغاليه


والبطاقه اللي تعجبك اعتبريها هديه لك




حبيت اذكر ملاحظه

انه جميع الصور المستخدمه هي صور اطفال

وقد جاءتني ملاحظه على الخاص عن الصوره في بطاقة ( كبرياء )

بانها صورة لسيده ( كل هالبراءه وسيده :) )

واحببت ان اوضح انها صورة طفله صغيره

لكن قد تكون التأثيرات المستخدمه لها دور في اعطاء انطباع خاطئ

و شكرا

ابو خليف
25-06-2004, 06:34
ماشالله بدايه موفقه

وتصاميم

حليله ياريم


يعطيك العافيه

وبنتظار التصاميم القادمه

الشمري محمد فهد
25-06-2004, 07:56
ريم خوذي هالملاحظات من هاوي تصميم زيّه زيك :

1)- القاسم المشترك بين كل تصاميمك بهالصفحة فلتر الإضاءة << -- (شكلك جالسه تجربينه ;) )
إن ما خاب الظن

2)- أخطائك الأملائية واجد << --- يعني إركدي ولا تستعجلين :)

وخوذيني على سبيل المثال : أنا لا جيت أبصمم أي صورة - لأي فلاش لي -

أجلس 3 - 4 ساعات متقطعة عليها و أحيانًا لأيام + مالا يقل عن ساعتين للمراجعة النهائية وإضافة أي فكرة جديدة أو تعديل ..

3) - أعتقد - ويمكن إعتقادي خاطئ - إن تصاميمك ذي نُـتاج أفكار عشوائية
يعني ما كان عندك فكرة مسبقة لتصميم معين قبل لا تفتحين يرنامج الفوتوشوب
وهذا تره يفرق كثير ..

4)- تصميم الكبرياء : صورة البنت تبي له تقليل شفافية و إعادة تعيين الأبعاد - أتكلم بالنسبة لطبقة أو Layer البنت مهوب لـ التصميم ككل ...

ملاحظة : صورة البنت لاهيب مُغرية ولابها شي ..؟!
وصور النساء ممنوعة بالتواقيع مهيب بالتصاميم <-( على حسب علمي)

5)- الحلم : النقاط الزهرية اللي تحت الكلام لو كنت مكانك كنت غيرتها لـ :

* ورد أحمر و أصغر أبعاده لدرجة اللي يشوفه يحسبه نقط بس واضح إنه ورد <-( إذا كان يركب على الكلام و يعطي الإحساس اللي تبين توصلينه لمُشاهد التصميم )

أو

* نقاط ألوان - متناسقة مع بعض من ناحية اللون والنوع (باردة + حارة ) - إذا كانت
البنت جالسة ترسم بفرشاة - حسب إعتقادي - و تبين توصلين إحساس الطفولة ..

أو أدمج الفكرتين اللي فوق :
وأبدل النقاط بألوان بالسبع السطور الأولية <- ( إلى سطر " أنا بنت " )

و تحت سطر " أنا حلمي حكاية حب " أبدأ أحط الورود الحمرى الصغيرة إلى نهاية الكلام

حتى أعطي إحساس إن الكلام يتدرج من مرحلة الطفولة و أحلامها إلى مرحلة النضج

6) - القلب الطيب <- ( ليكون يقرب لي و انا مدري :p )

تدرج اللون المستخدم بتعبئة النص ما يركب على الصورة ولو كنت بمكانك كنت قللت شفافيته
وأيضًا درجة اللون البنفسجي ( داخله عرض <-- يعني مالها سنع :) )

دوائر الإضائة الموجود بأعلى التصميم مكانها غلط ..

لإن بوه شمعة تحت و منطقيًا لازم جهة الإضائة تتوافق مع مكان الشمعة خيـّة :)

تدرين :)

أخاف أطفشك من الفوتو و برامج التصاميم كلهن لا كملت نقدي :o

علشان كذا بسكت وأكتفي باللي فوق وأقولك - بيني و بينك ومن جد - بدايتك أحسن بمراحل
من بدايتي لو كانت هذي هي ..


تحياتي , ..

خيّك عويصف

سلمان النبهان
25-06-2004, 14:39
حلـم+ قلب طيب+ كبرياء + من انا + كرم
تساوي بدون ادنى شك ريم شمر والمضايف
ابداع وتالق كما هي العادة من ريم شمر
ريم شمر كل ماتفعله مميز وجميل ....

ريم شمر
26-06-2004, 19:30
ذيب شراف

تسلم والله يعطيك العافيه

شكرا للتشجيع


القلب العاصف

برجع لك :)



ابو نبهان

انا بعد هالكلام صدقت نفسي اني مصممه خطيره :D


الله يسلمك يارب دائما اجد منك التشجيع والموازره

فجزيل الشكر والامتنان مني اليك

ريم شمر
27-06-2004, 07:18
ريم خوذي هالملاحظات من هاوي تصميم زيّه زيك :

1)- القاسم المشترك بين كل تصاميمك بهالصفحة فلتر الإضاءة << -- (شكلك جالسه تجربينه ;) )
إن ما خاب الظن




صحيح بس مو لاني قاعده اجربه

لكن لاني احبه جدا لانه يعطي الصور والبطاقات تأثير حلو

ويعطي الشخص المشاهد احساس جميل

حتى في البطاقات التي يصممها الاخرين يلفت انتباهي دائما

الاضاءه وموقعها


2)- أخطائك الأملائية واجد << --- يعني إركدي ولا تستعجلين :)



صحيح الاخطاء واجد وبعضها مانتبهت له الا بعد مانزلت البطاقات

ماادري اذا فيه طريقه لكتابه النص في الوورد مثلا ثم نسخه ووضعه

ليكون الامر اسهل واوضح في الكتابه والمراجعه


وخوذيني على سبيل المثال : أنا لا جيت أبصمم أي صورة - لأي فلاش لي -
أجلس 3 - 4 ساعات متقطعة عليها و أحيانًا لأيام + مالا يقل عن ساعتين للمراجعة النهائية وإضافة أي فكرة جديدة أو تعديل ..


يمه :eek:

ساعات وايام تصميم و مراجعه

والله ان يطلع في راسي قرون |119|

لا .....صعبه انا مافيني صبر |8|

تدري اني سويت ثلاث منهم في يوم واحد وبفتره بسيطه

ماتتعدى الساعتين

لكن بحاول وليش لا ؟؟‍


يمكن لو اصبر واراجع يطلع اشياء احلى من هذي

شكرا القلب العاصف على هالنصيحه القيمه



3) - أعتقد - ويمكن إعتقادي خاطئ - إن تصاميمك ذي نُـتاج أفكار عشوائية
يعني ما كان عندك فكرة مسبقة لتصميم معين قبل لا تفتحين يرنامج الفوتوشوب
وهذا تره يفرق كثير ..


صحيح وماهو صحيح

لاني بصراحه اول شئ اختار النص وعلى اساسه ابحث عن خلفيه مناسبه

وماانكر ان فيهم من جا تصميمه بشكل عشوائي وبدون تخطيط

4)- تصميم الكبرياء : صورة البنت تبي له تقليل شفافية و إعادة تعيين الأبعاد - أتكلم بالنسبة لطبقة أو Layer البنت مهوب لـ التصميم ككل ...


مشكور على هالملاحظه وانا فعلا جربتها



5)- الحلم : النقاط الزهرية اللي تحت الكلام لو كنت مكانك كنت غيرتها لـ :

* ورد أحمر و أصغر أبعاده لدرجة اللي يشوفه يحسبه نقط بس واضح إنه ورد <-( إذا كان يركب على الكلام و يعطي الإحساس اللي تبين توصلينه لمُشاهد التصميم )




طيب منين اجيب ورود حمر صغيره :)






6) - القلب الطيب <- ( ليكون يقرب لي و انا مدري :p )

تدرج اللون المستخدم بتعبئة النص ما يركب على الصورة ولو كنت بمكانك كنت قللت شفافيته


معك حق


وأيضًا درجة اللون البنفسجي ( داخله عرض <-- يعني مالها سنع :) )

اللون البنفسجي اصلا موجود بالخلفيه لذلك استخدمته بالتظليل


دوائر الإضائة الموجود بأعلى التصميم مكانها غلط ..

لإن بوه شمعة تحت و منطقيًا لازم جهة الإضائة تتوافق مع مكان الشمعة خيـّة :)

صحيح بس اعجبتني طريقه الاضاءه هذي وبنفس الوقت فكره الشمعه
داخله مخي وطلعت السالفه ملخبطه هيك:( ( عاد انت لاتدقق واجد
هذي شموع عام 2004 :D )


تدرين :)

أخاف أطفشك من الفوتو و برامج التصاميم كلهن لا كملت نقدي :o

علشان كذا بسكت وأكتفي باللي فوق وأقولك - بيني و بينك ومن جد - بدايتك أحسن بمراحل
من بدايتي لو كانت هذي هي ..

فعلا هذي بدايتي الفعليه

وياليتك كملت وقلت كل اللي عندك لاني انا اللي بستفيد

شكرا لك اخوي القلب العاصف

فعلا ماقصرت
بيض الله وجهك



ريم

عذب المشاعر
27-06-2004, 13:30
هلا بمصممة المضايف المبدعة : ريم شمـــــــــــــــر

مالنا نصيب من التصاميم الجميلة مع ابو سلطـــــــــــان
بدائــــــــة موفقة جدا والى الامــــــــــــــــــــــام
بانتظار ابداعاتك التصميمية مستقبلا

اطيب المنى

فاقد غالي
27-06-2004, 20:02
خلفيات حلوة و افكار جميلة

و لكن كان يتوقع ان تكون اكثر رقة و نعومة كونها من انثى ;)


اعتقد الخط كبير جدا بالنسبة للخلفيات , و الافكار عرضت بشكل مباشر في التصاميم مما سلبها العمق .

مجرد رأي و اعتقد الاخوة محترفي التصميم سيفيدونك اكثر . بالتوفيق ريم شمر

مفراص
27-06-2004, 20:45
تستاهلين التشجيع

وخلفيات جميله ولكن انتبهي لا تاخذج السرعه شوي شوي سوي واحد لو تقعدين تسوينه ثلاث ايام ويطلع بشكل ممتاز واكثر من رائع هذا اللى نبيه


ويكون مجهودج لا عليه غبار

شوفى لا توقفين استمري ومنا التشجيع


لكي تحياتى

مفراص

عبدالعزيز
28-06-2004, 15:06
ماشاء الله ماشاء الله ماشاءالله

بداية موفقة ياريم وأوافق القلب العاصف على ملاحضاته عن الأعمال وخصوصاً نقطة الصبر على تنفيذ العمل واستغراق وقته
وتحديد الفكرة قبل العمل على التنفيذ

مابقي لك شي وتغطين علينا
وترينن شفت التصاميم قبل ماينحاس موقع جيران|507|

ريم شمر
28-06-2004, 22:32
عذب المشاعر

هلا فيك وشكرا لقدومك

وللجميع نصيب بأذن الله وكلكم تستاهلون

بس ابو سلطان اخونا الكبير ومنه نتعلم

وهذا ابسط شئ ممكن اقدمه له

تسلم اخوي عذب المشاعر



فاقد غالي



خلفيات حلوة و افكار جميلة

و لكن كان يتوقع ان تكون اكثر رقة و نعومة كونها من انثى

اكثر من هالرقه مااعتقد فيه :)

وش فيه اكثر رقه وبراءه من الاطفال والشعر

ومشكور على باقي الملاحظات

تسلم وحياك الله




مفراص

من جد ماقصرت على هالتشجيع الله يسلمك يارب

ويعطيك العافيه على حضورك






عبدالعزيز
حي الله ابو العز

كنت انتظر رأيك

وزين انهم اعجبوك

وانشاء الله بكون اكثر صبر


بالنسبه لجيران وش اسوي انا حطيتهم على المضايف

قالوا لي ناس انها ماتطلع لهم

رجعت حطيتهم على جيران :(

ابن جشعم
29-06-2004, 02:41
وش هالحلا والزين ياريموووو |118|

لا اخفيك ياريم اني شفت تصاميمك من اول يوم وضعتيهن هنا ..

ولم يتاح لي ان اعلق على التصاميم في حينها بسبب ..... الخ :)



نرحع للتصاميم مع انها ليست ظاهرة عندي والذاكرة عندي ماهي لهناك..

فــــ ياليت تشوفين لي حل يعدم ظهور الصور ....:)


تحياتي لك

ريم شمر
29-06-2004, 04:06
هلا ابن جشعم

جرب من هنا


http://shmmr.net/vb/uploader.php?file=4yearflowerpainttint.gif

http://shmmr.net/vb/uploader.php?file=67.gif

http://shmmr.net/vb/uploader.php?file=smili.gif

http://shmmr.net/vb/uploader.php?file=reemy11.gif

http://shmmr.net/vb/uploader.php?file=Candles1.gif

عكروووش
29-06-2004, 04:12
ممتااااااااااااااااااااااااااااااااااااا ااز

بدايه موفقةوجميلة

وانتي عند اللي مثلي مبدعة مبدعة مبدعة مبدعة مبدعة مبدعة

لأني بدوي وودي تقولين لي وشو الفوتوشوب

اذا الوقت يسمح تشرحينه لي وطريقة استعماله ومن وين أدخل عليه ((غثه صح ))

لكن تحملينا

ولكي مني الشكر والتقدير

عكروووووووووووووش

ريم شمر
29-06-2004, 04:28
والله وصرتي مدرسه ياريم :D


تسلم اخوي عكروش

بس من جد طحت على مدرسه ماعندها سالفه :(

كل اللي اعرفه عن هالفتوشوب انه برنامج لتصميم البطاقات

وعن طريقه تستطيع اضافة تاثيرات كثيره على الصور

او دمج الصور ببعضها

والباقي توني ابدا فيه انا :)


بس بشكل عام هو برنامج سهل مايبي له الا صبر وطولة بال

واتوقع الاخوان هنا ممكن يفيدونك اكثر مني




شكرا لك وحياك الله

ابن جشعم
29-06-2004, 04:39
ايه الحين اشوف زين |116|


تصاميم رائعة والشباب ماقصروا بإبدء الراي ..

عندي نقطة صغينونه بس :,,

الاحظ عدم وضوح ونقاوة بعض الصور المركبة مثل الفرس

وخلافه اثناء عملية التكبير .


ايه بس هذا اللي عندي زيادة على الشباب..


وعقبال مانشوف اعمالك الفلاشيّة ان شاء الله ياريم ..

عكروووش
29-06-2004, 04:52
اراخو بوووووووووووي

مدرسه ماعنده سالفه:eek::confused:

طيب وشلون دخلتي عليه وانا عاد بعدين أحربث به:)|2|

بس أنا هنا أواجه أكبر مشكلة|113|















تبين تعرفين وشي تحت

























تحت
































ما عندي صبر|8|

أقوم على الكمبيوتر واكسسسسر أبوه



عكروووش

ريم شمر
04-07-2004, 06:10
تسلم ابن جشعم وماقصرت

بس عاد الفلاشيه هذي خلها بعدين

احتمال اذا مابقى من ضروسي الا ضرسين ابدأ اجرب :)





هلا فيك اخوي عكروش

واسفه على التاخير


تدخل عليه عن طريق البرامج او قد يكون موجود على سطح المكتب



ومثل ماقلت لك يحتاج الى كثير من الصبر


بالتوفيق


وشكرا لحضورك





ريم

كبريت
06-07-2004, 17:09
العزيزة ريم شمر

اكثر ما اعجبني بتصميمك هو ثقتك في عرض التصاميم
انا لما شفت تصميمك ابتشجع وحط تساميمي <<<< اقلد نجمه


بصراحة لك مستقبل وما عليك من كلام القلب العاصف تراه يبي يحطمك ههههههخخخخخخ

المشرف العام
21-07-2004, 08:16
المبدعه .. ريم شمر

في رأيي ..

الابداع في التصميم .. يكون في فكره التصميم وهي الجوهر الحقيقي لتركيبته

وأراك وبدون مجامله .. حصلتي على جوهرة الابداع في تلك التصاميم

فالفكره جدا .. مميّزه وفريده

وهذا هو لبّ التصميم

اما اعمال الفوتو شوب .. فمع الوقت اكيد سوف تصقلين مهارتك بها

وهذا امر استطيع ان اراهن عليه ..

وانادرا ما اخسر الرّهان


إلى الأماااااااااااااااااااااااااااااااام

دعواتي لكِ

ريم شمر
21-07-2004, 20:15
هلا فيك اخوي كبريت

واسفه على التأخير في الرد

والف شكر للتشجيع وصدقني كلماتكم لها تاثير كبير في استمراري




اخي الكبير ابو سلطان

كنت اول من شجعني في البدايه

ومازال تشجيعك لي مستمرا

وكلماتك وسام اتقلده

وحضورك يكفي دعما ومسانده

فلك مني عاطر الشكر والثناء وجزيل التقدير والاحترام





ريم