المساعد الشخصي الرقمي

مشاهدة النسخة كاملة : إنقسموا بين "ريم شمّر" و " الريم "



مجموعة إنسان
09-06-2004, 00:09
هذه مسابقة في تجهيز سفرتين

تشملان ألذّ ماطُـهِي وذِيق

من باردٍ وحرِّيــق


من حلو وحاذق

وخالٍ من المقانق << ماحبها بالمره الحمد لله على النعمه |502|


ستشاهدون بأم أعينكم ماستبدعه لنا أنامل بناتنا

الفريق الأول :

بقيادة مشرفة مضيف الإهداءات وإدرايتنا الغاليه ريم شمر

الفريق الثاني :

بقيادة مشرفة شعر الفصاحة والرجاحة غاليتنا الريم



أتمنى من بقية أخواتنا الغاليات التقديم على إحدى الفريقين

طبعاً سجِّلي إسمك هاهنا وأكتبي إسم الفريق الذي تتمنين الإنضمام له

أو اتركي الأمر مفتوحاً لنا لنقوم بذلك << وقولي عسى بالأمر خيره ..

طبعاً أحقيّة الإختيار تكون تبعاً للأسبقية في التسجيل ..


الأخوة الأكارم أعضاءنا الأجلاء :

المطلوب منكم هو التصويت في النهاية والتذوق للتمتع بألذّ الأكلات

ومن تصويتكم بيتحدد الفريق الفائز .. << ونحتاج تشجيعكم وأنتم الكسبانين |507|


تفاصيل المسابقة سنوافيكم بها فيما بعد

ننتظر نزول اسماء العضوات الراغبات في المشاركه ..


ملحوظه :

السرعه في الرد تدل على تفاعلك مع مضايفك الغاليه


وننتظر


تحياتي،

مرفأ
09-06-2004, 00:12
تسلمى اختى مجموعة انسانه

اول المسجلين لديكم بالقائمة وانتم اختاروا بأى فريق

راعي الوقيد
09-06-2004, 03:49
وهنا اول المتذوقين << طبعا ليس للشعر:)

الحمد لله انه ماهو مطلوب منا التشجيع لأي من المتسابقتين|98|

وإلا تسان رحنا فيها << :(وش يفكنا من حديهن

الله الله بالطبخ السنع يالأريام << لكن لايكون مثل المقانق|502|

مقانق والا نقانق |17|:p

ريم شمر
09-06-2004, 06:54
عز الله هلكتوا من الجوع |502|

من راعية الاهداءات لرعاية الفصيح وياقلبي لاتحزن |13|


......................


فريق ريم شمر فريق المهمات الصعبه |509|

شـــــــــعــــــــــــاره

((( كل وانت ساكت ))))

نعدكم بتقديم مالذ وطاب

ونتمنى ان لاتحرمونا من المشاركه في التذوق والتشجيع



....................


مشكوره مجمج

وبالنسبه لمرفأ معي طبعا:D

الريم تعرف تصرف عمرها

اما انا فلعل مرفأ ترقع اللي يترقع واللي ماينترقع |513|


................

هذي قدوري وسكاكيني وصحوني مجهزتها

( كنه ماعطلني الا هي ) :rolleyes:
7
7
7
http://www.mzunh.com/cooking/kitchen/kitchenware_&_all_tools/dishs_&_more/HC-1529_h.jpg

http://www.mzunh.com/cooking/kitchen/kitchenware_&_all_tools/dishs_&_more/HC-1536_h.jpg

http://www.mzunh.com/cooking/kitchen/kitchenware_&_all_tools/dishs_&_more/19763103620C-1.jpg

http://www.mzunh.com/cooking/kitchen/kitchenware_&_all_tools/dishs_&_more/178240.jpg

http://www.mzunh.com/cooking/kitchen/kitchenware_&_all_tools/knifes_spoons_&_more/4009839113352.jpg

http://www.mzunh.com/cooking/kitchen/kitchenware_&_all_tools/knifes_spoons_&_more/715512136207.jpg

http://www.mzunh.com/cooking/kitchen/kitchenware_&_all_tools/knifes_spoons_&_more/HC-1537_h.jpg


http://www.mzunh.com/cooking/kitchen/kitchenware_&_all_tools/cook_&_more/20223.jpg

http://www.mzunh.com/cooking/kitchen/kitchenware_&_all_tools/cook_&_more/102997.jpg

http://www.mzunh.com/cooking/kitchen/kitchenware_&_all_tools/service_tools_&_more/138837.jpg

http://www.mzunh.com/cooking/kitchen/kitchenware_&_all_tools/service_tools_&_more/17246103203C.JPG



ريمو

الجازي
09-06-2004, 10:45
وش هالعنوان يامجمج انقسامات وتفرقة عنصرية ,, أنا ضد التعددية الطائفية >>> ريم شمر شيعه وأنا سنة :)

على بلاطة ,, اللي ودها تنضم تحت لوائي >>> الفصاحة وما تسوي :)

ترى لازم تصير سنعة :) لأن مايصلح نصير كلنا رفلات :) نحتاج نسوي موازنة مضبوطة لمعيار السنع :)

وترى الطبخ عليها وأنا علي تغسيل المواعين :)
^
^
^
عز الله اللي مادخل أحد تحت لوائها :)

أنا أقول وشوله الغثا والطبخ والنفخ :) فول وخبز تميس ولا أحلى :) واللي يبي التشكيل والتنويع فيه خيارات ,, مطبق وفلافل :) أو فلافل وطعمية :) >>> على بالها أكلتين :)

بصراحة أكره الشعارات الرنانة مثل اللي تسويها ريم شمر :) >>> بدت العداوة :) >>> طلعت انتخابات مجلس الشعب :)

عشان كذا اللي بتدخل معي ,, اول وحدة وظيفتها تفنيد شعارات العدو الزائفة وترديد الهتافات المعادية :) >>>>>>والله ماهقيت بيجي من ورانا طبخ :)

باختصار ,, اللي بتدخل معي تراها بتحسن فيني >>>>> مشروع طرارة :)

الا يامجمج وش مواصفات السفرة ,, ترى ان كان الدعوى فيها تزيين وتمحيط بالصور ,, من الحين أعلن انسحابي :) أنا ماأدبر شيء في هالأمور ,,

مجموعة إنسان
09-06-2004, 14:53
مرفأ :

بعَــدي والله يالغاليه تسلمين على حماسك لمضايفك .. إقبلي تحيتي وتقديري .


أخوي راعي الوقيد :

تسلم والله .. ومن بيصوِّت للفريقين إلا أنتم .. وكيف بيتحدد السفرة الفائزة إلا بكم ماشاء الله

عليكم صح انتم مالكم بالطبخ بس شاطرين بالتذوق والتعليق .. |116|

مقانق = نقانق = ياربي لك الحمـــــــــــــــــــــــــــــــد |8|



ريمووو الغاليه :

بعدي والله ماشاء الله عليك حماااااااااس << أخبره هالبنت فلته |116|

إيه هذا هو اللي نبي فالنتيجة ستكون فتاكه لامحاله ... ;)



شيختنا الريم الغاليه :

هيِّن هالحكي أخبرك تضحكين وتمزحين ولاشمَّرتي عن ذرعانك بيضتي وجيهنا ولووووو

|507| << إصبروا وشوفوا وش بتسوِّي ..

عبدالعزيز
09-06-2004, 15:48
عاد مالقيتي الا أرفل وأفطس ثنتين بالمضايف توكليننا بربستهن؟:)

ومدامتس سمحتي لنا يامعشر الرجال بالتصويت نصوت ومالو لكن لاخلصتن ولا وش الراي؟
وآمل انتس تسوين مستقبلاً بين الصبيان والصبيايات مسابقة بعد
وازهلو الزلطات علي يالزقرت:)
ولو تبون نقانق ضبان تروهن والمايه لكن عطونن النجر

سلامي للجميع وعلمي ريم شمر يامجموعة ان درزن هالصور مضروب كله "مافتحن معي"

مجموعة إنسان
09-06-2004, 21:11
اخوي عبدالعزيز

1-بلاك ماتدري هالثنتين وش يعملن لامنهن فسَّرن وحافن القدور

تسمع طق القدور من على بعد 500 متر |501|

لا والله اصبر وبتشوف العجب .. |116|

2- انتم ياعيال آدم ماشاء الله عليكم نسمع زين دبرتكم بطلعاتكم للبر وانا كنت مجهزة

مثل هالسالفه لكم أبي مجموعتين منكم يطلعون بنا طلعة بر ويجهزون لنا الوجبات

وحنا نصوت لكم من اللي بيفوز (حميس ، ثريد ، مندي .... وبقة السوالف اللي نسمع به)

فمدام انك سبَّقت بالموضوع (أنا قايلة انك تقرب للالوسي :mad: ) .. شرايك نخلي مسابقتكم

بنفس وقت مسابقتهن ... ؟؟؟ |116|


3- ماقبلن نقانق < مقانق < نقانق ( حديهن ) الدجاج والبقر ماهو عاد الضبّان .. وبنجر |8|

4- صور ريموووو تاخذ العقل ومن فتحت الموضوع لقيتهن مرتزات قدامي (إفحص جهازك |501| )



تحياتي،

شموخ
10-06-2004, 01:11
اهلين مجموعه

والله حيرتينا بها الاختيارات

اختار مين ياربي |13||13| اقول من تدفع اكثر " حشا عودت لاعب دولي " :):)

اللي تبينى انضم لها مواقفه اول وحده " عز الله محد يبيك تنضمين له رفلا ":)


بس على فكره مو شغلى اذا انهزم الفريق " قد اعذر من انذر ":p


تحياتي
شموخ

فداوية
10-06-2004, 01:42
مساءكم عسل يالسنعاااااااااات..
عندي لكم بشارة ( وحدة ميتة من الثقة )..
أضم صوتي ..
لـ ...
لــ...
لـــــــــ...
مين ؟..
مين ؟؟..
مين ؟؟؟..
ميييييييييييييييييييييييين ؟؟؟؟..
مين ؟؟؟؟؟؟؟؟؟
مين ؟؟؟؟؟؟؟؟؟؟؟؟؟
مين ؟؟؟؟؟؟؟؟؟؟؟؟؟؟؟؟؟؟؟؟
( شكلي طولتها وهي قصيرة ) ..
ياللا .. بغمض عيني وأقول ( كن هالكلمة جاية عرض )
...................................
..................................
...............................
..................................
...........................
..............................
..............................
..............................
.............................
.............................
...............................
لــ ( الريم ).. بصراحة حاسَّة أنها زميلة تخصص..
ريووووووووم
الله .. الله .. بالمنصب الموعود،
وإلا أدور غيرك ( شكلي قلبتها.. لواحد يبي يدور زلّة على زوجته )..
الريم .. وبلا منازع ..
أبشري بالشعارات الفتاكة ( حشى .. بف باف مو شعارات!!!)

عبدالعزيز
10-06-2004, 02:12
أبشرتس فتحت صورة البيزة بس
ومادري وش يعمل بهن هذولي؟؟
انتم تاكلونهن؟|513|

موافق موافق وانتي أمه وسميه طال عمرتس ومقدماً انا ضامن البقية المتبقية من الثلاثي الكوكباني معي

ومدري وين حنقبوط الريم ؟!

الله يستر لاتصير تطبخ جزور بس:)

^
^
يالربع انا طالبكم طلبة تجاوبونن هو انتم فهمتو شين ؟
علمونن تكفون لان اخوي بجنبي يقول انت وش تقول؟:)

تماضر
10-06-2004, 11:28
ماشاء الله عليكن خيواتي

ايه كذا تصرن حريم سنعات

يالله حيهن والله يقويهن

إلا انا ودي اشارك مع اي وحده من خيواتي

بس ابي اعلمكن دخولي بالنت قليل جدا

الله يسلمكن اشغالي واجد بس ماعليه ابي احاول واشارك

انتن حطني ...قصدي عميدتكن في قسم المرأة اختاري لى يامجموعة

والله الموفق هاه لاتنسن شيء مهم .....التسميه قبل الطبخ >>>>هذي اول النصائح

ودمتم لمضايفكم

هـــلا
10-06-2004, 12:23
أنا جيت وخروااااااااااااااااااا عن دربي

:cool::rolleyes::cool::rolleyes::cool:

سجلوا إسمي

جتكم الطبّاخة

<<<<< أكبر نصّابة ماعليكم منها :D:D

أنا مع القائدة السنعة اللي تقول حطي ذا على ذا وأخلطي وبس

حتى المواعين مالي بها شغل

وأعرف أذوق بعد |9|

<<<<<. تساعد وتذوق وين تلقون مثلها يا ناس
|81||81||81|



========
بس أحب أقول بسبب دخولي القليل واللي إحتمال ينقطع لمدة أسبوعين من اليوم
لكن بإذن الله بعدهن برجع لكم بحماس أكبر
حابة أقول خلوني مع اللي يرتبون السفرة لأني هذا اللي بلحق عليه الظاهر
========

تحياتي لكم يا أحلى سنعات بالمنتديات كلها

مجموعة إنسان
10-06-2004, 14:10
هلا بالجميع


تقسيم الفرق :


1- الفريق الاول : (الشيف / ريم شمّر )
أعضاء الفريق :

مرفأ
هلا والله وغلا
مجد

2- الفريق الثاني : ( الشيف / الريم )
أعضاء الفريق :
شموخ
تماضر
فداوية




شروط المسابقة :

1- كل فريق يحط له شعاره اللي يثير الحماس بين اعضاءه .
2- كل فريق يجهزون لنا ثلاث سفر : سفرة إفطار + سفرة غداء + سفرة عشاء .
3- يجب ان تحتوي كل سفرة على اصناف (صحية + لذيذه + قيمة غذائيه كامله + مغريه + شمرية)
4- كل فريق ينزلون سفراتهم بمشاركة مستقله ويسمونها بإسم فريقهم ويعلموني عشان احط التصويت .. << البركة بأخونا ابو سلطان الله يخليه باقط وجهي عليه .
5- مدة تجهيز السفر هي ثلاث أيام لاتحطون قبلها ولا بعدها .. اليوم حنا الخميس يعني يوم السبت لازم تكوت كل سفرة كاملة وتنزل ليلة الأحد ..
6- يبدأ تصويت الأعضاء من خلال خاصية التصويت اللي بتكون مع كل فريق بمشاركته المستقله
7- بداية التصويت تكون من ليلة الأحد - وقت نزول المشاركات - الى نهاية يوم الإثنين .
8- الإعلان يكون بعد قفل التصويت .. << الله يخارجنا .
9- كل شخص سيصوّت سيكون معلوماً من قبلي او من قبل المشرف العام < هذا ماوضحه لي أخي ابو سلطان . يعني ماعندنا تلاعب واللي بيتلاعب بالتصويت بأفضحه << صريحه مررره |501|


اي سؤال أنا على الخط |507|

أكيد اني ناسية نقطه ذكروني ؟ |8|


اتمنى للفريقين التوفيق


ترى مامن جوايز هاه والله مدري بعدين نشوف |501|


تحياتي،

بتول آل علي
10-06-2004, 22:50
مجمج

اسمحيلي ما شفت الرسالة الخاصة الا الحين

و الظاااهر اني جيت متأخرة :)

>>>>> اشوى مالي في الطبخ و علومه :):):)


لكن الله حيهم البنات ما بيقصرون و احنا بنتابع


تحياتي

الدهور

رضا الزميلي
10-06-2004, 23:34
مجموعة إنسان

إذا أحتجتوا خضرة دقو على الرقم التالي:

999

هذا رقم محلنا

لكم جزيل الشكر


المجهول

الجازي
11-06-2004, 09:49
مجمج

وين ياخالة ؟؟ :)

وش اللي السبت ؟؟

عطينا على الأقل فرصة أسبوع ,, العطلة بدت ,, والعالم أنواع النوفحة :) >> نوفحة بنت عم منفوحة بس تعرضت لعوامل تعرية :)

ترى انكانك تبين السفرة يوم السبت ,, عز الله اللي ماافطرتوا ولا تغديتوا ولا تعشيتوا :)

لكن خليها أسبوع على الأقل عشان يمديني أتفاهم مع الصبايا بالرسايل الخاصة ونشوف لنا دبرة في هالغثا :)

مجموعة إنسان
11-06-2004, 14:08
الدهور : يمديك لاتهربين بس قولي لي اي فريق تبين تنضمين له |501|


اخوي المجهول :

عندكم خدمة التوصيل وإلا لازم العنوه ؟ |501| بس أخاف ماعند هالرقم غير الكلابيش |8|


الريم :

وش هالحكي ؟؟؟ لاتفشليننا وش اللي مايمدي ؟ ليه كم بعير بتطبخين ؟؟ |501|

بس اسبوع كثيـــــــر تبين يوم يومين ممكن .. :rolleyes:



تحياتي،

ريم شمر
11-06-2004, 14:57
انا مع زعيمة الفريق المنافس اللي انشاء الله بنكسر روؤسهم :mad:

تبرعي لنا بيويمين بعد

يالله يمدينا



بعدين حددي الساعه بالضبط اللي ننزل فيها المواضيع




زعيمة فريق القمه فريق ريم شمر

النصر لنا والهزيمه لاعدائنا

شعارنا الابدي

( كل وانت ساكت )


( الله يذكر صدام بالخير :) )




.

بتول آل علي
11-06-2004, 15:50
:cool: >>> تسوي نفسها ما شافت الرد :)

و الله ودي اشترك معاكم مجمج ،،، بس انتي شايفة دخولي قليل

ما بقدر التزم و لا أقدر أضمنلكم تواجدي باستمرار


ثاااانكسووو و ان شاء الله الفريقين ما بيقصرون

تسلمين على أفكارج النيرررة يا نيرة |5|

شخاط
11-06-2004, 15:54
هو انتن لها الحينتس ماخلصتي انتي وخويتس |3|

<<<<<< منبطحن يتنى الطبخه|8|


وينتس يام شخاط الي اول من تقبل على المطبخ :eek:قعدن الصحون والقدور تنافض ;)

والا هلحين صراصيرن راثعت بوه:D


يم شمر والريم


اسمعن تعرفن والا اضهرن وخلن المطبخ لاهلوه ;)

الكتاب مبينن من عنوانوه

يامنكن خصلتن ترن خيي عبد العزيز ومفك اربعطش يتنون <<<<< يبي يجرب بهم |501|


:rolleyes:

الجازي
11-06-2004, 15:56
مجمج انا يمكن أغيب ابتداء من اليوم الى يوم الثلاثاء يعني بلاش فضايح وعطينا فرصة :)

شموخ
11-06-2004, 17:55
الريم وش هذا وين بتروحين ، هذه والله النكبه انا معها وبتروح وتخليني في الواجهه والمصيبه تماضر معتذره ومعلله السبب في قلة الدخول ،:rolleyes: وفداويه بتدعمنا بالشعارات على كلامها مانبي شعارات نبيك تفسرين عن ذرعانك وتحوفين القدور معي ،وشعارات هاك هالشعار ( ستنحترون على اسوار الريم ) مايبنن الخوف من الهزيمه وهو ذابحنه :):)


الريم روحه مافي خلينا نخلص هاالعزيمه عنا وبعدين روحي لايقولن عنا البنات رفلات;) ...


تحياتي
شموخ

الجازي
11-06-2004, 18:21
هلا شوشو >>>>>> يقطع ابو الدلع :)

والله مضطرة أغيب غصبن من ورا خشمي :)

أنا مجهزة كذا طبخة الحين وانتي حاولي بعد تدورين مع البنات كذا أكلة ,, عشان يصير مايبقى لنا إلا التقديم :) >>>>> ماخذه الأمور ببساطة كنها بتحط نواشف :)

وبعدين اذا مددنا الوقت بيصير من صالحنا لأن ريم شمر بتصير في المعتقل :) وحنا اللي نفوز :)


( ستنحترون على اسوار الريم )

ننحتر ؟؟ هذا أول الشعارات ,, الله يخلف بس :) هونا تكفين مانبي شعارات :)

المهم عدليه لاتفاولين علينا :) ,,

هو بيني بينك حلو بس لو تحطين بدال كلمة أسوار كلمة (( سماط )) :) لأن هذا اللي بيصير بعدين :)

نبي نقضي على التماسيح بالتسمم :)

يسلمو شموخ على الحماس ,, وشدي حيلتس تكفين مع باقي البنات في غيابي عشان أرشحتس لمنصب نائبة الشيفة :) >>> مؤنث الشيف شيفة :) >> مقطعتها الفصاحة :)

يالله أستودعكم الله ,, أشوفكم ان شاء الله يوم الثلاثاء :)

ريم شمر
11-06-2004, 18:47
8
8
8
ياشين الخوف :)

هذي زعيمتكم انسحبت

هذا وهو شعارنا( كل وانت ساكت) اجل لو انه (كل جعلك للوجع )





شخاطوووه

انتم بس شجعوني و صو توا لفريقي

وابشروا بالخير


اذا سلمتوا من عسر الهضم ومن التسمم

الباقي يهون :)

مجموعة إنسان
12-06-2004, 00:51
الدهور :

إنعطافه بزاوية 180 ْ ;)


أخوي شخاط :

شفت بالله شلوووون ؟ كنّي قايلةٍ اصنعن قنبلة |506|


بنات :

كل وانت ساكت

وستنتحرون على سفرة الريم

:mad: وآخرتها يوم جاء يوم الفصل اشوفكن قمتن تدورن الباب |501|

الله يقلعني رحوووم وماأقدر على زعلكن |8|

بنمدد الى الخميس |116|

لكن والله

والله
واللـــــــــــــــه والله :mad:

لو مانزلتن وجباتكن الثلاث يوم الخميس قبل الساعه 9 بالليل
وكل فرقة منكن تنزل السفر الثلاث بمشاركه مستقله لحاله تسميها على كيفها
وتنسقها على كيفها .. إني لاأعمل لي شئ ماحد عمله << عصّبت مجموعة هجّن |501|



يالله عاد شوفن شغلكن بيناتكن مالي دخل


تحياتي،

متفاائل
12-06-2004, 01:51
ذبحنا الجوع نجزننا

ياشين الرفاله

ريم شمر
12-06-2004, 02:30
بعد عمري والله مجمج

ادري قلبك طيب

بعدين انت تبين شغلن سنع والا ترللي

اذا تبين الشغل السنع مددي للسنه الجايه :)










امزح :D



لا حلو الى الخميس يمدينا نتسلف من الجيران :)


مجمج مافهمت عليك

المطلوب نحط كل سفره لحالها

يعني سفرة الفطور بموضوع وسفره الغداء بموضوع والعشاء بموضوع والا وش السالفه

فهميني الله يرضى عليك

معليش ترى ريحة البصل والقلى مغطيه على مخي ماعاد استوعب :(



.

تماضر
12-06-2004, 12:29
اهلا بالجميع

وينكن انا معكن والله يقوينا

http://hawaaworld.net/files/4883/anim.gif

ماهو المقصد .....كلنا عارفين


http://members.lycos.co.uk/brg4u/uploader/pic/friend26.jpg

وين شعارنا

مجموعة إنسان
12-06-2004, 14:23
http://hawaaworld.net/files/4883/anim.gif
8
8
8

الصحينات هذي مقدمه لأخونا متفاءل يسكتنه لين يجي يوم ملي الكرش
|501||501||501|



تماضر هلا والله وتسلمين

ريم إيه يالله عاد ورينا الحركات الحلوة

فداوية
14-06-2004, 02:06
أسعد الله أيامكم دوم مو يوم ..

***

يوووووووووووووه ..
شكلي تأخرت.. ياويلي !!!
العذر والسموحة يابنات العم..
أنا وين والمطبخ وين؟!!..عساي ألحق على مطبخي
( مسوية فيها سنعة في بيتهم )..
***
المهم يا الفريق الانتحاري ( حشى مو طبخ .. حرب )
الزبدة .. ( شكلي ماراح أجيبها لـ .. بر )
اعذروني كان عندي شغل ومن زين الطبايع إلى الحين ماخلّصته ، لا والمسئولين
عندي متفاءلين فيني خير.( وحدة ناسية الموضوع بالمررررررررررة ) ..
لكن ازهلوها علي ..حددن ياأعضاء الكونغرس الموقّر..وش تبن،وأنا أخليها
توصيل سريييييييييييييع ..( ويارب ما أنسى .. يااااااااا رب ).
***
صح ( نسيييييييت )..
الريم .. يالحبيبة ..
وين على الله ؟!!
وش هالنكبة اللي على مستوى .. عيني عينك ( وكافخة .. مرة وحدة ،،،،
طيب كان قلتيلي واخاويك .. مافيها شي .. ترى الناس البعضها يالاجوديَّة )..
***
شكلي بغير نمط شعاراتنا الفتاكة إلى ( سيري يـ ( الريم ) ونحن من ورائك )!!!

امحق فريق!!!!!!!!!!!!!!!!!!!!!!!

فداوية
14-06-2004, 02:12
أسعد الله أيامكم دوم مو يوم ..

***

يوووووووووووووه ..
شكلي تأخرت.. ياويلي !!!
العذر والسموحة يابنات العم..
أنا وين والمطبخ وين؟!!..عساي ألحق على مطبخي
( مسوية فيها سنعة في بيتهم )..
***
المهم يا الفريق الانتحاري ( حشى مو طبخ .. حرب )
الزبدة .. ( شكلي ماراح أجيبها لـ .. بر )
اعذروني كان عندي شغل ومن زين الطبايع إلى الحين ماخلّصته ، لا والمسئولين
عندي متفاءلين فيني خير.( وحدة ناسية الموضوع بالمررررررررررة ) ..
لكن ازهلوها علي ..حددن ياأعضاء الكونغرس الموقّر..وش تبن،وأنا أخليها
توصيل سريييييييييييييع ..( ويارب ما أنسى .. يااااااااا رب ).
***
صح ( نسيييييييت )..
الريم .. يالحبيبة ..
وين على الله ؟!!
وش هالنكبة اللي على مستوى .. عيني عينك ( وكافخة .. مرة وحدة ،،،،
طيب كان قلتيلي واخاويك .. مافيها شي .. ترى الناس البعضها يالاجوديَّة )..
***
شكلي بغير نمط شعاراتنا الفتاكة إلى ( سيري يـ ( الريم ) ونحن من ورائك )!!!

امحق فريق!!!!!!!!!!!!!!!!!!!!!!!

مجد
15-06-2004, 02:11
اهلين صبااايا
مجموعة إنسان ..
اشوفك رزتن اسمي بلا احم ولا دستور ..!!!!
وما قالك أني من أهل المطابخ .. هاه ..!!!!

أنا بعيـــــــــدة اوي اوي اوي
خليني بس اشرف عليهن من بعيد..
واذا خلصن اشوف وش يهببن ؟!!

ع فكرة ترى العيون هي اللى تأكل بالاول
فانتبهوا وهالله هالله بـــ
decoration
وانتهبوا ترى عصير الليمون ما نبيه.. << ماتحبه

وانتبهوا كذلك الى ان
المقبلات والمازات والسلطات والشوربات اولا
ثم الوجبات الرئيسية
بعدها الحلا
ويتخللها العصائر
وطبق الفاكهة ..
هذا اذا كان التقديم بالطريقة الفرنسية او الروسيه << ثقافتها شيكوسلافاكيه

ع فكرة ذوقي صعيب .. وشروطي كثيرة .. بس اختصرتهن ..
وسلاااااااااااااام

http://www.bungi.com/baby/1y/nak-1y-4-small.jpghttp://www.bungi.com/baby/1y/nak-1y-5-small.jpg


المجـــــد

شموخ
15-06-2004, 02:56
اهلين صبااايا
مجموعة إنسان ..
اشوفك رزتن اسمي بلا احم ولا دستور ..!!!!
وما قالك أني من أهل المطابخ .. هاه ..!!!!

أنا بعيـــــــــدة اوي اوي اوي
خليني بس اشرف عليهن من بعيد..
واذا خلصن اشوف وش يهببن ؟!!

ع فكرة ترى العيون هي اللى تأكل بالاول
فانتبهوا وهالله هالله بـــ
decoration
وانتهبوا ترى عصير الليمون ما نبيه.. << ماتحبه

وانتبهوا كذلك الى ان
المقبلات والمازات والسلطات والشوربات اولا
ثم الوجبات الرئيسية
بعدها الحلا
ويتخللها العصائر
وطبق الفاكهة ..
هذا اذا كان التقديم بالطريقة الفرنسية او الروسيه << ثقافتها شيكوسلافاكيه

ع فكرة ذوقي صعيب .. وشروطي كثيرة .. بس اختصرتهن ..
وسلاااااااااااااام

http://www.bungi.com/baby/1y/nak-1y-4-small.jpghttp://www.bungi.com/baby/1y/nak-1y-5-small.jpg


المجـــــد




وش بعد انستى الكريمه من توجيهات:p ...

ترى اللي مايدخل معنا المطبخ مايتفلسف يجلس على سفره ريم شمر اللي شعارها ( كل وانت ساكت ) :):)


تحياتي
شموخ

مجموعة إنسان
16-06-2004, 00:58
هلا بالجميع


حبيت اذكركم بيوم الخميس

الخميس

لاتنسون الخميس

الساعه 9 مساءً بتكون آخر لحظه لتنزيل موضوعاتكم ياحلوات

كل فريق منكم ينزل موضوعه متكامل بمشاركه مستقله عن موضوع الفريق الثاني

لاتنسون :

(((( الخميـــــس ))))

عشان بعد كذا نعمل لها تصويت ..

تمنياتي لكم بالتوفيق


تحياتي ،

راعي الوقيد
16-06-2004, 12:03
الناس بدت تطبخ من هالحين وهذولي ما سكات

شوش بعضهن وخذ ياتقطيع

شوفوا الريم مع ريم شمر
http://smileys.smileycentral.com/cat/10/10_9_140.gif
انا احسن طبخ لا انا احسن
انا احسن لا انا احسن
انا انا انا انا
والمسكينة مجموعة انسان

من القهر قامتhttp://smileys.smileycentral.com/cat/4/4_9_7.gif

ههههههههههههههههههه

مجموعة إنسان
17-06-2004, 21:54
http://smileys.smileycentral.com/cat/4/4_9_7.gif



والله الظاهر إنها مثل ماقلت ياخوي راعي الوقيد

ريم شمر والريم

وينكم ؟؟

7

7

http://smileys.smileycentral.com/cat/10/10_9_140.gif

عبدالعزيز
17-06-2004, 21:57
^
^
^
تغيرت الناس ياخالتي ومواعيدهم ماهل مثل مواعيد وقتتس:)

خالتي توي رفعت صورنا وكتبت موضوعنا لكني ماشوف احد

وش رايتس تمددين للرجال شوين؟

مجموعة إنسان
17-06-2004, 22:03
8
8
8
8

ينصر دينك أخوي عبدالعزيز

أدري والله انك سنع ماشاء الله

هات اللي عندك وماعليك منهم ..

إن شاء الله فرقتكم تاخذ جميع الأصوات


التمديد اشتكى منّا |10|

شوي وتطلع قروني

|501|

ريم شمر
17-06-2004, 22:42
ابشري مجمج

شوي بس ونمد السفره


بالنسبه للريم يمكن ماتقدر تحطهم الا بكره الصبح

الجازي
18-06-2004, 12:05
ألف مليون مبروك لفريق ريم شمر الفوز :)

ريحناكم من التصويت :)

مجمج ,, والله انك وهقتيني ,,

فداوية منسحبة ,, وتماضر ماقصرت معي بس ولو انسحبت وتعتذر بقلة دخولها للنت :(

وشموخ ماقصرت بس مالقت صور :) >>>> شوشو لاتحقدين علي :)

وأنا والله إني كني ملحوقة ,, خصوصا هالاسبوعين اللي راح والجاي :) ,, أنواع الضغط ,, ودخلتي للنت بالطقاق ,, ولا قدرت أكمل موضوعي :(

بتعطيني تمديد فترة ,, أبشري بالسفرة ,, والا اسمحي لي أهنيء فريق ريم شمر على سفرتهم الرائعة :) >>> روح رياضية :)

ان كان عندك نية تمديد ترى يالله يوم الخميس الجاي أحط سفرتي ,, كل هالايام الجاية مااقدر أشتغل على النت :)

هاه شو إلتي خيتو :)

وأنا بالنيابة عن أفراد فريقي اللي نكبوني :) ,, أعتذر لجماهيرنا الوفية :) وأوعدهم إن شاء الله بالحصول على الكأس في الدوري القادم :)

قايلة لكم أصلا ,, شعارنا ,, ستنتحرون على سفرة الريم :) يعني قبل مانحط السفرة بتنتحرون :) ,, لكن والله ماهنتوا علي ,, قلت والله ماأخليهم ينتحرون وأنا حية ,, عشان كذا كنسلت السفرة واللي يصير يصير :)

مجمج ,,

أنتظر ردك :)

ريم شمر
18-06-2004, 13:27
لالالالالالالالالا <<< تكفى والا ازيد |509|

لا مانسمح لك تنسحبين

من قالك اني ابغى افوز :mad:

وش هالفوز اللي من غير طعم ولالون

السالفه سعة صدر ووناسه

ومن غيرك ماراح يطلع للسالفه نكهه

انا عني ماعندي مانع ابدا انتظرك شهر مهو اسبوع

وانشاء الله مجمج ماتمانع



واذا تبين اساعدك ابشري :D

صار عندي خبره من كثر مافحطت في المطبخ هاليومين


والله لو اني طابختهم كان اهون |8|



ريومه

خوذي راحتك والمهم في النهايه ننبسط ونستفيد

( اما نستفيد هذي مافيه امل منها :rolleyes: )

مجموعة إنسان
18-06-2004, 14:55
أماااا عاد الخميس الجاي ‍!



دع التكاسل في الخيرات تطلبها ... فليس يسعد بالخيرات كسلان


بأعتبرها مزحه

وهذي إبتسامه صفراء مقدماً |507|


ريمو :

المفروض اننا خالصين من اسبوع بس عشانك أجلناها كنتِ تتعذرين بــ...

1- بالوقت وعطيناك وقت ..

2- بالزواله وحطينا معك أعوان وفرقة ياسلام (مدام/تماضر + شموخه )

وربي إني ضاغطه على نفسي هالاسبوع لإلتزامي معكم وإلا مشغوله أوي أوي أوي :o

لا والأجازه بدت وماربيّـا تناديني <<< أخسي ياراعية ماربيّا |501|


تأجيل مافيه تأجيل ريمو

ياحطي اللي عندك وإلا الشكوى لله بتتحملنا ريم شمر وبتمسحها بوجهي http://smileys.smileycentral.com/cat/4/4_9_7.gif



|10| << تبي تخلص عشان تفرررررك |501|



ريم شمر

بعدي والله يالغاليه هذي الشطاره والسنع اللي على اصوله

ماشاء الله عليكن انتي وفرقتك ماينخاف عليكم

وماقصّرتن|116|

تحياتي،