رز مدخّن

[الجازي]

معليش اسم الطبخة محشش شوي |2|

بس هذا اسمها الحقيقي وش أسوي ,, زين اللي ماسموه رز الشيشة |6|

طبعاً طعم الرز هباااااااااااااااااااااااااااال ,, جربي وأنتِ الحكم :)

الرز المدخن |7|

المقادير :

مقادير الرز العادي >>>>>> زولة ماودها تطقطق على الكيبورد :)

بس يالله متى نخدمكم اذا ماخدمناكم الحين ,, المقادير ياطويلين العمر :

كاسين رز .

دجاجة.

بصلتين وسط , طماطتين , ثلاث فصوص ثوم , أعواد دارسين ( قرفة ) , مسمار ( قرنفل ) , هيل , ملح .

الطريقة :

طبعا يغسل الرز كالعادة وينقع لمدة نص ساعة ,,

تقطع الدجاجة إلى أرباع وتنظف من البلاوي اللي في وسطها , وتدعك بملح وثوم ثم تغسل >> عشان تروح ريحة الزفر |116|

تحطينها في قدر مع الملح والدارسين والهيل والمسمار وتقطعين عليها البصل والثوم وتحمسينهم شوي بعدين تقطعين الطماط عليها وتخلينها تنحمس بعد شوي >>> كني حاقدة على الدجاجة ,, أنواع التعذيب :)

بعدين تصبين عليها الموية وتخلينها تطبخ ألين تستوي |116|

بعد ماتستوي طلعي الدجاجة وحطيها في صينية وادهني الدجاجة بهالخلطة (( شوي مايونيز + عصير ليمونتين + بهارات ناعمة + صلصة + ملعقة زبادي )) بعدين دخليها الفرن .

مرقة الدجاجة صفيها وكبي الرز عليها >>>> الله من زين التوصيف بعد ,, الدعوى كبكبة ومطرسة :p

وحطيه على نار عاليه وحطي معه حبتين حبحر حار >>> هندية :)

إذا نشف الرز قصري عليه وحطي عليه الكشنة اللي هي عبارة عن (( بصل محموس في شوي زيت ومعه بهارات وصلصة )).

نجي الحين لسرّ الطبخة ;)

اذا استوى الرز وتحمرت الدجاجة ,, حطي قطع الدجاج فوق الرز وزينيه بالجوز والصنوبر والزبيب وسوي حفرة في وسط الرز >>> بس عاد لاتتحمسين وتوصلين قاع القدر :)
يعني خلي مقاس الحفرة صغير عشان تحطين فيه صحن ستيل صغير مرة ,, حطي في الصحن زبدة سايحة أو سمن وحطي بوسطها جمرة وغطي القدر بسرعة بقصدير وفوقه الغطاء وفوقه بعد فوطة عشان مايطلع الدخان برا القدر |7|

وخليه عشر دقايق أو ربع ساعة عشان يشرب الريحة صح |116|>>>>>>والله المحششة |2|

بعدين قدميه وشوفي وش بيطلع طعمه :rolleyes:,, هباااااااااااال لدرجة الادمان ,, بس بدون تحذير صحي للرئتين ;)

سلام

[أبو فيصل]

هههههههههههههههه
اما هالعنوان يالريم رهيب

بس وين تحذير وزارة الصحة والله اني جاي مطبق قلت رز ويدخن ماتجي

اثرية طبخة

[مجموعة إنسان]

أما العنوان ياسلااام

|6||7| رز مدخّن |7||6|

:p

ريمو الغاليه

والله مجربينها وطعم الرز يطلع جنان


بس تعالي هنا بقول لك شئ











7




7





لازم بعد كل لقمه تتنحنحين كنك رجّال لأنه بيعمل لك شئ بالحلق وربي بلشنا هذاك اليوم

|501||8||501|

مع هذا لذيــــذ صراحه ;)



ريمو :

شكرا لك


تحياتي،

[الجازي]

هلا بك أخوي الصارم ,,


بس وين تحذير وزارة الصحة
^
^
^
ضاقت يعني ,, وقفتوا على رزي وتركتوا هالمقاهي اللي في كل شارع :)

[الجازي]

مجمج حبيبة ألبي ,,


لازم بعد كل لقمه تتنحنحين كنك رجّال لأنه بيعمل لك شئ بالحلق وربي بلشنا هذاك اليوم

لايضيق صدرك يامجمج :) هذا يسمونه فاصل موسيقي بين كل لقمة ولقمة :)

والله يامجمج أنا ماتطلع لي هالمشكلة اللي عندك ,, جربي طريقتي يمكن مقاديركم فيها شيء ينتع :)

[شموخ]

وحطيه على نار عاليه وحطي معه حبتين حبحر حار >>> هندية :)

[line]
حبتين حبحر حار


وش هذا يالريم اوصفيه لي واسمه كذا والا له اسماء ثانيه غير هذا الاسم .


الريم مشكوره على هالرز المدخن ، بس متى يعسْل .:)

تحياتي
شموخ

[الجازي]

شموخ !!؟

من جدك تتكلمين ؟؟

ماتعرفين الحبحر ؟؟

طيب وش رايك بالفلفل ,, مدري وش تسمونه أنتم >>>> هذي والله البلشة :)

عموما عشان تعرفينه زين ,, ترى صورته تلقينها مرسومة في قارورة الشطة ,, تراهم يحطون حبتين بالعادة ولونهم أحمر :) >>> دقة في الوصف لايعلى عليها :)

[راعي الوقيد]

طيب يالريم وين التدخينه بهالطبخة
بس لا يكون تدخن اذاننا من الحبحر الحار
نسيتي اهم شي لازم يتواجد عند الأكلة
هو عند كل اكلة لازم بس هنا من اهم الاشياء
قارورة ماء صحة كبير باااااااااارد
عشان لادخنة الاذن ولاهو والم
شهويتينا للعشاء
مع سيلة السعـ......ل
وخربتاااي الريجيم << الله يخلف عليه

[شموخ]

الريم

اقسم بالله اني اتكلم من جد مو مزح ، حبحر حار هذه اول مرة اسمع بها ، نقول له فلفل وماخبرة له اسم غير هذا ، بس يالله الله يبارك في هالطبخه اللي علمتنى مصطلح جديد عندكم :)

تحياتي
شموخ

[الجازي]

راعي الوقيد ,,

حياك الله بهالتدخينة :)

تراه (( رز مدخَّن )) يعني مفعول به ماهو فاعل >>>> متأثرة بسيبويه :)

يعني مايدخن من حرارته ,, بس ريحته تدخينة على مستوى :)

ورجيمك مايضره لو تخربه مرة في الشهر ,,

شموخ ,,

أفا لاتشككيني في مصطلحاتي :)

عموما حصل خير ,, حبحر , فلفل , كتشب >>> هذي اللي ماهي يم سنع :)

[راعي الوقيد]

صار دخون
طيب الله فالك
__
شموخ
حبحر : تعني الفلفل الحار وما يحتاج نقول حبحر حار
لان الحبحر كلمة مركبة >>سيبويه:) صح
داخل الفلفل حب " حبيبات " ـ زين ـ هذا الحب حار في الأصل
قبل مايجي الحلو " البارد " << مهجن
فــ حب + حار = حب حار ، ومع الوقت اختزلت هذه الكلمة الى حبحر ،،
وكل هالحكي من عندي ولا تفسير التفاسير !!
لكن تفسير منطقي >> لو ماقلت من عندي كان قالن كلام صحيح ، وهو صحيح
{f}
والله يانا تعبت ،، فهمتن ،،

[الجازي]

راعي الوقيد ,, والله انك جبتها :) ,, دخون الله يطيب فالك ,,

أما ترجمتك للحبحر فأنا أشهد انك تستاهل عليها براءة اختراع ,, والله انك عرفت تترجمها صح :)

[راعي الوقيد]

الريـــــــــــــــــــــــــــــــــم
اين نحن منـــــــــــــــكم
فأنتم اهل الإبتكارات
والتحليــــــــــــــــــــل
والرفع والضم والنصب
تحياتي :)

[ريم شمر]

تسلم الايادي ريمو

بس مهو هو نفسه المندى:D

<<<< تسمع بالطبخ |509|


لا من جد انا اعرف الرز المدخن وسويته قبل كذا
وفعلا كان روووعه مع ان طريقتك فيها خبره وحرفنه اكثر

بس سالفة الجمره هذي اعتقد انها تستخدم في المندى

ريمو امانه لاتضحكين علي انا ومعلوماتي

كانها غلط فهميني حبه حبه |513|



واذا عندك طريقه تخليني احب الطبخ والمطبخ هاتيها على دربك :)







ريم

[الجازي]

ريوم خليك ساكتة تكفين :)

الحال من بعضوه ياحبيبتي ,, بس لاتفضّحين بي :)

المندي الظاهر يسوونه في الفرن ويحطون فوقه شبك صغير أو مشخل أو منخل >>>> عشان ماتغثنا شموخ وتقول وش معنى الشبك جبت لها كل المصطلحات :)

ويصير الدجاج يقطّر على الرز >>>>>>>> أمحق وصف ,, تنسد نفس اللي وده ياكل :)

ويستوي الرز من تقطيرة الدجاج :)

الظاهر هذا المندي :)


واذا عندك طريقه تخليني احب الطبخ والمطبخ هاتيها على دربك
^
^
ريوم اذا لقيتي هالطريقة علميني يابعدي :)