تسجيل الدخول

مشاهدة النسخة كاملة : الوكاد يطيح لو قدم رجل..


مستور
25-03-2004, 15:24
الاخوه الزملاء اللغز موجه للجميع ولكن من باب المداعبه لاخوي نديم اسند ت اللغز اليه وارجو ان تحلونه قبله الله لايضره

يانديم طويق مـــــالي بالحويل.............خذ جديد اللغـــــــــز وارمع بالعجل
وش صغيرٍله رجولٍ له تشـــيل............والوكاد يطيح لو قدّم رِجــــــــــــــــل
له سميٍ دايمٍ جوفه يســــيل............من يجي قاع البحر مِنّه وجِـــــــــــل
وله سميٍ بالوزن وزنه ثقــــيل...........بالوزن حروة ثلاثين الرجـــــــــــــــــل
ـ
من يجي قاع البحر..المقصود اهل الغوص
وجل..خاف

حروة ثلاثين الرجل...اي اصحاب الاوزان المتوسطه

.... ارجو ان يحوز على رضاكم...
مستريح البال
25-03-2004, 16:27
اخوي مستور صح لساانك
وانت اسندت لشخصٍ كفوو ويستاهل
وحنا نبي نحاوول:p
مستور
25-03-2004, 18:58
حياكم الله جميعاًيامستريح البال
مستور
27-03-2004, 11:32
يالربع وين المراميع
اي استفسار اذا كان غير واضح انا مستعد
وتحياتي لكم جميعاً
نديم طويق
27-03-2004, 17:58
صح لسانك ملايين والله لا يصغرك ومشكور

على توجيه اللغز واللغز اللي منك او من الربع الطيبين بها المنتدى

اعتبره موجه لي ...

بالنسبة للرمعة والله ما خطر لي شي الا سمك القرش

هو اللي كان يخوف اهل الغوص لكن ما ركبت باقي البيوت عليه

وانا شايف اللغز من يوم وضعته لكن اواجه صعوبات في المشاركة

لازم الف وادور علشان اقدر اشارك .

تحياتي ،،،،
مستور
28-03-2004, 22:02
اخوي نديم حياك الله يالغالي
سمك القرش مالك لوى
وش صغير له رجول
وتفبل تحياتي
مستريح البال
01-04-2004, 11:04
وش رايك بالمركاب

واذا فقد رجل من الثلاث يطيح

ويجي مجوف من الوسط

ويتحمل الوزن الثقيل

والله اعلم ... اخوك مستريح البال
مستور
01-04-2004, 11:41
اخوي مستريح البال
شكراً لمرورك والمركاب مالك لوى
والمطلوب صغير ولكن يوجد اثنين يحملون نفس الاسم اتى وصفهم باللغز
له رجول في الدارج نعبر احياناًعن المثنى بالجمع والمطلوب له رجلين ثنتين
وتقبل تحياتي
نديم طويق
01-04-2004, 15:13
لازال البحث والتحري على قدم وساق عن مخلوق يزن أكثر من طنين

تحياتي ،،،،
مستور
01-04-2004, 19:23
اخوي نديم





مـــــــــــــــــا أروعــــــــــــــــــــــــــــــــــــ ـــــــــــــــــك
مستريح البال
03-04-2004, 08:47
الصغير ماتوصلت له ...

بس السمي يمكن ..

السمي الاول اللي جوفه يسيل هو الحوت

السمي الثاني سيارة المرسيدس (الحوت) وزنها اعتقد مثل ماهو باللغز
مستور
03-04-2004, 15:11
مالك لوى
اخوي مستريح البال
وتقبل تحياتي
اليم
03-04-2004, 23:31
بالخير يالربع|118|


ولاهو تعدي على اخوي نديم طويق

وش رايك يا مستور بالدباب والدب والدبابه


لاهنتوا جميع حيرتنا يامستـــــــــــــــــــــور
نديم طويق
04-04-2004, 00:06
اخوي مستور صح لساانك
وانت اسندت لشخصٍ كفوو ويستاهل
وحنا نبي نحاوول:p


================================================

ما عليك زود اخوي مستريح البال

وتكفى طش عينه تراك راعيها

تحياتي ،،،،
نديم طويق
04-04-2004, 00:08
مساء الخير ياليم ....

ابشرك انحلت المشكلة بعد تجديد المنتدى

تحياتي
مستور
04-04-2004, 00:25
خوي اليم
اسعدني مرورك
الدب والدباب والدبابه مالك لوى يالغالي
وللتوضيح الثلاثه نفس الاسم بدون زياده او نقص
وتحياتي للجميع
مستريح البال
14-04-2004, 16:03
وش رايك بفرس البحر وفرس النهر وفرسنا اللي نخبر :)
مستور
14-04-2004, 18:03
اخوي مستريح البال
اشكرك على تواصلك
الفرس مالك لوى يالغالي
أهازيج شمر
24-05-2004, 05:34
العزيز / مستور

ما هو تعدي على الطيبين ولكن أقول :

أعتقد لم أعرف في حياتي إلا شيئين بهذا الوصف وهما :-

1- حامل وتر الرباية ويسمونه الحمار والجحش والحامل والشاذوب وغيرها

2- الملف file وفي البحر ملفات ..!!
مستور
24-05-2004, 23:37
اخوي اهازيج شمر
يسعدني مرورك والرمعه مالك لوى يالغالي
وتقبل تحياتي
مستور
10-08-2004, 05:22
الاخوة الزملاء
اللغز حله نديم طويق الله لايضره..وكذلك الاخ الكنور حله..
والحل هو طير الطنان..وهذا الطير يطيح لو تقدمت احد رجليه عن الاخرى.
السمي الاول هو عرق الطنان ويوجد في الراس واهل الغوص يخافون انفجاره مع ظغط الماء
السمي الثاني..طنان ..الفين كيلو
وللجميع تحياتي