ياشيخ

[راعي المغاتير]

[ السلام عليكم ورحمة الله وبركاته
رحمك الله يا شيخنا الجليل
انا لله وانا اليه راجعون
.
.
مرحوم يا شيخٍ لك راس الطويلات=والا غيرك منزله وسط الطماني
ياحرٍ مركبك دوم فوق المسرجات=ياشيخ لك الطيب طيب المكاني
ياشيخ لك سود الليالي شاهدات=على فعل يمناك يوم صد الزماني
ياشيخ من موتك صاحت الاهرمات=وابو الهول هاله فقدك ياكحيلاني
ياشيخ اجا تبكي وتسترسل العبرات=وسلمى تصرخ على وجه الزماني
ياشيخ كل الضماير من بعدك هايجات=ومن قبل هاجن لذرب الايماني
ياشيخ سود الليالي لامن جات جات=مايردها كود امرٍ من عزيز رحماني
ياشيخ على فرقاك العيون باكيات=والقلب جاه بلاه وحداه اللي حداني
ياشيخ فرقاك ذكرتنا بسيد الفزعات=ابو نواف اللي له النايفات مكاني
ياشيخ راح والوجيه عقبه شاحبات=ونعدد محاسنه على فلان وفلاني
ياشيخ حنا قوم مانحب الا الحياة=والموت فرقاه مانبيه لنا عنواني
ياشيخ مانعرف نسن السيوف المرهفات=ولانعرف نعدل الميل بالميزاني
ياشيخ مالنا معارك لتاريخ شاهدات=ولانعرف نغضب غير بقول اللساني
ياشيخ بالشجب ابشر نسطر بالساجعات=ونقول فلان بن فلان غلطاني
ياشيخ لا ترتجي من ورانا غير الهتافات=والا الحرب ياشيخ ملنا فيها رهاني
ياشيخ بودعك والضماير لك داميات=والا الثار ياشيخ والله فيه بحلاني
ياشيخ ما اخذت ثار راعي الفزعات=والا انت ياشيخ لك من يسد مكاني