هوجاس
03-03-2004, 16:24
ياناس غبوا بنتكم لاتشافي=من خوف حسّاد العرب ينظرونه=
تاقف وتضحك باالثمان الرهافي=والناس مابه خير شهبٍ عيونه=
الاّ أن بغت يمي تروها عوافي=عليكم الله بس لاتمنعونه=
أنا أذكر الله كل ماشفت وافي=واما كثير الخلق مايذكرونه=
قلبي لخشف الريم طيّب وصافي=ماذبح بعيني مثل من يذبحونه=
ياونّسن ونستها باالقوافي=وليا طلبني قلت مالك مهونه=
خلي عليه من الغزيّل وصافي=وممشى الحمام اليا تخطى بهونه=
راعي جديلً فوق الامتان ضافي=سبيب شقراء بطراد معنونه =
امعّزلٍ مفنود والوسط هافي=والعود نعناعٍ تمايل أغصونه=
والردف طعسً كاربته السوافي=عقب المطر عنها تجلّت مزونه=
والريح كنّه فيضةً باالفيافي=وسميّةٍ فيها الفقع يذكرونه=
أمست بديم وأصبح الجو دافي=وهب النسيم وجاب منها نمونه=
عذّبتني ياناب الارداف كافي=وخليت قلبي يابساتٍ شنونه =
يلومني بالحب كل متعافي=خطو البليد اللي كبارٍ متونه=
ماعذّبنه ناعمات الاشافي=ولاجاوبت ذيب العوا في لحونه=
عليك ياسيد البنات العفافي=يادّرةٍ يصفق حجا الموج دونه
الشاعر / فرحان بن فهيد الذرفي الشمري
تاقف وتضحك باالثمان الرهافي=والناس مابه خير شهبٍ عيونه=
الاّ أن بغت يمي تروها عوافي=عليكم الله بس لاتمنعونه=
أنا أذكر الله كل ماشفت وافي=واما كثير الخلق مايذكرونه=
قلبي لخشف الريم طيّب وصافي=ماذبح بعيني مثل من يذبحونه=
ياونّسن ونستها باالقوافي=وليا طلبني قلت مالك مهونه=
خلي عليه من الغزيّل وصافي=وممشى الحمام اليا تخطى بهونه=
راعي جديلً فوق الامتان ضافي=سبيب شقراء بطراد معنونه =
امعّزلٍ مفنود والوسط هافي=والعود نعناعٍ تمايل أغصونه=
والردف طعسً كاربته السوافي=عقب المطر عنها تجلّت مزونه=
والريح كنّه فيضةً باالفيافي=وسميّةٍ فيها الفقع يذكرونه=
أمست بديم وأصبح الجو دافي=وهب النسيم وجاب منها نمونه=
عذّبتني ياناب الارداف كافي=وخليت قلبي يابساتٍ شنونه =
يلومني بالحب كل متعافي=خطو البليد اللي كبارٍ متونه=
ماعذّبنه ناعمات الاشافي=ولاجاوبت ذيب العوا في لحونه=
عليك ياسيد البنات العفافي=يادّرةٍ يصفق حجا الموج دونه
الشاعر / فرحان بن فهيد الذرفي الشمري