فهد النايف
25-01-2004, 11:31
خلك بدربك
يلي على الاجواد تشعب ذلولك=اركد واكل خبزك وخلك سنافي
وشلك بهم والله فلاهم بحولك=لا تتدحم العسرات وانت متعافي
حذراك لا تبلش ثم يطق جولك=لاضيقوبك بالقني والرهافي
ناس عطوك اللي تبي من دلولك=ومن بعدها تقلب علومك مقافي
هذا خطاء والا انت قالب نعولك=هافي ومن جابك من الناس هافي
جنب وخلك عند زبرت طبولك=وطبل بها كانك بغيت العوافي
وكلن يجيك ويستمع في مقولك=واحذر تطيح بمظلمات القوافي
لانك بها جاهل سريعٍ وصولك= للهاويه تذري عليك السوافي
ولو ان عرفك نافع في اصولك=كان اصبحت كل الدعاوي عوافي
مير انت مابك ميز يكفي ذهولك=لاوحيت كلمه طايشه طحت غافي
خلك بدربك وابتصر في نزولك=لاجيت تنزل عس والشوف كافي
لاكن ماظني تسرك عدولك=وياسرع ما منك تبين الخوافي
ماجيت لك ناصح ولاني عذولك=جيت احمد الله منك والرب شافي
عرفت معنى نعمته من حلولك=وتفسيرك الاعمى لما كان خافي
الك الشكر مني وسقاها ذلولك=وخلك على كور المطيه سنافي
علمتني شي نبت من هطولك=ما حس بالبردان من بات دافي
فهد النايف .
يلي على الاجواد تشعب ذلولك=اركد واكل خبزك وخلك سنافي
وشلك بهم والله فلاهم بحولك=لا تتدحم العسرات وانت متعافي
حذراك لا تبلش ثم يطق جولك=لاضيقوبك بالقني والرهافي
ناس عطوك اللي تبي من دلولك=ومن بعدها تقلب علومك مقافي
هذا خطاء والا انت قالب نعولك=هافي ومن جابك من الناس هافي
جنب وخلك عند زبرت طبولك=وطبل بها كانك بغيت العوافي
وكلن يجيك ويستمع في مقولك=واحذر تطيح بمظلمات القوافي
لانك بها جاهل سريعٍ وصولك= للهاويه تذري عليك السوافي
ولو ان عرفك نافع في اصولك=كان اصبحت كل الدعاوي عوافي
مير انت مابك ميز يكفي ذهولك=لاوحيت كلمه طايشه طحت غافي
خلك بدربك وابتصر في نزولك=لاجيت تنزل عس والشوف كافي
لاكن ماظني تسرك عدولك=وياسرع ما منك تبين الخوافي
ماجيت لك ناصح ولاني عذولك=جيت احمد الله منك والرب شافي
عرفت معنى نعمته من حلولك=وتفسيرك الاعمى لما كان خافي
الك الشكر مني وسقاها ذلولك=وخلك على كور المطيه سنافي
علمتني شي نبت من هطولك=ما حس بالبردان من بات دافي
فهد النايف .