اهداء لابو مقرن ومفتاح 14 وفلة حجاج

[الاصمعي]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
(فلة حجاج او دار العلاج لمن تكدر منه المزاج)
ازورها من فتره لاخرى واستمتع بمواضيعه الشيقه ورود اعضائه الطريفه

هذه ابيات متواضعه تهنئه للمشرف الجديد على الفله الاخ ابو مقرن
وذكر بالخير للمشرف الآخر مفتاح 14 ودعوه لمن ضاق صدره بزيارة
الفله والاستمتاع بسوالف ومزوح الاخوه هناك.



القرم ابو مقرن تعلى الحداجه=على مضيف الحب والمزح والفال
وفلة حجاج اليوم فلةحجاجه=ومن الوناسه والطرب حالها حال
وكل المضايف شاركته ابتهاجه=بتكليف منهُ لا شكوكي وزعال
طيب وسيع بطان مابه رجاجه=ضحوك سن لرفقته غير ملال
بالحيل حبيناه قبل المواجه=عنوان ضرف الحب للي حوى دال
وفلة حجاج منورٍ به سراجه=مفتاح والمفتاح للصعب حلال
خفيف نفس ودم عالي مزاجه=ما كدره نقل الحكايا والاقوال
يسعى لنشر الحب بليا لجاجه=ومن زين طبعه بيننا للرضا نال
ياضايقين الصدر دوكم علاجه=مضيف فله يشرح النفس والبال
ضرفٍ ولطف ومزح مابه سماجه=سلمٍ قديمٍ للطنايا ولا زال
ورسولنا الّي ما بنهجه عواجه=صلوا عليه وصحبته وايضاً الآل

[عبدالعزيز]

آل
صح لسانك ياأغلى من الغالين
واخواننا مفتاح وابومقرن مهما قلنا عنهم مايوفيهم والله حقهم .. والله ما آصل ربع مواصيلهم بطيب النفس ماشاءالله عليهم

الاواحلولاتتس يالتهيضة
على بالحرام ان كل هالمضايف ماتكفينن بوصفك يالطربة

[الاصمعي]

هلا والله بعبدالعزيز
هلا والله بالمطنوخ

والله يابو العز حنا نزخرف ونزركش بالحتسي ولا نوصل بعض الي بنفوسنا ، وانت ما شاء الله عليك كليمه ولا ثنتين وعن معلقات. ;)

مرورك مرور المطر

ابو العز انا ومعازيب هالمضيف مانتتسالم:o

استغليت الغياب مار ليا حضروا يمكن استحي لا ارد ، افزع لنا رد وقل الاصمعي موصيني مشغول مايدخل النت هاليومين.

ولا ابي ارد بمضيف الفصيح(تقل اني متوجهٍ له هالايام التلي) وانت انقل الرد بهاه.

ليا قريت الرد بحل احذف الي تبي تحذف وخل الي تبي تخلي;)

[هادي المنيس]

اللهم صلي وسلم عليه
صح لسانك
يعطيك العافيه اخوي الاصمعي

ويستاهلون المدح
كل اهل المضايف

[المخاوي]

الاخ العزيز الاصمعي

ياسلام عليك قصيده رائعه
وابو مقرن ومفتاح 14 يستاهلون المدح والثناء

وصح لسانك وبيض الله وجهك

[مفتاح14]

اخوي الاصمعي

صــــــــــــــــــــــح لســــــــــــــــــانك يالغالي

وتسلم والله على هالاهداء الحلووو

شي ماهو مستغرب منك الله لايهينك
والله يخليك لنا.. ( طيب ونفس(ن) طيبه ..الله لايضرك:) )


كلنا متواجدين لخدمة مضايف شمّـــــــــــــــــــــــر

تواجدك وتواجد الاعضاء جميعا ينور فلة الحجاج ..



تحياااااتي لــــــــــــــــــــــــــك :)

[ابو غازي]

السلام عليكم ورحمة الله وبركاته
الأخ الكبير والقدير
الأصمعي
لله درك يالغاالي وصـــح لســـــــــــاان
مفتاح 14 وابو مقرن
الإثنين ذهب ومذهب ماشاء الله عليهم
ويستاهلون كل خير ومهما نقول لن
نفي ولو بالقليل القليل من حقهم علينا
والله ليس مجاملة هم الي منورين فلة حجاج
بأقلامهم وإبداعاتهم المميزة والحق يقال
يستاهلون يستاهلون يستاهلون ;)
لك خالص تحياااتي

[أبو مقرن]

الأصمعي(فيصل المتعب)..
صـــــــــــح لسانك..
و(أبو مقرن)..يتشرف بذكره في فريدة من فرائدك..
لك خالص الود والتقدير...
وهذا رد..ولو( ماهو هكالرد اللي يليق بمقام شرواك)..ولكن!!!
تســــــلم ولايسلم كثير اللجاجه *** اللي كما ورع.ن. مع السوق دلاّل
عرفه على قده..قليل.ن. خراجه *** اللي يســـمي هجعة الليل مقيال
المــــخ (أثّر به) كثــــــير إرتجاجه *** كم مرة.ن. يمشي بلا ثوب ونعال
دايم مع الريغــــــا كثير.ن عجاجه *** يمرس كما يمرس شرود.ن وجفّال
يـ(الأصمعي) قافي قليل.ن.نتاجه*** حتى البـــــداية جبتها مزح وهزال
يفـــــــداك من يجبن نهار المواجه*** اللي عن العلـــــــيا بعيد.ن. وزلاّل
يانور قلبي يافتــــــــــيلة سراجه *** ياشوق من لبست عباته مع الشال
ومثلك أساس العرف..لبّاس تاجه *** لامن حكى حـــروفه ثقيلات وجزال
شوفك شفا كبد العليـــل وعلاجه *** يابن الطنـــــــايا مطوعة كل عيـّال

وعساه تحوز ولو على نسبة ضئيلة من رضاك..
وترقى إلى مستوى ذائقتكم..
-----------------------------

[راعي الوقيد]

ماهم مصدقين!!!!!!

انهم يستاهلون!!!!!

وعلشان ما تنفجعون؟؟؟؟

لن ازيد على ما قال ابو غازي.....

يستاهلون!!! يستاهلن!!! يسناهلون؟؟؟ |118|


والهرج للجميع

[المشرف العام]

الاصمعي ..

لاهنت .. وابو مقرن ومفتاح 14 يستاهلون كل خير



تســــــلم ولايسلم كثير اللجاجه=اللي كما ورع.ن. مع السوق دلاّل
عرفه على قده..قليل.ن. خراجه=اللي يســـمي هجعة الليل مقيال
المــــخ (أثّر به) كثــــــير إرتجاجه = كم مرة.ن. يمشي بلا ثوب ونعال
دايم مع الريغــــــا كثير.ن عجاجه =يمرس كما يمرس شرود.ن وجفّال
يـ(الأصمعي) قافي قليل.ن.نتاجه= حتى البـــــداية جبتها مزح وهزال
يفـــــــداك من يجبن نهار المواجه= اللي عن العلـــــــيا بعيد.ن. وزلاّل
يانور قلبي يافتــــــــــيلة سراجه =ياشوق من لبست عباته مع الشال
ومثلك أساس العرف..لبّاس تاجه = لامن حكى حـــروفه ثقيلات وجزال
شوفك شفا كبد العليـــل وعلاجه = يابن الطنـــــــايا مطوعة كل عيـّال

[الاصمعي]

الاخ الكريم/هادي المنيس

صح بدنك ولا عليك زود

تحياتي

[الاصمعي]

الاخ العزيز/المخاوي

صح بدنك وبيض الله وجهك

مرورك اسعدني وانت وإياهم تستاهلون كل علمٍ غانم

تحياتي واحترامي

[الاصمعي]

الاخ العزيز / مفتاح14

صح بدنك وانت تستاهل على مواضيعك وردودك المميزه وقفشاتك الشيقه

حبي واحترامي

[الاصمعي]

ابو غازي/عميد المضايف

لا تخلو مشاركه جميله من بصمتك المميزه

لك الشكر على المرور

تحياتي

[الاصمعي]

الاخ العزيز/ابو مقرن

الا يرضيني وزود ;):رد مميز حوى قصيده جميله، فانت ما شاء الله عليك حاضر البديهه متمكن من القاف وتغرف من بحر، فلله درك مااروعك وما احسن منطقك.

اتمنى ان تواصل ابداعك الممتع، وان تكون دائماً على مايرام وبأحسن الاحوال.

تحياتي

[الاصمعي]

الاخ/راعي الوقيد

حياك الله وشكراًً للمرور

تحياتي

[الاصمعي]

الاخ الكريم/ المشرف العام

شكراً للمرور ،وكل جميل في هذا الموقع لك الفضل بعد الله بأطلاعنا عليه واستمتاعنا به.

فكما قال ابن الخليفه سلمان بن عبد الملك لابن الخليفه الاخر عمر بن عبدالعزيز عندما تحاجوا اي الخليفتين افضل ، قال انما ابوك (عمر بن عبد العزيز) حسنه من حسنات ابي (سلمان بن عبد الملك).

فكل جميل هنا هو من حسناتك.

وكما قال المبدع عبد العزيز: انت عمود العز وحنا لك اطناب:D:D:D;)

تحياتي واحترامي

[ريم شمر]

http://thelegend.jeeran.com/images/33.gif


http://www.mamarocks.com/BluRosetn.jpg

اولا احب ارحب واهلي بفارس المناقشات الساخنه

والعضو المميز في المضايف

الاصمعي :)

حللت اهلا ووطئت سهلا

نور مضيفي بحضورك ومشاركتك

واعتذر للتاخير بسب غيابي عن المضايف الفتره الماضيه

اخي الكريم

وضيفي الفاضل


لن تجد هنا الا الترحيب والاخوة والمحبه

كل من تطأ حروفه هذا المكان

فهو ضيف غالي واخ عزيز

وله وسط الدار ولنا اطرافه

ولاتعلم كم هي فرحتي ان ارى اسمك يزين مضيفي

فشكرا لقدومك الجميل

و مااجمل ماتحمل من اهداء راقي

كلمات رائعه في حق من يستحق

اخونا الفاضل ابو مقرن

http://www.mamarocks.com/BluRosetn.jpg

في النهايه

اخي الاصمعي

قلب الشمريه لايحمل الحقد
وعقلها لا يتوقف عند الصغائر
وضيفها معزز ومكرم


مثل الشمري تماما :)


وعلى المحبه والاخوة نلتقى


http://www.mamarocks.com/BluRosetn.jpg

اختك ريم

[الاصمعي]

الاخت الفاضله/ريم شمر
اشكرك جداً على هذا الترحيب والاطراء الجميل

كلك ذوق واخلاق اختي ريم شمر

ريم شمر انا مزحت بالكلام مع عبدالعزيز لأصل الى هذا الرد الجميل، ولا اعرفكم يالكويتيين حبوبين;)>>> والله امزح

تحياتي واحترامي

[ريم شمر]

شكلي بحط صوره شهادة الميلاد |118|



ريم شمر سلمها الله :o

سعوديه من عبده من شمر
من مواليد الرياض
غادر جدها الثاني حايل منذ زمن بعيد
واستقر في الرياض
ولاتعرف الكويت ولم ترها في حياتها ابدا :(
وان كانت تعتبر ان كل بلاد المسلمين وطنها





اخوي الاصمعي

حياك الله دائما وشكرا لتعاملك الراقي :)

واذا تبي تاريخ العائله كله من حايل الى الرياض ...مافيه مانع :p




ريموو