مشكلة في السكانر

[المهاة]

يالله أن تحييهم كلن باسمه ..

شكلونكم عساكم طيبين .. و بعد وشلونكم ..:p

شوفوا الله يحييكم .. جهازي اكس بي .. جبت سكانر BenQ S2W 3300U

اعرف ميزة الاكس بي يتوافق مع اغلب البرامج .. و مع هذا كلمت صاحب المحل و حددت له نوع جهازي و طلبي ..

شبكت السكانر و دخلت سيدي التعريف و عملت اسكان .. بس مو قابل يشتغل .. حذفته و رجعت عملته من جديد نفس المشكلة ..

بعدها تطلع لي نافذة انه مايكروسوفت تنصحك بعدم الاكمال لانك بتفقد البرنامج او بعض منه .. و مع هذا كملت و تطلع لي نافذة تقول استحالة تشغيل الجهاز ..:confused:

كل هذا مو مشكلة المشكلة الان بحذفه مو قابل .. رحت ازالة البرامج و لما احاول احذفه يقولي فشل ذريع ..:(

جبت مهندس قال لازم تغيرين السكانر .. او احذفي الويندوز كله و حمليه من جديد |513|

قلت اصبر اشاور اخواني .. شقلتم الله يطول بعماركم .. أحذفه و الا اكسره على راسه ..:mad:


أخوي ابن جشعم .. هذي المشكلة الجديدة .;)

[ابن جشعم]

ياهلا وغلا بالمهاة

سؤال إذا ممكن:,,,

هل الإسكنر يعمل على وندوز XP

تأكدي وردي على :)

[المهاة]

حياك اخوي ابن جشعم ..

المفروض انه يشتغل على الاكس بي وعلى ذمته |513|

[ابن جشعم]

الأسكنر اللي عندك لا تتوافق مع اصدارات الويندوز XP وعلى ذمّتي:cool:

تأكدي من الكاتلوج أو الكرتون إذا هو جديد ..

اذا من حراج بن قاسم اكيد مايجي معه شي من اللي قلت |118|

[المهاة]

حتى انا شكيت انه من الحراج ..|512|

بس استغربت ان الحراج تطورو .. جاي معه السيدي و الكاتلوج و الكيبل و الفاتورة ..:confused:

الحين مابيه بس ابي احذفه ..:mad:

[المهاة]

بعدين متوافق كاتلوجه يقوله و موقعه على النت يقوله ..

بس شكل ذا العلوج يعرفون يكذبون على مستوى ..:D

[عاشق سلمى]

الوصله التي توضع بالجهاز ،،

هل هي وصله USB

او غير .. بارالل ويمكن فيه سكانارات لها حركات نص كم |118|

اعملي هالشّغله :

سطح المكتب

الضغط بزر ا لفاره اليمين على ايقونه جهاز الكمبوتر ، ثم خصائص .

الصفحه التي سوف تظهر اختاري الصفحه الثالثه hardware > الاجهزه

ثم اختاري إدارة الاجهزه ..

تطلع لك الاجهزة الموجوده في الجهار ، بالضغط على علامة الزائد تظهر محتويات كل قسم

Ports (COM & LPT)

Universal Serial Bus controllers

حاولي بهذه الاقسام ، إذا لقيتيه اختاري ازاله ( بالضغط على زر الفاره اليمين )


ثم اعيدي التشغيل ..

.

همسه :

إذا كانت هناك علامه استفهام صفراء ، فمعناها هو الجهاز المطلوب قومي بإزالته ، ثم اعيدي التشغيل

وبعد يطلب ، منك تعريف من جديد ..

.

.

إذا لم يتعرّف عليه اثناء إعادة التشغيل ( طبعا يكون مشبوك بالجهاز وشغال ) ، عليك تمكين وصلات usb من البايوس ،

كيف ؟

عند اعادة التشغيل واثناء كون الجهاز على محث الدوس ، شوفي رساله الدخول على البايوس غالبا بالضغط على del

ثم تاتيك صفحه البايوس ، ابحثي عن تمكين البايوس

تحياتي

[عبدالعزيز]

^
بحق ان جابته صح:rolleyes:

[ابن جشعم]

مالقيت اسم للإسكنر حقّك يالمهاة علشان اجيب الدرايفر حقوه..

http://www.windowsxp-drivers.com

[المهاة]

عاشق الله يسعدك ..بجرب طريقتك و ارد لك الله يجزاك خير ..

--------


عبدالعزيز عند كلمتك ..؟؟؟؟:confused:

كلامك ذا بحد ذاته بحق:rolleyes:

ترا ماراح اتنازل عن الحق ان جبته .. ;)


-----------

اخوي ابن جشعم .. بجرب طريقة عاشق و ارد اعلمك وش صار معي .

تسلمون و ماقصرتوا

[خليجي]

هاه

بشري وش صار

شكلك صكيتيه بعين:D

[ابن جشعم]

يالمهاة

ابشرك حصلت الدرايفر حق الإسكنر حقك بشق الأنفس :(

حملي الدرايفر من هنا (http://www.benq.ca/english/ss_download/drivers/imaging/mirascan_v403u10b.exe)

بعد التحميل فكي الضغط وبعد ذلك ابحثي عن ملف SETUP.EXE

تأكدي من ان الإسكنر اسلاكه واصله والكهرب مشبوك وإضغطي

على SETUP.EXE وأكملي باقي الإجراءات وراح يشتغل بعون الله...

و وافينا بالأخبار:)

[المهاة]

عاشق ربي يعطيك الف عافية ..

بس طريقتك مانفعت ..:o
لانه مافيه حذف من الخيارات فيه الغاء التثبيت و البرنامج باقي:(

مشكور الله يجزاك الجنة و والديك ماقصرت اخوي الف شكر ..

[المهاة]

خليجي هنااااااااا

منور مضيف الكمبيوتر .:)

حسبي الله على شيطانك الظاهر هذا سكانرك اللي بعته بالحراج طاح في كبدي ..|513|

خلاص ياخي مانبي بطاقتك بس خذه .:mad:

[المهاة]

اخوي ابن جشعم ..|116|

الف شكر تعبتك معي ..:o:o

يعطيك ربي الف عافية ..

جهازي الان تمام ماقصرت بارك الله فيك .:)

-------

تراني وكلتك تاخذ الحق من عبدالعزيز و اللي تطلع فيه منه حلال عليك ;)

عبدالعزيز استعد ..|112|

[الشمري محمد فهد]

وش مميزات هالسكانر يالمهاة BenQ S2W 3300U .. ؟؟

و بكم شريتيه :confused:

لايكون غالي بس :(


<< --- ناوي يقلدكْ و يشري واحد زيه إن مدحتيه له

[المهاة]

حيا الله القلب ..

بشر عن اختباراتك .. ترا كل اخواني لازم نتايجهم كلها تكون A ;)


ما أنصحك تشتري ذا المصيبة اخوي ..

مافيه ميزات و كل اللي شريته عشانه انه خاص بالاكس بي.. :confused:

مدري بكم شريته بالضبط لاني لما ارسلت السواق طلبت معه اغراض واجد

يمكن بـ 230