المساعد الشخصي الرقمي

مشاهدة النسخة كاملة : من يعرف قصايد الشاعر منصور بن سعدي الرمالي ( رحمه الله )



العذب
22-09-2001, 15:15
إخوتي الكرام ..

أريد قصائد الشاعر منصور رحمه الله ..

فمن يدلني عليها .... وله الشكر


وعلى المحبة ,,,,

[رمح الشمال]
24-09-2001, 03:42
العذب
الشاعر الذي ذكرت له ديوان بسيط
وسوف نحاول نشر بعض قصائده مستقبل وهذه دعوه منك
لجميع من يستطيع نشر قصائد المذكور رحمه الله

نجم الشمال
27-09-2001, 02:37
يوجد لدي ديوان شبه كامل للشاعر اذا اردته ابعث لي رساله
وكما يقول منصور سعدي
امر مر مر في دنيتي لي
............ وامر مر مر لي في حياتي
لياجاني العاني وانا مامعي شي
............... ودي قبل ياتيني تاتي وفاتي

مشاري الشمري
27-09-2001, 03:10
اسعد الله اوقاتكم بكل خير

تكمله لما قاله نجم الشمال

امـر مـر مـر فـي دنـيتي لـي@وامر مر مر لي في حياتي
لياجاني العاني ونا مامعي شي@ودي تجيني قبل ياتي وفاتي
ان اعتذرته ظـن ظـن الردا في@ونا الرداماهو صفه من صفاتي
افـرح وهـليبه ونا منكوي كـي@من خوفي التقصير في واجباتي
من لاشتهر بالجود صيته وهو حي@ماطالع له صيت عقب المماتي


والله يانجم الشمال ان الي يعرفونه من الشباب الي من جيله الله يرحمه يقولون ان القصيده تحل الشي الكثير من طباعه ولا اخفيكم علما ان الرمال حقيقه ان عنيت لأحد منهم حققت ماعنيت من اجله ولاهي كثيره منهم اجـواد.

ابو خالد الجربا
27-09-2001, 11:38
فيه ديوان كبير له ؛ لعّلي اجده عندي من صديقه اللى كان معه



بس هذي يا العذب


انت تامر وانا اخوك

الخبرالشمالي
01-10-2001, 20:33
ياجماعة منصور ساكن بقلوب شمر كلهم وترى منصور عينة من شمر وفيه ناس كثير يحملون شعور منصور تجاه شمر ..... وإذا حصلتوا على قصائد منصور لا تنســــــــوني على طول أرسلوها لي على البريد .

المشرف العام
01-10-2001, 21:04
سسسسسسسسسسسسسسلام

كل واحد يقول أرسلوها لي .. أرسلوها لي ..؟؟؟؟؟؟؟؟؟؟

ولا واحد منكم قال ... شارك فيها في مشاركات الأعضاء في شبكة شمر

أفا .. أفا .. ما هي الهقوه ...http://shammar.org/vb/images/icons/icon8.gif

.


مشاركات الأعضاء ... على ها الوصله http://shammar.org/member.html

.

عشان ما نحرم منها أحد ...خلّوها للجميع ...

العذب
08-10-2001, 14:56
مـــــــــــــــشـــــــــــرفــــــنـــ ــــــا
الــــــــــــــعـــــــــــزيــــــــــ ـز .....



بصراحة ما فهمت قصدك ... لأنك كتبت كلام غامض ؟؟!!!

( ولا واحد منكم قال ... شارك فيها في مشاركات الأعضاء في شبكة شمر

أفا .. أفا .. ما هي الهقوه ... )




وعلى المحبة ,,,,

العذب
08-10-2001, 15:00
طلال الشمري


لك مني الشكر المطلق ...


وما قصرت .. وكثر خيرك ..



وعلى المحبة ,,,

ابو يزيد
16-10-2001, 00:04
لسؤالك ياأخي العذب عن قصائد منصور سعدي هذه أحد قصائده
وأتوقع انها ستنال أعجابك تنال أعجابك
الناس ربي من تراب خلقها ****وانت الذي من جوهر الناس مخلوق
والناس ساواها الولي مافرقها ****بس انت عن كل البشر صاير فوق
انت البحر فيك البواخر غرقها ****وانت السحاب اللي به أمطار وبروق
وانت الجحيم اللي حياتي حرقها ****وانب النعيم اللي يشدن له الشوق
الطف بروحي لاتسبب زهقها****والطف بقلب من عنا الود محروق
وأسق الورود اللي تساقط ورقا ****وإلحق على جسم غدى جلد وحروق

العذب
16-10-2001, 00:09
ابو يزيد ...


تسلم ويعطيك العافية ,,,,





وعلى المحبة ,,,,,

سيــ شمــر ــف
13-01-2009, 11:29
امر مرٍ مر






أمر مراً مـر :: فـي دنيتـي لـي


وأمر مرٍ:: مـر لـي فـي حياتـي



لاجاني العانـي وانـا مامعـي شـي


ودي تجينـي 00قبـل ياتـي وفاتـي



ان اعتذرته ضن 00ضن الرداء بـي


وانا الرداء ماهو: صفة من صفاتـي



أضحك واهليبة وانـا منكـوي كـي


من خوفي التقصيـر فـي واجباتـي



ومن لا أشتهر بالطيب صيته وهو حي


ماطالع له : صيـت عقـب المماتـي





تصيح من وضعك






وافق معي وارفق بشخصاً لكم طاع


وأللطف بذاتٍ ينتظـر لطـف ذاتـك



الحق غريقاً في بحـر حبكـم طـاع


وانقذ حياة : اللـب تعمـه حياتـك



تصيح من وضعك وانا اعيش بوضاع


اخفهـن لـو جـاك سبـب وفاتـك



عطني شقى عمرك وهمك والاوجاع


خوذ السعـادة واعطنـي مشكلاتـك



واحرق بقلبي واترك القلـب يلتـاع


لا تترك الهاجوس يحـرق شفاتـك



الله خلق :: وبك خلق سر الابـداع


ملاك ماحد به صفـة مـن صفاتـك



يأعز وأغلى خلق ربي على القـاع


وشلون انا اسهر منك وانت بمباتـك



انا وفي يوم الوفاء يالوفـي ضـاع


وخلك وفي واعطيك كـل امنياتـك



اموت منك ولك ترى القلـب مابـاع


وابعث بعد موتـي معـي ذكرياتـك






أنت القمر






أنت القمر والشمس والارض والكون


وانت السماء وانت النجوم الرفيعـة



وانت الذهب والماس غالي ومكنـون


يادرةٍخـسـران منـهـو يبـيـعـة



وانت الجمال اللي به القلب مفتـون


وانت الحـلا يانـور كـل الطبيعـة



وانت الامل في كـل دنيـاي يانـون


بعدك شقى قلبـي وقربـك ربيعـة



عندي فلا مثلك مع النـاس مزيـون


ياكوكبـاً غطـى الكواكـب لميعـة


مانساك لا مانساك وابليـس ملعـون


ارجع علي فرقـاك انـا ماستطيعـة



ماجفاك لو تجفاء ولو خنت ماخـون


وادور وصلك لـو تـدور القطيعـة





وحملو سلمى






هم ياللي في خفاء خافقـي طلـت


ارحل ترى منصور قـرب رحيلـه



يامهم جانـي ماكفانـي وحصلـت


جسمي قضاء واعضام جسمي نحيلة



ياهم انا اخفيتك بصدري ولا زلـت


اخفيك خوف اهل النفوس العليلـة



اخاف قول اللي يقولون لـو قلـت


اللي سوالفهـم عـراض وطويلـه



ولوحملو سلمـى مثـل ماتحملـت


صاحت لاجاء من جور حملاً تشيله



ولو ان سنجار الجبل شال ماشلـت


مبطي شكاء ضيم الحمـول الثقيلـه



أصبر ولو شفت الزمن مال ماملت


واقول يمكن يعتـدل عقـب ميلـة






حمام ياللي







حمـام ياللـي بيـح السـد نوحـه


علمتني حسبـي عليـك الله النـوح



انوح من قلب(ن) لحونه جروحـه


القلب جرح وجسم راعية مجـروح



سهران لين الشمس يكمل وضوحه


وانام ليل ولا اقدر امشي ولا أروح



مجروح روح(ن) والعزاء بان بوحه


وأخاف سدي من العناء يعلن البوح



وكل يموت ليا طلعت منه روحـه


بس البلا من مات جسمه وبه روح



يتعب ويشقـى ماتحقـق طموحـه


ولا له بهالدنيا ولو عاش مصلـوح





قصتي قصة






قصتي قصى بدايتهـا العـذاب


واخرتها الموت في دنيا عنـاي



الشقاء لي بيت والحرمان بـاب


والخيال فراش واحزاني غطاي



اصبح الدخان لي زاد وشـراب


والسهربالليـل والونـه جـداي



حاضري لاشي والماضي سراب


وكل من ناديت مايسمـع نـداي



ذى شبابي من عناي الراس شاب


والله اعلم كيف انا اعيش بصباي


يانجم







يانجم يااللي غبت من غبت مـا بنـت


وشحـال بيـن ايـام مجـدك وبينـك



الشمس تطلع وأسأل الصبح وين انـت
وتغيب شمسي وأسـأل الليـل وينـك



وين انت انا منهـان منهـان لاهنـت
منهان من شخـص عجـز لايهينـك



ارجـع متـى ترجـع انـا انهـنـت
وسجنت واللي سجني كان قبلي سجينك



ارجع ورجع مجد ماضي كمـا كنـت
ورجع مـن المديـون للنـاس دينـك



ياقاسي فـي وجـه الأضـداد مالنـت
ومن صاحبك ينعـم بعطفـك ولينـك



حتى على خصمك من احسانك احسنت
وياماعطت مـن كـل غالـي يمينـك



بالسيف فب شبه الجزيـره تسلطنـت
اخضعـت اهلهـا وملكنـه يديـنـك



مثلـك ولـد والله فلاجابتـه بـنـت
لاشـك عيـن يمهلـنـك سنيـنـك



اقولها وين انـت وان ادل ويـن انـت
لاشك مـن زود القهـر قلـت وينـك



ويا قصر ياللي بدلوا طينـك اسمنـت
احذر تخون وتنكـر اصحـاب طينـك



الله يخونك كـان لأهـل الوفـا خنـت
واوفيـت للـي بالخـفـا خاينيـنـك



ياقصر لاتسكن وان انضمت وسكنـت
اخفس قهر واخفس معـك ساكنينـك



ياقصر مهمـا زينـو فيـك مازنـت
زينك رحل وان عادلـك عـاد زينـك



( يانوف )






ياللي جرحت القلب بيدك وأنا أشـوف


حـرام قلبـك ليـه مابـه مـرافـه




ارحم جريحـن طـاح وبحالتـه روف


اللـي حياتـه لجـل فرقـاك عافـه




تركتنـي في ظلمـة الخـــوف مكسـوف


وألبستنـي ثـوب الشقـى والكسافـه




يابو جديلن فـوق الأمتـان منسـوف


تلحق على رووس الشطايـا ضفافـه




وعيون سـود وخـد ونهـود وردوف


واذا ابتسـم تجـذب عيونـي رهافـه




وجسمن حسين الطول والخصر منحوف


عليـه مـن تفصيـخ ثوبـه كلافـه




أدعج غنج بالملح والزيـن موصـوف


من ينهبـه يملـك عـذرن لختطافـه




واوجد حالي وجد من جيـب مكتـوف


وحطوه فـي سجنـه وشـدو كتافـه




مطلوب دم وبلحظة الجـرم مشيـوف


وأخو القتيل اللـي لـه الثـار شافـه




ومن جيب للتحقيـق بـادوه بكفـوف


وسجل في تقرير السجـون اعترافـه




عليك ياللي لجلـك الدمـع مـذروف


دمعـي علـى فرقـاك زاد انـذرافـه




يانوف بسمك صرت ألبي وأنا أطـوف


وكلـن يلبـي للولـي فـي طـوافـه




هم يرتجون الله وأنا أرجيـك يانـوف
أرجيـك أنـا رغـم ابتعـاد المسافـه



وان مارجعتي لي فنا أمـوت يانـوف
ولا علـى دنيـاي بعـدك حسـافـه