خلـيف الجهيلي
07-10-2003, 16:27
(( أحباط .. باأحباط ))
جبت القلم والبوك ومزّرف الخط ""="" أنا النديب اللي للاشعار خطاط
شاعر على جزل القوافي تسلط ""=" قافين وازنها على إط .. وعلى آط
من عيلمٍ يزمي مثل زامي الشط ""="" هداج تيما مانقص شوطه .. أشواط
قال الجهيلي يوم خط القلم .. خط ""="" أمثال رافعها من الهزل .. وأهباط
سقت الجزايل كنها شلف .. تشعط ""="" اسوقها كاشٍ .. ولا اسوقها اقساط
اسند بها واشكي على الذيب الامعط ""="" فرحان ابو مقبل بعد كل .. خراط
يفدى عضيدي كل واطي .. ومنّحط ""="" شوق الذي تمشط جديله بالامشاط
يشبه لحرٍ طالع الجول .. الارقط ""="" منه الحباري لا كفخ تسبط .. اسباط
اقولها ماهي سوالف .. أمهايط ""="" ايوالله أحجام المجانين .. وأسعاط
مثل النخل طيبه أعذوقه تساقط ""="" الطيب لو أنه مثل طلعة .. الغاط
يطلع ولد مقبل بلا قيدٍ .. او شرط ""="" رجلٍ كريم ولا بها شك .. واغلاط
لاطّق بابه كلمته دايم .. أقلط ""="" له مجلسٍ مدهل نشاما .. ومقلاط
أزرق بخور العود ماجاب له .. خلط ""="" يفدي بمالٍ ماتمثناه .. مغاط
دايم على كسب النواميس .. مشتط ""="" وأنا بعد مثله على الطيب .. محتاط
فرحان عفت العسكريه .. ومحبّط ""="" دنياك هذي كلها أحباط .. با أحباط
راحت حياتي بين جندي .. وضابط ""="" ماعاد أميز شهر مايو .. من أشباط
يوم أستلام .. ويوم ثاني أمرابط ""="" ثابت .. وراحه قّدم قايد .. وضباط
وسط الحساء كني سجينٍ .. أمربط ""="" أقولها بالحرف واضح .. بالانقاط
يابو حمد .. جو الحساء .. يرفع الضغط ""="" جعل الحساء يامسندي للعود .. شخاط
قدم أجازه وانتبه لاتورط ""="" لو ترسل الجاهات تقبل .. بالاوساط
قالوا يابو مقبل .. فراشك مربط ""="" وانا بعد مثلك ربطناه .. برباط
يامسندي شد الرحال .. وتشرط ""="" مادام حنا بأول العمر .. وأنشاط
يا أما على الصمان .. ولا نحّوط ""="" أقولها ماهي خرابيط .. وأخراط
نبي الحباري .. والقطاء .. مانبي بط ""="" نبي الصحاري مانبي .. ساحل الشاط
من فوق جيبٍ للمطاريش .. ضبّط ""="" مابه سوى عزبّة معاميل .. وابساط
فكس آر ماهمه مطاليع .. وأهبط ""="" جيبٍ يهقوي للجراهيد .. شعاط
أنا هواي أفياض عشبه .. تخالط ""="" سقنا المطايا مابها عفش .. واشناط
معنا عيالٍ قرطو شمغهم .. قرط ""="" كله مطانيخٍ ولا فيهم .. أسقاط
ناسٍ على ذبح الذبايح .. تشابط ""="" وناسٍ تحوف النار من غير .. ملقاط
وناسٍ قنيصٍ للزبيدي .. تلقط ""="" وناسٍ على صب البغاديد .. قلاط
كلٍ على راحة خويه يخطط ""="" ناسٍ على النوماس .. والطيب .. تحتاط
هذا هوا بالي .. وشفي .. ومبسط ""="" أنشهد أنه غايتي ماهي .. أعباط
وختامها يالقرم .. يالذيب الامعط ""="" صلوا على محمد عدد كثر الانواط
شعر /
خليف الجهيلي
جبت القلم والبوك ومزّرف الخط ""="" أنا النديب اللي للاشعار خطاط
شاعر على جزل القوافي تسلط ""=" قافين وازنها على إط .. وعلى آط
من عيلمٍ يزمي مثل زامي الشط ""="" هداج تيما مانقص شوطه .. أشواط
قال الجهيلي يوم خط القلم .. خط ""="" أمثال رافعها من الهزل .. وأهباط
سقت الجزايل كنها شلف .. تشعط ""="" اسوقها كاشٍ .. ولا اسوقها اقساط
اسند بها واشكي على الذيب الامعط ""="" فرحان ابو مقبل بعد كل .. خراط
يفدى عضيدي كل واطي .. ومنّحط ""="" شوق الذي تمشط جديله بالامشاط
يشبه لحرٍ طالع الجول .. الارقط ""="" منه الحباري لا كفخ تسبط .. اسباط
اقولها ماهي سوالف .. أمهايط ""="" ايوالله أحجام المجانين .. وأسعاط
مثل النخل طيبه أعذوقه تساقط ""="" الطيب لو أنه مثل طلعة .. الغاط
يطلع ولد مقبل بلا قيدٍ .. او شرط ""="" رجلٍ كريم ولا بها شك .. واغلاط
لاطّق بابه كلمته دايم .. أقلط ""="" له مجلسٍ مدهل نشاما .. ومقلاط
أزرق بخور العود ماجاب له .. خلط ""="" يفدي بمالٍ ماتمثناه .. مغاط
دايم على كسب النواميس .. مشتط ""="" وأنا بعد مثله على الطيب .. محتاط
فرحان عفت العسكريه .. ومحبّط ""="" دنياك هذي كلها أحباط .. با أحباط
راحت حياتي بين جندي .. وضابط ""="" ماعاد أميز شهر مايو .. من أشباط
يوم أستلام .. ويوم ثاني أمرابط ""="" ثابت .. وراحه قّدم قايد .. وضباط
وسط الحساء كني سجينٍ .. أمربط ""="" أقولها بالحرف واضح .. بالانقاط
يابو حمد .. جو الحساء .. يرفع الضغط ""="" جعل الحساء يامسندي للعود .. شخاط
قدم أجازه وانتبه لاتورط ""="" لو ترسل الجاهات تقبل .. بالاوساط
قالوا يابو مقبل .. فراشك مربط ""="" وانا بعد مثلك ربطناه .. برباط
يامسندي شد الرحال .. وتشرط ""="" مادام حنا بأول العمر .. وأنشاط
يا أما على الصمان .. ولا نحّوط ""="" أقولها ماهي خرابيط .. وأخراط
نبي الحباري .. والقطاء .. مانبي بط ""="" نبي الصحاري مانبي .. ساحل الشاط
من فوق جيبٍ للمطاريش .. ضبّط ""="" مابه سوى عزبّة معاميل .. وابساط
فكس آر ماهمه مطاليع .. وأهبط ""="" جيبٍ يهقوي للجراهيد .. شعاط
أنا هواي أفياض عشبه .. تخالط ""="" سقنا المطايا مابها عفش .. واشناط
معنا عيالٍ قرطو شمغهم .. قرط ""="" كله مطانيخٍ ولا فيهم .. أسقاط
ناسٍ على ذبح الذبايح .. تشابط ""="" وناسٍ تحوف النار من غير .. ملقاط
وناسٍ قنيصٍ للزبيدي .. تلقط ""="" وناسٍ على صب البغاديد .. قلاط
كلٍ على راحة خويه يخطط ""="" ناسٍ على النوماس .. والطيب .. تحتاط
هذا هوا بالي .. وشفي .. ومبسط ""="" أنشهد أنه غايتي ماهي .. أعباط
وختامها يالقرم .. يالذيب الامعط ""="" صلوا على محمد عدد كثر الانواط
شعر /
خليف الجهيلي