نهّاااش
01-09-2003, 00:52
نهاااش وأصحاب المعالي.. ؟؟
.
في إحدى ظهريات ا لصيف الحارّه ، وبعد وجبه غداء دسمه من يد أم نهاااش ذات التخصص الفريد بالمطبخ . معيّنه على بند 107 المستوى الخامس بالشئون المطبخيه .. تم ختم تلك الوجبه بصحن ( دبشي ، حبحب ، جح .. الخ ) . وبسبب مقاطعتي لمنتجات غاز الفريون آويتُ إلى منتجع شرم الشيخ السياحي وكان عبارة عن غرفه بالفروننت يارد ( حوش المنزل ) وبها مكيف صحراوي نسيمه عليل وخصوصا لمن ببطنه دبشيّه وقت الظهريه ..
توسّدت يدي بعد ان تخلصت من الشماغ والعقال .. ولحظااااات وأنا في عالم ثاني . وأثناء دخولي ذلك العالم فسيح الارجاء ، فجأه وأسمع جرس الباب يدق وصوت ولدي يلعلِع بأرجاء الحوش ، يردد " يالله حيّه ، اشرقت وانورت طال عمرك " ، قلت يالله عساه خير وش هالترحيب اللي طالعن بهاره ..:) ، المهم .. تماكنت روحي والف حوستي وما امداني إلاّ وباب المنتج انفتح ، والله يوم طاحت عيني على البليّه اللي داخل مالمت ولدي مهراس . إلاّ بعد قلت مقصّر بالبهارات ، ويوم بعد قرّب تبسم أممممممـ وش هالمبسم السنون تِقِلْ اللي نشوفهن بدعايه سجنال2 والوجه حمر عطر والغتره دعايه تايد .. المهم ، إِعْجِسَتْ عيوني ترمش وصار ولدي ابرك مني .. وهو يعرّف هالبليّه بي ويقول يايبه هذا معالي مدير شركه الاتصالات ، قلت بكبروه قال مهراس ايه يبه بشحمه ولحمه .
والله وأنا افزّ من غير شهور وإحنّ لي حنّه حنين سبور أبي أزمُّه واحطوه بصدر المجلس ( من القرامه)، بس الطّفِقَه ما تخلّي راعياه !! وهو تتعثّر قمزتي له بأول مخدّه وإليا حنوكي مطابقه لحنوكه .. والله وكيلكم احس انّي مشمّع بلي برج جوال .. إهِب !!
قال ياوَلدي إيش بَك كذا ؟ إركد ربنا يصلحك ، قلت يابيه أرجوا السموحه عثرة رجلي غصب . قال يابويا عثرت هادي في كل مكان بس ولا يهمّك .. عندي مناعه والحمد لله .. إنا عن نفسي سامحتك ، خلّيني احتسبها أنّها دعوه مواطن وصابتني في الدنيا .. يالله روح الله يسامحك ، وهو يجلس !!
وما أمداه يتورّض .. إلا وصوت ولدي مهراس بعد يِلَعْلِعْ من جديد وترحيب(ن) مثل اللي قبل مشوين وأكثر ؟ . والله وانا ازمل وش السواة هالحين بلشان بالبليّه هاللي تارس(ن) صدر المجلس ، بعد وش هالخيّال الجديد ، يوم اقبل ودخل ؟ ما يحتاج مثل اللي متمركي عندي بس بياضه اكثر ويجهر العين ؟ والله ويقوم باللازم مهراس ويقول يايبه هذا معالي وزير الكهرباء !!
وابي ريقي ابلعه !! عجِسْت وبشحاحه عمري أبي أقول نورك طفّا الكهرباء ، بس ما امداني ابي اخمّه من زود الترحيب وأتاري القلوب شواهد هو بعد يبي يخمّن وصارت منادف بالصدر ، ياهو عليه صدر :( وينقطع إنسِمي وتِقِل ماحطن بـ 1000وات (يادفع البلا) ايه فولت معالي
علمي بروحي من يوم كِفَخ صدري وأنا بغيبوبه وما انتبت لعمري إلاّ وأنا متكوّم بربعة المنتجع !! وارفع نظري ادوّر صاحب المعالي إلى هو متوسّدن ركبت اللي جالسن على المركى وكلّن ينوح من جهه .. قلت بشحاحه عمري :
ليا من كبرت هانت
ليا من كبرت هانت
ليا من كبرت هانت
ويجي صوت المسبوع ولدي مهراس يهلّي ويرحب مثل اللي قبلوه وأكثر .. والله وانا اتمركى بالمحماسه وأقوم على إركُبي وفتّح عيوني زين بس ماش ؟ الشوف مسرّب ما اقطع على الزّول ( ما إن لام – بطاريه انرجايز من وراي ماهو 1000وات) المهم ماادري وش قال لي مهراس هو معالي او شيخ او .. .. ما اذكر بس له معه بلايات وراه يترابت عليّ يحكي(ن) الله ابخص بوه .. بس شكله لاحقه زعل :eek:
يوم قرّب وش هالشّيفه .. اليدين ونش بوكلين والعرض تيدر تريله شعير والجفشُرْ باص سابتكو ؟
واستطرد شريط ذكرياتي .. وين شايف هالشّيفه ياربّي ..وين ؟ وين ؟ ايه الظاهر هذا شيخ المعارض واللي يترابت عليّ تقل انّه الافعاني اللي اشتريت منه الهايلوكس الغمارتين شدّ عقرب ، وابي اقوم بس ماش ركبي عيّن يشيلنّي ، وهو يزخّن ابو فغن زخّه البين وأبو ذنبين !! وانزّل راسي ابي القاع ولاّ اشوف رجليني تقل رجلين سِمقْ يلعبن بالهوى :eek:
والله وانا أخزّه بشحاحه عمري ، يقولون انطح الصياح بصياح تسلم ، وانا اقوله هيّن إليا كبرت باي ساب صديق هانت ، وهو يقرّب خشّتوه من فرّتي وهو يترابت مافهمت إلا كانّه يقول شيك ورصيد وسياره ..؟ عاد تبون الصّدق ماهمّن صياحه وشيفتوه ، بس ناقلن همّ ريحه البصل والثوم الي من بلاعيمه ..كِرْه بلاعيم .
المهم .. علمي بروحي يوم ضربن بالغازات المحرّمه دوليا !!
ويغشى عليّ .. واتنبّه لصوت عمّي يروح ويجي وتقل يتهايق عليّ من لوه قِليب(بئر) يقول نهااااش ..نهااااش .ز رديت والسعاده تغمر محيّاي ياهلا بهالصّوت .. نعم .. قال : نعامة تنقر خشّتك .. أفا عمّي .. قال: عمت عينك ؟ عمّي انا نهاااش قال : نهشتك ديابه التيسيّه .. وهو يعطيني من هاللسان اللي يلوط أذانوه . يوم تبيّن لي إلا وهو شايل العوكيّه يبي يلخّن به :confused: وأنا افزّ من نومي .
وتريني لحالي .. اسبح بالعرق ، ومامن مكيّف . قلت ياحلم الهول اطلع من الـ.... ، واللهم اجعله خير .وش هالحلم الأقشر .
وألتفت يم شماغي إلا وعليه أوراق ماكانن فيه .. وارفع الاوله إلا وهي إشعار فصل الهاتف نهائي :mad: ، وارفع الثانيه إلا وهي اشعار فصل التيار الكهربائي نهائي ، وإرفع الثالثه إلا وهي إشعار حضور للحقوق المدنيه بدعوى شيك بدون رصيد للأفغاني :mad: قلت عاد الرابعه خلّها تولّي يكفي اللي جاء ، بس الشفايه ما تخلّي أهلها وارفع الرابعه إلا وهي من مهراس يقول ان عمّه اخذ امّه والعيال وراحوا لبيته ويقول جدّه قل لبوك ان ماعندنا له زوجه ..
.
.
عاد بالله عليكم .. هذا وأنا نايم في منتجع شرم الشيخ ؟ وصار اللي صار ، المشكله لو انّي نايم بأحد شعبان حائل .. وش كان صار ؟
.
في إحدى ظهريات ا لصيف الحارّه ، وبعد وجبه غداء دسمه من يد أم نهاااش ذات التخصص الفريد بالمطبخ . معيّنه على بند 107 المستوى الخامس بالشئون المطبخيه .. تم ختم تلك الوجبه بصحن ( دبشي ، حبحب ، جح .. الخ ) . وبسبب مقاطعتي لمنتجات غاز الفريون آويتُ إلى منتجع شرم الشيخ السياحي وكان عبارة عن غرفه بالفروننت يارد ( حوش المنزل ) وبها مكيف صحراوي نسيمه عليل وخصوصا لمن ببطنه دبشيّه وقت الظهريه ..
توسّدت يدي بعد ان تخلصت من الشماغ والعقال .. ولحظااااات وأنا في عالم ثاني . وأثناء دخولي ذلك العالم فسيح الارجاء ، فجأه وأسمع جرس الباب يدق وصوت ولدي يلعلِع بأرجاء الحوش ، يردد " يالله حيّه ، اشرقت وانورت طال عمرك " ، قلت يالله عساه خير وش هالترحيب اللي طالعن بهاره ..:) ، المهم .. تماكنت روحي والف حوستي وما امداني إلاّ وباب المنتج انفتح ، والله يوم طاحت عيني على البليّه اللي داخل مالمت ولدي مهراس . إلاّ بعد قلت مقصّر بالبهارات ، ويوم بعد قرّب تبسم أممممممـ وش هالمبسم السنون تِقِلْ اللي نشوفهن بدعايه سجنال2 والوجه حمر عطر والغتره دعايه تايد .. المهم ، إِعْجِسَتْ عيوني ترمش وصار ولدي ابرك مني .. وهو يعرّف هالبليّه بي ويقول يايبه هذا معالي مدير شركه الاتصالات ، قلت بكبروه قال مهراس ايه يبه بشحمه ولحمه .
والله وأنا افزّ من غير شهور وإحنّ لي حنّه حنين سبور أبي أزمُّه واحطوه بصدر المجلس ( من القرامه)، بس الطّفِقَه ما تخلّي راعياه !! وهو تتعثّر قمزتي له بأول مخدّه وإليا حنوكي مطابقه لحنوكه .. والله وكيلكم احس انّي مشمّع بلي برج جوال .. إهِب !!
قال ياوَلدي إيش بَك كذا ؟ إركد ربنا يصلحك ، قلت يابيه أرجوا السموحه عثرة رجلي غصب . قال يابويا عثرت هادي في كل مكان بس ولا يهمّك .. عندي مناعه والحمد لله .. إنا عن نفسي سامحتك ، خلّيني احتسبها أنّها دعوه مواطن وصابتني في الدنيا .. يالله روح الله يسامحك ، وهو يجلس !!
وما أمداه يتورّض .. إلا وصوت ولدي مهراس بعد يِلَعْلِعْ من جديد وترحيب(ن) مثل اللي قبل مشوين وأكثر ؟ . والله وانا ازمل وش السواة هالحين بلشان بالبليّه هاللي تارس(ن) صدر المجلس ، بعد وش هالخيّال الجديد ، يوم اقبل ودخل ؟ ما يحتاج مثل اللي متمركي عندي بس بياضه اكثر ويجهر العين ؟ والله ويقوم باللازم مهراس ويقول يايبه هذا معالي وزير الكهرباء !!
وابي ريقي ابلعه !! عجِسْت وبشحاحه عمري أبي أقول نورك طفّا الكهرباء ، بس ما امداني ابي اخمّه من زود الترحيب وأتاري القلوب شواهد هو بعد يبي يخمّن وصارت منادف بالصدر ، ياهو عليه صدر :( وينقطع إنسِمي وتِقِل ماحطن بـ 1000وات (يادفع البلا) ايه فولت معالي
علمي بروحي من يوم كِفَخ صدري وأنا بغيبوبه وما انتبت لعمري إلاّ وأنا متكوّم بربعة المنتجع !! وارفع نظري ادوّر صاحب المعالي إلى هو متوسّدن ركبت اللي جالسن على المركى وكلّن ينوح من جهه .. قلت بشحاحه عمري :
ليا من كبرت هانت
ليا من كبرت هانت
ليا من كبرت هانت
ويجي صوت المسبوع ولدي مهراس يهلّي ويرحب مثل اللي قبلوه وأكثر .. والله وانا اتمركى بالمحماسه وأقوم على إركُبي وفتّح عيوني زين بس ماش ؟ الشوف مسرّب ما اقطع على الزّول ( ما إن لام – بطاريه انرجايز من وراي ماهو 1000وات) المهم ماادري وش قال لي مهراس هو معالي او شيخ او .. .. ما اذكر بس له معه بلايات وراه يترابت عليّ يحكي(ن) الله ابخص بوه .. بس شكله لاحقه زعل :eek:
يوم قرّب وش هالشّيفه .. اليدين ونش بوكلين والعرض تيدر تريله شعير والجفشُرْ باص سابتكو ؟
واستطرد شريط ذكرياتي .. وين شايف هالشّيفه ياربّي ..وين ؟ وين ؟ ايه الظاهر هذا شيخ المعارض واللي يترابت عليّ تقل انّه الافعاني اللي اشتريت منه الهايلوكس الغمارتين شدّ عقرب ، وابي اقوم بس ماش ركبي عيّن يشيلنّي ، وهو يزخّن ابو فغن زخّه البين وأبو ذنبين !! وانزّل راسي ابي القاع ولاّ اشوف رجليني تقل رجلين سِمقْ يلعبن بالهوى :eek:
والله وانا أخزّه بشحاحه عمري ، يقولون انطح الصياح بصياح تسلم ، وانا اقوله هيّن إليا كبرت باي ساب صديق هانت ، وهو يقرّب خشّتوه من فرّتي وهو يترابت مافهمت إلا كانّه يقول شيك ورصيد وسياره ..؟ عاد تبون الصّدق ماهمّن صياحه وشيفتوه ، بس ناقلن همّ ريحه البصل والثوم الي من بلاعيمه ..كِرْه بلاعيم .
المهم .. علمي بروحي يوم ضربن بالغازات المحرّمه دوليا !!
ويغشى عليّ .. واتنبّه لصوت عمّي يروح ويجي وتقل يتهايق عليّ من لوه قِليب(بئر) يقول نهااااش ..نهااااش .ز رديت والسعاده تغمر محيّاي ياهلا بهالصّوت .. نعم .. قال : نعامة تنقر خشّتك .. أفا عمّي .. قال: عمت عينك ؟ عمّي انا نهاااش قال : نهشتك ديابه التيسيّه .. وهو يعطيني من هاللسان اللي يلوط أذانوه . يوم تبيّن لي إلا وهو شايل العوكيّه يبي يلخّن به :confused: وأنا افزّ من نومي .
وتريني لحالي .. اسبح بالعرق ، ومامن مكيّف . قلت ياحلم الهول اطلع من الـ.... ، واللهم اجعله خير .وش هالحلم الأقشر .
وألتفت يم شماغي إلا وعليه أوراق ماكانن فيه .. وارفع الاوله إلا وهي إشعار فصل الهاتف نهائي :mad: ، وارفع الثانيه إلا وهي اشعار فصل التيار الكهربائي نهائي ، وإرفع الثالثه إلا وهي إشعار حضور للحقوق المدنيه بدعوى شيك بدون رصيد للأفغاني :mad: قلت عاد الرابعه خلّها تولّي يكفي اللي جاء ، بس الشفايه ما تخلّي أهلها وارفع الرابعه إلا وهي من مهراس يقول ان عمّه اخذ امّه والعيال وراحوا لبيته ويقول جدّه قل لبوك ان ماعندنا له زوجه ..
.
.
عاد بالله عليكم .. هذا وأنا نايم في منتجع شرم الشيخ ؟ وصار اللي صار ، المشكله لو انّي نايم بأحد شعبان حائل .. وش كان صار ؟