الامير سعود عبدالعزيز الرشيد

[ابو جمال المنيس]

قال الشاعر محمد العوني هذه القصيدة عندما كان عند ابن سعدون وطلب منه ابن سعدون ان يقصد اما بابن ثاني او بابن رشيد بعد ان تضايق ابن سعدون من حمود ابن صويط والمنتفق انقلبوا على ابن سعدون فقال العوني ابي اقصد بابن رشيد فرد عليه ابن سعدون ان والدي قد حارب والدة بالصريف مع من كان قد اضموا لابن صباح وابن سعود لحرب الرشيد فقال العوني ان شمر اهل نخوة وهم اقرب موقع من ابن ثاني وفعلا عندما جا ابن سعدون والعوني وسمع القصيد قال سعود ابن رشيد ابشروا بالفزع وكان ابن رشيد قد طلب من شمر الاستعداد للغزو على الروله نجدة اخلف الاذن فقال زامل ابن سبهان يا خلف الامير يقول نبي نذهب مع ابن سعدون ونصلحه هو والصويط ومن ثم نشمل مع الي الشعلان وحنا راجعين فزعل خلف وقال قصيدته ((زامل ينشدني وأنا وين وينا...... يمضي نهاري مثل يوم القيامه ))) وقد حاول ابن رشيد اصلاح السعدون والصويط ولكن حمود رفض الوساطة وبعد ذلك حصلت معركة ابو عجاج ورجع حق ابن سعدون له ....، واليكم القصيدة وصور للامير سعود الرشيد ( ابو خشم)

[ابو جمال المنيس]

منقولة

[الحربي]

الاخ العزيز

ابو جمال المنيس

شكرا على ارفاق صور للأمير سعود الرشيد

لكن وين قصيدة شاعر السياسة والحروب العوني ؟؟؟؟





اخوكم الحربي

[ابو جمال المنيس]

المصدر الازهار النادية ج 5 ص 78
كابر وفاخر هل الدنيا وفاخرها=يطفي لظى مطفي الهيجا سعايرهاتراك
ليا أطريت ذكره تشهد المل=جميع فهامها بدوه وحاضرها
إن الثنا منبعه واصله ومنبته =لسعود ميراث جدانه ذخايرها
إن دلّت الناس منهم مسلك معاً=وإسترشدت منبصايرهم بصايرها
اسس لهم صورته عبدالله الباعث=مكارمٍ عمّت الدنيا ونادرها
سادتبنثر الحمر ثم الحمر ثم الندى=أرسى فخرها وغنّت به منابرها
وأوصى بعهده لسادات من بعده=أعلى بنا مجدها وأعلى منايرها
وطالع بطالع سعودٍ حسنه الباهر=وأصعد على منزل المريخ زاهرها
أهرج وبالغ عنه ولا أحرج=حدث وزد فيه وعوجوا لي معاذرها
قلايصٍ نيت الخريت نيتهاتقطر= على الميت اللي كان قاطرها
إن جيت يا ركب ردوا لي رقابها=تلو براها عسى البضا سفايرها
مقدار ما أقول وأبلغكم عن الشكوى=مظلومةٍ سافرت تشكي لناصرها
وليا حفظتوا معانيها فشانكم=كفاكم الله ما خفتوا شرايرها
سيروا على هرّبٍ مثل الفحول لها=عامين مالح عضو الكور أباهرها
من عد كبشان الي القرعا الى الحجر=ترعى نبانيب ما تشهي خواطرها
لم بنى فوقها مثل التلول نيّا=قلت أوجب الشان لا تنهون زاجرها
والصبح من الفنة حطو ميامنها=نبعه وبصوه يسارس من محاصرها
والرابعه راس جلديه زمالكم=وخشوم سلمى وإجا بانت لناظرها
والفن نهار خامسه (برزان) بغير ونا=سقاه مبهل حقوق زان ماطرها
حلن بدار الصخا والهيبة الذي=منها جميع الملا ترجف ضمايرها
قوم تعنوا بشان الخلق واوقدوا=نار بالأرواح ما تطفي سعايرها
من خالف الحق بأمر الله عقوبته=بايمانهم كاتب الدبرات ماهرها
دولة سعود النقي والمجد والوفا=بالعهد والعقد وطواله وقاصرها
اهنيكم يا منادي بشوفكم=عين يفكر بعين الله ناظرها
ومصافحتكم لكف تسفك الدما=والفضل والجود فيض من خناصرها
يا طالما اجارت المضيوم واجبرت=خواطر حدت الحاجات كاسرها
يا ركب بعد السلام بدوا رسالتي=وهو عليهم بخا فيها وحاضرها
قولوا له الراجي الشاكي شكا وابلغ=عناك والناس عن شكواه عاذرها
معناه ما يقدره غيرك ويدركه=انت الذي بالجدى والجد قادرها
غنايم شتت الرحمن جمعتها=مصالحه فارقت وبقت خسايرها
ابغا الخلف والعوض يا الفاهم الحازم=ببضاعة منك ما كسدت تجايرها
يا كاشف الليل صبح والنهار ادجى=للخصلتين التي لا زال عامرها
من مات عبد العزيز ومتعب ماتت=واحياه به باعث الموتىوناشرها
عقب ارتحاله عن الدنيا ورغبتها=بطلوع نجمة تنادت من مقابرها
والدين والعدل والمعروف والهدى=وثبات الأقوال لو كبرت صغايرها
والجار والمعسر المهلوك والرملا=لولاه نسخت من الدنيا دفاترها
والسيف هو وأحمر القصدير منزلها=عنده على مقرن الحاجب وحاجرها
والذيب والطير تدعي له من البقا=لو لا عواديه ما دميت مناقرها
وبضد هذا خصالٍ ما تبي غيره=الموجب إنه بقيد الذل حاجرها
والبخل والجبن والهزلات والخنا=من نشوته ما سمر بالحي سامرها
والخيل والجيش ما تشكي فعايله=والارض مظلومةٍ والشمس حايرها
من طلعته ما بدا نوره ولا أشرقت=الا وعج الرمك والصمع ساترها
والصيد والوحشمن بطن الفلا جالت=رهبه من شوفه العظمى وباهرها
تشامرت بالجبال القود وإنحازت=بوعورها جندها الجرار حاشرها
الجازم الحازم الصامل على الهيجا=الخايض الغيمة السودا وماهرها
المال معطيه والمطعوم باذله=واللبس كاسيه والعثرلت جابرها
لو الملا تطلبه يومٍ حوايجه=عطاه ما خبثت نفسه وخاطرها
مضوفته دونها ما يا قف الحاجب=والضان والكوم بالساعات ناحرها
إن صار له نايبه أو حل معضله=عينه لذيذ الكرى ما طب حاجرها
عجلٍ تقضقض كما نجمٍ ليا دوى=له دويةٍ بالوطا ترجف جزايرها
قوّض بنمرا غشومٍ سدت الفضا=والحزم والريع ضاقت به معابرها
الموت بحرابها والعز يبراها=والنصر بنحورها والرشد حاضرها
وسعود أميره ويامرها وينهاها=وزامل مدبر ضحى الهيجا عساكرها
مرٍ على الشام إبن ضيغم يضربها=ومرٍ مثاقل حديد الحصن حادرها
مثل أمس يوم إن بن سعدون عنا يمه=من ريب الايام دارت به دوايرها
نخا بني عمه الادنين وإنثنوا=نخا العرب والعرب خلت سوايرها
ما غير شمر مقيمين على العليا=عيوا عليها ولو غليت مساعرها
لكن طرا للشبيبي قالتٍ فاتت=ذكر علومٍ لها ما كان شاكرها
وردوا شمامٍ على ركبه لفزعتهم=بعض الحيا والضغاين ذيك خابرها
ولا نفع فعله الماضي ولا نفع=صنايعٍ عند كل الناس ذاخرها
وجارت وحارت وقال الرشد وينه=سيروا على هجن مدري وين صادرها
قلت إركبوا وإستعن بالله وإعتمدوا=وإفرق مغيب النعايم عن مناحرها
وإنحر على ذروة العليا وإمسكها=إقدوا بحور الندى وش لك بقاطرها
إقصد سعود الرشيد ومسنده زامل=صيارمٍ جانب السمرا مواكرها
لله قومٍ ظهر ضيغم معقبهم=ماأسرع على الموجبه دلقة بواترها
ساعة لفينا عليهم قال إبن متعب=عينيك يا طالب النجدة بحاضرها
عينيك يا نايخٍ جانا يحثثها=ليله نهاره نجوم الليل سامرها
دعا شبيب وقال الجيش حضرها=وشاشت رجال الجبل ومرو أوامرها
وأمر على راعي الخزنه ودبرها=بنجاز ما قال والرايات ناشرها
وثوّر عقب ما إنقضى اللازم وسيرها=مواري النصر تلفح له بشايرها
ولمت به العزوة الغرا بني عمه=شمر مواريد للهيجا وصادرها
سدوا فضا الارض كن الرب حاشرها=للحشر باعثها سبحان حاصرها
ومطير جابه ولد سلطان بن مدوش=حاشم من الصلب والصمان وأمرها
يتبع رضا مخلف الزبات بن متعب=طيبه تناسب الى الافعال شاهرها
لما نبى فوق أبو غارٍ خيامهم=مثل الطها والجموع الكتم حاجرها
يبغى السويطي يجي يطاب مراحمه=محنه مخفيه ماهو بمظهرها
نوه يسويه مع شيخه ويقبل به=واللي مضى له من الزلات غافرها
وعيا عليه الدبور وسو نياته=وحظوظ الاثنين وأحلامٍ يدبرها
وأهفاه معروف سعدونٍ وحيره=والنعمة السابقه يهفي برايرها
أغواه الى نام وجموعه تحاشموا=لفايفٍ جمعت ما الله بناصرها
أسرع بهم والطنايا تدفع خطاها=بالسيف غلبا تعجل به مجازرها
نزل بهم دافن نفدٍ محصنه=ما تركض الخيل من هومة زبايرها
وإستدرجه صعب الاريا وأظهره منها=وأدار وفوقه عن معاسرها
أغواه بإقفاه كنه منهزم خايف=لما ظهر بالزراجه مغاترها
وثب عليه بن ضيغم وثبة النادر=لابان له صيده الطولا يداورها
صكه بكفٍ تلقى خبطته منها=والخير والشربوسطه من بوادرها
بصط للاصحاب خير ما تكدرت=وأعداه جذ الحلاقم من حناجرها
هاشم بها هامة العرنون من صغره=خمس الجموع أتلفه ما رف طايرها
يا ليت عينٍ لابن منصور وايقت=تشوف ما شافت أعياني بناظرها
بين المغيرا وشقرا ساعة توجب=ياليت سعدون قبل الموت حاضرها
خمسين جمعٍ ولد نايف مشى بها=وسعى سعود الرشيد بقطع دابرها
أبرم عليهم رحا غلبا ودمتهم=ما أبقت سوى دارهم تسفي منابرها
وأوما عليهم بخيلٍ ما ثنت جمعه=إلا بهاماتهم تاطا حوافرها
مركاضهم من جبا شقرا ومحرفهم=من دفن تنسف ذرايعها عثايرها
الفٍ وسبعمايةٍ صرعى مطرحة=راحت دماها على البيدا صوابرها
راحت خيول الظفير وخلطهم كنه=هراب ريمٍ رشاش الملح ذاعرها
وجانا حمود بكفهمن ثمر رايه=وأشرف على على حالة الدنيا وصايرها
مدري وش أنساه أفعال الرشيد أول=اللي عديد الروى ما عاد ينكرها
ولا أنذره صولة النوري وأخو بتلا=جميع وايل وما جرت جرايرها
يوم الجميما دعاه البين وإنقادت=وأقفت مقاديمها تجذب كسايرها
وغيره كثير من القالات واعظ=يدري بغلبا ولا تنكر مآثرها
تزلزل الارض والدنيا برجفتها=أرخص لها حاكم بالسيف قاهرها
تظن كن القيامه قامت الضحى=ولاقاع من سمكها كنه مشاجرها
أبصر بها تيهة مدعوس وإشويطر=تفٍ على لابةٍ ذولا مشاورها
هدوا على الليث عصفورٍ يبي صيده=والحمّرةهامت الضاري بأضافرها
وإستجهلوا به وسوو عملة الجاهل=اللي على الديد ما يحصى شعايرها
تقاربت عند عينه شوفة السما=وأوما بكفه يبي يلمس زواهرها
وحمود مثله رفع راسه ومدها=طمع بزاجر هل الدنيا وناهرها
الحاكم الهاضم الهضام بن متعب=بدر سطع بالورى وأجلا بصايرها
تهدي عليك الملوك المال وتصانع=من خوف يغتاظ بالفيلق يجاهرها
أبو ثمانٍ وست ما كمل عمره=وكبار الاعمار والتيجان كابرها
قلته وأنا أكفيه بالله عين حساده=مني وعن كل حالاتٍ يحاذرها
ما داج مثله على البيدا من العالم=كابر وفاخر هل الدنيا وفاخرها
تمت وصلوا على المختار سيّدنا=ما حرّك الريح غصنٍ من خضايرها



[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]

[الاصمعي]

كاتب الرسالة الأصلية : الحربي
الاخ العزيز

ابو جمال المنيس

شكرا على ارفاق صور للأمير سعود الرشيد

لكن وين قصيدة شاعر السياسة والحروب العوني ؟؟؟؟





تحياتي ابو جمال

دام القصيده سبقت الرد :confused:>>>>نعدل الرد ونقول تسلم يمينك

على هالدره العصماء(المادح العوني والممدوح سعود) وشلون ماتصير دره ،

وطبعاً انت تحريبه وعوايدك الصيده الجزله.

ابو جمال يمكن لو تتعافر انت والكمبيوتر هالمره وتقصفه شوي تصير احسن>>كأنه عريضه حيل;)

شكراً لك ابو جمال

[ابو جمال المنيس]

عزيزي الحربي الف شكر على المرور ولكن اصبروا علي شوين
اول مره نزلت صور الامير وفصل الكمبيوتر وبعد ما شبك لقيتك
قد رديت على المشاركة وبعدين علموني على تنسيق القصيدة
مع الخلفيه ويوم نزلته يمار كل القصيدة صطر واحد وتبالشت انا
والكمبيوتر حتى يسرها الله وسامحوني عن التاخير
وبعدين انا بعد بلشان
بساري الليل في مضيف المحاوره

[ابو جمال المنيس]

كاتب الرسالة الأصلية : ابو جمال المنيس
عزيزي الاصمعي الف شكر على المرور
ولكن اصبروا علي شوين اول مره نزلت صور الاميروفصل الكمبيوتر
وبعد ما شبك لقيتك قد رديت على المشاركة وبعدين علموني
على تنسيق القصيدة مع الخلفيه ويوم نزلته يماركل القصيدة
صطر واحد وتبالشت انا والكمبيوترحتى يسرها الله وسامحوني عن
التاخيروبعدين يخالي انا توي تعلمت على الخلفيه وتراني

سهران من البارح وانا متعامشن اناوالانتر نت ولكن الحمد لله
لقيت القصيدة نزلت قبل ردك ولا تقول لي وش لون تراني
ما ادري وشلون وتقبل تحاتي

[المشرف العام]

ابو جمال ..

تسلم ولا هنت ..

روعه ..

تحياتي

لا تبخل علينا بغيرها ;)

[خلف الرويتع]

الاخ العزيز ابو جمال المنيس


يعطيك العافيه على هذه الدره الثمينه والصوره النادره الى الامير سعود ابو خشم صرحه صوره نادره تسلم يالذيب ونطلب المزيد ونبيك تتفرغ لنا في هذا المضيف
تقبل تحياتي اخوك ابو عتيق

[الدبلوماسي]

مدري اهنيك على هذا الابداع او اهني الابداع بعجيل المنيس؟


لاوالله اهني الابداع بعجيل المنيس لان ابو جمال اكبر من الابداع نفسه

واحمد الله اني اعرف هذا الرجل الشاعر


ليت من ربعي اثنين-----مثل المنيس ياليت

من رجالٍ عزيزين------كسّابت النعم والصيت

واسمحلي على التقصير وحقّك محفوظ بالقلب

[الدبلوماسي]

الا نسيت

شكراً على هذا الموضوع وهذه المعلومات القّمه

[ابو جمال المنيس]

عزيزي المشرف العام ( ابو سلطان ) الف شكر على المرور ونشكرك على متابعتك المستمرة لجميع الاشتراكات ونرجوا لك التوفيق ولكن لنا طلب يا بو سلطان ان تحرصون على الاشتراكات التي تجمع ولا تفرق وبعض الاختلافات ليس محلها الانترنت وحسب وجهة نظري المتواضعه ان بعض الاشتراكات مضرتها اكثر من فائدتها وانا لا اقصد شخصا بعينه وارجوا من الله ثم منك ومن المشرفين التشديد على الاشتراكات التي قد تفرق الشمل واحب ان ابتدي بنفسي اولا فاي اشتراك ترون انه غير مفيد فارجو حذفة وصدقوني لن يكون بخاطري اي شئ لانني لم اشترك بهذا المنتدى الا لاجل التعرف على الجميع ومحاولة تسجيل المواضيع المفيدة والله من وراء القصد
وتقبل شكري وتقديري

[ابو جمال المنيس]

عزيزي خلف الرويتع هلا وغلا بحضورك وصدقني ان اهم فائده حصلت عليها من مصارعة الانترنت ((تراني اليا هالحين عليمي)) هي معرفتك ومعرفت الطيبين شرواك وجميع ما املك من صور ومعلومات تحت امركم ولكن بشرط ان تكون المشاركات تجمع ولا تفرق واللبيب بالاشارة يفهم وانا ما اقصد اي احد بعينه ولكن احرصوا على المواضيع خاصة بهذا المضيف ولك شكري وتقديري واحترامي

[ابو جمال المنيس]

عزيزي الدبلوماسي الف شكر على هذا الاطراء الدبلوماسي وما عليك زود انت وربعك وترى جميع ما بنا من طيب نستمدة منكم والف شكر ايضا على الابيات


ياهلا بك ملايين=واقول اهلاً وحييت

وربعك ناسٍ طيبين= اكثـر مما تمنيـت
وتقبل تحاتي وتقديري

[السنعوسه]

أخوي أبو جمال تسلم على هالقصيده والصوره النادره ..

واتمنى اخوي انك تتكرم علينا بمشاركاتك في هذا المضيف اللي أساسا انا اشتركت بالمنتدى عشانه ..

اتمنى انك ما تبخل علينا وأطلب من كل أخواني المهتمين بالقصه والقصيد انهم ما يبخلون علينا بمشاركاتهم ..

[ابو جمال المنيس]

اختي السنعوسه شكرا لمروك الكريم وابشري وكل ما املك من صور ومعلومات سوف تجدينها بهذا المنتدى ووفق الله الجميع لخدمة التراث والمواضيع التي تجمع ولا تفرق

[الدبلوماسي]

ابوجمال

منهم ربعي؟؟

[ابو جمال المنيس]

عزيزي الدبلوماسي والنعم بك وبربعك ،، اما سؤالك منهم ربعي ارجع لمشاركتك فأنت تقول (( ليت من ربعي اثنين ... مثل المنيس ياليت )) وانا رديت عليك بان ربعك طيبين اكثر من ابن منيس اللي هو انا اللي انت تتمنى ان من ربعك اثنين مثله ،،، يعني ربعك اللي انا قصدتهم هم ما نوهت عنهم انت بابياتك ،،، وأعتقد ان قصدي واضح هو مدحهم وارجو ان لا يكون هناك لبس بالموضوع وتقبل تحياتي

[الدبلوماسي]

ماعليك زود يابوجمال
بس انا احسب انك عرفتني!!!

تحيّه من القلب

ديوانك على خبري الاحد ( جعله عامر بأهله ) وانشالله ابسيّر عليك


تقبّل تحيات الدبلوماسي

[ابو جمال المنيس]

هلا وغلا وترى هذا وعد وحياك الله وحياالله الجميع
وحسب ضني انك حريف بلوت ودبلوماسي ايضا

[الدبلوماسي]

والله انك عرفتني ما علي من الحكي!!!

من يوم اطريت البلوووت وانا دريت

[ابو جمال المنيس]

اعادة للتنسيق
المصدر الازهار النادية ج 5 ص 78


كابر وفاخر هل الدنيا وفاخرها=يطفي لظى مطفي الهيجا سعايرهاتراك
ليا أطريت ذكره تشهد المل=جميع فهامها بدوه وحاضرها
إن الثنا منبعه واصله ومنبته =لسعود ميراث جدانه ذخايرها
إن دلّت الناس منهم مسلك معاً=وإسترشدت منبصايرهم بصايرها
اسس لهم صورته عبدالله الباعث=مكارمٍ عمّت الدنيا ونادرها
سادتبنثر الحمر ثم الحمر ثم الندى=أرسى فخرها وغنّت به منابرها
وأوصى بعهده لسادات من بعده=أعلى بنا مجدها وأعلى منايرها
وطالع بطالع سعودٍ حسنه الباهر=وأصعد على منزل المريخ زاهرها
أهرج وبالغ عنه ولا أحرج=حدث وزد فيه وعوجوا لي معاذرها
قلايصٍ نيت الخريت نيتهاتقطر= على الميت اللي كان قاطرها
إن جيت يا ركب ردوا لي رقابها=تلو براها عسى البضا سفايرها
مقدار ما أقول وأبلغكم عن الشكوى=مظلومةٍ سافرت تشكي لناصرها
وليا حفظتوا معانيها فشانكم=كفاكم الله ما خفتوا شرايرها
سيروا على هرّبٍ مثل الفحول لها=عامين مالح عضو الكور أباهرها
من عد كبشان الي القرعا الى الحجر=ترعى نبانيب ما تشهي خواطرها
لم بنى فوقها مثل التلول نيّا=قلت أوجب الشان لا تنهون زاجرها
والصبح من الفنة حطو ميامنها=نبعه وبصوه يسارس من محاصرها
والرابعه راس جلديه زمالكم=وخشوم سلمى وإجا بانت لناظرها
والفن نهار خامسه (برزان) بغير ونا=سقاه مبهل حقوق زان ماطرها
حلن بدار الصخا والهيبة الذي=منها جميع الملا ترجف ضمايرها
قوم تعنوا بشان الخلق واوقدوا=نار بالأرواح ما تطفي سعايرها
من خالف الحق بأمر الله عقوبته=بايمانهم كاتب الدبرات ماهرها
دولة سعود النقي والمجد والوفا=بالعهد والعقد وطواله وقاصرها
اهنيكم يا منادي بشوفكم=عين يفكر بعين الله ناظرها
ومصافحتكم لكف تسفك الدما=والفضل والجود فيض من خناصرها
يا طالما اجارت المضيوم واجبرت=خواطر حدت الحاجات كاسرها
يا ركب بعد السلام بدوا رسالتي=وهو عليهم بخا فيها وحاضرها
قولوا له الراجي الشاكي شكا وابلغ=عناك والناس عن شكواه عاذرها
معناه ما يقدره غيرك ويدركه=انت الذي بالجدى والجد قادرها
غنايم شتت الرحمن جمعتها=مصالحه فارقت وبقت خسايرها
ابغا الخلف والعوض يا الفاهم الحازم=ببضاعة منك ما كسدت تجايرها
يا كاشف الليل صبح والنهار ادجى=للخصلتين التي لا زال عامرها
من مات عبد العزيز ومتعب ماتت=واحياه به باعث الموتىوناشرها
عقب ارتحاله عن الدنيا ورغبتها=بطلوع نجمة تنادت من مقابرها
والدين والعدل والمعروف والهدى=وثبات الأقوال لو كبرت صغايرها
والجار والمعسر المهلوك والرملا=لولاه نسخت من الدنيا دفاترها
والسيف هو وأحمر القصدير منزلها=عنده على مقرن الحاجب وحاجرها
والذيب والطير تدعي له من البقا=لو لا عواديه ما دميت مناقرها
وبضد هذا خصالٍ ما تبي غيره=الموجب إنه بقيد الذل حاجرها
والبخل والجبن والهزلات والخنا=من نشوته ما سمر بالحي سامرها
والخيل والجيش ما تشكي فعايله=والارض مظلومةٍ والشمس حايرها
من طلعته ما بدا نوره ولا أشرقت=الا وعج الرمك والصمع ساترها
والصيد والوحشمن بطن الفلا جالت=رهبه من شوفه العظمى وباهرها
تشامرت بالجبال القود وإنحازت=بوعورها جندها ال**** حاشرها
الجازم الحازم الصامل على الهيجا=الخايض الغيمة السودا وماهرها
المال معطيه والمطعوم باذله=واللبس كاسيه والعثرلت جابرها
لو الملا تطلبه يومٍ حوايجه=عطاه ما خبثت نفسه وخاطرها
مضوفته دونها ما يا قف الحاجب=والضان والكوم بالساعات ناحرها
إن صار له نايبه أو حل معضله=عينه لذيذ الكرى ما طب حاجرها
عجلٍ تقضقض كما نجمٍ ليا دوى=له دويةٍ بالوطا ترجف جزايرها
قوّض بنمرا غشومٍ سدت الفضا=والحزم والريع ضاقت به معابرها
الموت بحرابها والعز يبراها=والنصر بنحورها والرشد حاضرها
وسعود أميره ويامرها وينهاها=وزامل مدبر ضحى الهيجا عساكرها
مرٍ على الشام إبن ضيغم يضربها=ومرٍ مثاقل حديد الحصن حادرها
مثل أمس يوم إن بن سعدون عنا يمه=من ريب الايام دارت به دوايرها
نخا بني عمه الادنين وإنثنوا=نخا العرب والعرب خلت سوايرها
ما غير شمر مقيمين على العليا=عيوا عليها ولو غليت مساعرها
لكن طرا للشبيبي قالتٍ فاتت=ذكر علومٍ لها ما كان شاكرها
وردوا شمامٍ على ركبه لفزعتهم=بعض الحيا والضغاين ذيك خابرها
ولا نفع فعله الماضي ولا نفع=صنايعٍ عند كل الناس ذاخرها
وجارت وحارت وقال الرشد وينه=سيروا على هجن مدري وين صادرها
قلت إركبوا وإستعن بالله وإعتمدوا=وإفرق مغيب النعايم عن مناحرها
وإنحر على ذروة العليا وإمسكها=إقدوا بحور الندى وش لك بقاطرها
إقصد سعود الرشيد ومسنده زامل=صيارمٍ جانب السمرا مواكرها
لله قومٍ ظهر ضيغم معقبهم=ماأسرع على الموجبه دلقة بواترها
ساعة لفينا عليهم قال إبن متعب=عينيك يا طالب النجدة بحاضرها
عينيك يا نايخٍ جانا يحثثها=ليله نهاره نجوم الليل سامرها
دعا شبيب وقال الجيش حضرها=وشاشت رجال الجبل ومرو أوامرها
وأمر على راعي الخزنه ودبرها=بنجاز ما قال والرايات ناشرها
وثوّر عقب ما إنقضى اللازم وسيرها=مواري النصر تلفح له بشايرها
ولمت به العزوة الغرا بني عمه=شمر مواريد للهيجا وصادرها
سدوا فضا الارض كن الرب حاشرها=للحشر باعثها سبحان حاصرها
ومطير جابه ولد سلطان بن مدوش=حاشم من الصلب والصمان وأمرها
يتبع رضا مخلف الزبات بن متعب=طيبه تناسب الى الافعال شاهرها
لما نبى فوق أبو غارٍ خيامهم=مثل الطها والجموع الكتم حاجرها
يبغى السويطي يجي يطاب مراحمه=محنه مخفيه ماهو بمظهرها
نوه يسويه مع شيخه ويقبل به=واللي مضى له من الزلات غافرها
وعيا عليه الدبور وسو نياته=وحظوظ الاثنين وأحلامٍ يدبرها
وأهفاه معروف سعدونٍ وحيره=والنعمة السابقه يهفي برايرها
أغواه الى نام وجموعه تحاشموا=لفايفٍ جمعت ما الله بناصرها
أسرع بهم والطنايا تدفع خطاها=بالسيف غلبا تعجل به مجازرها
نزل بهم دافن نفدٍ محصنه=ما تركض الخيل من هومة زبايرها
وإستدرجه صعب الاريا وأظهره منها=وأدار وفوقه عن معاسرها
أغواه بإقفاه كنه منهزم خايف=لما ظهر بالزراجه مغاترها
وثب عليه بن ضيغم وثبة النادر=لابان له صيده الطولا يداورها
صكه بكفٍ تلقى خبطته منها=والخير والشربوسطه من بوادرها
بصط للاصحاب خير ما تكدرت=وأعداه جذ الحلاقم من حناجرها
هاشم بها هامة العرنون من صغره=خمس الجموع أتلفه ما رف طايرها
يا ليت عينٍ لابن منصور وايقت=تشوف ما شافت أعياني بناظرها
بين المغيرا وشقرا ساعة توجب=ياليت سعدون قبل الموت حاضرها
خمسين جمعٍ ولد نايف مشى بها=وسعى سعود الرشيد بقطع دابرها
أبرم عليهم رحا غلبا ودمتهم=ما أبقت سوى دارهم تسفي منابرها
وأوما عليهم بخيلٍ ما ثنت جمعه=إلا بهاماتهم تاطا حوافرها
مركاضهم من جبا شقرا ومحرفهم=من دفن تنسف ذرايعها عثايرها
الفٍ وسبعمايةٍ صرعى مطرحة=راحت دماها على البيدا صوابرها
راحت خيول الظفير وخلطهم كنه=هراب ريمٍ رشاش الملح ذاعرها
وجانا حمود بكفهمن ثمر رايه=وأشرف على على حالة الدنيا وصايرها
مدري وش أنساه أفعال الرشيد أول=اللي عديد الروى ما عاد ينكرها
ولا أنذره صولة النوري وأخو بتلا=جميع وايل وما جرت جرايرها
يوم الجميما دعاه البين وإنقادت=وأقفت مقاديمها تجذب كسايرها
وغيره كثير من القالات واعظ=يدري بغلبا ولا تنكر مآثرها
تزلزل الارض والدنيا برجفتها=أرخص لها حاكم بالسيف قاهرها
تظن كن القيامه قامت الضحى=ولاقاع من سمكها كنه مشاجرها
أبصر بها تيهة مدعوس وإشويطر=تفٍ على لابةٍ ذولا مشاورها
هدوا على الليث عصفورٍ يبي صيده=والحمّرةهامت الضاري بأضافرها
وإستجهلوا به وسوو عملة الجاهل=اللي على الديد ما يحصى شعايرها
تقاربت عند عينه شوفة السما=وأوما بكفه يبي يلمس زواهرها
وحمود مثله رفع راسه ومدها=طمع بزاجر هل الدنيا وناهرها
الحاكم الهاضم الهضام بن متعب=بدر سطع بالورى وأجلا بصايرها
تهدي عليك الملوك المال وتصانع=من خوف يغتاظ بالفيلق يجاهرها
أبو ثمانٍ وست ما كمل عمره=وكبار الاعمار والتيجان كابرها
قلته وأنا أكفيه بالله عين حساده=مني وعن كل حالاتٍ يحاذرها
ما داج مثله على البيدا من العالم=كابر وفاخر هل الدنيا وفاخرها
تمت وصلوا على المختار سيّدنا=ما حرّك الريح غصنٍ من خضايرها

تمت الأعادة للتنسيق

[غالب]

شكراً يالأخوأبو جمال المنيس على الموضوع الجميل والرائع:3ajebni::thumb::wallah_hoo::thumb::)