جاكم ألأعصار يالي في المضيف....أي عتيبي يقرب ويتقهوى

[حماد الخريصي]

في حب ماطحن



جاكم ألأعصار يالي في المضيف"="جنبّوا لاواحد بوجهه يقيف
أدعّوا لو الدعا سلاح الضعــــيف
وأرسلي يألأجهزه وأستقبلي
. . .
سلام الله على من ينطح الخيّال"="سقا الله من يودي العلم وايجيبه
نبا منهو يردّه للحمل يشتــــــــال"="وانا شايف معانا خيرة عتيبــــــــه


ودمتم

[حمود الشمري]

وشصار يالعصار
طريقه دخولك مرعبه
ولا تنسى هل حين موسم شعرى المحاوره
يستفادون في عطله راس اسنه

[حماد الخريصي]

هههههههههههههه

الشاعر اللي على حساب فيفي عنبدو


مهو شاعر ياسهيل الشمالي


هذي الليالي الحمر للرقاصات بس

هههههههههههههههه

[سعد العتيبي]

مرحبابكم سهيل وحماد

واستلم



مرحبا ياللي تدور للقشر =عند خشمك قدمك الموت الحمر
اطّلّب يوم العتيبي جاء حضر
وارسلي يالاجهزه واستقبلي
هلا بك يالخريصي والعلوم طوال = وابي من يحكر المعنى ويحريبه
منول مالقينا فالبلاد جبال = بعد ما اخذت تشريقه وتغريبه

[سنجار]

حماد الخريصي

سعد العتيبي

يعطيكم العافيه

على المحاوره اللي من بدايتها مشعلله....

فسوف أخد مكاني بين الجمهور لنستمتع بها...

تحياتي للجميع

سنجار....

[المشرف العام]

|1|

إعصار ..:(


الله يخااااارجنا:D


معاكم .. أنا وسنجار ((( جمهوووووووووور;) ))))

[عبدالعزيز]

وانا مع الشيلة ... حيلك بوه ياسعد

[ثامر]

يالله حيوووووووو

وابرك الساعات يوم نشوف لكم مشاركات و تعقيبات هناااااااا

ياهلاااااااااااا ومسهلااااااااا بكم وشرفتونا

[حماد الخريصي]

ياسعد كان تاخيري خارج عن الضروف


انت يارجال اظن قلبك شجاع =مثل سبع سبع وناطح (ن) سبع السباع
كان تبغى السلم قل امرك مطاع
وارسلي يالأجهزه وأستقبلي

تفضل واعطنا علمك وطاب الفال =وحنا مثلكم نفهم مطاليبه
تبيهاكاش والاّ بيننا مرسال = لفا ألأعصار وأبشربه بعد غيبه

[سعوط المجانين]

الله يعطيكم العافيه علي هالمحاوره