.
.

خلاص من بعدك هجرت المطاريش
ولا عاد لي في سيرة العشق طمعه

سمحت من سكّة هل الغي والطيش
من يوم خابت فيك رمعه ورمعه

ياللِّي عليك القلب يكفخ بلا ريش
واشغلت تفكيره ونبضه وسمعه

لو جيت ومزون المواصل مراهيش
ما شاقني غيمك وبرقه ولمعه

لو يوعد الضامي قراح المعاطيش
وعلى جفاف العاطفه هل دمعه

النفس طابت وانت يا ابو العكاريش
سجدت لفراقك شكر يوم جمعه

روّح زمان ابو الثمان المباهيش
اللي يصون العهد لو تم قمعه

هذا زمان الفرفشه والفرافيش
ما ينعرف زوده وطرحه وجمعه

ما يعرفون حكاية الملح والعيش
ولا ضُووا لـ سلوم الاجواد شمعه

ما يناسب اللي يعشق الخيل والجيش
اللي على درب الوفا ذاب شمعه

ما يعشقونه غير روس الدراويش
وانا رجل شيمه وقيمه وسمعه

-

الشاعر/ نهار بن ممدوح
#شعر @3lnhar

.
.

الموضوع الأصلي: النفس طابت || الكاتب: رشيد العهد || المصدر: مضايف شمر

كلمات البحث

اسلام ، حوار ،شعر ، كمبيوتر ،تصاميم ، رياضة، معرض صور