+ الرد على الموضوع
صفحة 1 من 4 1 2 3 4 الأخيرةالأخيرة
النتائج 1 إلى 10 من 35

الموضوع: ,, هجينيــات ,,

  1. #1
    مستشار مضيف قصه وقصيده وتاريخ شمر الصورة الرمزية مشــــعل


    تاريخ التسجيل
    05 2004
    المشاركات
    3,141
    Thanks
    2
    شُكِر 5 في 2مشاركة

    معرض الأوسمه

    ,, هجينيــات ,,



    بسم الله الرحمن الرحيم

    الهجيني : بحر من بحور الشعر يتصف بالقصر ويسمى ( غناء العامه)
    او ( غناء الركبان)

    وطبعا سمي بالهجيني نسبة الى (الهجن) لانه غالبا ماينشد فوق ظهور الابل

    اشتهرت فيه المنطقه الشماليه وشمر بالخصوص

    ولابناء شمر طريقتهم الخاصه في اداءه ..

    موضوعي هذا سيكون مرجع لاشهر هجينيات الشمال او شمر خاصه

    اتمنى قدر الامكان ذكر الهجينيه كامله بالاضافه مع توضيح بعض المفردات
    والمناسبه
    وذكر اسم الشاعر اذا امكن

    ولو انه اغلبية شعر الهجيني مجهول الهويه يعني لايعرف قائله..
    وهناك من يقول ان اغلبية شعر الهجيني نسائي لذلك لم يعرفو القائل في اغلب الاوقات

    لانه قديما موضوع ( الغزل ) هو الدارج او خل نقول هو المسيطر قديما
    لذلك خصوصية المرأه تجعلها غالبا ماتمتنع عن ذكر اسمها

    فتشتهر الهجينيه دون شاعرها

    انا محضّر العديد من الهجينيات سأضيفها ان شاء الله
    وكذلك الباب مفتوح للاخوان

    لكن اتمنى التقيد في النقاط اللي ذكرته حتى يكون الموضوع مرتب

    تحياتي

    الموضوع الأصلي: ,, هجينيــات ,, || الكاتب: مشــــعل || المصدر: مضايف شمر

    كلمات البحث

    اسلام ، حوار ،شعر ، كمبيوتر ،تصاميم ، رياضة، معرض صور





  2. #2
    [ موقوف ]


    تاريخ التسجيل
    12 2007
    الدولة
    الخفجي
    الاقامة:
    الخفجي
    الجنس:
    ذكر
    المشاركات
    726
    Thanks
    0
    شُكِر 0 في 0مشاركة


    وحنا بأنتظااااارك يامشعل ...

    لاهنت يااخ العرب ..




  3. #3
    مراقب المضايف الاسلامية الصورة الرمزية ابو ضاري


    تاريخ التسجيل
    03 2007
    الدولة
    الجبي
    العمر
    38
    الاقامة:
    الجبي
    الجنس:
    ذكر
    المشاركات
    15,734
    مقالات المدونة
    1
    Thanks
    785
    شُكِر 518 في 160مشاركة

    معرض الأوسمه



    لاهنت ياخي مشعل على بذل مجهودك

    ننتظرك ابداعك





    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي





  4. #4
    مستشار مضيف قصه وقصيده وتاريخ شمر الصورة الرمزية مشــــعل


    تاريخ التسجيل
    05 2004
    المشاركات
    3,141
    Thanks
    2
    شُكِر 5 في 2مشاركة

    معرض الأوسمه



    منيف + الضاري

    الله يعافيكم على التواجد

    ...........

    ( 1 )
    احد الفرسان من ( عنزه ) كان اعور
    فيخاطب احد النساء:

    لواحلولات ياعيونك=وانطيك عينٍ خلاويه
    عينٍ توريك مضنونك=ولانتي على الرجم منخيه
    ماقهقهر الجيش يتنونك=مقيلك الظهر بالفيه

    ( يقول عطيني عيونك واعطيك عيني .. انتي ماتريدين الا ان ترين محبوبك والعين الوحده تكفيك.. لكن انا فارس وينخوني الرجال واحتاجهن اكثر منك )

    .............

    ( 2 )
    احد الشعراء يتغنى بالشيخ الفارس درويش المايق في احد مغازيه
    ويقال انه عندما اخذ الحويطات :

    ياطير ياموميٍ بالريش=سلم على داعج عيونه
    قولو ترى صلهن درويش=على الدبش والجنب دونه
    من رجم عليّه حرفنا الجيش=وتفيحت كل مجنونه


    .............

    ( 3 )
    هجينيه للشاعر طراد بن حطيحط الجساري
    عندما عشق فتاة ( عوراء ) :

    ياراكب اللي تكب الكور=ساجت حباله مع الغزوي
    الله بلاني بحب العور=من جوف لباسة المزوي

    ...........

    ( 4 )
    هجينيه لابن مديفر بخضير المعكلي في احد المغازي :

    الهجن هجن بنا بعصير= متنحراتن ديرتهن
    الهجن كتن شعيب ضمير=بعصير من عقب سروتهن
    هات الركايب وناد خضير=ناد المعكلي دليلتهن

    ............

    ( 5 )
    هجينيه لعبدالله بن جحفل بزوجته كنّه :

    فات الشتا مع خبيث القيض=وحنا ماوقنا على كنّه
    من فوق حيلٍ لهن تجويض=ذود المعادي يشلنّه


    .............

    ( 6 )
    وكذلك هجينيه كنّه الرماليه بزوجها عبدالله :

    باق الملا موتهم تخفيف =مار البلا موت عبدالله
    مرحوم يامهلي بالضيف=يامكثر الهيل بالدله
    ياما صفقهن وراحن عيف=وياما حمى كل منتله
    واليامسك زينة التوصيف=الدم من مضربه شلّه


    ...........

    ( 7 )

    نشيت انا نشت الدغلوب=ينش يانشت الخبرا
    يابو نهودٍ يشلن الثوب=عيت مكاويك لاتبرا


    ...........

    اي استفسار او سؤال او تعديل مرحب به

    ( يتبــــــــــع )



    التعديل الأخير تم بواسطة مشــــعل ; 08-03-2009 الساعة 15:13

  5. #5
    شاعر الصورة الرمزية نافع بن طواله


    تاريخ التسجيل
    12 2001
    الدولة
    KUWAIT
    الاقامة:
    KUWAIT
    الجنسية:
    كويتي
    المشاركات
    3,834
    Thanks
    8
    شُكِر 27 في 4مشاركة

    معرض الأوسمه



    مشعل بس لو تكمل طيبك وتعطينا صوتيات بعد


    بيّض الله وجهك



    لاطاح من عينك عزيزٍ وغالي ... ودك عمى عينك ولا طاح منها

  6. #6
    مجوّدٍ المعاميل الصورة الرمزية أبو روز


    تاريخ التسجيل
    08 2006
    الدولة
    الشرقية
    الاقامة:
    الشرقية
    المشاركات
    1,403
    Thanks
    0
    شُكِر 0 في 0مشاركة

    معرض الأوسمه



    بيض الله وجهك يا مشعل


    موضوع أكثر من رائع


    متابع بقوة



    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    ]زعــبيل في قلوبنـــا[

  7. #7
    شبكة شمّر الصورة الرمزية الحيمري


    تاريخ التسجيل
    12 2007
    الجنس:
    ذكر
    المشاركات
    4,790
    Thanks
    0
    شُكِر 432 في 209مشاركة

    معرض الأوسمه



    ياركبن فوق مايدلي * لو يسهج العشب مايذوقه

    له مركبن كنه الزلي * يشره على الطير بالحوقه

    اسلم وسلم على خلي * ترني بحضه عن البوقه

    يتبع


    يشوق فرع وقض الراس * خل الازارير دلاعه

    كل شرب بالهوى له كاس * وانا معك حيلتي ضاعه

    يتبع


    يصبر قلبي على ماجاه * اصبر من القاع للواطي

    اصبر من اللي تجر رشاه * قبيطها بالحلم ساطي

    يتبع

    يابنت وبي معك بالثوب * ماطول ماحولنا والي

    رد
    اجلي منت حاج يالمذهوب * لاتخرب الحج من شاني
    رد

    يابنت قبلك على ذنوب * وبلحق الاول التالي
    رد

    طق الزميم وذب الثوب والعب على النهد يالغالي


    ((تروها هجينيات بريه))





    اشكرك اخي مشعل



    التعديل الأخير تم بواسطة الحيمري ; 06-03-2009 الساعة 00:47

  8. #8
    مستشار مضيف قصه وقصيده وتاريخ شمر الصورة الرمزية مشــــعل


    تاريخ التسجيل
    05 2004
    المشاركات
    3,141
    Thanks
    2
    شُكِر 5 في 2مشاركة

    معرض الأوسمه



    هلا ابو طواله انت تامر امر

    ابو روز هلابك وهلا بمتابعتك

    الحيمري الف شكر لك انت على هالاضافه

    .................


    ( 8 )
    من الهجينيات المشهورات عند شمر بالخصوص ( موجوده بمقطع فيديو)

    يابكرتي وان جفاك منيف=تردين عذفا على ليله
    وجهك على مكرمين الضيف=شمر الياقلّت الحيله
    عند الجبيلي يطيب الكيف=وانتي تريحين ياشعيله





  9. #9
    مستشار مضيف قصه وقصيده وتاريخ شمر الصورة الرمزية مشــــعل


    تاريخ التسجيل
    05 2004
    المشاركات
    3,141
    Thanks
    2
    شُكِر 5 في 2مشاركة

    معرض الأوسمه



    ( 9 )
    هجينيه للامير عبيد الرشيد:

    ياحمود انا عارضي شابي=طرد الهوى جزت انا منّه
    ياكود وضّاح الانيابي=هذاك مني وانا منّه
    ياماحلا جدع الاسلابي =واركات سني على سنّه


    ................


    ( 10 )
    يقول ذايد الدحيلاني رحمه الله
    ايام ماكان يعمل بالفوج في نجران .. ويهني من يحصل على رخصه من عمله
    لزيارة الاهل في الشمال

    ونيت انا ونة المقروص=بين الاصابيع وابهامه
    هنيت من بالعمل مرخوص=ريح الهوى الزين قدامه
    وجدي على متعبين العوص=هل المراحيل والقامه


    ............


    ( 11 )
    يقول احدهم :


    ياشوق لاتلبس الجبّه=كان انت للناس عراضي
    صرتي علينا ضمى لبّه=بالقيض والبرق ماناضي



    ............


    ( 12 )

    يقول حرّان المختاري بالشيخ الهاب المعكلي

    المستوي والدليل الهاب=يقدى الركايب عن العيله
    ابوه قبله دليل ركاب=من غالطه وغرابيله


    ..............


    ( 13 )

    يقول التبيناوي وكانو شمر اكاالسنه على زبالا

    واويلكم يالمواليفي=كان زبالا قضى ماها
    اللي نحر يمة السيفي=واللي يبي نجد ينصاها


    ..........


    ( 14)

    يقول احد الشعراء بالشيخين عبكلي الشلاقي وابن عايش من التومان


    الهجن خذن بنا طاروق=يتلن عبكلي وابن عايش
    كم خفرة فدعت بالطوق=قالوا عشيره ماهو هايش



    ...........


    ( 15 )
    من طرائف الهجينيات
    احد الشعراء وجه قصيده للمفوض البريطاني قلوب باشا ( ابو حنيك)
    يقول:

    ياقلوب هذا دورٍ لك=وحنا ترى دورنا فاتي
    كل النشاما عبيدٍ لك=حطو على العقل نجماتي

    يقولون بعده ارسل قلوب باشا بطلبه .. ( فجحد الابيات )
    فقال:

    ياقلوب ماقلتها ياقلوب=وحياة خلاّق الانفاسي
    لاالبس زبونك واجر الثوب=واحط تاجك على الراسي



    ..........



    ( 16 )
    كذلك يقول احدهم من الهجينيات المعاصره بطريق الجوف بعد مازفلتوه :

    توك تجي ياطريق الجوف=من عقب ماصرت انا شايب
    مالك جماله ولا معروف=اقفيت من حبهم تايب


    اي سؤال او استفسار او تعديل حاضرين


    ( يتبــــــــــع )




  10. #10
    [ موقوف ]


    تاريخ التسجيل
    12 2007
    الدولة
    الخفجي
    الاقامة:
    الخفجي
    الجنس:
    ذكر
    المشاركات
    726
    Thanks
    0
    شُكِر 0 في 0مشاركة


    الله لايهينك يامشعل ,,,


    والله انهن يونسن هالهجينيات ...




+ الرد على الموضوع
صفحة 1 من 4 1 2 3 4 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
بريد وماسنجر شبكة شمر w.......@shammar.net
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته