+ الرد على الموضوع
صفحة 1 من 4 1 2 3 4 الأخيرةالأخيرة
النتائج 1 إلى 10 من 33

الموضوع: روائع الهربيد

  1. #1
    مستشار مضيف قصه وقصيده وتاريخ شمر الصورة الرمزية مشــــعل


    تاريخ التسجيل
    05 2004
    المشاركات
    3,141
    Thanks
    2
    شُكِر 5 في 2مشاركة

    معرض الأوسمه

    روائع الهربيد



    عمتم مساء<< او ماهي هالوننقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    كما كان للمضايف السبق بجمع اكبر عدد ممكن لقصائد الوضيحي

    بموضوعنا هذا نبي نجمع كذلك اكبر عدد من قصائد فحل من فحول شعراء شمر

    الا وهو عدوان الهربيد

    عدوان بن راشد الهربيد من السويد من سنجاره من شمر
    غلب طابع الحكمه على اغلب قصائده كذلك اشتهر عن عدوان انه فقير ماديا
    وورد هالشي بقصائده من ضمنه قصيدته اللي يتمنى به معاميل القهوه وكذلك قصيدته اللي
    يتمنى به لو يملك ابل وغيره

    راح احاول اني اجعل تسلسل قصائد الهربيد كقصه حتى تكون اقرب للقاريء

    يقال ان اخوة عدوان قتلو باحد المعارك
    ماوجد الا جريس وهو ولد اخوه
    ويقولون انه تزوج امه خاف لاتاخذ له اجنبي ويوذي جريس

    ونلاحظ ان اغلب قصائد عدوان كانت مسنده لجريس

    ويقال باحد الايام كان مار بمراح اهله ومعه بناخيه جريس وهو يتذكر اخوته
    يقول عدوان:
    يادار يادار ربينا بك العام =بين الحجر يادار واشراف ضاحي
    يادار مابك من هلك جرة اقدام=والمال ماله جرة بالمراحي
    بس الثلاث اللي تقول روس خدام=وارض تصفق به نشيط الرياحي
    ياجريس يامشكاي واطيرنا حام=برخون شينات الليال اللقاحي
    حطن بنا قيد وهواجير وخزام=ياجريس واسقنا مرار الملاحي
    حظ ربض لو قامت السمر ماقام=وباب عصانا بقلة الانفتاحي
    يا قد قلبي قد أزرق الخام= أو قد غرب من شفا البير طاحي
    على الرجال اللي مشو لي بالاخدام=راحو كما برق بالامطار لاحي

    ويقال ان بناخيه جريس يوم كبر ماعاملوه نفس المعامله ومشى وخلاوه
    يقول عدوان:
    ياجريس يامشكاي شاكن واشكيك =اشوفها من يم الاصحاب ضاقه
    ياجريس أخذت أمك على شان تاليك =ما معجبن زينه ولا هي عشاقه
    عمك ولو بي تنشده كان ينبيك =وش حق من رباك طفل حواقه
    ياما على متني تعقبت بيديك =تنقل كما تنقل خطاة العلاقه
    وياما بعدلات الشبايا نعشيك =واعطيك مع زود الخزيزة لحاقه
    لما الذي بدقون ربعك ظهر فيك =وأظن في نيت اللحى افتراقه
    واليوم اشوفك يوم كبرت علابيك =جمعت مع خبث الطبايع نزاقه
    ياصار بالدنيا صديقك مجافيك =ما من ورى عوج النصايب صداقه
    ياجريس مالي بالاداني واقاصيك =لأهل فوقي محزم من دقاقه
    سبع العود ياجريس خلن اخليك =ياجريس ما بعيال الاخوان فاقه
    تيس يحطه وال الاقدار بيديك =أحلى من الشرشوح عند الرفاقه

    ويقول عدوان الهربيد يوم رحلو للشمال وخلو ديارهم وكانو بقيادة الشيخ عساف الهربيد:
    زعنا من الغوطه شمال بتغريب =وصارت لنا عن سوق حايل مناحي
    التتن قل وضيعوه الشواريب=ورحنا لابو عوينان مثل الطياحي
    مودع عصيف الشاوري كنه السيب=وبريتن ريحه على النار فاحي
    ماكنه الا العيلمي مارد النيب=ياقلن الامواح هن والضحاحي
    نتلي مضاعن نيبنا شمخ النيب=جل البكار ملطفات الطياحي
    ربع بنا عساف درب النواهيب=عشبن يغذيه الغشين الرواحي
    ياما قطعنا من طوال العراقيب=وياما نزوح الصيد باالارتماحي
    وياما اعتلينا نايفات المراقيب=وياما ارتعن بادنى االدحيلا اللقاحي
    ياما صبرنا بنحور الاجانيب= يوم كل بالامان استراحي
    لعيون غضات البنات الرعابيب=تسعين ليله مارمينا السلاحي
    بديار بن ي*** وكلاب وكليب=بين البيات ومحترين الصباحي
    وبشرقي مكيحل رعينا لغابيب=فرسن تهزع بالخبوب السماحي
    ياخو شقا شف الاناثي مغاريب=زل الربيع وزل وقت الصلاحي
    وديارنا من دونها يتلف الذيب = قولولوندات الحريم الرواحي
    دنو لنا العتلات هن والمصاليب =مثل الصدير من المقور القراحي

    ويقال يوم صارو هناك اشار عليهم عدوان للرجوع لديارهم وكان بالمجلس
    اثنيين اللي هم اسماعيل وسعيد وكانو من المعارضين لشور عدوان
    وقالوا ياعدوان لاتزرب بنا تر كل شاعر زاروبه
    وزعل عدوان وقال قصيدته اللي تسمى "الشيخه" :
    المجلس اللي به اسماعيل وسعيد=ينعاف لو انه على الكبد غالي
    اسماعيل ماسمته سموت الاجاويد=وسعيدماداجو عليه الرجالي
    عيالك الضمران والفرس ياسعيد=متروك ما لحميض الاطعاس والي
    أنا بلاي مزهبين البواريد=هل البنادق ميتمين العيالي
    مابين شمطان اللحى وألأواليد=نضت قروم فوق مثل السيالي
    مركاضهم ياسعيد مابه تصديد=ذباحه الطيب نهار الكتالي
    تاتيك جمعات ادروبه مواريد=تضيمنا يا سعيد بالاحتمالى
    ياسعيد لاتضرب على حبة الديد=بشلفا تسل الروح بالاشتعالي
    بديارفطمان البقر مرتع الصيد=ما عندك اللي عن حوالك يسالي
    ياسعيد هرجك له مغير ومراديد=توقر من الهرج الرخيص الجمالي
    هرج على اكتاف العذاري مناقيد=مايطيب الصبيان كود الفعالي
    عرب جوابك يافتى الجود ياسعيد=عن قوله ثاري سعيد استزالي
    عميت يالسبه جميع القواصيد=ماقلت بالشعار طامن iiوعالي
    عميت نمر والمهادي وابازيد=عز الظعن حبس الكمين الهلالي
    ومشعان والطياروعقاب وعبيد=وعبدالله المصطور ماضي الفعالي
    والعسكري ومصيغ وهديب ورشيد=وحسن حماي الركاب iالتوالي
    وجمل وبن حثلين والفغم وفهيد=وعنتر الى ما عدل الشيل مالي
    وصعب اليا عدوصطام iالاضاديد=وسعود ابن سعودراعي العمالي
    وعرار وعمير هل الكود والكيد=مخلين سروج الخيل أو يا دوالي
    وحطاب اللي بالصحن ينفض الغيد=وبريك محي بالركاب المسالي
    ورميزان هو والعرفجي ذاك أبو زيد=وساجر مسوي للذلول النعالي
    ابن دعيجا اللي كما بيته الحيد=وابن سمير اللي بقرن الشمالي
    اللي ركابه حادرات iiمسانيد=ابن دعيجااللي يفك التوالي
    ومسفر ابن غازي ونومان iiياسعيد=وجارد املضي للشخيل العلالي
    ونايف دلال مدللات iالمغاريد=وفهيدزبون مجنفرات المتالي
    والاشمل اللي من مناه التحاميد=ومطلق مطبق بالغدير iالزلالي
    وجديع خيال السمان المصاعيد=مودع مع الدعثور مثل الغزالي
    طبع بهم ياسعيد صدر وتوريد=وفهق وتقليط وفتل وعدالي
    ياسعيد أناثنواي دون الأجاويد=هل الصحاف ومتعبين الدلالى
    عشرين مع عشرين لاأنقص ولا أزيد=وافين من غير القصيد الافعالي
    حتى انت مابك عن ربوعك مقاعيد=وأنا بعد مثلك على قد حالي
    صلاة ربي عد ما هل من عيد=على شفيع الخلق عد السهالي

    ولوه هالقصيده يوم خاوا الرمال من شمر وكانوا الرمال اغلب حلالهم ابل ماعدا عدوان اللي حلاله
    غنم والمعروف ان فيه اختلاف بين راعي الابل والغنم من ناحية المسيره ومن ناحية النزل والرحيل
    فكانو نوب يتاخرون عليه فقال هالقصيده يلوم نفسوه انوه خاوا هل الابل وهو راعي غنم
    يقول :
    عزي لمن مثل احكي له واطاعي=من تاه بصره ضاع واخطته الابصار
    وقعت انا بالضيق عقب الوساعي=وعدي عن الدرب المسانع بتحيار
    قمنا نجل الحص مثل الوداعي=قرايف مابين حايل ومصفار
    من شافنا عند العرب قال راعي=ومن شافنا قفو العرب قال خطار
    نتلي مدله ناقته والمتاعي=ربع يدورون المغازي والاسفار
    اهل الشداد ملافظين القطاعي=كم راس طعسن زولو فيه الاشجار
    غفيلات يطوون الفجوج الوساعي=مرباعهم عشب الخطايط بالاقفار
    يطنون راع الضان بالانقطاعي=ويرضون بعصير النزل كل صقار
    وانا ياجا الليل بس الدواعي=داع ورا داع ونار ورا نار
    ياجريس عن درب العرب بانهزاعي=ماظنتي رافق هل القود حمّار
    حيرانهم تشدى فحيد الضباعي=فتخن تلاعب بين ملحق وقهار
    مواطيه تشدى بطون الافاعي=خلفاتهن مابين مصغر ومبدار
    ياما تدالو نازحات المراعي=حلالهم ياجريس حثات الاوبار

    ولوه قصيده يتمنى به الابل وياصف به :
    التايه اللي صار مثلي معه ضان =مايتبع الضينان كود العفوني
    طالعت انا المجمول مردوع الاوجان-=العصر قلب للقطيع اللحوني
    البل عطايا الله مجانيس الالوان=عوج الارقاب مرفعات المتوني
    مايعلم الله ينصخي به للاخوان=لولاه تجزى صاحبه بالغبوني
    عذروبها الغييب شينين الاالوان=اللي يدزون الولد بالطعوني
    من فوق حيل ضاريات للاقران=بس الحبال ويابسات الشنوني
    البل ذبايحها عطيبين الاطعان=لباسة الجوخ الحمر والزبوني
    قادت من المربوق والسعم مليان=والعصر حشوانها على الماء عطوني

    ولوه قصيده يتمنى به معاميل القهوه بحكم ان حالتوه الماديه ضعيفه:
    ابي اتمنى منوة الكيف واختار=لو كان يرحن التماني على فوش
    شفي ثلاث مركيات على النار=سود خوات فوقهن كل طربوش
    واصفر غريب باللحن يدعي الجار=توه لفى من سوق الاروام شايوش
    مع زرقا مايصنعه لك بيطار=زرقا قفاها لواهج الجمر مفروش
    ومولف يبعد يمينك عن الحار=يشادي لعنق الديك والخشم مقطوش
    مع قطما تبكي على لك صبار=تنثر دموع وتمحش الدمع بقروش
    مثل الهنوف اللي من الغوش تختار=ماتاخذ الا مرخص العمر بالهوش
    وخمسة جروس منحسن كل ماصار=ماحلى صعيره مع صعير اصفر القوش
    وصينية عجله سريعه بالاديار=عليه من شكل المغاتير قنطوش
    مع حايل يندن عضامه على الدار =وحب اللقيمي بازرق الصفو مرشوش
    ول ماحلاته مع طرف كل مسيار=ياصار مالك يافتى الجود لاقوش
    حلون قبلهن عند ملفى هل الكار =حلون قبلهن مع نبا كل هشهوش

    ولوه هالقصيده ينهى به عن الدخان وبيبن ان الدخان ماهو كيف "اهداء للمدخنيين"نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    يقول عدوان:
    ياشارب التنباك شربه مهو كيف=يامدور الطولات مابه شكايل
    لاجالي هم ولا مقري ضيف=ولامودع خط الرديين طايل
    اعلمك بالكيف ياداير الكيف=الكيف دربه مايبي له دلايل
    اعلمك بالكيف ياداير الكيف=دنيين نجور الماو فوق النثايل
    اعلمك بالكيف ياداير الكيف= بني الرباع السود ويا المدايل
    بارباعهن بيض الدلال المهاديف=مشروبهن وقع السحاب الشخايل
    فنجالهن يشدا خضاب الغطاريف=ورسن صبغ بكفوف شقر الجدايل
    وصينيه يقلط عليها مراديف=وحب اللقيمي فوق عصبان حايل
    اعلمك بالكيف ياداير الكيف=ركب العقايليات والدل مايل
    اعلمك بالكيف ياداير الكيف=حط الكبن والجوخ فوق الاصايل
    اعلمك بالكيف ياداير الكيف=ضربت عدوك بالجموع الثقايل
    اعلمك بالكيف ياداير الكيف=تدليل حد السف في كل عايل
    مع ربعة تفرق حساب المواليف=واليا تلاقو فوق شهب الصايل
    اعلمك بالكيف ياداير الكيف=شقحا من الخفرات شقرا جدايل
    اعلمك بالكيف ياداير الكيف=شي تخلق من ضلوع الشوايل
    اعلمك بالكيف ياداير الكيف=يامدور المشهور هذا الصمايل


    وبالرغم ان قصائد عدوان الغزليه ماهي كثيره ويمكن ماشتهر له اللي قصيدته "بجمعه"
    يقولون ان عدوان نزل عند الشلقان من شمر واعجبته وحده اسمه جمعه وهي صغيره بالعمر وعدوان شايب
    يقول عدوان ويسنده لبناخيه جريس:
    ول يافريـقٍ كتـو السيـف نجـاع=تزجرهـم النكبـا ليالـي التسيعـي
    شفي "بجمعه" لو كلت كل الاجمـاع=جمعي مع جموع الجماعه جميعـي
    وش عاد لو تاكل جموعي والاصباع=وجموع جمعات الشريـف الرفيعـي
    جمعه فتاة من شراشيـح الاقطـاع=من لابـة اللـي مدلهيـن القطيعـي
    وقرون جمعه فوق الامتـان شـراع=يدلي بهن ياجريس خطـو البديعـي
    ونهدٍ على المجمول لو تلمسه مـاع=ياجريس مافرهد عليـه الرضيعـي
    وان كان اهالي الترف يبغون الاطماع=انـا بتوليـف المصـاري سريعـي
    ورد عليه بناخيه جريس بقصيده وسبق اننا ذكرناهن بموضوع سابق"

    ولعدوان ايضا قصيدة التوبه ويقال انه تقارب المية بيت لكن اللي وجدت منه الاتي
    يقول عدوان:
    يالله ياللي مابخلقك معيره=الواحد اللي للمخلايق خلاق
    تسعين مايسرن انته دبيره=ترجيك ياباني حجر كل شوهاق
    رازق جليله مع دوابي صغيره=ومفنى ثلاث ارنوق من كل الارزاق
    شي طلوع الشمس حزة نفيره=وشي غياب الشمس فك للارياق
    واشيا يرعى من ثمر كل ديره=واشيا مايعرف مذوقه ولايذاق
    ترحم كبيره مع دوابي صغيره=المنفهق واللي على الرزق مطفاق
    وتبعث سكون حال دونه جبيره=وتلحق شرود بالجناحين خفاق
    دنياك انت الواحد اللي تديره=مر ربيع ومر يذون الاوراق
    ومر دجى والعين يخلف نظيره=ومر نهار وكل دنياك مشراق
    دنياك تقلط ماتقلط نذيره=ومن لاذ يبي عن مناياه ينعاق
    انا دخيلك يوم يشتب ثيره=يالله لاتسطى عظامي بالاحراق
    تلطف بعبد مودعك له ذخيره=عبد اليامنه نوى بيك ماباق
    هذا اللي قدرت اني احصل عليه ولانستغني عن جهود الاخوان

    واللحين المتصفح لكم من استفسار او اضافه او تصحيحنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    الموضوع الأصلي: روائع الهربيد || الكاتب: مشــــعل || المصدر: مضايف شمر

    كلمات البحث

    اسلام ، حوار ،شعر ، كمبيوتر ،تصاميم ، رياضة، معرض صور





  2. #2
    مستشار مضيف قصة وقصيدة


    تاريخ التسجيل
    02 2005
    المشاركات
    4,229
    Thanks
    0
    شُكِر 0 في 0مشاركة

    معرض الأوسمه



    ابو ياسر الا يامال العافيه تسلم والله يبارك فيك ويجزاك خير
    وصحيح ماذكرته يامشعل لان حنا لنا السبق بجمع قصايد الوضيحي وقصايد ابو زويد السنجاري

    لي رجعه ان شاء الله لاضافه بعض القصائد

    ليت كل غيبه يابن العم بموضوع مثل هذانقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل

  3. #3
    مشرف مضيف فلة حجاج الصورة الرمزية ريال الفسحه


    تاريخ التسجيل
    10 2006
    الدولة
    ALFLH CITY
    العمر
    32
    الاقامة:
    ALFLH CITY
    الجنسية:
    سعودي
    الجنس:
    ذكر
    المشاركات
    12,555
    Thanks
    467
    شُكِر 121 في 19مشاركة

    معرض الأوسمه



    مشعل الغفيلي....

    الله لايهينك على هالنقل والجمع الراااائع....

    الشكر لايكفي لك....دمت بصحه وعااافيه..



    ـــــــ ملييييت..

  4. #4

  5. #5
    عضو شرف الصورة الرمزية شموخ


    تاريخ التسجيل
    08 2002
    الدولة
    الحجاز/ن
    الاقامة:
    الحجاز/ن
    الجنسية:
    سعوديه
    الجنس:
    انثى
    المشاركات
    4,616
    Thanks
    4
    Thanked 8 Times in 1 Post

    معرض الأوسمه



    ياصار بالدنيـا صديقـك مجافيـك ...... ما من ورى عوج النصايب صداقه


    صراحه هالبيت عن قصيده نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي




    واللحين المتصفح لكم من استفسار او اضافه او تصحيح
    الله يعينك على اسئلتي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    وقالوا ياعدوان لاتزرب بنا تر كل شاعر زاروبه

    ماادري انت تقصد الزريه يعنى لاتفضحنا نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي أو أنا مافهمت الكلمه وش معنى هالكلام نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    ايضا في قصيدته بالمراح فهمت اشياء وشي مافهمته نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    يادار يـادار ربينـا بـك العـام
    بين الحجر يادار واشراف ضاحي
    يادار مابك من هلك جـرة اقـدام
    والمـال مالـه جـرة بالمراحـي
    بس الثلاث اللي تقول روس خدام
    وارض تصفق به نشيط الرياحـي


    أنا فاهمه انه يقصد بالثلاث الـ حجار الثلاث الي توضع للنار حتى يثبت القدر عليها مو يقولون القدر مايركب الا على ثلاث نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي بس اللي بفهمه ايش معنى خدام نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    اختار موفق وابيات رائعه تصدق يوم أقرأ ابيات الأولين أعاف ثلاثة ارباع الشعر الحالي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    يعطيك العافيه
    تحياتي



    ياكثر مايطري على البال توقيع .......... ولا شفت لي توقيع يرضي غروري
    ان ماحصل توقيع فوق التواقيع ...........والا عن التوقيع يكفي حضوري

  6. #6
    [ شمرية وبس ] الصورة الرمزية ريم شمر


    تاريخ التسجيل
    07 2002
    الدولة
    نجد
    الاقامة:
    نجد
    الجنس:
    انثى
    المشاركات
    13,919
    Thanks
    683
    شُكِر 338 في 41مشاركة

    معرض الأوسمه



    يعطيك العافيه

    جهد جبار ومشاركه بغايه القيمه ,,,


    .
    ,.

    تسلم اخوي مشعل وماقصرت ,,




    تبسّمْ سلمتَ
    فحُزنُكَ ظلمْ
    أيحزنُ من عندهُ
    وجه أمْ

  7. #7
    عضو شرف الصورة الرمزية المطنوخ


    تاريخ التسجيل
    10 2004
    الدولة
    الكـويت
    العمر
    36
    الاقامة:
    الكـويت
    الجنسية:
    كويتي
    الجنس:
    ذكر
    المشاركات
    9,785
    Thanks
    0
    شُكِر 14 في 2مشاركة

    معرض الأوسمه



    لاهنت يالسمي على هالزين

    ولكن عندي تصحيح بسيط...


    ذكرت بقصيدته ((الشيخه))

    و(مسفر) ابن غازي ونومان iiياسعيد
    ........................وجـارد املضـي للشخيـل العلالـي


    والصحيح
    (ومغير) ابن غازي ونومان iiياسعيد
    .........................وجـارد املضـي للشخيـل العلالـي



    my grandfatherنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    تحياتي يالقرم



    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  8. #8
    عضو شرف الصورة الرمزية المطنوخ


    تاريخ التسجيل
    10 2004
    الدولة
    الكـويت
    العمر
    36
    الاقامة:
    الكـويت
    الجنسية:
    كويتي
    الجنس:
    ذكر
    المشاركات
    9,785
    Thanks
    0
    شُكِر 14 في 2مشاركة

    معرض الأوسمه



    نسيت يالسمي

    أبي اذا ماتعسّر عليك

    ذكر أسماء الفرّيس بقصيده الشيخه

    لان عندي اسمائهم ومو متأكد منهم بس تأكيدا قلت اسألك يمكن القى العلم عندك




  9. #9




    اخي الفاضل /

    مشعل

    دائماً ماتأتي محملاً بالهدايا

    والعذب من القصيد


    قبائل من الشُكر

    لشخصك الكريم

    دمت بخير

    اختك / المهرة



    مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل

  10. #10
    مستشار مضيف قصه وقصيده وتاريخ شمر الصورة الرمزية مشــــعل


    تاريخ التسجيل
    05 2004
    المشاركات
    3,141
    Thanks
    2
    شُكِر 5 في 2مشاركة

    معرض الأوسمه



    ياهلا بخالد
    تسلم يامشرفنا على هالمرور

    لاهنت يابعد حي
    وبانتظارك




+ الرد على الموضوع
صفحة 1 من 4 1 2 3 4 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. قصيدة الهربيد
    بواسطة دحام الخريصي في المنتدى مضيف قصة وقصيدة وتاريخ شمر
    مشاركات: 9
    آخر مشاركة: 10-10-2009, 08:07
  2. تعقيب مهم حول شيخة الهربيد
    بواسطة ابو رفحاء في المنتدى مضيف قصة وقصيدة وتاريخ شمر
    مشاركات: 19
    آخر مشاركة: 29-12-2007, 08:14
  3. عدوان الهربيد ،،، وواسماعيل وسعيد ،،وذكره للشجعان
    بواسطة * نجم سهيل * في المنتدى مضيف قصة وقصيدة وتاريخ شمر
    مشاركات: 34
    آخر مشاركة: 25-04-2007, 22:35
  4. عدوان الهربيد وبناخيه
    بواسطة مشــــعل في المنتدى مضيف قصة وقصيدة وتاريخ شمر
    مشاركات: 24
    آخر مشاركة: 15-11-2005, 22:52
  5. من روائع فهد عافت
    بواسطة محمدالشمري في المنتدى مضيف الالغاز
    مشاركات: 3
    آخر مشاركة: 21-02-2005, 14:05

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
بريد وماسنجر شبكة شمر w.......@shammar.net
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته