+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 10 من 24

الموضوع: تذكرت ((الجزء الثاني))

  1. #1
    مستشار مضيف قصة وقصيدة


    تاريخ التسجيل
    02 2005
    المشاركات
    4,229
    Thanks
    0
    شُكِر 0 في 0مشاركة

    معرض الأوسمه

    تذكرت ((الجزء الثاني))



    السلام عليكم ورحمة الله وبركاته

    ودّي اقول نفس الكلام اللي قلته لكم بالجزء الاول انه اجتهاد مني والخطأ وارد فاقبلو ماجاء مني والعذر عن القصور


    تذكرت
    الشاعر عطشان القريد من الاسلم من شمر نزل على فخذ الجعفر من شمر وكان وقتهم بالصيف وهم قطين على الماء وعند ماترد ابل جارهم الاسلمي يقدمونه على ابلهم ويخلونه ترد الماء قبل حلالهم فأعجبه حسن جوارهم ومعاملتهم لجيرانهم فقال هذه القصيدة :
    و

    ردت ذودي على اليتمان = بالقيض بحام اللوا هيبي
    ياسعد من جالهم ضميان =ياطالبين المشاريبي
    كسابة المدح بالاكوان=الى زا د شر الاجانيبي
    هم اقدم الحضروالبدوان =من خلقت (ايوب) و(اشعيبي)
    واللي جهل ينشد العربان = هم الضياغم هل الطيبي




    تذكرت
    وصف الباحثه الاميريكيه وجرترود بل (للعاصمه انذاك) حائل عروس (الشمال ونجد والجزيره العربيه )...والتي زارت مدينة حائل أبان حكم سعود بن عبد العزيز بن متعب بن عبد الله بن علي آل رشيد ما بين ووقفت على معالمها التاريخية والأثرية وكتبت عنها وعن حكامها آنذاك وطباع أهلها وعاداتهم الشيء الكثير .. لها مذكرات جميلة وقيمة ومن ضمنها صور عن معالم حائل وأثارها وبعض رجالها ونسائها وكذلك صحراء النفود وقصر برزان .. وقد كتبت في مذكراتها انطباعها التالي عن حائل ( ... أنني أحمل انطباعا عميقا عن جمالها ومفاتنها في كل شيء .. تورد أشعة الشمس على القصر والمدينة .. فن المعمار في بوابة القصر .. شوارعها النظيفة عديمة الضوضاء وقد يكون غريبا إن قلت عديمة الغبار أيضا .. حقول الذرة الخضراء وهي تشع كاللؤلؤة من بين الحيطان ... )






    تذكرت
    قصيده الشاعر الكبير فهد الفويه في وقعة الصريف عام 1318 للهجره :
    هنيت منهو داله مثل صنقور=ماهمه الدمام واللي سعى به
    ولاهمه اللي حطو العصر بقبور=ولابكى بيض تلاعج عذابه
    ياعل حالك يابو جابر بحادور=وياعل دارك مايخضر جنابه
    اللي تعادي حاكم البر وقصور=حرٍ إلى شاف الحباري عثى به
    بالمجمعة عجزوا يشيلون لقبور=وصاروا رجوم مثل نايف هضابه
    في غابة يشبع به الذيب ونسور=والضبعة العرجا ملت كل غابه







    تذكرت
    قصيده من اروع ماسمعت تنسب للمشعلي على وقت الرشيد:
    يالله ياللي عالم غيبات الاحوال=ياللي يدك كلن ترجا عطاهــــا
    تاسف لمن طقه مع الغبن سلال =ونفس لحق بها التلف وش دواها
    اللي سبا حالي غضب شقر الاجدال =بيض تشكا من هضايم عداهـــا
    من يوم سور العز هدوه الانذال =تنعاف دار بين اهلها شقاهـــا
    يادار دورتي باهاليك الابدال =مثل الطموح اللي بعجت هواها
    شلون عقب الشيب دارت بالاجهال=قامت تبخر حضنها مع غطاهـــا
    آه على اللي تقطع الدو مشوال =تشدى رفيف الوارده من قطاها
    باغ لحايل زبن من طقه الجال =من دور عبدالله ذرا من نصاهـــا
    هذي بلادمطوعة كل من عال =دار المعزه والضياغم حماهـــــــا
    اول هداد سعود بين له افعال =اولاد وايل يوم صالوا خذاهــــــا
    حر شهر وان نفض الريش فعال =عناز الياشط الفرات حداهــــــــا
    قفوا مع اللبه وضلوا على حال =وحرم عليهم شربة من جباهـــــا
    واشيب عين اللي هكاليوم زمال=ضاقت على ناس طليفيح جاهــا
    لساع عيه صفرة الكبد تنجال =مادام ديرة حينا ماولاهــــــــــا
    لولا العيا من يقطع اللغف صوال=حايل معفاة على اللي بغاهــــا
    نارالهشيم بضامري تشعل اشعال=اوشدري اللي بالقدم ماوطاهــا
    ان جيت باللي بديرة العم والخال=يوم خربوها مستشيرة نساهـــا
    ياميروكل قايد المزن وخيال=وقل للخدم من له جواد يحذاهــــا
    عبيدك اللي للثقيلات شيال =كم واحد من دون عمه ثناهـــــــا
    ياهل الركاب اللي من البعدنحال=ريضو خفاف الجيش يبرد حذاهــا
    وجالآ كماجول القطاعقب مقيال=من يوم مدن للمسير معناهــــــــا
    قولوا لشمرتدني الحيل والحال=اللي يعرفون القدا من عياهـــــا
    الميت يقعدلوعليه الثرى هال =بين اللحود وبين غامق وطاهـــا
    شوفوا حمي المرتعدوبن هذال=وابن الفقير شهاب طقه بلاهـــــــا
    ابرواسباق الخيل دايم وعمال=تروه لمثل اليوم حق غذاهــــــــــا
    الاولوتدرون منصور وش قال=عود بكا حق لعينه بكاهــــــــــــا
    من مقعدبين البغيضين غربال=اللي يشوف مهونته مارتضاهـــــا
    وخليف قال اليوم دوربن هذال=وانا احمدالله يوم غير هواهــــــــا
    ماحكم الاحكم الاله مازال =زولت سراب الليل وابدت ضحاهــــا
    دنياك توريك العجايب والاهوال=مالت عليك وربعنا العز جاهــــــــا
    يوم ان عزك ثار حطاب ماضال=واليوم راعي الدين يبغي وفاهـــا
    ياخليف انا منصور كان الدهرطال=انا وراي حماة سلمى وجــاهــــا
    اصبر يجيك (الضيغمي) حام الاثقال=حتى يقودك كل جربا طلاهـــــا
    اصبرتجي لباسة الجوخ والشال=صبيان حايل فرحت اللي نخاهـــا
    عند(اخونوره) قفلوا كل مشوال=حضر الجبل تحرفو بمغزاهــــــــا
    تسع الف مردوفه وتسع الف خيال=هذا الوعد سلطان نجد دعاهــــا
    قال بن طلمس دونهم دو وسهال=وش ادرى اللي بين سلمى واجاها
    تالي زمانك بالدرجتين الاسفال=حضك ثبا والحقت دلوك رشاهـــا
    خفاك يامنصور كان الدهر طال=آيس عن اهلك القديمه رجاهــــا
    منصورقال ان ماوليتن بالاكمال=صم الرمك عيب على اللي قناها
    هدت خزام بطلت كل فعال=وانا احمد اللي يوم باسى طفاها
    يابن قعيد يقتضي منك رجال=(زامل) لياشد الرسن واعتلاهـــــــا
    (ابراهيم) يثني وان هبا كل ذلال=يما على حوض المنايا رماهـــــا
    حامي عقاب الخيل والدم شلال=يوم ان قطي الخيل ترشح دماها
    ربعي هل العاده على شهب الاذيال= (عبده) الياعج السبايا غشاها
    لازم يجونك بين حفيان واقبال=ياعركةٍ لابدهم من لقاهــــــــا
    ياتونك (الاسلم) سريعين الاقبال=اركوعلى عوص النجايب سراها
    حق عليهم بيعت العمر والمال=والحال عقب مهونة وش غلاها
    (وعقاب) برز عطفة الحرب والشال=شوق الهنوف اللي صخيف حشاها
    وانا اترجى رد برغش ولا ضال=واثار راضه رايهم من هداهــــــــا
    يوم جاهم النويديس مرسال=تريضوا تلحق بحامي تلاهــــــــــا
    حيف علىغوش (الزميلات) ( ورمال)=لاعاد شوشاة الحرايب مناهــــــا
    هذي بناس نية الشط نزال =من الهور مبدين الركايب سراها
    عليهن (التومان) كسابة الفال=عاداتهم سوق الحريبه قفاهـــا
    وختمت باسم الميم والحمد والدال=بصلاة رب العرش رافع سماها





    تذكرت
    قصيده ((يقال)) انها للفارس الصنديد الامير عبيد بن علي الرشيد ابو سليمان :
    عـــادة ولــــي الــعــرش يــرمــي هــــل الــبــوق=سـبـحــان مــــن لـــــى قـــــال لـلأمـر:كـن،كــان
    شـلـنـا عـلــى ذروات مــــن كــــل اهــــل ســــوق=نــاتــي جــمـــوع والــوعـــد قــصـــر بـــــرزان
    يــمــشــون الــــــى نــــــادي شـريـدة بــمــرزوق=مـثــل الــدبــا بـالـصـيـف لــــى صــــال كـتـفــان
    جـيـنـا كــمــا مــــزن مــــن الــغــرب مـسـيــوق=يــمــطــر بـصـبــيــان وخـــيــــل وتــفــقـــان
    يــــوم ارتـمـيـنـاكـم عــلـــى الـنــيــر بـلــحــوق=شـــــرك لــحـــق طــقـــة دحــيـــم وسـلــطــان
    وخـلـيــت شـيـخــه كـنــهــا وصـــــف غــرنـــوق=تـشـبــه لـعــنــز الــريـــم والـجــســم عــريـــان
    مـــن عـقــب مـاهــو زاهــــي صــدرهــا الــطــوق=ومــفــاصــل بــعــقــود حــــــص ومـــرجــــان
    مــــن فــعــل ربــعــي مــرويــة كــــل مــذلــوق=يــــوم الــوغــى يــفــرح بــهــم كــــل بـلـشــان
    اشـــرب هــمــاج الــمــا ولــــو كــــان مــطــروق=واصــبــر عــلــى صــكــات بـقــعــا والاكـــــوان
    تــمــرح وكــنــك مــــن عــلـــى راس خـــــازوق=مـــــن هـمــنــا مـايــدخــل الــنـــوم الاجــفـــان
    نـهـجــت مــــن درب الـسـعــة تــدخـــل الــضـــوق=أطــعــت حــكـــي ابـلــيــس وعــلـــوم شـقــحــان
    ومـذاقــنــا مـــــر الـــــى جـــــرب الــــــذوق=مــثــل الــشـــري مـاتـكـهـمـه كـــــل مــصـــران
    شــابـــت عــوارضــنــا بــــــزارق ومــــــزروق=وصــوايـــح بـظــهــور طـــوعـــات الارســــــان
    والـــــى فــتـــق فــتـــقٍ رفـيــنــاه بــفــتــوق=نـصـبــح عــلـــى الــلـــي فـاتــقــه قــبـــل الآذان
    رفـقـاتـنـا تــشـــرى الـــــى كــنـــت مــرفـــوق=ومـــــن بـاعــنــا يـبــشــر بـــــذل وخــســـران
    يــــوم اسـتـحــق الــعـــرف والــديـــك مـفــهــوق=رقـعــت خـشـمــه عــــن عــقــاب بــــن شـبـنــان
    بـخـمــاســي لــــــى وافـــقــــت رفــةالــمـــوق=نـقـضـي الـغــرض بـــه عـنــد روغــــات الاذهــــان
    شـكــر لــمــن قــاضــى عــلــى الــحــق بـحـقــوق=قـدنــا الـسـبـب والـفـعــل مــــن والي الاحــســان
    وأبــــن أدم لـــــو قـــــال ســويـــت ،مـخــلــوق=سـبـحــان مـــــن يــرفـــع ويــاضـــع بـبــرهــان
    عــلــى الـنـبــي أفــضـــل صـــــلاة ومـنــطــوق=الــلـــي لــنـــا يـشــفــع بـعــفــو وغــفـــران






    تذكرت
    (( يقا ل ان هذه القصيده للامير حمود الرشيد )) بعد ان قام سلطان وسعود الحمود بقتل ابناء عبدالعزيز المتعب.... تأثر حمود العبيد بوفاتهم تاثرا شديدا وغضب على ابنيه ... وقد قال هذه القصيده من شدة تاثره بهم رحمة الله على الجميع :
    ياليتني قيلت معهم ولاجيت = ولاشفت ذبحتهم جميع(ن) قبالي
    متعب ولد بنتي ولاعنه سجيت = ومشعل ربيعي يوم يجلس عدالي
    وطلال يلجالي وانا له تلاجيت = لاشفت زوله وردت الما حبالي
    ومحمد اللي ذبح في رفة البيت = عز الله انه من ضناين حلالي
    عز الله اني بالعهد ماترديت = مع نسل عبدالله قديم(ن) وتالي
    سلطان قد بقت العهد لو ترقيت = الشمس لازالت يزول الظلالي
    سلطان ورث الميت مثله غدا ميت = وماينفع المحروم كثر الحلالي
    حسبي على سلطان وسعود حسبيت = حسبي عليكم كلكم ياعيالي
    سلطان انا من جظة البيت جظيت = والليله القشرا سببها عيالي






    تذكرت
    الشاعر الكبير عدوان الهربيد من السويد من شمر قال هالقصيده بجريس، ابن أخيه وكان شاعرنا يتوّجد على فخذ الرمال من الغفيله من شمر لانهم اهل ابل ويرحلون وينزلون متى ما ارادو ولكن شاعرنا راعي غنم ملزوم بمكان واحد :

    جينا نِجِلّ الحبص جَلّ الوداعِي=قرايفٍ ما بين رامي ومصفار
    نتلي مصلّح ناقته والمتاعي =ربعٍ يدورون المغازي والاسفار
    هل الشداد مدَلّهين القطاعي =كم راس حيدٍ زوّلوا عنه الاشجار
    مِطنين راع الضان بالانقطاعي =ومرضين بعصير النزل كل صقّار
    ياجريس قِل عن دربهم بانهزاعي =ما ظَنّتي بارى هل القود حمّار







    تذكرت
    عبد من عبيدالفارس عقاب بن عجل اخذ يلوم عمه الفارس عقاب عندما سمع احد الناس يقول لعقاب انتهى وقت الابل والناس اتجهت الى الاستيطان بالهجر فقال العبد وقصد هالقصيده يذكر عقاب بإمكانيه هجوم الدوله العثمانيه وباشاتها في العراق عليه :
    ياعقاب عقب البل خرابيط وعلوم=يابو جهز لا تعير فكرك لغيرك
    إمّا انت والا عافتٍ خلّوا الدوم=واتبع هوى (العليا) و(لعبه) و(ظيره)
    ما شفت سعدونٍ سنة هجمة الروم=لولا نياقه ما سعت له بخيره
    أرسل على الذفرات من كنّسٍ كوم =وشالوا على حيلٍ سمانٍ ظِهيره
    أقفى كما طيرٍ كفخ يدرج الحوم =من فوق نوقٍ عين خمسٍ مسيره







    تذكرت
    عندما دخل الشاعر الكبير خضير الصعيليك الاسلمي الشمري قصر برزان وديوانيه الامير الفارس عبدالعزيز بن متعب الرشيد وكان مجلسه مكتضا بشيوخ قبيلة مطير فكانو شيوخ ووجهاء قبيلة مطير يقولون للامير اننا معك في حربك وسلمك ...الخ فقال هذه القصيده امامهم يحضه في أبياتها الأخيرة ألا يحالف الأجناب وأن يضع ثقته فقط في شمر لأنهم عزوته وليسو من الاعراب اللي تشترى ذممهم وانهم بدّه عصب جدّه:
    افطَن لشَمّر مِثِل زمل الصخانِ=تقضي بهم الحاجه بليّا خساره
    بِدّك عَصَب جدّك عن الامتحان=لى من صدقان الاجانيب باره
    مطير يا منّه بك الفَتق بان=كالسلك بالابره غدوا لك سعاره



    ان شاء الله الجزء الثالث الاسبوع القادم بإذن الله
    الموضوع الأصلي: تذكرت ((الجزء الثاني)) || الكاتب: خالد الشمري || المصدر: مضايف شمر

    كلمات البحث

    اسلام ، حوار ،شعر ، كمبيوتر ،تصاميم ، رياضة، معرض صور




    التعديل الأخير تم بواسطة خالد الشمري ; 15-10-2005 الساعة 06:43
    مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل

  2. #2
    من فرسان شبكة شمر الصورة الرمزية شريف روما


    تاريخ التسجيل
    07 2005
    الدولة
    دولـة شمٌر
    الاقامة:
    دولـة شمٌر
    المشاركات
    3,657
    Thanks
    0
    شُكِر 0 في 0مشاركة

    معرض الأوسمه

    إبهام فوق



    رائع يابوفراج والله رائع
    من افضل ماقرأت بالمضايف سلسلة تذكرت
    وبانتظار الجزء الثالث وان شاء الله مايكون الاخير نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    الله يعطيك العافية يابوفراج
    وتقبل خالص تحياتي



    مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل

  3. #3


    الله اكبر الله اكبر
    ياخي وش سويت فينا نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    والله وقف شعر راسي من هالقصايد الطيبه

    دايم مبدع ياخالد
    بس بالنسبه لقصيدة المشعلي
    تراها لابن مويشير منصوب ابن رشيد على الجوف وقال هذه القصيده بعد مامنع ابن شعلان بنته من انه تروي
    واخذوالحكم وبسببها حدثت معركة الجوف الشهيره

    ومشكور وماقصرت ويعطيك الف عافيه

    وفي انتظار الجزء الثالث على احر من جمر



    مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل

  4. #4
    خاطر توّه واصل


    تاريخ التسجيل
    08 2005
    المشاركات
    57
    Thanks
    0
    شُكِر 0 في 0مشاركة



    تسلم يمناك يا أبو فراج على هـالابداع

    ورحمة الله عليهم كلهم.

    لاهنت يا مبدع.




  5. #5
    مستشار مضيف قصة وقصيدة


    تاريخ التسجيل
    02 2005
    المشاركات
    4,229
    Thanks
    0
    شُكِر 0 في 0مشاركة

    معرض الأوسمه



    اقتباس المشاركة الأصلية كتبت بواسطة الزقروطــي
    رائع يابوفراج والله رائع
    من افضل ماقرأت بالمضايف سلسلة تذكرت
    وبانتظار الجزء الثالث وان شاء الله مايكون الاخير نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    الله يعطيك العافية يابوفراج
    وتقبل خالص تحياتي
    ومن قال يسلم ومشكور على مرورك والحمد لله انه اعجبك الموضوع



    التعديل الأخير تم بواسطة خالد الشمري ; 16-10-2005 الساعة 07:22

  6. #6
    مستشار مضيف قصة وقصيدة


    تاريخ التسجيل
    02 2005
    المشاركات
    4,229
    Thanks
    0
    شُكِر 0 في 0مشاركة

    معرض الأوسمه



    اقتباس المشاركة الأصلية كتبت بواسطة الكاسح999
    الله اكبر الله اكبر
    ياخي وش سويت فينا نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    والله وقف شعر راسي من هالقصايد الطيبه

    دايم مبدع ياخالد
    بس بالنسبه لقصيدة المشعلي
    تراها لابن مويشير منصوب ابن رشيد على الجوف وقال هذه القصيده بعد مامنع ابن شعلان بنته من انه تروي
    واخذوالحكم وبسببها حدثت معركة الجوف الشهيره

    ومشكور وماقصرت ويعطيك الف عافيه

    وفي انتظار الجزء الثالث على احر من جمر
    ومن قال يسلم ومشكور على مرورك والحمد لله انه اعجبك الموضوع

    بالنسبه للقصيده ( انا قلت تنسب للمشعلي لاني لست متأكد )

    والحمد لله انك اوضحت قائلها ومناسبتها
    مشكور يالكاسح على هالتعقيب الجميل وهذا اللي نبيه منكم




  7. #7
    مستشار مضيف قصة وقصيدة


    تاريخ التسجيل
    02 2005
    المشاركات
    4,229
    Thanks
    0
    شُكِر 0 في 0مشاركة

    معرض الأوسمه



    اقتباس المشاركة الأصلية كتبت بواسطة عبد الله السويدي

    تسلم يمناك يا أبو فراج على هـالابداع

    ورحمة الله عليهم كلهم.

    لاهنت يا مبدع.
    ومن قال يسلم ومشكور على مرورك والحمد لله انه اعجبك الموضوع




  8. #8


    للرفع




  9. #9

    مـــــوعــــود

    الصورة الرمزية احـمد الـطـرقي


    تاريخ التسجيل
    08 2005
    الدولة
    [ .. طرقي .. ]
    الاقامة:
    [ .. طرقي .. ]
    الجنس:
    ذكر
    المشاركات
    2,727
    Thanks
    0
    شُكِر 22 في 3مشاركة


    وتستاهل الرفع

    الف تحيه


    اخوك احمد الطرقي




  10. #10
    من المعازيب


    تاريخ التسجيل
    02 2005
    المشاركات
    501
    Thanks
    0
    شُكِر 0 في 0مشاركة


    المبدع والرائع والمتألق دائما


    خــــــــــالـــــــــــد الشــــمــــري


    يعطيك العافيه على الموضوع المميز والرائع


    لاهنت يالقرم




+ الرد على الموضوع
صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. تذكرت ((الجزء الاول))
    بواسطة خالد الشمري في المنتدى مضيف قصة وقصيدة وتاريخ شمر
    مشاركات: 29
    آخر مشاركة: 12-09-2013, 13:05
  2. تذكرت ((الجزء الخامس))
    بواسطة خالد الشمري في المنتدى مضيف قصة وقصيدة وتاريخ شمر
    مشاركات: 25
    آخر مشاركة: 31-03-2007, 14:49
  3. تذكرت ((الجزء الرابع ))
    بواسطة خالد الشمري في المنتدى مضيف قصة وقصيدة وتاريخ شمر
    مشاركات: 16
    آخر مشاركة: 13-02-2006, 23:56
  4. تذكرت ((الجزء الثالث))
    بواسطة خالد الشمري في المنتدى مضيف قصة وقصيدة وتاريخ شمر
    مشاركات: 22
    آخر مشاركة: 08-01-2006, 02:10
  5. إرهــــابـــيــــات الجزء الثاني
    بواسطة قيصر العرب في المنتدى المضيف العام
    مشاركات: 10
    آخر مشاركة: 17-09-2005, 04:41

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
بريد وماسنجر شبكة شمر w.......@shammar.net
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته