زين النوادر

[حليف شمر]

قمت أدور في قديم ٍ فيه شي من المهابه=شفت عيني ما ملاها غير جمس ٍ له هديري

انتهى وقت الحصيني صرنا في وقت الذيابه=شِد عودك لا تمادت دنيتك وانته كسيري

اركب الجمس المصفح وارتكي من فوق بابه=وأعرف ان زين النوادر ما ملكه انسان غيري

فيه جموس ٍ بالشوارع بس ما ظني تشابه=حيث جمسي بالفيافي دايماً دربه يسيري

السرندل فيه دفع ٍ ما حصل مثله ولا به=وفيه قير ٍ بالمتانه والحجم حجمه كبيري

يا سلام الله على اللي قِل ما يشكي خرابه=لو تحده بالخرايم يقطع الدرب العسيري

لو نجي الدرب الترابي قام ينسف في ترابه=من عزوم ٍ بالمكينة يحفر البيدا حفيري

صمموه عيال ويليام والنعم من روس لابه=اهل خبرة بالصناعة ماهو من وقت ٍ قصيري

اصنعو راس المحرك فيه سرعة وإستجابه=من عزومه تقول يقلع مثل طيارة تطيري

واصنعو بعده موديل ٍ لو تشوف اطراف نابه=لو تفكر كيف يصنع والله انك تستحيري

وأنفرد فيه الجميح ولا به اسماء تشابه=العراقة للجميح ولا نبي هرج ٍ كثيري

والله ان نفسي يشدها كل شي ٍ به طرابه=صوت شكمان الجميحي مثل نوتات الجميري

صوت شكمانه حروفٍ مرتبه وقت الخطابه=مثل ما قال الفرزدق بالقصايد مع جريري

الغمارة فيها وسع ٍ زايد ٍ فيها الرحابه=فيه صندوق ٍ طويل ٍ منقطع فيه النظيري

قد سحق كل المواتر سحق في وقت المجابه=خابرينه لا تمكن ما يفيد به النذيري

اشهد ان الجمس جمس وكل من دونه خرابه=يكفي انه في طريقه يسمعك صوت الصفيري

والله ان الجمس الاول شددو فيه الرقابه=خابرين ٍ قِوّ باسه وكل من ساقه خطيري

اسأل التفتيش عنه مرّ وكل ٍ ما درى به=مر ً بالليل الظليم ولا درى عنه الخفيري

له تعاميم ٍ تصدر في سجلات النقابه=في نداها والمراسل ينسمع عبر الاثيري

ما خبرت ان فيه عيب ولا ذكرت انسان عابه=مركب شيوخ ٍ ولكن يملكه ولد الفقيري

اشهد ان العز عز ٍ حتى لو ناقص نصابه=انشد اللي فيه فاهم حتى لو انسان غيري

كل مدرك قام يمدح قال ما فيها غرابه=لأن صيت الجمس دايم واصل ٍ جمع ٍ غفيري

كان عشقي فيه ذنب ٍ ذنبي يا حلو ارتكابه=الطماعة عند ربي يغفر الذنب الكبيري

نطلب الله يا عضيدي دعوة ٍ فيها استجابه=الوكالة في عطاها جعلها ما تستشيري

جعلها لا من عطتنا شي ما تحسب حسابه=مدّة الكف النداوي ما يفكر يستخيري

وان حصل لي ما شريته ناخذه لو هي نهابه=لأن حروفه فيها عز ٍ لو وراها نستذيري


الشاعر : يحيى بن شيبان


https://www.youtube.com/watch?v=48xB5kLU458