النتائج 1 إلى 9 من 9

الموضوع: ياهل الهافات عنتر ناش جاكم ..!!

  1. #1
    كبار الشخصيات الصورة الرمزية راعي الوقيد


    تاريخ التسجيل
    12 2003
    الدولة
    الوقيد
    المشاركات
    11,178
    المشاركات
    11,178

    إبهام فوق ياهل الهافات عنتر ناش جاكم ..!!



    قبل أكثر من أربعين سنه تقريباً كان (التتن) ممنوع بيعه في السعوديه وكانوا
    يهربونه عبر النقاط الحدوديه على الفروت والهافات .
    وأشهر نقطة ذيك الأيام ( أبرق الكبريت ) على الحدود بين السعودية والكويت ....
    تعيـّن في ذيك النقطة واحدن إسمه ( سعيد بن ودمان ) وهو اللي وقف للمهربين وقدر يخفف من تهريب التتن للسعوديه حتى سمحت به الحكومه ..
    لكن الشي اللي حفظه التاريخ هو ( أدب التهريب ) جرت مساجلات شعريه كثيرة وعديده بين ابن ودمان وبين المهربين ... وعلى اللي كان بينهم من رمي بالبنادق وهواش لكن كانوا رجال يقدرون بعضهم ومثل ما قال ابن ودمان عنهم ( ونعم الله ربي وربهم ) وبأعطيكم القصايد اللي تم حفظها وجرت ذيك الأيام وكل الأسماء الموجودة حقيقية ومعروفة والقليل منهم لا زال حي مثل ابن ودمان حارس الحدود الشهير المهم أول ما تعين ابن ودمان كتب قصيده وحطها بدرج مكتبه في مركز أبرق الكبريت لكنها تسربت ووصلت للمهربين وردوا عليه ... يقول ابن ودمان :

    ياهل الهافات عنتر ناش جاكم ** وا عنا من صادفه بأرضن خليـّه
    لعنبوكم هونوا جاكم عناكم ** جاكم الموت الحمر ماهي زريـّه
    هفوة ٍ زلـّت لكم وإكلوا ...كم ** بيعوا الهافات بأقيام ٍ رديـّه
    وإعلموا وإدروا ترانا في قفاكم ** ومن يقاوي له جبل ما راح نيـّه
    ياهل الهافات عابينا عباكم ** الفروت جداد والعزبه قويـّه
    ياهل الهافات خيـّبنا رجاكم ** نحمد اللي قدرته ماهي خفيـّه
    بيعوا الهافات ردوا في سراكم ** خلـّوا السمره وطـّوال الحنيـّه
    الدهر ذعذع لكم ثمن جفاكم ** وإفهموا وإدروا ترى في الجحر حيـّه
    خسرت الشركة وخيـّبنا ثناكم ** وبعضكم بالقسط ما خلـّص وديـّه
    ياهل الهافات حنا من وراكم ** والسعد قدامنا في كل هيـّه
    تحت حكم اللي عن المنكر نهاكم ** عن طريق الدين تلقون المنيـّه
    عندنا اللي يمرجن باقي شواكم ** خمسه وستين ضد الجندليـّه
    والذي هيـّض غرامي من خطاكم ** هرجة ٍ من واحد ٍ جتني خطيـّه


    بعد ما تسربت القصيده للمهربين رد عليه واحد منهم يقال له فهد الكحيلي ويقول :-

    ياهل الأبرق تبـّين لي خطاكم ** والخطا راعيه يقنع بالخطيـّه
    يا عوينك وارد الستـّه لفاكم ** وعنترك خربان والخمسه رديـّه
    كم ونيت ٍ لا كمل حمله وطاكم ** وقاعد ٍ بأرقابهن تثني الهديـّه
    وإن لحقتم موتره عنده دواكم ** أرنب ٍ حمرا عيون مجادعيـّه
    من قديم وسلمها تاكل خصاكم ** فعلها في جدكم لا رحم حيـّه
    إن بغيت الصلح جاكم ما كفاكم ** وإن بغيت الزود رد العلم ليه

    مضت أيام وطرح ابن ودمان وعسكره هاف موديل سته وستين
    لولد عم فهد الكحيلي جديد ... عندها إستغل ابن ودمان
    الفرصه ورد يقول :

    يا سلاح الحد يوم الله عطاكم ** لا تهابون الخطر والمخطريـّه
    خلوا الرشاش مركوز ٍ حداكم ** والمخازن وسطها النار الصليـّه
    يالكحيلي وارد الخمسه خذاكم ** وستـّتك مع حملته ما راح نيـّه
    ربعنا صادوه عانه من وراكم ** ما مشى ياكود ألف وخمسميـّه
    والعناتر يالكحيلي في حراكم ** والفروت الحمر وجنود السريـّه
    يالكحيلي ما مشينا في رضاكم ** إن زعلتوا أو رضيتوا بالسويـّه
    ياهل الهافات ما خذتوا قضاكم ** ما بكم قاصر ولكن معجزيـّه
    والكحيلي في قصيده ما كفاكم ** دوروا غيره ترى الدنيا هبيـّه
    ياهل الهافات تالي منتهاكم ** والله إنه عند سلك العسكريـّه
    مثل ٍ ناس قد وطاهم ما وطاكم ** فعلهم كنـّه عملكم بالسويـّه
    أو نسفـّركم ونسلم من غثاكم ** والحكومه دونكم والله غنيـّه
    إن مشيتوا بالسنع محد ٍ شناكم ** ما يجازى واحد ٍ ماله قضيـّه
    وإن عصيتوا الأمر معروف ٍ جزاكم ** بأمر شيخ ٍ ما يبى راعي الخطيـّه
    والحكومه رتبـّتنا في نحاكم ** نمنع المنكر عن أفراد الرعيـّه

    ولكم التحية




    اللهم اصرف عني السوء والفحشاء
    واجعلني من عبادك المخلصين

  2. #2
    مشرف مضيف فلة حجاج الصورة الرمزية ريال الفسحه


    تاريخ التسجيل
    10 2006
    الدولة
    ALFLH CITY
    العمر
    38
    المشاركات
    12,516
    المشاركات
    12,516


    رااااااااااااائع


    رائع يابوفيصل موضوع جميل وقصائد اجمل



    لاعنت يابعدي



    ـــــــ ملييييت..

  3. #3
    مشرف مضيف قصه وقصيده وتاريخ شمر
    مشرف معرض صور شمر
    الصورة الرمزية أبو فهد


    تاريخ التسجيل
    07 2003
    الدولة
    جدة
    المشاركات
    7,288
    المشاركات
    7,288


    سلمت يبو فيصل على هالدسم



    ---------------
    أبو فهد الهمزاني



    الآن شرح طريقة رفع الصور عن طريق معرض صور شبكة شمر
    من هنا

    شرح طريقة عمل ألبوم بمعرض صور شبكة شمر
    من هنا

  4. #4
    كبار الشخصيات الصورة الرمزية راعي الوقيد


    تاريخ التسجيل
    12 2003
    الدولة
    الوقيد
    المشاركات
    11,178
    المشاركات
    11,178


    ولاتهون اخوي ريال

    مشكور على المرور

    لك التحية




    اللهم اصرف عني السوء والفحشاء
    واجعلني من عبادك المخلصين

  5. #5
    كبار الشخصيات الصورة الرمزية راعي الوقيد


    تاريخ التسجيل
    12 2003
    الدولة
    الوقيد
    المشاركات
    11,178
    المشاركات
    11,178


    حياك الله ابو فهد

    لك التحية




    اللهم اصرف عني السوء والفحشاء
    واجعلني من عبادك المخلصين

  6. #6


    سلمت ابوفيصل على ايراد هذه القصه والقصائد

    لاهنت تحياتي




  7. #7
    كبار الشخصيات الصورة الرمزية راعي الوقيد


    تاريخ التسجيل
    12 2003
    الدولة
    الوقيد
    المشاركات
    11,178
    المشاركات
    11,178


    ابو عمر !!

    انت تذكر سيارات انترناش

    هلا بك يالغلا

    لك التحية




    اللهم اصرف عني السوء والفحشاء
    واجعلني من عبادك المخلصين

  8. #8
    عضو شرف الصورة الرمزية ابن جشعم


    تاريخ التسجيل
    02 2002
    الدولة
    كل مكان
    العمر
    53
    المشاركات
    3,304
    المشاركات
    3,304


    يعطيك العافية يابو فيصل

    ملف الفيديو سهل علي نطق بعض الجمل وهذا شي تشكر عليه يابعدي


    ياحوووول ياشرابة التتن اول واثريهم معاناة معه لكن له طعم ونكهه.


    ابو عمر سيارته الشفرليت الستيك بدي شفته متعطله بشنق بزاخه.

    اضغط على الصورة لعرض أكبر. 

الإسم:	Snap3.jpg 
مشاهدات:	1425 
الحجم:	114.0 كيلوبايت 
الهوية:	5776



    [flash=http://www.shmmr.net/upload/up/up/shamfs.swf]WIDTH=680 HEIGHT=160quality=best wmode=transparent type="application/x--shockwave-flash[/flash]

  9. #9
    كبار الشخصيات الصورة الرمزية راعي الوقيد


    تاريخ التسجيل
    12 2003
    الدولة
    الوقيد
    المشاركات
    11,178
    المشاركات
    11,178


    اهلين حي الله ابن جشعم

    المعذرة يالعزوة توي اشوف ردك ما انتبهت ؛؛؛

    اقول هالصورة ماهي لحمالية ابو حمد اللي بحوطتهم

    شاكر مرورك يالغلا

    ولك التحية




    اللهم اصرف عني السوء والفحشاء
    واجعلني من عبادك المخلصين

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. ياهل الفلّه جاكم الزير ابو جمري
    بواسطة جمران في المنتدى مضيف فلّة الحجاج
    مشاركات: 127
    آخر مشاركة: 30-08-2010, 23:34
  2. خوينا عنتر
    بواسطة مصقال في المنتدى مضيف فلّة الحجاج
    مشاركات: 15
    آخر مشاركة: 20-02-2009, 22:56
  3. زمن عنتر ..!! ( رد على بن علوش )
    بواسطة سامي الشمري في المنتدى مضيف ا لشّعر الشعبي"النّبطي"
    مشاركات: 44
    آخر مشاركة: 04-01-2007, 18:28
  4. ~~( ياهل شمــــر جاكم ضيف وين العشاء)~~
    بواسطة هـــاوي الشمــال في المنتدى مضيف التّرحيب والتعارف
    مشاركات: 7
    آخر مشاركة: 11-04-2003, 17:26

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته