ياملا ما خبرتوا للمودة مداوي !!؟؟
[align=center]عبدالله بن صالح الأشقــر ؛ وهذهـ السامـريــة :-[/align]
[poem=font="Simplified Arabic,5,white,normal,normal" bkcolor="seagreen" bkimage="" border="outset,4,gray" type=1 line=0 align=center use=ex num="0,black"]
ياملا ما خبرتوا للمودة مداوي = دام حالي وروحي ما قضت كلها
يوم ربي نوابي بالشقاء والبلاوي = ساقها لي مغرِّة ثم ساقن لها
جيّـة الزين واله ماتجي بالهقاوي = كلمةٍ مع رفيقٍ قلت له قلّها
مقبلٍ ويتبسّم مثل عين النداوي = الهوى يستوي له والبها دلّها
يا مليح المجدّل ذِب عنك الغطاوي = جعل عينٍ تملّك ما ترى من لها
بالخديد المفرّد والمقاد الظباوي = من ثمانك تبل الروح وتعلّها
ياغضيضٍ معمّر مستبينٍ هفاوي = يشتكي من ردوفه متعبه تلّها
يا صقيل الترايب فوق حقٍّ دماوي = لا تحلَّ الأزرة يحترق خلّها
اتصبّر ولا قلبي على الصبر قاوي = ضيّع العقل لونه وأحرقه غلّها
الله اللي محطّك سيِّةٍ للهواوي = عيذها من عيون الناس تفطن لها[/poem]
[align=center]وسـلامتكــم
.[/align]
رد مع اقتباس
المفضلات