قصيدة الحقيقه لـ معوض الشاطري
اداء حمود الشاطري
http://www.youtube.com/watch?v=K4eWU5xgkX0&feature=player_embedded
بديت باللـي شيـد الكـون تشيـد
ابدع في خلقـه ثـم سـن العقيـده
من بعد هذا يا خلـف عيـدك سعيـد
يـاالله لعـل ايـام عمـرك سعيـده
انتـه ومـن كثـر علـي التناشيـد
ارسل لـك المعـذا روأقـره وعيـده
والله ما نقص في الحقيقه ولا أزيـد
وقـع المعانـي واضحـاة وأكيـده
ودي بشوفتكـم ولـيـه بهامـيـد
لكـن جرحـي ماتوقـف صـديـده
كـل شـرا لبسـه يبافرحـة العيـد
مـع الاقـارب بالثيـاب الجـديـده
هـل الهـلال وقنفـت بالزغـاريـد
اللـي لشـوف ديارهـا مستعـيـده
وأستركبوهـا صامليـن الأوالـيـد
كـل يـقـول الله عليـنـا يعـيـده
العيد يجمـع كـل ذخـر الأجاويـد
هـذا ولـد عـم والآخـر حفـيـده
وانا ليا جـا العيـد جتنـي لواهيـد
في وسط قلبـي صاليـات الوقيـده
ماهـي بكرمـرت عليـه تـراديـد
عنها نيـام أهـل القلـوب البليـده
ما ودي أشكي خايف مـن المناقيـد
الرجـل بنـك مـا يغلـق رصيـده
ولا ودي أتـرك فرصـة للحساسيـد
اللي ليا سمعـت كـلا مـن تزيـده
وأحترت بين أصدورهـا والمواريـد
من كل جانب صوب نفـس عنيـده
وسجع الحمـام ملحنـه بالتغاريـد
حـرك هجـوس ساكنـه بتغريـده
عجل يبا المـرواح بينـه مواعيـد
تحـت جنـاج الليـل والكـل هيـده
وخايف من اللي يدركـون البواريـد
واللامـن الشيهـان بـأول هديـده
كنه يقول ليا زعلـت أظـرب البيـد
ورزقك علـى ربـن تكفـل عبيـده
أنكان مـا حولـك عيـال صناديـد
أكضم على غيضـك وكـب أتعديـده
وأصبر على الشـدات خلـك بلاهيـد
تكسـب مناعـه لليـال الشـديـده
دنيـا تقلـب خاينـه ملعنـة سيـد
لـو انهـا قفـت تجيلـك معـيـده
يا نيم شف قـدام عينـك شواهيـد
أبصر بعينـك وأفعـل اللـي تريـده
اللي لهم بالطيـب منهـج وتمجيـد
ماتـو ولاحـد قـال والله فقـيـده
راح النظـر والوجـه يـم الهرابيـد
صـارو خيارالقـوم وهمـه فسيـده
مابغاك يـا دار بـك الظلـم والكيـد
يقولـه اللـي ذاق ظلمـه وكـيـده
ظلـم الطغـاه الحاقديـن النماريـد
سـود النوايـا والنفـوس المريـده
تكاتفـو بالظلـم والهـم مقاصـيـد
ولاألناس من ظلم البـري مستفيـده
قولن لجدي قبـل لا يـرزق أوليـد
انشهد أنـه صـار بيـت القصيـده
ما يذبح الرجـال ضـد مـن بعيـد
الموت وان جت ضدته مـن سنيـده
أزمي على وظح النقـى بالجراهيـد
ماني ضعيـف قاصـر الضـد قيـده
من لا بغاني مـا بغيتـه ولا أريـد
شوفه ومـن عـادان مانـي وديـده
ما والله ارضا في جلوس على حيـد
يرضابه اللـي مـا علومـه سديـده
هرجه كثير ولا هـو مضـوي فيـد
وليـا لقـا شانيـك ياخـذ بـديـده
أهانـة يفـرح بهـا كـل رعـديـد
ظحكت عـدوه لـو بكـت عضيـده
عمـد يحفونـه قـروم سواعـيـد
لان أتصقركـن جـابـان صـيـده
والهرج في المجلس مسار على السيد
به أيتعاقب من مشـا غـار سيـده
للخبل مزح ولأشقر الريـش تهديـد
هـروج مجلـس والنوايـا بعـيـده
والحـر عنـده للحسابـات تسديـد
هرجه وقـار وكـل جملـه مفيـده
ياالله يا مخـرج حليـب مـن الديـد
يا راهنن موت الفتـى فـي وريـده
عندك حقايـق قصـة لـي سواميـد
لي ألشـرف فيهـا وهـي الفريـده
شاهد علـي ولـي ومسجلـه قيـد
أطلب جزاهـا منـك ميتـه شهيـده