-
مرحبا اخويه بوفارس ومشكور على الفلاش الاكثر من رائع الصراحه مشالله عليك مصصم روعه
بالنسبه للاسئله:
السؤال الاول:
صراحه الاخوان ما خلوا سؤال ما سئلوه مشالله :D وما يحضرني سؤال الحين ما انسئل
السؤال الثاني:
صراحه فكرة الاستضافه رائعه ولو بعد تستضيفون شخصيات عامه معروفه لدى الجميع مثل اعيان وشيوخ شمر لتكتمل صورة المجلس
السؤال الثالث:
1. هل واجه نقد لشعره او انتقاد شخصي؟ اذا نقد لشعره اعتقد هذا هدف مضيف الشعر واذا واجه انتقاد شخصي فليش الانتقاد يكون شخصي؟ يمكن اسلوبه كان يحتاج لانتقاد او انه في شي
2. شو نوع الاحراجات بعد؟ الكل يواجه صعوبات اخويه في كل المنتديات بس شو نوعها؟
3. صراحه هذي تصير وايد واحس حرام يكون عضو يشارك بفاعليه ويتعب عمره في الكتابه ومواضيع روعه وفي الاخير يواجه التجاهل من البعض
-
مشـــــــــــكورة اختي ظبيانيه ..
يعلم الله كم فادتني اجابته ..
كنت ابحث عن هذه المعلومات من فترة من الزمن ..
وكان جوابك شاملا وكافيا .. ومرجعا لا يتسهان به..
جزاك الله خيرا
-
الاخت من ابو ظبي سلمها الله
تحية طيبة وبعد :ـ
انتِ من الاشخاص القلائل المتميزين بقوة الحضور
ورحابة الصدر فمرحبا بكِ معنا بين اخوانك واهلكِ 0
----------------------------------------------------------------------
س1- لماذا لم تعززي الهودج ببنات الامارات (دعوة للمشاركة لهن معنا)
ج1 - بس انا المثقفه بالامارات :D :D :D
00000000000000000000000000000000
س2-لماذا لم تقومي بتعريف الاخوان بالمنتدى بدولة الشمخ امارات زايد الخير من خلال المشاركات الموضحة للامارات ومافيها من اماكن ومتاحف و 00و00و00و00و00
ج2-الامارات لاهل الامارات بس مو ناقصه :D :D :D
000000000000000000000000000000000000000
س3- الفرق بين بنت الامارات وبنت السعودية
ج3 - ماميش فرق0
0000000000000000000000000000000000000000000
الاجابات بروح المزح قمت بها عنكِ نبي الاجابات الجدية لو سمحتي 0
-
مرحبا اخوي سلمان النبهان
والله صراحه اجوبتك احلى من الاجوبه مالي :D :D
يالله بجاوب
1. صراحه انا عرفت بنت ليوا على المنتدى وقامت تدخله الحين بس باجي البنات اعرفهم من النت وما اقدر اجازف واعزمهم على المنتدى لاني مااعرف اسلوبهم ولا اخلاقياتهم فاذا طلعت دون المستوى بيقولون هذيل عن طريق ظبيانيه
2. تعرف اخوي ودي وايد اكتب عن الامارات وعن زايد بس لانه المنتدى مخصوص بفئة عائلة شمر استحيت اكتب عن الاماات والمفروض المتندى يكون عن عائلتكم الكريمه
3. صراحه مااشوف فروقات كبيره بينا يعني في بالي اول انه فيه فروقات ككبيره بس بعد ما دخلت المضيف وتعاملت مع خواتي شفت انه اهتماماتنا وحده وردودنا وحده اعتقد
تسلم اخوي سلمان
-
.
. ظبيونتي الغالية
والله مدري وش أقول ؟؟ وش أحكي ؟؟ وش أسأل ؟
ودي بجلسة معك ( نطق حنــــــــك) يوم كامل --------->:D :D
أتعرف عليك زيـــن مازين <------------ ( على قولتكم )
بس أبي أسألك :
وش هو شعورك لما عرفتي إنك مستضافة في مجلس المضايف ؟ ماراودك؟
و قولي لي بصراحة بعد ماخاويتي هالشمامره :
وش رايك بخوة شمر ومعاملتهم؟--->واثقة بهم:D :D ;) ;)
-
هلا والله اختي مجموعة انسان
ياريت نقلب الاستضافه سوالف عشان نسولف على كيفنا :D :D
بس اول ما عرفت انهم بيستضيفوني خفت شوي من انه حد يسألني اسئله تزعلني او محرجه بس الحمدالله جت سليمه :D
وعن معاملة هل شمر احسهم مشالله مثقفين (كله يرمسون بالفصحه وانا فضيحه بالفصحه :D ) بعد صريحين واكثر شي عجبني انهم يوقفون مع الواحد وهذا لاحظته من موضوع صار من مده
تسلمين الغاليه ولا تقطعينا
اختج\n
ظبيانيه
-
اختنا الفاضله
ظبيانيه
شكرا لك على سعة صدرك وتواضعك في ردودك
ولااعلم بماذا اسالك ..لان ماشاء الله مافيه شي عن شخصيتك الاخويه غامض
ونفتخر باخوتك على مدى الايام
فلقد كنت وستبقين نعم الاخت
..........
عندي سؤال بسيط وهو :
بما انك احد الاعضاء الذين قضو فتره طويله في المظايف ...
فما هي الايجابيات الموجوده حتى ندعمها ؟ وماهي السلبيات حتى نتلافها مستقبلا؟
وسؤالي شكل عام ؟؟ ليس حصرأ على موضوع معين..
يعين تقدرين تجاوبين من الزاويه التي تكونين ملمه فيها
شكرا لك مره اخرى
تقبل تحيات اخوك الصغير
الراسي
-
مشكور اخويه بشير على الكلمات
والمضيف رائع واذا فيه سلبيات فالقائمين عليه اقدر مني على معرفتها
اشكرك واشكر بوفارس على الاستضافه
واشكر جميع اخواني في المضيف والسموحه من الجميع اذا غلطت على حد وسعدت اني كنت بين اخواني طول فترة اشتراكي في المضيف
ووداعة الله
اختكم
ظبيانيه
-
السلام عليكم ،،
هلاا اختي ظبيانية :)
حبيت أسألك بعض الأسئلة ..
1:من اللي يجذبك لقراءة مواضيعه او مواضيعها ؟؟
2:هل تجدين الان صديقة تستحق التضحية ..؟ :(
3:لكل شيء اضراره ومنافعه .. لكن بصفة عامة هل تعتقدين ان الأنترنت أفادت مجتمعنا ، أم اضرت به؟
4:مالسؤال الذي تتمنين انك سؤلتي فيه ولكن لم تسألي ؟ ;)
5:هل ضايقتك اسئلتي ؟؟:D
حياتي ..
عبير نجد ;)
-
مرحبا اختي عبير نجد
يالله نتوكل نجاوب :)
1. صراحه الكل واذا بقول اسم بنسى اسماء كثيره ما تحضرني والله
2. هيه والله فيه صديقات مثل الاخوات واكثر بس انا معاج هذا نادر جدا بس في مثل يقول اذا خلت بلت
3. والله ياختي شو نشوف الحين من الانترنت؟ مااعتقد وصلنا لمرحله قمنا نطور مجتمعنا بالانترنت ولا نحارب اعدائنا فيها فمااشوف النفع لكبير غير انه انشار الثقافه والتقنيه اذا كانت هذي الميزه الوحيده للانترنت في بلدنا
4. :D مشالله الكل كفى ووفى حتى الاكل بومرزوق نشدني عنه
5. بالعكس الغاليه استانست انج شرفتي الاستضافه وتسلمين اختي