▌ ▒ الشاعر الراحل°••°ے طلال الرشيد ▌ ▒

الأمير الفارس الشاعر طلال الرشيد رحمه الله
اسمه // طلال بن عبدالعزيز بن سعود بن عبدالعزيز الرشيد الجعفري العبدي الشمري
نسبه//طلال بن عبدالعزيز بن سعود بن عبدالعزيز بن متعب بن عبدالله بن علي بن رشيد بن حمد بن خضير بن خليل بن جاسر بن علي بن عطيّه .. ينتسبون
إلى الجعفر من عبده من شمّر .
اعمامه
لأمير مشعل بن سعود بن عبد العزيز الرشيد ولد عام 1331هـ .
2- الأمير محمد بن سعود بن عبدالعزيز وقد إستقر وأبناءه بجده حتى توفي فيها.
3- الأمير سعود بن سعود بن عبدالعزيز وقد ولد بعد وفاة والده وتوفي عام 1417هـ
بالرياض أي قبل سبع سنوات تقريبا . وله من الأبناء ( نزار ) ( مهند ) .
خواله
1- ممدوح بن بندر سعود السبهان . رحمه الله ..
2- فهد بن بندر سعود السبهان . حفظه الله ويستقر بحائل.
3_ سعود بن بندر سعود السبهان
4- مشعل بن بندر سعود السبهان . وهو كان مرافقا للمغفور له
بإذن الله في رحلة المقناص وأصيب بطلق ناري ..
والدتـــه :هي عموشه بنت بندر سعود السبهان . حفظها الله .
- جدة الامير طلال - هي الاميره لولوه الصالح السبهان 00
اضافه للمهتمين :
1-الامير مشعل السعود العبد العزيز الرشيد مواليد 1331هـ امه هي الاميره فهدة بنت العاصي الشريم
اما وفاته وحسب المعلومات انها في حدود عام 1350 هـ
2- الامير عبد العزيز السعود العبد العزيز الرشيد من مواليد 1333هـ امه كما ذكرت اعلاه هي الاميره لولوه الصالح السبهان
اما وفاته فقد توفي قبل 40 سنه في العراق 00
3- الامير محمد السعود العبد العزيز الرشيد امه هي الاميره شاهه الوجعان ( توفي رحمه الله عام 1389 هـ).
4- الامير سعود السعود العبد العزيز الرشيد ولد عام 1338هـ وامه هي الاميره العنود السالم الرشيد اما عن وفاته كانت عام 1413 هـ
عندما توفي الامير سعود العبدالعزيز المتعب الرشيد(( ابوخشم))
تزوج الملك عبدالعزيز من الاميره فهده بنت عاصي الشريم
وهي والدة الامير مشعل السعود الرشيد
واخر زوجات الامير سعود العبدلعزيز المتعب الرشيد (( ابو خشم))
انجبت الاميره فهده من الملك عبدالعزيز طيب الله ثراه
خادم الحرمين الشريفين الملك عبدالله بن عبدالعزيز
والاميره صيته بنت عبدالعزيز
والاميره نوف بنت عبدالعزيز
فاصبحوا اخوان من الأم للامير مشعل السعود الرشيد
والامير مشعل لم يرزق بأبناء
رزق بالاميره بنيه بنت مشعل السعود الرشيد
والاميره نوره المشعل السعود الرشيد
والاميره منيره المشعل السعود الرشيد
الاميره منيره المشعل السعود الرشيد تزوجت من صاحب السمو الملكي
الامير سلطان بن عبدالعزيز وزير الدفاع والطيران
وانجبت منه الاميره نوره بنت سلطان ابن عبدالعزيز
والاميره منيره بنت سلطان ابن عبدالعزيز
وتوفيت حالما انجبت ابنتها منيره
ولهذا اسموها باسم والدتها الاميره منيره المشعل السعود الرشيد
تزوجت الاميره منيره بنت سلطان بن عبدالعزيز
من الامير فيصل بن فهد بن عبدالعزيز رحمه الله
وانجبت له الامير نواف بن فيصل بن فهد
والامير خالد بن فيصل بن فهد
واربع بنات 00 ولم يتزوج بغيرها الى ان توفي رحمه الله
سيرتة
عام 1382هجرية 1962 ميلادية ولد طلال في أم
الربيع في مدينة الحدباء الموصول إحدى المدن العراقية
حيث كان والده يقيم هناك ,, نشأ يتيما توفي والدة وهو في سنواته الأولى
من عمرة , ثم عادت عائلته إلى المملكة العربية السعودية لتقيم في جدة
وفي مدينة جدة بدأ دراسته في مدرسة ( ابي بكر الصديق ) بحي الرويس مع أخويه زامل وعبدالعزيز ..
وكان رحمة الله متفوقا دراسيا , وأنهى المرحلة الثانوية في جدة ,, ثم انتقلت عائلته الى الرياض فأكمل دراسته
بكلية العلوم الادارية وبعد تخرجة من الجامعة واصل دراسته في الولايات المتحدة الأمريكية ,, وفي عام
1987م تزوج ام نواف بنت الشيخ النعيمي ورزق منها بولدين وهما نواف وعبدالعزيز
وفي بداية التسعينات أسس الأمسية الأسبوعية في بيته , والتي كان يرتادها أبرز الشعراء الموجودين في الساحة الشعرية
وفي عام 1994م أسس حلمة الجميل مجلة فواصل
وفي عام 2003 أسس مع سمو الأمير سلطان بن محمد بن سعود مجلة البواسل التي تعني بالتراث عامه
والإبل والخيل والطيور والصيد بشكل خاص كما أسس مع الدكتور طارق السويدان مجلة إبداع
كما كانت له الكثير من الطموحات الإعلامية فقد فكر في إصدار جريدة رياضيه وقناة تلفزيونية تهتم بالشعر والثراث
أحيا العديد من الأمسيات الشعرية
أمسية الجنادرية ,, أمسية الكويت ,, أمسية دبي ,, أمسية البحرين الأولى ,, أمسية البحرين الثانية , أمسية حائل أمسية الطائف ,,
أمسية الشارقة
وكتب أوبريت دورة الخليج
كما دعي إلى الكثير من المهرجانات والتظاهرات الثقافية العربية كمهرجان جرش وأمسية قطر
وفاته
انتقل إلى رحمة الله تعالى الشاعر طلال العبدالعزيز الرشيد إثر طلق ناري في الجزائر أثناء رحلة صيد كان يقوم بها مع
مجموعة من رفاقه وبصحبته ابنه نواف .
وأصيب في الحادث اثنان من رفاقه بطلق ناري أحدهما إصابته في منطقة الكتف، وذكر سائق السيارة التي كانت تقلهم
بعد الإصابة أن "الملتاع" نطق بالشهادة على كتفه بعدما نهض ثم سقط مرة أخرى وكان ذلك في جبل أبو كحيل الموافق 3-10- 1424 هـ


http://www.talal-alrasheed.com/image/shajarh.gif

http://altanaya.net/up/uploads/c12779fafd.jpg

http://altanaya.net/up/uploads/d18b6767c7.bmp

http://altanaya.net/up/uploads/d15743ff1a.jpg

http://altanaya.net/up/uploads/4af6a02b9d.jpg

http://altanaya.net/up/uploads/56e40fa10e.gif

http://altanaya.net/up/uploads/aabef74029.jpg

http://altanaya.net/up/uploads/6cde767df7.bmp

http://altanaya.net/up/uploads/6310ec77a3.gif

rooose2

صديق الطفوله ,,





صديق الطفولة وش جـرى لـك مـع الأيـام
هـي أنصفـت دنيـاك والا أنـت بـك مثلـي
فقدنـا ملامحـنـا مـثـل سـايـر الأنــام
عبـث بنـا جـور الزمـن والزمـن يبـلـي
وقفنـا جميـع وبيننـا حـاجـز الأعــوام
صعيب ٍ وصولي لك.. ويا صعب لـك وصلـي
وأنا اشوف في وجهك طريـق غشـاه عتـام
وذاك النخـل واشــوف دارك ودار أهـلـي
وسدره.. هي أكرم مـن أهـل بيتهـا اللـوام
وفي وجهك أصحابي.. عصى مدرسي.. وفصلي
وعـود ٍ كبيـر ودايــم ٍ فالـظـلال يـنـام
فـي ذكرياتـي لـه بعـد ملـمـح وجـلـي
وسـور كتبنـا فيـه ذكـرى عبـث وأوهـام
ولـي فـي عيونـك صـورة زانهـا جهلـي
بثـوب تبلّـل بالمطـر والـتـراب وشــام
وأنا حب أسير الْعَـب وهـي حافيـه رجلـي
أنا وانت طفل وطفـل دايـم رضـى وخصـام
بكانـا سهـل والضحكـة أمـرٍ بعـد سهلـي
دعانـي بوجهـك نـاده ٍ يـنـده الأحــلام
معه رمح مدري هو علي غاضـب.. أو لجلـي
أنا كيف أباصـل والأمـل خلـف مـو قـدام
كثير الأسـى والسِّهـد يـا مـن فعـل فعلـي



موت الإحـســاس ,,



قالت نصيب وقلت يومـك تبينـي
غصب على الدنيا ... يدك في يديني
لا تظلمين الوقت وش ذنب الايـام
لو اقبـل اعـذارك يعيـي حنينـي
غديت ما بين الرجا .. فيك والياس
هذا .. يبي مني وهـذا .. يبينـي
ان قلت شنت وخاطري طاب كذاب
وان قلت ابيك ارخصت نفسي بعيني
خيرني امري بين اصعب خياريـن
موتي انا او موت الاحساس فينـي

لحن بدو ,,



حنـا ولا مـن قلـت حنـا تحنـا
كل الكلام بعطـر تاريـخ الاجـداد
المجـد هـم وهـام فينـا وغنـا
حتى علينا من على روس الاشهـاد
يا كبـر حـظ الـي نخانـا و ثنـا
نشد له فوق الفخر سـرج وشـداد
ان هلل التاريـخ غطـرف وطنـا
وان سولفو عنا رجاجيـل واجـواد
وان بان لك شمس ترى ذيك حنـا
نشرق مدام الظلم ظلمـا وحسـاد
يا بنت يمـي كـان رمشـك تمنـا
اشق لك ثوب السماء جود وعنـاد
واشدلـك زمـلً جـفـن المعـنـا
واسري بوجهك لاغشى وجهي سهاد
يا حلـو قـدك يـوم قـدك تثنـا
محدا تغنى فيك من خوف الالحـاد
حنـا البـدو يابنـت هـذا لحنـا
نحبك اكثر لاغـدى حبـك جهـاد
وحنا البدو يا بنـت لامـن نخنـا
بناتنـا يثالـث العيـد الاعـيـاد
وحنا البدو يابنت وان قلـت حنـا
فاح الكلام بعطـر تاريـخ الاجـداد


ميت وأنا حي ,,



بيني و بينك عرفت المـوت
تحـب و الـحـظ متجـنـي
تبي الصدق حبهـا منحـوت
و أصبحت منها و هي منـي
أفرشلهـا القلـب بالياقـوت
و أقـول يـا دلـي إتمنّـي
صدري قصور و مدن و بيوت
و هي المليك اللي يحكمنـي
يا ويل ويلي عليهـا صـوت
تحكـي تقـل كنهـا تغنـي
و سكوتها غير كـل سكـوت
كـل شـي فيهـا يكلمـنـي
قد شفت شمس زرعوها توت
بشفاتهـا التـوت متثـنـي
يا حلوها و القلـم مبهـوت
وش يكتب بوصفهـا عنـي
هي دنيتي و الهوى و القوت
و إن غبت عن وجهها كنـي
متغـرب و غربتـي تابـوت
ميـت و أنـا حـي مستنـي
قولو لها لو يفـوت الفـوت
هو ينفـع الصـوت متعنـي
و قولو لهـا و الله إلا مـوت
لو خاب فـي حبهـا ظنـي

إن حكت



ان حكت غار السكوت من الحكي
وان بكت يحسد مدامعها الغرور
كنها والشمس خصم ومشتكـي
وبين ذيك وذيك عذبت السطـور
الثرى يـا مايسـه مغروركـي
ومن يلومه ما يعرف سر الغرور
والجمال امرايته فـي وجهكـي
والبها له في جفن عينك فتـور
الحلا يـا حلوتـي شبّـه بكـي
منهكٍ حرفي ويشكي به قصـور
والحروف اتهني احروف اسمكي
والاريج اختال في عرس العطور
يا غريره ياغـرورى مسلكـي
تهت والا تاه عن كفي العثـور
في طريقي ضاعت الخطوه لكي
ماتميز بين نـار وبيـن نـور





حكاية شمس



كنـك مـلاك وطلـع تــوه
الله وش كـثـر مـحـلـوه
ماعـاد بـه غيـرك حكايـه
جيتـي وكـل تـرك جــوه
الليل لـف ولمسهـا لمـس
بعيونك اغرب حكاية شمـس
وانتي الـى الحيـن نسايـه
ضيعت باكر عشانـك امـس
دايـم اقـرب وهـو يبـعـد
وفي شفتـك للشفـق موعـد
ويحـط لاحزانـي نهـايـة
من غيرك اللي قـدر يسعـد
ياللـي تحليـن اي لـبـاس
يغار مـن جيـدك الالمـاس
حـرام تعـذيـب وكفـايـه
حني على الناس ياحلى الناس
والشمس تحضـر بميعـادك
مـن يقـدر يلـوم حسـادك
تغازلـك حـتـى المـرايـه
(( .... )) ياشمس والنـاس
بيضا وفيها سمـار الحـور
سمرا وفيها بيـاض النـور
مالـه بـدايـه ولا نهـايـة
من مثلك اللي جمالـه جـور
والكامـل بحـق وجــه الله
ياحلـوتـي كـامـلـه والله
ياللـي لكـل البشـر ايــه
من يشبهـك حلـوة الطلـه

مريض اللي فقد "سلطان"
بشدّ لمشرق الشمـس .. و بعلّـق فوقهـا ديـوان
أمانه لا وصلتي مغرب الشمس .. انثـري قافـي
أنا بلسان نجد أرسل .. قصيدة شوق .. من ولهان
على زهور النفل ريح الخزامى .. تنّـده الغافـي
تنهّد بالقصيد طويـق .. سالـت دمعـة الصمـان
من أنفاس القصيدة .. انصرم طلع النخـل صافـي
نختني للقصيد أرضٍ .. من الوادي .. إلى بابـان
ثراها يشربك حـبٍ .. و لا يـرواك يـا وافـي
ألا يا شيخنـا حبـك .. علـيّ الله مـن الإيمـان
ما دام انت الوطن و الدار .. ستر العاري الحافـي
غلاك اللي شرب كل الجوارح .. لين صار احسان
غديت من الغلا ملجأ .. لمن حبـك معـه خافـي
لنابك هيبةٍ تفرح صديـق .. و تجـرح العـدوان
و لك منا رجال تعـد .. مـوتٍ دونـك انصافـي
تعلمنا المراجـل منـك .. لـك بالمرجلـة ننـدان
و لا نلحق معك .. ما يلحق الإعصار مـع سافـي
كملت إلا أن عذروبك بشر .. و عن البشر شتـان
تطيح و تمتـرض .. ليتـك مخلـد دوم متعافـي
سبقني للقصايد فيك .. من روس العـرب اخـوان
و لي بين الشموس .. سراج .. خوفي كيف ينشافي
و إذا كلٍ سبقني مدح .. اسمح لي بوصف انسـان
حنونٍ في ضلوعه .. قلب طفل .. بحـس شفافـي
تقل شمسٍ إلى من .. بان بسمه يرجـح الميـزان
و كل الخلق عقب الشيخ .. سرج بعضهـا طافـي
ألا يا أميرنـا .. هـنّ بسلامـة حالـك الخـلان
فلا قبلـك مريـض .. يهنـي الـزوار و اللافـي
سِلِم .. من يوجع اقدامه .. و لا توجعه في ميـدان
سلم .. من له دعينا الله .. رد الشيـخ يـا شافـي
سلم .. من نار عينه تمن أهل الدار .. و الجيران
سلم .. من ضحكته تودع مريـضٍ ميـسٍ شافـي
سلم .. من طوّع الشمس الشرود .. و عنها بعنان
تعلـق فـي معارفهـا .. و يمـم راس مشرافـي
إلى قالوا مريض قل .. مريض اللي فقـد سلطـان
و إلى قالوا بعيـدٍ قـل .. قريـب الهـمّ لسنافـي
نخيت الشعر .. أوصف وش تحس الناس لكحيلان
و إذا خان الشعر شاعر .. عسى يكون الغلا كافي


أنا هواي و بس بنت الجزيرة



يابن الحلال ان طعتني خل الاسـراف
واترك جمال الغيد لاهـل البصيـره
الزين موبس في الملامح والاوصاف
الزين روح وعفـه وطيـب سيـره
مانيب من يهوى سريـا وانصـاف
انا هـواي وبـس بنـت الجزيـره
بنت الخليج اللي تماري بالاعـراف
وحنا نمـاري باسمهـا كـل ديـره
مالي غرام بقـول وخـا وبالـزاف
اذبحتني عنـد الطرحـه المستديـره
احب قولة ياهـلا وعـل وماخـلاف
من بنت ثوبي بنت الارض النضيـره
اللي تحلاها الظبي حلـو الاطـراف
جمـال فـي عفـه ورقـه وغيـره
واللي بها سحر مهو سحـر عـراف
ياعـل عيـن ماتراهـا ضـريـره
عطف وحنان وذوق في لين الاعطاف
والى كشفت لثامهـا شفـت أميـره
صعب على اللي بالردي شاف ماعاف
وحلوه علىاللي سنـه الله ضميـره
شمس الى من اشرقت والدجا طـاف
غابت نجومك غصب لو هي كثيـره
السيف مايزهى سوى كـف سيـاف
والخيـل دون حصانهـا مستخيـره
بس أنت دورلك على قـدك لحـاف
وان طعتنـي دور بدلنـا عشـيـره

إنت الشفا



هلا بك .. هي هلا اللّي قالها الصايم ليـوم العيـد
هلا بك .. هي هلا اللّـي قالهـا للغيـث هالـوادي
هلا بك .. هي هلا اللّـي قالهـا يعقـوب بالتنهيـد
ليوسف يوم عاد..و عاد شوفه.. و أنكـف الغـادي
هلا بك .. كثر ما أمّنت خايف .. أو رعبـت مكيـد
هلا بك يـا عـدو همومنـا .. وهـلال الأعيـادي
تصاغرت الهلا .. من كبر قدرك .. و اعذر الترديـد
لأنك شامخ مثل الجبـل .. لـه بالصـدى حـادي
حسدت الشعر .. يوم إنه طليق لك .. و أنا في قيـد
وجبته يوم جاك .. و شفـت فيـه مـراة حسـادي
مهوب إنت المريض .. إنت الشفا .. يا قريّبٍ و بعيد
وانا أقول المريض اللـي .. فقـد طلّتـك فبـلادي
سلمت إنت .. و سلمنا من سلاماتك عـن التنكيـد
أهنّيك .. أو أهنّي الناس .. أو نفسي و أنا البـادي
يابو كل اليتامـى و الضعـوف و معسـر ومريـد
غديت الشمـس وقلـوب الخلايـق زهـر عبّـادي
عليك نخاف منك .. إلى رقدنا و إنت فـي تسهيـد
تقل من كثر حب الخير .. صـرت لنفسـك معـادي
تطلّبك المرض نفسك .. و قلت أبشـر بـلا تحديـد
فـلا والله أرد اللـي طلبنـي .. لـو يـبـي زادي
هذاك إنت الضليل الضافـي الوافـي منـاة الغيـد
هـذاك إنـت الكبيـر المنـور المنثـور بالكـادي
هذاك إنت الأصيل الماجـد الناجـد سليـل الصيـد
هذاك إنـت الرفيـع المشـرق البـراق والهـادي
هذاك إنت الوفي العـارف الـوارف ربيـع البيـد
هذاك إنت العظيم الشامخ اللّـي فـوق الأشهـادي
هلا بك .. و القدر بالصدر .. لا عجز القصيد يصيد
قصيدٍ لا درى إنّه فيـك .. سمـى شـارده عـادي






يا صغيّر ما يكبرني لقب



يـا صغيّـر مـا يكبرنـي لقـب"
" وما يصغرني إذا انكرني صغيـر
ما خذينا الصيت من جمع الذهـب"
" ولا نسابة شيخ او قربـة وزيـر
كاسبينه من هل السيـف الحـدب"
" الجنايز كان مـا جـاك النذيـر
صيتهم نجم ٍ على رأسـه لهـب"
" سمعوا الصقهان به واجهر ضرير
بالوفا تاريـخ أبيـض ينتصـب"
" لا حكوا بالحق حييـن الضميـر
ضيغميـن للسناعيـس انتسـب"
" لابةٍ طلنـا بهـا عـرش كبيـر
عند حدك يا كثيـر الهـرج تـب"
" لا تمـر النـار وثيابـك حريـر
كـان لـك عـز بذلـي فتعقـب"
" والله ألا تبطـي وحبلـك قصيـر
احسبنـك مـن صناديـد العـرب"
" واثر ساترتك عباتك يا iiغريـر
ما حسب للسوس زراع القصـب"
" والقراده ما درى عنهـا البعيـر
ولو حسبنـا للحسايـف والتعـب"
" ما بذرنا يا العصافيـر الشعيـر
عن هللـك ابـراي لله واحتسـب"
" الرجال اللـي مجاراهـم عسيـر
من قريش المصطفى وابو لهـب"
" والدغالب ما غشت عذب الغديـر
للرجال مـن الرجاجيـل العتـب"
" والزكاة تحل فـي حـال الفقيـر
لعنبـو وقـتٍ غدينابـه حطـب"
" تحرقـه نـار يثورهـا اجـيـر
ما ألومك والزمن سـوى العجـب"
" هو بقى غير الكرامـه بالجفيـر
مـا أذل وراسـي يشـم المهـب"
" لو بقى من شمـر طفـلٍ غريـر
ما اهـاب ولا يزلزلنـي غضـب"
" الشجاعـه ورث العاقـل عزيـر
يـا صغيـر مـا يكبّـر باللقلـب"
" غير من هو كان من دونه صغير

" أمـــس "




لحّفت وجه الشمس بلحاف الغروب
وكانت وصاة الشمس للعاشق ذنوب
إسهر
وقبل الصبح.. قوّمني
إقفل شبابيك السما بلجام
وإرخ الستاير
دام يجهرني الظلام
ويزعجني الغروب
وإلين أقوم
إنشر على حبال النجوم
هموم
إجرح قلوب
وإدمح لعوب
وإحذر تتوب
تلبس على وجهك شحوب
عقب الغروب
وفـ الصبح..
أفوّقها وتفوق
شالٍ ألبّسها الشروق
وأنفض شليل الشمس
عن غبار أمس
وأغسل محيّاها بدموعٍ
من دموع البارحه
كان الوعد صبح
وكان الوعيد غروب
وبالنسبه لي
كنت الوحيد اللي قضى عمره
هروب من الهروب
وكنت الوحيد اللي يحب
وكنت الوحيد اللي تِعب
واللي لِعب؟
حبيبتي.. لعبت بساعة يد الشمس
عقب الغروب
حبيبتي
ما دمتي شمسٍ.. وأنا أمس
وشلون بتجيني
ووشلون تنسيني
دامك عليه وأنا داك
وشلون أبنساك
حبيبتي.. أنا أكرهك.. وأهواك
وإذا هجرتيني
ونويتي تنسيني
بحزّم جراحي وأرحل
عن طرفك الأكحل
ولو ما نسيت
أكيد.. لا من رحل فيني التراب
بأنسى غصب
عقب الغروب
كانت وصاة الشمس
تكفير الذنوب


" مرثيــة 15 مريول أزرق



هذا الشهر مر
هذا الشهر مر
بالحزن والدمع والامر
خمس طعشر شمس وغابت
وكسف خمس طعشر قمر
بالله من يقدر يقول ؟
من ترى المسئول ؟
موظف أهل بالامارة غنه ما صان
العمارة !
أرجوك لا تفهم خطأ
مهم تقدر المشاعر
لا يزيدوا القتلى واحد
خمس طعشر بنت .. وشاعر
من يا ترى المسئول
الدفاع البدني ؟!!
الدفاع البندي يمكن
كان ممكن
انقذوا ما كان أمكن
لو شعور الرحمة والواجب تمكن
ويمكن النار السبب
أو يمكن الشاي ؟
أو يمكن إبليس !!
أو يمكن الهيئه خطأ
أقصد هيئة التدريس
من يا ترى المسئول
الرئاسة العامة لتعديم البنات
ما فات فات
والباقي أكثر يا خوات
مؤتمر صحفي وبوفيه وهدايا قيمات
قرر الريس يحل المشكلات
راح نصرف في السنين القادمه
مع الكتب .. كفن الحياة
بس إاذا نبغاها تغلق اقترح هدية تلبق
علقوا في مكتب الشيخ الرئيس
منظر طبيعي
خمس طعش مريول أزرق
أصبح بالدم تغرق
واكتبوا على كل مريول
من يا ترى المسئول
من يعزيني بخواتي ؟
من يعزيني بناتي ؟
من يواسيني على فقد أمهاتي ؟
قام واحد باخر المجلس وقال
صغار كانوا يا طلال
يا سيدي هذي البلد والله ما فيها
صغار
حنا حتى في المهد نولد كبار
خمس طعشر أمم ثكلى
خمس طعش أبو حزين
الجاني مثل الطير حرّ!!
والمجني على حلمه سجين



بـاريـس ..
واحد خايب..حظه تعيس
سافر تقسيط لـ باريس
كذب على ام العيال
رايح ادور عمال
جمع الورث
حصاد الحرث
وقبل يسافر ياساده
سجل في نادي كالعاده
يسوي برنامج تخسيس
قام يدور شنطه تكفي
وكل هدومه قبل يصفي
عشره فنايل علاقي
وشورت وشراب ماقيس
قالت ام عياله تكفى
خذ لك لبس شوي يدفي
قال فـ باله مسكينه
والله قدامي اللي يدفي
قام يودعها وقالت له
خذ بالك يانور عيوني
وتعوذ دوم من ابليس
قال فـ باله يامسكينه
ومن عازمني غيره!
ناطرني ابليس فـ باريس

حكوا فيها
خذَوْ في طاري الحلوه و جابوا
مسيكينه
بسيرتها تنابوا
و ذي صدق لشفاهي أبد ماهو قريب
بشر يا مصعب ارضاهم
و انا ماني حسيب
أنا سايق عليك الله لجل الله يا شامت
خلي الشوك من يدّك
و لا تطرف عيوني كحلت بالزين
لانام .. انا افداها اذا ودّك
يا هل ترى انتي وين يا بنت الشفاة؟
انا ادوّر عليك بصورتك
وينك ؟؟
أنا كني لمست رداك و ايدينك
ما شفتك بكلّ الكلام
شفتك على سجادتك
كنك تصلين القيام
و ليلك سرى بعبادتك
ما اصدقه ..
و الهرج ابد ما هو دليل
ما اصدقه ..
يعلّ يفداك الذليل
الله يستر خوافيها
اللي حكو فيها




&&احساسي غريب&
الـلـيله احـسـاسي iiغـريـب
عـاشـق وانــا مـالي حـبيب
حـبيت ... كـل الـناس iiلاموني
حـبيت ... كـل احبابي iiباعوني
قـلـت احـب الـحب iiاحـسن
قـلـت احـب الـحب iiاضـمن
لا احــــن .. ولا اتــــوه
ولا بـعـد فــي يـوم احـزن
رضـيـت بـاقداري iiونـصيبي
صــرت مـحـبوب iiالـحبايب
وصــار كـل عـاشق iiحـبيبي
الــلــيـلـه iiغـــيـــر
شـــعــوري iiغـــيــر
اشـــواقـــي iiغـــيــر
حــتـى الاغــانـي iiغـيـر
صدري سما .. واحساسي ... طير
بـــس طـيـفك iiمـاتـركني
ظــل سـاكـن تـحت iiجـفني
كــــــان iiوافــــــي
كــان يـذكر .. وانـت iiجـافي
انــــــت ويـــنــك ii؟
كـان هـذا الـفرق مابيني iiوبينك
جـيـتـني تـشـكي iiالـزمـن
وجـيـتـك أبـــي iiأدفـــى
لـقـيت فــي قـلـبي وطـن
ولـقـيـت بـــك مـنـفـى

أوعــدك


أوعدك
إن كان بعدي يسعدك
الليله أرحل
من الليله باختار الطريق
من الليله الليل الرفيق
و أوعدك
ما أعاتب أو ألوم .. إلا نفسي
و ما دام في قلبٍ معك
أوعدك
حبيبتي يا ليت
ما قولك يا ليت
و ما قد تمنيت و شكيت
حبيبتي ويلي
لا من غدى جسري
أنا لنسيانك انتي ذكريات
حبيبتي
ما أصعبه نسيان ذاتي
و إلا أقوم .. أوعدك
سريت
عن الليل اللي فـ عيونك
عن بلادك سريت
و أوعدك
إني أقول إني نسيت
بس أوعديني
لا زارني طيفك و أنا وحدي
إني ما أبكي
و أنك في قلبي تموتي
و أنك على عيوني تفوتي
و ما أعرفك
و أوعدك
إني من الليلة أموت
من يوم أقوم ..
أوعدك
أوعدك

" قالوا انك عشقت الخيل "
أكن أعتقد في حبرٍ من الأحبار أنني سأكتب قصيدة عن الخيل..
لأنني وبكل بساطة كنت ولا زلت أرى أن وصفها في القرآن الكريم هو أسمى وأجلّ وصفٍ لها..
ولأن في تمختر العاديات ما يستثير المشاعر فقد سوّل لي الجمال أن أصف الشعر بالخيل..
والخيل بالشعر، معتقداً أنني بلّغت. وأنا في الحقيقة محتاج لأن أبلّغ. هذه القصيدة للخيل والهيل وعاشقها أحمد بن سلمان..


الولع شين.. يا راع الولـع لا تكـود
روحك اللّي تقـود المجـد.. ويقودهـا
ما تخيّرت.. حب الخيل.. ورث الجدود
حـيّ ورثٍ يـرد النفـس لجدودهـا
ما تقـل قبلـك العليـا عليهـا ورود
وما تقل عقبك البيضى على حدودهـا
قالوا إنك عشقت الخيل والخيـل خـود
عشقهـا يستبيـح الـروح ويكودهـا
مهرتك في تعجرفها تحـدى الحسـود
لوله ألفين عيـنٍ مـا حـوى زودهـا
لـو يفـرّق حلاهـا للغوانـي يـزود
يرهي الما.. على كل الدلـي جودهـا
فلوة الشمس ترفه.. وين عنها الصدود
حـي ماهـا ومجناهـا.. ومولودهـا
سرجها الريح ويديها سراسيـب نـود
ونـار قـرمٍ معارفهـا مـن وقودهـا
وخصرها للغواني.. مثل خصر العنـود
وجيدها جيـد جـادل.. ليّـنٍ عودهـا
سندريلا العـوادي.. مالهـا بالوجـود
كفو.. إلا أنـت سيّدهـا ومحسودهـا
كنها مـن غلاهـا بالمحانـي تـرود
تصطفق في ضلوعٍ.. تبـرق رعودهـا
كن عينك لها سِيْدَه.. ورمشك حشـود
لا انثنت شفـت قلبـك زمّ بعضودهـا
منوة اللّي يبي طرد السهـل والنفـود
فـارسٍ تحتميـه النـاس ويـذودهـا
ركضها.. واذكر الله.. ركض ريمٍ شرود
مخطرٍ من حوافرها.. علـى خدودهـا
كنّها تـدري إنـك فـي هواهـا ودود
فلوةٍ تقـل طفلـه.. حلـو جحودهـا
اذكر الله عليها عن عيـون الحسـود
من حدود البياض.. لمنتهـى سودهـا

( طلال الرشيد )
قصيدة ليست وليدة الساعة
فقد كانت البداية حينما ظهر الملتاع رحمه الله
يلقي بعض قصائده في محطة فواصل الفضائية أثناء البث التجريبي لها
فكان هذا النزف على لسانه رحمه الله
هاهي القصيدة أضعها بين أيديكم
كل ما أتمناه أن ترتقي لذائقتكم وأن تنال إعجابكم
ثم بعد هذا دعواتكم للأمير الراحل أبو نواف رحمه الله تعالى :


حــــــــــايــــــل عسى حايل بخير




أنـا طـلال بـن الرشـيـد
جيت أنثر حروف القصيد ...
وأجـاوب السمـراء النشيـد
و شلونكـم يــا عـزوتـي
حايل عسـى حايـل بخيـر
دار الكـرم قـدره كبيـر ...
فـي حبهـا أنـا الأسـيـر
بنـت الجبـل هـي سلوتـي
عامـيـن والثـالـث بــدأ
من غبت عن أرض الهدى ...
وش صار عقبـي وش بـدا
علـى بــلادي وأسـرتـي
عموش و يـش أحوالهـا ؟
النـوم مـا يهنـى لهـا ...
دمـعـه يبـلّـل شـالـهـا
لا طالعـت فـي صـورتـي
ياعزوتـي عمـري قـضـى
ونواف في دربي مضـى ...
صغيـر وبقلـبـه لـضـى
الشـور ينـفـع مهجـتـي
عاداتكـم يـأهـل السّـطَـر
حـر لا مـنـه شـهـر ...
مــا تتركـونـه للخـطـر
نـواااف عــزّه عـزّتـي
ودعـت فـي عشـي حـرار
إصغار بالشيمـة كبـار ...
يبـون مـن عقبـي قـرار
بيـن الطنـايـا فزعـتـي
وأنـا طــلال الضيغـمـي
أميـر لـكـن آدمــي ...
أفـزع لمـن جـاء يحتمـي
فينـي وتظـهـر نخـوتـي
وختامهـا يـأهـل الـكـرم
من مـرّ طيبـة والحـرم ...
يدعـي لطـلال المحتـرم .
مــن فضلـكـم أحبـتـي





مرثية كتبها طلال الرشيد
بخاله ممدوح البندر السبهان ويتذكر جدّته عفراء رحمهم الله ..



تعلّمت النواح اليوم ليـن أبكيـت صـوت النـوح
وعرفت اليوم ليه الله خلق لـي دمعـي الصافـي
عشان أبكي وأنـوح اواه لامنـه طـرى ممـدوح
الا ويـلاه واويـلاه واعظـم ويـلـي الخـافـي
على ممدوح دمعـي دم خالـي والعيـون جـروح
رحـل عنـي حبيـب النـاس لازعـلٍ ولا جافـي
عقب منكف حصان الشيخ مدبـح والعنـان يلـوح
عليه المعرقـه تومـي جفيـر السيـف متهافـي
تلفّت ونشدت .. العلم؟ من جاب الخبـر بوضـوح
وقيـل العلـم يامسكيـن غـزو الشيـخ بنكافـي
ترى غازي الزمـان اكتـف لاخايـف ولامذبـوح
ولكـن لـه بلـوغ كتـاب يالله تجعلـه وافــي
نثرت الدلّة الصفرى فـلا لـي بالكـرم مصلـوح
كسـرت الرمـح دون السيـف ياخـلاّف ياكافـي
أنا والله لـولا الله وأخشـى مـن خفـي البـوح
حضنتـك ميّـت وأقفيـت كـود تعـود متعافـي
قطعت يدينـي الثنتيـن يـومٍ شالتـك فـي لـوح
ويـوم تدفنـك بتـراب وتنفـض باقـي السافـي
على الصقار ياصعبـه فـراق الأشقـر الدابـوح
يعيـن الله أبـو ممـدوح الامـن صـد لخلافـي
أنا خالي نهار ونار شمس تخجـل أهـل الضـوح
وبعض الخلق عقب الشيخ سرج وبعضهـا طافـي
له قلب بياضه قطن أوسـع مـن فضـاة الـدوح
مريـض تقبـل بهمّـك وتنكـف ضاحـك شافـي
خوالي بينهم والناس من طيـب المكـارم شـوح
حـرار يقـرب الطلـع البعيـد ومحـزم ضافـي
بقالي من حليـب أمـي لهـم دم يجـي ويـروح
اطيـب بطيبهـم غصـبٍ أقلـد شيمـة اسلافـي
وإذا حنّا بكينـا ولـف موضـي تفتخـر وتـدوح
يخو موضي فخرها إنت وإنـت ستارهـا الوافـي
وأنا قبلك دفنت أمي ومعهـا قـد دفنـت الـروح
عقب ( عفرا) عقب ( ممدوح) صرت العاري الحافي
أنا فـي حايـل أحبابـي قبـورٍ علمتنـي النـوح
انا منها عرفت إشله خلـق لـي دمعـي الصافـي

ردية بين طلال الرشيد وفهد المساعد

صديق الطفولة وش جرى لك مع الايام
هي انصفت دنياك ولا انت بك مثلي
فقدنا ملامحنا مثل ساير الانــــــــــــام
عبث بنا جور الزمن والزمن يبلـــي
وقفنا جميع وبيننا حاجز الاعــــــــوام
صعيب وصولي لك وصلــــــــــي
وانا اشوف في وجهك طريقٍ غشاه عتام
وذاك النخيل واشوف دارك ودار اهلي
وسدرةٍ هي اكرم من اهل بيتها اللـــــوام
وفي وجهك اصحابي عصى مدرسي وفصلي
وعودٍ كبير ودايم فالظلال ينـــــــــــــــام
في ذكرياتي له بعد ملمح وجلــــــــــــــــي
وسورٍ كتبنا فيه ذكرى عبث واوهــــا
ولي في عيونك صورةٍ زانها جهلــــــــــي
بثوبٍ تبلل بالمطر والتراب وشـــــام
وانا احب اسير العب وهي حافيةٍ رجلي
انا وانت طفل وطفل دايم رضا وخصام
بكانا سهل والضحكة امرٍ بعد سهلـــــي
دعاني بوجهك نادهٍ ينده الاحــــــــــلام
معه رمحٍ مدري هو علي غاضبٍ اولجلي
انا كيف اباصل والامل خلف مو قدام
كثير الاسى والسهد يامن فعل فعلــــــــــي

فهد المساعد

فقيد الرجولة وين حطت بك الاقدام
انا ماتخيلتك تزور اللحد قبلي
عقيد الطنايا شيخ شمر ذرى المنضام
حفيد الجنازة بلوة الي بلا المبلي
عقيدٍ لقومك بس تبكي عليك اقوام
من الساحل الشرقي الى الساحل القبلي
انالاذكرتك طاح راسي على الاكمام
اسولف لقلبي عنك وابكي على مهلي
اسولف عن اول مرةٍ جيت قبل العام
وشفتك بعيني مثل ماكنت في عقلي
امير وعظيم وشاعر وفارس ومقدام
سجَِِل البياض اللي بنقش الذهب مطلي
سنافي شهم فزَاعٍ لا قام يعني قام
يغيث الضعوف ولا يقول الوبل وبلــي
طلال الشهامة نكست من عقبك الاعلام
الا من قتل خيَال وش نفعة الرجلـــــي
طلال الاوادم كلها من لحم وعظــــــام
تعيش وتموت بصمت تالي ورى متلــــي
عداك انت يامن عشت عمرك عظيم اشمام
وقفت فمماتك تنتخي من نوى قتلي
رحيلك بنى للحزن وسط القلوب خيام
ووداعك جعل كف الثرى بالدمع مملي
عسى من لبست لخشيته فرمضان احرام
ودعيته (يارب اكرم نهار الحشر نزلي)
يعوضك عن دنيا بها حاسد ونمـــــــام
ويرفع مقامك عن مقام البرى السفلــــي

&بعض الاحوال&





أنا مقدر أكون .. اني حبيب فـي بعـض أحـوال
أنا كلي أجـي .. و الا أروح بعزتـي .. iiكلـي
تخيرت الفراق و مادريـت إن الفـراق iiوصـال
أقول اني نسيتك بس مدري كيـف تاصـل iiلـي
خذاني لك سؤال في عيونك و الجـواب iiمحـال
خذاني منك دمع فـي عيونـي مارضـى iiذلـي
رحلت انت و تركت بداخلي طيفك و صبـر طـال
غدت ذكراك شمس ما تغيب و صورتـك iiظلـي
حكيت و مالقيت من الحكـي الا النـدم iiمـوّال
سكت و مت بالحسره و لا ادري و شهو احسن لي
أحبك كـل مافينـي يحبـك يـا خلـي iiالبـال
تخيلتك دواي و صرت جرحي الصعب يا iiخلّـي
تعبت أرحل مع وجيه البشر بانسـاك بالترحـال
و لا ادري وش يجيبك في وجيه الناس و iiاهلّي



مشتاق



مـشــتــاق .. ومـضـنـيـنــي الـــفـــراق
يا عيونها خذي من عيوني تعب .. واعطيني من جفنك فتور
وابكي علي لـو بالكـذب .. مليـت بـك طبـع iiالغـرور
يـا عيونهـا مشتـاق .. وللدمـع مـع جفنـي iiعنـاق
مـشــتــاق .. ومـضـنـيـنــي الـــفـــراق
يـا اجمـل الخـود .. كنـت الامـل وانتـي iiالـوعـود
وهجرني من هجرتيني دفا بيتي .. وانا فبرد الشتا iiموعود
ايا مسكين يا قلبي .. انا ماشي وهـو يلتقـت لـك iiعـود
ايا مسكينه يا روحي .. تحب اللي يعذبها و يزيد iiصـدود
وحشتيني .. كثر ما خانني هذا الزمن واكثر .. iiوحشتيني
احبك حب اكبر حيل من كلمة احبـك .. واسألـي iiعينـي
يــا اقــرب مــن نـظــر عـيـنـي iiلعـيـنـي
يــا ابـعـد مـــن حـنـانـك عـــن iiحنـيـنـي
امـــانـــه .. كـــيـــف iiتـنـسـيــنــي؟
وانا من ليلة التوديع الين الحين .. احس ايديـك بايدينـي

&لا تلمس الجرح&



لا تلمس الجرح يا معود وصبح iiعزوم
البرد فتق ضلوعي وانت دوار iiصيـت
ضيعت عمري اطاول في حزومي iiرجوم
وايست اباقول كل الشعر في شطر iiبيت
لا الوقت وقتي ولا حلومي تطيع وتنـوم
ولا الركايب وحادي العيس ترضيه ليت
ذهايب الذود راحت مع ذواهيب iiقـوم
لا صار لك الف قوماني فلك الف iiبيـت
ترى اصعب الموت موت يذبحك كل يوم
واصعب حياتك تعيش وانت جواك iiميت
اواه يا طول عمري لا حسبـت الهمـوم
يا كني اكبر من الدنيا ولا قـد iiشكيـت
علمك دهاني يا لاقي خير خل iiالعلـوم
اسرجت صفرا من همومي عليها iiحديت
واطلقت للبيد راحلتـي وفـوق النجـوم
راسي وانا كل راسي تيه فخر و iiهميت
واقول للـي يبـي كرامتـي لا iiتهـوم
لا انته ولا الف مثلك يهدم اللي iiبنيـت




&ذكرتك&



ذكرتك والزمان غروب ذكرتك والمكان الشط بالصدفـه
ذكرتك والعيون تذوب دمع من حنيني ماستـر iiخافـي
ذكرتك يوم شفت الشمس غابت والقمر ينساب من شرفه
ذكرتك والنجوم تلون لحاف السماء وتعاتـب iiالجافـي
ذكرتك نصف قلبي هم شوق وهم حبك ماخـذ iiنصفـه
ذكرتك كل مافينـي حنيـن ودمعتيـن وكفـي الدافـي
ذكرتك ما ذكرت الى عيونك والجبين و كل ما iiاعرفـه
ذكرتك مانسيت الى جروحي والانين ودمعي iiالصافـي
انا اول عزاي اني حملت العاشق الـي مانسـى حلفـه
وانا اخر عزاي انك نسيتيني وانا طيفك معـي iiوافـي
تلوم الى تفانى في طريـق مالقـى فـي اخـره ولفـه
الى منه بكى كل الندم في حجر عينه غصب iiينشافـي
اروح ولا طرت حنيت مثل مضيع يركض علـى حتفـه
ولا ناديتها كسر حنيني جوف صدري مثـل iiمجدافـي
يبيك الي عيونه ماقوت تحمل قليل من بعض iiعطفـه
يبيك الى مشالك او مشابك او مشى في سكتك iiحافـي
يبيك الي اذا شافك تلعثم بالكـلام وينصعـب iiوصفـه
يبيك الي يشوفك شمس والدنيا ظلام ودفتـره iiطافـي
انا قلت ازعلي خليني اشوف الحنين وش مـدى نزفـه
انا ماقلت خلينـي اقـول مـن الوفـاء يالله iiياكافـي
اموت وما اعود اتذكرك والمشكله طيفـك مـلا الغرفـه
واموت وما اعود انساك ياحبي القديم الصادق iiالوافـي

&اليوم ذكرى الفراق&



اليوم ذكرى الفراق ومرت اول iiسنـه
اليوم لي عام متغرب وحيد iiوحزيـن
اليوم انا ضيف جرحي جيت iiباطمنـه
اني جمعت الدموع وجبت امانة iiامين
ما يجرح الصادق الا غدر من iiيامنـه
لا جت من احباب قلبك لا تلوم iiالسنين
مليت من هالاماني دام مهي iiممكنـه
لاهي تحقق ولا ياسي بوجهي iiيبيـن
لوين انا وانت مثل الشمس iiوالازمنه
مع كل صبح يجددني لشمسـك حنيـن
لا قلت احبـك احبـك كنهـا iiدندنـه
او كنها وردة مابين اصابـع iiجنيـن
يا اجمل الناس لك بين المـلا هيمنـه
كثير غيرك ولكن مين مثلك iiوويـن؟
يا عاذلي خذ عيونـي يمكـن iiتثمنـه
تشوف عيبه وانا اشوفه ملاك iiحسين
امس افترقنا وانا احسب مرت اول سنه
يا طولها ليلة الفرقا سنـة iiللحزيـن




&آخر الحب&



كنت احسب اني عرفت الحب قبل iiاعرفك
وعشقت قبل اعشقك واشتقت قبل iiالتقيك
وكنت احسب اني لقيت احباب قبل اوصلك
واثري توهمت في غيرك وانا كنت iiابيك
تعال نعطـش وتشربنـي وانـا اشربـك
تعال قبل الوعد اجلس معـي iiنحتريـك
تعال شفني وانا استنـاك كـم iiاشبهـك
يطري علي الف راي و راي واحتار iiفيك
اجي مكان الوعـد والا اسبقـه انطـرك
والا آخذ الموعد اللي يحتريـك iiواجيـك
يا آخر الحب ذقت الحـب فـي iiاولـك
ويا اول الشوق اقصى الشوق ما iiينتهيك
علمتني كيف اعرفك لين صـرت اجهلـك
ضيعتني في متاهاتك وكنـت iiارتجيـك
حبيـب الاحـلام يابعـدك iiويامقـربـك
حرام يكفـي تبعثرنـي وانـا iiاحتويـك
ان شفتك بحلم صدقتـه وانـا iiاتوهمـك
وان شفتك بعلم كذبتـه اليـن iiانتشيـك
اخاف اغمض عيوني وان رمشت iiافقدك
واخاف افتح وتصبح حلـم ولا iiالتقيـك

&ياطاهره&





يابنت انا مانـي كـذا وظنونـك تكـذب عليـك
كلي عيوب وما قوت تخجلني ظنونك iiواتـوب
اكذب عليك ودوم اخونك والبس الابيض iiواجيك
واعشق معك الفين وجه ويمتلي صدري iiقلوب
احلى الكلام اقوله لـك لوقلتـه البـارح لذيـك
يوقف على شفاهي معك مراهق صـب iiلعـوب
اكذب ولا ادري ليه اكذب اعشقك ما iiارتجيـك
اخاف من صدق الحقيقه في الهروب من الهروب
والله احبك واعشقك واعرف زمان انـي iiابيـك
ولكنها هـذي الحيـاة تعلمـت مـن iiالذنـوب
العين عجزت تعتقـك القلـب عيـا iiيشتريـك
في السجن خيال وفي في الصدر رجـال كـذوب
هذي الحقيقه ما يجي في الكون اطهر من iiيديك
وانا الذي انقظ وضوء الغيم والماء iiوالهبـوب
انقل عيوبي فوق متني وانتي لعيبـك iiشريـك
وباكر تبسملي وجيه لـك يعبسهـا iiالشحـوب
يا طاهرة حنا كـذا والمظهـر يكـذب iiعليـك
يمكن يجي يوم يجي نخجل من ظنـوك iiنتـوب







&محتاج لك&




انتي بكف وباقي الخلق فـي iiكـف
متعليه في وسط قلبي ولـك iiشـان
في غير وصلك مالقلبي ترى iiشـف
محتاج لك يانور عينـي iiوشفقـان
لا جابوا اسمك صرت انا تقل iiمختف
مالي على نفسي الى اطروك سلطان
من غير حبك غضت عيوني الطـرف
ياللي جمالك صار للزيـن iiعنـوان
اريد انا قربك ترى ياغذا iiالحـرف
وان ماحصل موتي ودنياي iiسيـان


&عيون الحب&





عيون الحب لا يمكـن iiتناظـر
عيوب الخل لوهو عيب iiكلـه
تماري فيه وبوصفـه iiتكابـر
ترى من فوق خلق الله iiمحلـه
رفيق الليل في الشباك iiناطـر
واثاري الليـل شبـاك iiلخلـه
حفظ احلى الكلام وصار iiشاعر
بصبر ينتظر والصبـر iiملـه
حبيب عشت في دنيـاه عابـر
حسب قوله ويا شعري iiفقلـه
انا ضحيت له وارجي iiوصابر
واذا عيـا اقـول الله iiيحـلـه
على الملتاع الا يا بعد iiباكـر
يبي السلوان والذكرى iiتظلـه
صحيح ان الهوى سحر المشاعر
يراه الصب عـز لـو iiيذلـه
عيون الحب في قلبي iiتناظـر
تشوف اللي عيوني ما iiتدلـه





&سنا الفضه&




جتني وشافتها عيـون iiحايـرات*
* ذا شعاع الشمس او هذا iiسناهـا
ضاعوا اللي جوا معاها iiمسيـرات*
* واقبلت تمشي تقل محـدٍ iiمعاهـا
ياسنا الفضه وياجيـد المهـات ii*
* ياشذى نبت الخزامى في iiوطاهـا
قلت كن بوجنتـك زهـر iiالنبـات*
* قالت ان الرمش يجرح لي iiصفاها
تجرح الظلمـا عيـون iiناعسـات*
* سلهمت وأغضت تغطرس في بهاها
حققوا بالشوف في لون الشفـاة ii*
* هو خذا منها الشفق والا iiعطاهـا
ولو ظلام الليـل يعطينـا iiثبـات*
* فيه من لون الشعر والا iiكساهـا
كيف أباصف زين كاملة الصفات ii*
* كيف أباصل في حروفي iiمنتهاها




اموت من فرقاك&





أموت من فرقاك .. و أمـوت بلقـاك
وأموت من جورك .. و أموت iiبحنانك
كلٍ قضاه يموت مـرّه .. و iiيفـداك
و أنا أموت ألفين مـرّه .. iiعشانـك
أذكرك.. لا مني نسيت إنـي نسيتـك
أنساك .. لامنـي ذكـرت iiنسيانـك
رضيت أنا بالهم لرضـاك iiمرضـاك
و ارخصت لك قلبٍ جرحته .. وصانك
أجيك في صدري عتاب .. و iiأبجفاك
و أرجع ألوم الوقت و أقـول iiخانـك
أحب فيك .. احساسي إنـي iiبلامـاك
في عز خوفي منك أحـس iiبأمانـك
عجزت أفرق بين وصلك و iiفرقـاك
ياللي عطيت الناس بيـدك iiعنانـك
مر تجينـي ليـن أقـول إنـي إيـاك
و مر تروح بعيـد و انسـى iiأوانـك
أقبل و تقفي .. و اعتذر عن iiخطاياك
و أقول ما عييـت .. عيـا iiزمانـك
و إن خانتك دنياك .. أو خنت دنيـاك
إرجع و تلقابـي .. مكانـك.. مكانـك

&علمتيني&
عـلـمـتني وشــلـون iiاحـــب
عـلـمـنـي كــيـف iiانــسـى
يـابحر ضـايع فيه .. الشط iiوالمرسى
عـلـمـتني وشــلـون iiاحـــن
عـلـمـنـي كــيـف iiاقــسـى
سير علي .. بس امسح دموعي iiوروح
سير علي .. جب لي معك قلب iiوروح
سـير عـلي .. اذا تـذكرت iiالجروح
يـاطـاغـي الـنـظـرة .. iiخـطـا
تــجـزى بـهـالـبخل الـعـطـا
وانـا الـلي اهديتك أمن.. عين iiوجفن
هـــذي فـــراش وذا iiغــطـا
يــاجـرح مــن ويــن ابـتـدي
وانـــت مـعـي مــن iiمـولـدي
وعـيت يـدي .. عـلى وداعك تهتدي
بـــس انــت عـلـمني iiالـجـفا
دامـني عـجزت اعلمك .. كيف iiالوفا
علمتني كيف السهر .. ونسيتني الممسى
عـلـمـتني وشــلـون iiاحـــب
عـلـمـنـي كــيـف iiانــسـى




تنهيدتين ونار
كـلـّمـنـي عـنّـك
أبعرف كل شيٍ عنّك منّك
قلـّي وش أول جروحك
قلـّي وش آخر أمل ترجيه روحك
إحكي عن طبعك
وعن ربعك
عن اللي يهـزّ دمعك
قلـّي وش معنى الحياة
قلـّي بأنفاسك متى قد قلت آه
إحكّ لي عن الحب
إحكّ لي .. إحكّ لي
إحكّ لي عن الشوق
طـر بـي فوق .. فوق
خـذنـي منّك
وإحكّ لي .. عنّك
الـصـدق
إن الأمل من قبل أعرفك .. كذب
والتضحيه أوهـام
وإني أنا من قبل أعرفك
كنت أعرف أنـام
كان السهـر مـو هـالسهـر
لعب .. و أغانـي .. و إخـتصار
صار السهـر تفكير
صار إنتظـار
صار إحتظـار
صار السهـر .. تنهيـدتيـن ونـار
* * *
يا منتهـى أمـري
بالهمس قلـّي مرّه يا عمـري
وطـر بـي فوق .. فوق
خـذنـي منّك
وإحـكّ لـي .. عـنّـك
.
.
.
عيون الصغار
وجهك غضب .. وجهك عروس
يضوي مدى .. يحرق نفـوس
تشبه لك الشمس الشموس
! .. و مـا لـمـحــتــك
سـلام يـا أحلـى الأنـام
دربـي مثل عينك ظـلام
تشبه لك أسراب الحمام
! .. و مـا وصـلـتــك
يا صوتها الرايح وجاي
مابين أشواقي وشقاي
تشبه لك الونّه و ناي
! .. و مـا سـمـعـتــك
حبيبتـي والبـوح نـار
إنتـي أنا بكل إخـتصار
تشبه لك عيون الصغار
! .. و مـا عـشـقـتــك
يا مهرتي البيضا الأصيل
تلعب و انا صـبٍّ نحيل
تشبهك غابات النخيل
! .. و مـا سـكـنـتـك
يا غـاية الحلـم المحال
مثلك أنا حلمي الوصال
يشبهك في الشاعر خيال
! .. و مـا كـتـبـتــك










احيان

احيان احس الامل قدام ...
واحيان احس اني اتوهم ...
واحيان احس الملام هيام ...
واحيان اقول السكوت ارحم ...
اتعب سهر .. ماتعبت تنام ...
الى متى وانت ما تهتم ...
ما قلت لك تشبه الايام ...
تجرح وتنسى ولا تسأم ...
تعبت اسافرمع الاحلام ...
ولا اكتشفت اني كنت احلم ...
الين صحتني الاوهام ...
على جروحي وانا مغرم ...
الحب احلى قدر لو دام ...
الحب اغلى امل يرسم ...
بحب لين اعذر اللوام ...
بحب لين الندم يندم


تعـــــــــــــــــــالي

تعالي
كثر مارحتي
لو مرة تعالي
مثل همي مع الظلما تعالي
كثر ماكلموني فيك عذالي .....تعالي
طيفك ملا كل الليالي
وافي مثل جرحي
أغفي معه وأصحي
غيّر صور كل البراويز
شال الصور حط العزيز
أقفل علي الباب
وحدي بلا أحباب
يرفع ظلام ستارتي
ويدخل بلا أسباب
طيفك غريب
طيفك قريب
طيفك أبد مايشبهك
وافي وحبيب
ياوطني يا حبي
ياعاصمة قلبي
حبيني لو ليلة
حسّي بي لو ليلة
اسهري لي بانتظار
دوريني في الديار
الحب مو جنة وبس
الحب ماهو بس نار
قدر ............ولا فيه أختيار
يامسافرة لليل ......جيبي لي شمس
يامسافرة للصبح ......جيبي لي أمس
الحب يبغى حاسة
غير الحواس الخمس


راحل


أجمل رحيل مايوصلني الى قافلة من القوافي أعود بعدها ... مليئاً بالشعر .
أنا راحل ..
وتارك كل شي
جمعت من ذيك العيون أحلى المعاني
وونيت مع صوت المعاني
وبشويش .. وشوشت الشعور
ريش تبلل .. وأنتفض عصفور
ولما وصلت لكل شي
دريت اني ماوصلت لشي
أخترت أصعب رأي
انا راحل .. وتارك كل شي مني وراي
0 0 0
تعبت
والدنيا عيت تستريح
ياصاحبي
القلب يمكن ينكسر
بس راسي مايطيح
ولو قلت لك اني جريح
اخاف تفهمني خطا
وأخاف تفهمني صحيح
ياصاحبي .. أنا على سكوتي تعلمت
وماندمت
لو طال بي مسراي
0 0 0
الدنيا ماوقفت
مسكين ياقلبي
وهو يلتفت
أقسيت أنا .. وهو يلتفت
الدنيا لاماوقفت
مسكين ياقلبي
أقسيت أنا .. وهو يلتفت
0 0 0
باقي رجوى
تشبه عيون الصغار
باقي لك في القلب نجوى باختصار
باقي كلمة
لصاحب الطرف الكحيل
أنا راجع أقول أني احب
وأبعثر هموم الرحيل




ماجتــــــــــــــــــــه
يـحـتريها مـوعد آمـال كـبارنـاجته
يحتريها حافظ بعض الكلام اللي يبلغ حاجته
يـتـأمل بـالـوجيه .. يـتحراها تـجيه
والـثـواني يـأس .. يـرجي وتـرتجيه
لا تــــأمـــل بــالــوجـيـه
مــوعــدك .. لا مــــا تـجـيـه
ومـــــــــا جــــتــــه
الـنـاطر الـموعود .. اشـبهه بـالعود
الـلي وقـفت يـوم عـلى مـتنه حمامه.
راحـــت .. ونـاطـرهـا تــعـود
طـــويــل الــنـفـس لــيـلـه
ويــرجــي صــبــر حــيـلـه
ويــــــــــلـــــــــه
كـم تـأمل بـالوجيه .. وكم تحراها تجيه
ومـــــــــا جــــتــــه
لو قيل لي ان القمر ياطا على متون النجوم
والشمس لا جا الليل ترخى جوانحها و تنوم
وان الـغيوم .. قـلب على الصحرا حنون
اصــدق .. ومــا اصــدق تـجـيه
الــلـي عــلـى خـــده يـــده
والــلـي الامـــل بـاسـمه نــده
قــــم! .. تــأمــل بـالـوجـيه
مــوعــدك .. يـمـكـن تـجـيـه
ومـــــــــا جــــتــــه


رعشة باب

من دق بابي الخشب ...؟
بابي العتيق ..
الليّ.. على جال الطريق ..
جبين بيت الطين ..
اللي ..انبنى..
قبل السنين
قبل الظلام ..يسكن فــ/بيت الليل ..
والوادي ..قبل يصير ..درب السيل
وبابي العتيق ..اللي على جال الطريق
دقه عدو ..والا رفيق..؟
###
الله ..بصير..
فرشي ..وسقفي ..من حصير
واللي يتنكر ..وش يصير ..؟
الليل ..لاحدب ..نعش
والريح ..لاهبت ..نعش
قلبي ارتعش..
برد وألم ..
جوع وعطش...
###
أنا..
حاضر ..وقف على متون
الماضي
سيلٍ سقى ..صم الحجار..
خذيت مقسومي ..
واذا.. تقافانا المحلْ ..
تتبدد حلومي..
والراس ..فــ/همومي
بابي العتيق ..اللي على جال
الطريق
خلفه..عدوْ...؟
والا رفيق؟

ذكرى الفراق
اليوم ذكرى الفراق ومـرت أول سنـه
اليوم لي عام متغرب وحيـد وحزيـن
اليوم انا ضيف جرحي جيـت بطمنـه
اني جمعت الدموع وجبت امانة اميـن
ما يجرح الصادق الا غدر من يامنـه
لا جت من احباب قلبك لا تلوم السنين
مليت من هالاماني دام هي مو ممكنـه
لاهي تحقق وانا ياسي بوجهي يبيـن
الوين انا وانت مثل الشمس والازمنـه
مع كل صبح يجددني لشمسـك حنيـن
لا قلت احبك .. احبـك كنهـا دندنـه
او كنها وردةٍ مابيـن اصابـع جنيـن
يا اجمل الناس لك بين المـلا هيمنـه
كثير غيرك ولكن ميـن مثلـك وويـن
ياعاذلي خـذ عيونـي يمكـن تثمنـه
تشوف عيبه وانا اشوفه ملاك حسيـن
امس افترقنا وانا احسب مرت اول سنه
يا طولها ليلة الفرقـا سنـة للهزيـن








العواذل
حبيبتـي كـل الـعـواذل تشـابـه
قلبٍ ظلام ووجـه يشبـه للأصحـاب
ولا ما غدى لك صاحبٍ ينحكـى بـه
لا تسمعي أن كان لك قلـب وأحبـاب
إلى مشيـت الـدرب يلهـث سرابـه
وإلى سكنـت الـدار نادانـي البـاب
وشلون أنـام وهـم قلبـي صوابـه
والشوك ينبت بين جفنيـن وأهـداب
تعبـت امنـي .. الأسئلـة بالاجابـة
وانطر شروق الشمس والشمس بغياب
وتعبـت أناظـر والمعنـى عـذابـه
أنك بعيـده والمـلا دونـك حجـاب
اجمع كـلام ومـا أعـرف الإجابـه
وعندي شعور صدق والوقـت كـذاب
كل النجوم اللي امطرت مـن سحابـه
حبيبتي دمعك جـرح قلـب واتـراب
واللي وقف مـا بيـن بابـي وبابـه
قلبٍ ظلام .. ولابس ثوب الأصحـاب

لامن غديتي
حبيبتي لا مـن غديتـي لـي سـراج اتبعـه
وكني غديت من الظما اركض ويطردني السراب
لا تبخلين اليا شربتـك ماشربتـك مـن سعـه
دامي من جروح الهموم الموجعه كلي صـواب
اليوم مرتنـي السوانـي والفصـول الاربعـه
اليوم مريـت الموانـي والمبانـي والسحـاب
اليوم ماكنـي لقيتـك مـر صوتـك ماسمعـه
اليوم ما كني فقدتـك مـن سؤاليـن وجـواب
يابنت في خدك وهج سيل الشموس الساطعـه
احرق بداخل داخلـي انسـان ماهـو للتـراب
واللي خلق ظلـم الليالـي بالعيـون الهاجعـه
اني من الحرمان اتسائـل وحرمانـي جـواب
يوم الـوداع تخيلـي مالـي حبيـب اوادعـه
محروم انا وتخيلي محروم حتى مـن العـذاب
يابنت لـي قصـه تطـول بكلمتيـن موجعـه
هي باختصار اني انا اركض ويطردني السراب








سميتني
ما قلت احبك ولا قد قلت مـا حبـك
احب مالي عيونـي وانـت تسواهـا
لو تدري اش كثر تعني لي تعرف انك
اخر امل فـي حياتـي واول مناهـا
ياكثر احس ان بك مني وبـي منـك
روح قسمها على شخصين مولاهـا
لا تقول وش تحب فيني اعشقك كلك
من ليل شعرك لكلك واخـر اقصاهـا
سميتني نصفك الثانـي ويـا شحـك
انا بسميـك كلـي وانـت معناهـا
تعبت اوديك لـه يـا قلـب ويـردك
لا اخذ حلومي ولا خلانـي انساهـا
كل الحمام استراح وناح فـي ظلـك
والورد الاصفر سقته الروح من ماها
ليتك بعمري ثلاثة اشخـاص ماملّـك
واحد معي دوم وواحد روحي يملاها
والثالث بجفن عيني لا فقـد حسـك
او غمض الجفن جاني فيك يتباهـى
مو بس احبك انـا والله مـن حبـك
احب حتى ثرى الارض اللي تطاهـا

بعض أحوال
أنا مقدر أكون .. اني حبيب فـي بعـض أحـوال
أنا كلـي أجـي .. و الا أروح بعزتـي .. كلـي
تخيرت الفراق و مادريـت إن الفـراق وصـال
أقول اني نسيتك بس مـدري كيـف تاصـل لـي
خذاني لك سؤال في عيونـك و الجـواب محـال
خذاني منك دمـع فـي عيونـي مارضـى ذلـي
رحلت انت و تركت بداخلي طيفك و صبـر طـال
غدت ذكراك شمس ما تغيـب و صورتـك ظلـي
حكيت و مالقيت مـن الحكـي الا النـدم مـوّال
سكت و مت بالحسره و لا ادري و شهو احسن لي
أحبـك كـل مافينـي يحبـك يـا خلـي البـال
تخيلتك دواي و صرت جرحي الصعب يـا خلّـي
تعبت أرحل مع وجيه البشر بانسـاك بالترحـال
و لا ادري وش يجيبك في وجيه الناس و اهلّـي






جتني
جتني وشافتهـا عيـون حايـرات
ذا شعاع الشمس او هـذا سناهـا
ضاعوا اللي جوا معاها مسيـرات
واقبلت تمشي تقـل محـدٍ معاهـا
ياسنا الفضـه وياجيـد المهـات
ياشذى نبت الخزامى فـي وطاهـا
قلت كن بوجنتـك زهـر النبـات
قالت ان الرمش يجرح لي صفاهـا
تجرح الظلمـا عيـون ناعسـات
سلهمت وأغضت تغطرس في بهاها
حققوا بالشوف في لـون الشفـاة
هو خذا منها الشفق والا عطاهـا
ولو ظـلام الليـل يعطينـا ثبـات
فيه من لون الشعـر والا كساهـا
كيف أباصف زين كاملة الصفـات
كيف أباصل في حروفي منتهاهـا

ميت وانا حي



بيني وبينك عرفـت المـوت
تحـب والـحـظ متجـنـي
تبي الصدق حبها منحـوت
وأصبحت منها وهـي منـي
أفرشلها القلـب بالياقـوت
وأقـول يـا دلـي إتمنـي
صدري قصور ومدن وبيوت
وهي المليك اللـي يحكمنـي
ياويل ويلي عليهـا صـوت
تحكـي تقـل كنهـا تغنـي
وسكوتها غير كـل سكـوت
كـل شـي فيهـا يكلمنـي
قد شفت شمس زرعوها توت
بشفاتهـا التـوت متثـنـي
يا حلوها والقلـم مبهـوت
وش يكتب بوصفهـا عنـي
هي دنيتي والهوى والقـوت
وإن غبت عن وجهها كنـي
متغـرب وغربتـي تابـوت
ميـت وأنـا حـي مستنـي
قولو لها لو يفـوت الفـوت
هو ينفـع الصـوت متعنـي
و قولو لهـا والله إلا مـوت
لو خاب فـي حبهـا ظنـي









قصيده مدح في البحرين
طار سرب الحروف وسالت الشمس نور
سرمـدي تعلّـى نــور مسـرورهـا
جيت أعزم القصايد واثر شعري غيـور
قبـل أجـي للمنامـة كــان دورهــا
ياعيون قرتنـي صـدق بيـن السطـور
وش لقت مـن تدورنـي وانـا دورهـا
أنفض العهن عن صدري وافج البحـور
في يميني عصـا موسـى ومسحورهـا
ماتخيرت أجي شاعر جبرنـي الشعـور
ولو جروحي تعاف الشعر مـا ازورهـا
امتطيت القصايـد والجـوارح صبـور
والمعانـي تـذل الـعـز مغـرورهـا
نـوخ الشعـر بهمومـي وعيّـا يثـور
قلت حـيّ الضيـوف ودوك ميسورهـا
كـان فحـل المعانـي بالقيـاد مهجـور
جيـت افكـه تهبـد نـار محـذورهـا
مـاأردّه علـي الله ولـو هـو هــدور
ليـن يـروي ظمـاه ويحتمـي سورهـا
دام ذلـم غديـر النـور ليـه العـفـور
باغتسـل مـن زلال الظـي بحضورهـا
يالمنامة أجـي طايـع واجيـب الطيـور
لجـل عينـك تغنـي الأرض وطيورهـا
سندريلا المدائن جيـت بعـد الحضـور
جيت اقيـس القصايـد عقـد بنحورهـا
سندريـلا الخليـج وشهـرزاد البـدور
مالقـى الشعـر مثلـك يلبـس بحورهـا
تذخر الماء عـذاري والصناديـد بـور
دام عـز الديـار وعــز مذخـورهـا
قلت ابي امدح هل البحرين فرع وجـذور
واثرهـم غرسـة التاريـخ وجـذورهـا
قلت ابي امدح هل البحرين مدح العطور
واثرهـم جنـة الفـردوس وزهـورهـا
قلت ابي امدح هل البحريـن فكربكـور
واثرهـم للحضـارة نــور بلـورهـا
قلت أجل بمدح البحريـن دور وقصـور
صرت انا الضيف والبحرين وقصورهـا
بالعيـون المشاعـر والقـدر بالصـدور
والعـرب تـدرك الخافـي ومستورهـا
حااام سرب الحروف وشربت الشمس نور
وش تقـول القصايـد ؟؟ دامكـم نورهـا

بعض الاحباب
ماقلت احبك ولا قـد قلـت ماحبـك
احب مالي عيونـي وانـت تسواهـا
لو تدري اش كثر تعني لي تعرف انك
-اخر امل في حياتـي واول مناهـا
ياكثر احس ان بك مني وبـي منـك
-روح قسمها على شخصين مولاهـا
لا تقول وش تحب فيني اعشقك كلك-
من ليل شعرك وكلك واخر اقصاهـا
سميتني نصفـك الثانـي وياشحـك
انـا بسميـك كلـي وانـت معناهـا
تعبت اوديـك لـه ياقلـب ويـردك
لا اخذ حلومي ولا خلانـي انساهـا
كل الحمام استراح وناح فـي ظلـك
والورد الاصفر سقته الروح من ماها
ليتك بعمري ثلاث اشخـاص ماملـك
-واحد معي دوم وواحد روحي يملاها
والثالث بجفن عينـي لافقـد حسـك
-او غمض الجفن جاني فيك يتباهـا
مو بس احبك انـا والله مـن حبـك
-احب حتى ثرى الارض اللي تطاها







قالت قدر
.
قالت قدر وأقول يومـك تبينـي ..
غصب على الدنيا يدك فـي يدينـي
لا تظلمين الوقت ويش ذنب الأيام ..
لا تظلميـن الحـظ لا تظلميـنـي
غديت مابين الرجاء فيـك واليـأس
هـذا يبـي منـي وهـذا يبيـنـي
أن قلت شنت وخاطري طاب كـذاب
وأن قلت أبيك أرخصت نفسي بعيني
خيرني أمري بين أصعب خياريـن
موتي أنا أو موت الإحساس فينـي
لكن زمانـي المـر علمنـي أنـي
أموت محني لجـل قلبـي جبينـي
والله ما تلقين حبـي مـع النـاس
روحي وها الأيـام بينـك وبينـي

بيني وبينك عرفـت المـوت=تحـب والـحـظ متجـنـي
تبي الصدق حبها منحـوت=وأصبحت منها وهـي منـي
افرشلهـا القلـب بالياقـوت=وأقـول يـل دلـي إتمنـي
صدري قصور ومدن وبيوت=وهي المليك اللـي يحكمنـي
يا ويل ويلي عليها صـوت=تحكـي تقـل كنهـا تغنـي
وسكوتها غير كـل سكـوت=كـل شـي فيهـا يكلمنـي
قد شفت شمس زرعوها توت=بشفاتهـا التـوت متثـنـي
يا حلوها والقلـم مبهـوت=وش يكتب بوصفهـا عنـي
هي دنيتي والهوى والقـوت=وان غبت عن وجهها كنـي
متغـرب وغربتـي تابـوت=ميـت وان حـي مستـنـي
قولو لها لو يفـوت الفـوت=هو ينفـع الصـوت متعنـي
وقولو لهـا والله إلا مـوت=لو خاب في حبهـا ظنـي






كل السحاب اللي تحت وجه الثرى مسجون=وكل التراب اللي رقى متن السما ضامـي
وكل اليدين اللي غدت لجل السلام عيـون=تملي الكفوف من التراب وتحثي احلامـي
وكل الشتا لو يجتمع فـي ليلـه ويكـون=لو البسـه كـل الحريرمايدفـي عظامـي
حبيبتي مالـك محـب الاانـا المجنـون=ذنبك انـا وانتـي معـي تفكيـر اثامـي
من قالك ان البدو بيـت شعـر وضعـون=ماقالـك شيمـة هلـي وافـي وكرامـي
مابه ثرى سكن تحـت الثـرى مسجـون=ومابه سحاب لو سكن تحت الثرى ضامي






العاشق اخرطفـل او اول انسـان=قلبه مثل نفح النسايم علـى المـا
العاشق اجمل طير له كل الالـوان=سموه طير الروح تفـداه الاسمـا
وجرح الظنون عيون عنوانها كان=تسرح بعيد ولجلها الجـرح يدمـا
لو عبرت قوافلـي كـل الاوطـان=وشلون ابا صلها وانا دربي اعمى
كان الامل بالوصل له ضوح دخان=انـاغـدى قلـبـي رمادوظلـمـا
وكان الفراش يعـذب النورتحنـان=انا شربت الدمـع وبملحـه اظمـا
اغلى الشعور معانق ايدين خـلان=فيه الكفوف قلوب والروح تسمـا
واصعب شعور موادع انسان لنسان=منه العيون تشبـه الدمـع بالمـا






ايـه لاشفتـك باهلـي بالنـظـر=عن عيون الناس بعيوني الوصال
لالمحتك في الخيال وفي الصـور=زان لي وصفـك واغنيلـك تعـال
في هواك من البحر شيمـة غـدر=وفي هواي مـن البحرسرالجمـال
وفي هواك من الشعر كذب الشعر=يلقى نفسه سؤال يجاوب بك سؤال
الهـوى سلطانـه بقلبـي سحـر=والهوى ذنبه علـى قلبـي حـلال
الهوا في عيونـك النجـلاء قبـر=وللهوى فـي قلبـي الوالـه دلال
ليـه لاشفتـك اهلـي بالنظـر؟!=في عيون الناس ابصرخ بالوصال

لاتذكرني بحـب قـد مضـى لـي=منك انا مقوى حديـث الذكريـات
خلني دام الضنى والسهـد سالـي=لاتقلـب دفتـر احـزان الحـيـاة
داعي الذكرى ينادي فـي خيالـي=والشجن يحيا بعد طـول الممـات
عزت السلوى علـى مـر الليالـي=داخل اسوار الاسى ويـن النجـاة
دايم كنـي نسيتـه لاطـرى لـي=حلم باحضان الزمان المـر فـات
ادعي واكذب على نفسي وحالـي=لا عجزت انسى الهوى كيف السواة
لا تقول انسـى ودورلـك بدالـي=ولا تشوف بعين طبعـك كـل ذات
بس لاتحكي معي عما جـرا لـي=دام انا مقـوى حديـث الذكريـات





وقف الايام واسـال هالسنيـن=وين انا ومنين ولويـن السفـر
ياحبيبي بسالك هو انـت ميـن=فيك انا محتـار يانـار ونهـر
كل ما فيني على وجهـي يبيـن=وكل مافيك انت تخفيـه بحـذر
فيك قلب مايعرف اسم الحنيـن=وفيني قلب لاحكوفيـك انكسـر
لاكسرت مراية الوجه الحزيـن=واشتكيت الهم للقلـب الحجـر
ماهقيت الشوق يسهرني الانين=لين ذقت الهم في ظلـم السهـر
يوم شفتك صرت قلب وسط عين=وفي الغياب اشوفك بكل البشـر
لانويت انساك قالت لي السنيـن=وين انا ومنين ولويـن المفـر

ودعتها واخفيت عنهـا دموعـي ii"
" خايف تحس بحسرتي iiوالتياعـي
ودعتها والقلـب منـي جزوعـي ii"
" جزعٍ من الفرقا قليـل iiالمساعـي
حيث الفراق لمن تولـع يلوعـي ii"
" لوعات فرقاه ماوراها iiاجتماعـي
في لحظة التوديع هديـت روعـي ii"
" بيني وبين النفس قمـة iiصراعـي
اخفيت ما حسيت بيـن الضلوعـي "
" خايف عليها لا تحـس iiبضياعـي
قالت فمان الله وانطـر رجوعـي ii"
" واشرت بالتوديع حـال iiاستماعـي
ساكت ولا رديت ماهـي طبوعـي ii"
" من عبرتي تفرض علي iiامتناعـي
حان الرحيل وحان وقت الفجوعـي "
" واقفت وأنا عيني عليهـا iiتراعـي
بين الرجا واليأس صبري يموعـي ii
" على الوداع اشلون قلبي iiاستطاعي
من عقبها اسهر مسندي راس كوعي "
" لأنام خالي البـال تميـت iiواعـي
تومي بي الحسرات من غير طوعي "
" هذا الغلا ماهـو غـرام iiصناعـي
اقنب كمـا ذيـبٍ تقفـاه جوعـي ii"
" لامن ذكرت فراق حلـو iiالطباعـي
اللي لاجله هان عنـدي خضوعـي "
" والله مانسى دمعته فـي iiوداعـي



((قالت قدر))
قالت قدر و أقـول يومـك تبينـي
غصبن على الدنيا يدك فـي يدينـي
لا تظلمين الوقت وش ذنب الأيـام
لا تظلميـن الحـظ لا تظلميـنـي
غديت مابين ارجـا فيـك واليـأس
هـذا يبـي منـي وهـذا يبيـنـي
إن قلت شمت وخاطري طاب كـذاب
وان قالت أبيك ارخصت نفسي بعيني
خيرني أمري بين أصعب خياريـن
موتي أنا أو موت الحسـاس فينـي
لكن زمانـي المـر علمنـي أنـي
أموت محني لجـل قلبـي جبينـي
والله ما تلقين حبـي مـع النـاس
روحي وهـا لأيـام بينـك وبينـي







إنت الشفا ..
هلا بك .. هي هلا اللّي قالها الصايم ليـوم العيـد
هلا بك .. هي هلا اللّـي قالهـا للغيـث هالـوادي
هلا بك .. هي هلا اللّـي قالهـا يعقـوب بالتنهيـد
ليوسف يوم عاد..و عاد شوفه.. و أنكـف الغـادي
هلا بك .. كثر ما أمّنت خايف .. أو رعبـت مكيـد
هلا بك يـا عـدو همومنـا .. وهـلال الأعيـادي
تصاغرت الهلا .. من كبر قدرك .. و اعذر الترديـد
لأنك شامخ مثل الجبـل .. لـه بالصـدى حـادي
حسدت الشعر .. يوم إنه طليق لك .. و أنا في قيـد
وجبته يوم جاك .. و شفـت فيـه مـراة حسـادي
مهوب إنت المريض .. إنت الشفا .. يا قريّبٍ و بعيد
وانا أقول المريض اللـي .. فقـد طلّتـك فبـلادي
سلمت إنت .. و سلمنا من سلاماتك عـن التنكيـد
أهنّيك .. أو أهنّي الناس .. أو نفسي و أنا البـادي
يابو كل اليتامـى و الضعـوف و معسـر ومريـد
غديت الشمـس وقلـوب الخلايـق زهـر عبّـادي
عليك نخاف منك .. إلى رقدنا و إنت فـي تسهيـد
تقل من كثر حب الخير .. صـرت لنفسـك معـادي
تطلّبك المرض نفسك .. و قلت أبشـر بـلا تحديـد
فـلا والله أرد اللـي طلبنـي .. لـو يـبـي زادي
هذاك إنت الضليل الضافـي الوافـي منـاة الغيـد
هـذاك إنـت الكبيـر المنـور المنثـور بالكـادي
هذاك إنت الأصيل الماجـد الناجـد سليـل الصيـد
هذاك إنـت الرفيـع المشـرق البـراق والهـادي
هذاك إنت الوفي العـارف الـوارف ربيـع البيـد
هذاك إنت العظيم الشامخ اللّـي فـوق الأشهـادي
هلا بك .. و القدر بالصدر .. لا عجز القصيد يصيد
قصيدٍ لا درى إنّه فيـك .. سمـى شـارده عـادي

قصيدة المرحوم في ابنه عبدالعزيز :-
لي ولد له صورة
في قلبي تملا البراويز
حر شجاع نادر
ما هو لزيز
أغليه وأحبه كثير
وانا بعد عنده عزيز
على رضى أمه وأبوه
وجدته دايم يحيز
أفتخر به بالعلم واللعب
دايم ما ينغلب
ولانه بقلبي عزيز
سميته باسم الاخو
باسم الابو
وباسم جدي والفخر
عبدالعزيز

هذه مرثية طلال الرشيد بـ فيصل بن فهد رحمهما الله ..





يالله ترحم كبير القـدر .. عالـي المقـام
وتوسع القبر في وجـه العظيـم الجـزوم
ويالله تجبر عزى من له عزى بك وصـام
عن غير ذكرك وشكرك .. ساجد مايقـوم
ياقبر .. بك واحد .. يسوى جميـع الأنـا
أبو اليتامى .. اخو المرضى عطوف رحوم
ياقبر .. بك حر أشقر .. فيه كـل الغمـام
ابن الكريم الكريم .. القرم وابـن القـروم
يالله يلقـاك يضحـك .. يـوم نبكيـه دام
فعله لوجهك .. وأنا شاهد لخيـر الكتـوم
ياخالد * العذر لو يرضيك صدق .. وتنـام
وشلون أبكذب على نفسي واصدق .. وأنوم
ياخالد* انت الوحيد السالي اللـي يظـام
الهـم همـه وهـو خالـي بليـا همـوم
ياخالـد* أبـوك خالـد بالفعـول الكـرام
ماوالله يمـوت فـي قلبـي كحيـلان دوم
السبت .. مر .. كريه .. كان ظهره ظـلام
مامر مثله على وجيـه الرجاجيـل يـوم
ياموت وأستغفر الله.. لو تعـرف الحـرام
ماكان أخذت الذي في موتته مـوت قـوم
الشمس .. والشمس لاغابت قفاهـا عتـام
والفرق فيصل ليا من غاب .. نوره يـدوم
بعض العرب لافقدته .. يجبرك بـه كـلام
ميـر البـلا لافقـدت الفيصلـي العـزوم







جيت مثل السحاب =.. ورحت مثل السراب
بيّض الله وجه الصبر =.. كم هـج بـاب
قال ودع هواك .=. وقلـت حـي العـذاب
كثر ماكنت أحبك=.. كثر ماكنـت أهـاب
أصعب الحب =..حب في حضوره غيـاب
وأصدق الصدق دمـعٍ= يسبقـك للجـواب
جيت أودع جروحي =. وأستبيح الصواب
رح..مثلما يروح= الي ارتويـت السـراب

" أمير كالجبال الشم "
أمير كالجبال الشم
وجمهور لم يمر
في أمسية العمر
مقرن بن عبدالعزيز
إنسانّ طينته من مطر
بسيطٌ حد التآخي
متواضعٌ حد الخجل
شهمٌ حد الإسراف
أو ليس هو ابن المغفور له الملك عبدالعزيز بن عبدالرحمن؟!
وهذا يكفي
رأيته بأم عيني يقضي حاجات المواطنين واقفاً على قدميه
يستمع من الجميع
ويقول ما يقنع الضمير
.. لصوته نبرةٌ توحي بالود
ولحديثه نكهةٌ ثقافية
وهكذا هم ولاة الأمر في وطننا أعزهم الله
ونفع بهم البلاد والعباد.
شرّفني بحضور أمسيتي
بمدينتنا الجميلة.. حائل
في أمسية لن أنساها ما حييت
جمهورٌ.. كنت ولا زلت وسأظل
أتمناه وأذكره..
ذكرياتٌ جميلة قضيتها مع أهلي وأصدقائي
في أمسية أعتز بها بمدينتنا الحالمة الغائمة.. حائل
ألف شكر.. وألف عمر لحائل وأميرها وأهلها
وشكراً للجنة المنظمة
قصيدة مهداة إلى أميرها وأهلها..
عروس الوجود
يا مسا الخير.. والطير.. ومساء الورود
يامسا النود.. والجود.. وشذى عودها
يا مسا العيد.. والغيد.. وعنود النفود
يامسا الحب.. يا حايل ومحسودها
صدّر الشوق ضامي.. والمشاعر ورود
جيت كلّي من أقصى الروح لحدودها
كم طلبت القصايد.. عن غلاها تجود
من دعوني.. وأنا انخاها على جودها
ثالثة والديني.. حايل أم الجدود
أمّي اللي غلاها.. عزّ مولودها
دارنا.. حيّ فالك يالغنوج الودود
السما لك مرات.. وطلتك نودها
خذ عيوني وشف حايل.. عروس الوجود
تعرف الفرق.. بين الشوك وورودها
واهنيك بمقرن وجه فال السعود
وكل ميراث ابو تركي.. من سعودها
ما يشك بوفاي لأوليا الأمر كود
فاسد القلب والنيّه.. ومقرودها
ما ذخرنا الحتوف.. ولا نقضنا العهود
من خلقنا.. نصون الناس وعهودها
زان وجه الكلام.. وشان وجه الحسود
بان فرق النوايا البيض.. من سودها
هيجني يا ربابه والقصايد شهود
عيدي اليوم شوفتكم وبشهودها
لاح برق السلام.. وهلّ مزن الردود
جت تقودن مشاعركم.. وانا اقودها
يا هلي والله إنّي لو اعيد وازود
ما أوفي حقوق الود من كودها
****




" قصائد لم تكتب "
الضمير..
ثوب الروح.. فلا تفقد أناقتك
* الرجل.. يريد أن يكون أول رجل في حياة المرأة والمرأة.. تريد أن تكون آخر امرأة في حياة الرجل فأيهما أكثر واقعية؟
* أضعف الرجال.. من لا تبدو قوته إلا على المرأة.
* حياة الإنسان الحساس صعبة
لأنه يتعدى حدود الأشياء فتصعب عليه العودة.
* أو تخال أنك تحب ولم تفارق بعد؟
* حين يجمع الأكثرية من أصدقائك على عيب فيك وتنكره..
فأنت ظالم لنفسك!
* الفرق بين المبدع والمجنون.. أن المجنون يريد من الجميع أن يصدقوا أوهامه.. والمبدع يحاول إثبات أوهامه بنفسه.
* لتعرف حقيقة الإنسان.. انظر إليه من كل الزوايا.. عندها ستكون أقرب للحقيقة.
* مأساة الحل
أنه قد يقتل..
ومأساة الحياة بدونه
أنها قاتلة لا محالة
* سقطت ورقة صفراء من شجرة أمامي
وحين استقرت على الأرض.. سألتها
هل ستعودين..؟
قالت.. لا.. بل سيتبعني الجميع.
* الأمل.
تصنعه الأرواح القوية.
لا تكن ضعيفاً يهزمك اليأس!
* النساء .. بين كثير من الورد.. قليل من الشوك
يحكمن الملوك.
ويحكمهن الصعلوك.
* من يؤمن بالأمل ويكفر باليأس
يعرف أن المحاولة ليست يتيمة.
* ضع نفسك مكان أي شخص تريد أن تتفهمه.
* عندما كان (الإغريق) يعدون المرأة للمتعة،
وعندما كان الروم يقدمونها هدية لشيطان النهر،
كنا نرافقها في المعارك ونأخذ برأيها.. تُرَى لماذا تبدّلوا وتبدّلنا؟
****




" قصائد لم تكتمل "
** الحزن.. الإحساس الوحيد
الذي يضعك وجهاً لوجه
أمام نفسك!
** الحب.. أشبه الأشياء.. ببراءة الأطفال
** البكاء.. أول طريقة للبحث عن الحلول
وآخر وسيلة للتفاهم
** الفرح.. أقل المشاعر خلوداً.
** الوحدة.. تكون دواء
عندما تقسو هي على ذاتك
وتصبح داء.. عندما تبرر لك كل تصرفاتك
** الصداقة.. فقط عند العرب أصلها الصدق.
من منا صادق مع صديقه؟
** أنت تستحق الإكبار
بقدر ما تبحث للآخرين عن أعذار.
** النفاق.. أن تعظم من لا يستحق
حتى الاحترام.
** الحسد.. اعتراض على قسمة الله.
** النوم.. لغز محيّر
حد الإعجاز
لم أجد له أي تفسير!
** النسيان
تعويض من الله عن كبر المصيبة.
** زيادة الحاجة.. مصيبة
وزيادة الاكتفاء.. مصيبة أخطر.
** الطموح.. والأمل
جنة لا يدخلها يائس.
** غريب هذا الإنسان..
يبكي عند ولادته
ولم أسمع بإنسان بكى
عند موته.
** الرسالة.. أفضل الطرق للتعبير عن نفسك
لأنك تتحدث ولا تجد من يقاطعك!
** عندما تبدأ في كتابة رسالة حب
لا تتوقف عن الكتابة حتى تقول كل ما يتبادر لذهنك
ولا تعيد قراءتها..
لتكون رسالتك شبيهة بك تماماً!
** الاعتراف بالخطأ!
سر الثقة بالنفس.
** الصراحة.. نار
تدفىء.. القوي
وتحرق.. الضعيف!
** في الحب
ماضي الأنثى
كابوس يؤرق الرجل
ومستقبل الرجل
غموض يقلق الأنثى.
** «ونّعم» كلمة نقولها ثناء
لكل من نتعرف به..
سمعت كهلاً يقول:
«النّعم كايد يا ولدي».
** الشائعة.. كانت بعض الحقيقة
حتى جاء هذا الزمن
الذي افتقد الحقيقة
فاضطرت الشائعة للخروج
بدون مَحْرَم!
** من قال: «وخير جليسٍ في الزمان كتابُ»
هو بالتأكيد لا يقصد بعض كتب.. زماننا هذا.
** قبل اختراع الساعة،
لا يعرف التوقيت مساءً
إلا العشاق!
** عندما يكون حفيف الشجر.. موسيقى
تكون الريح عازفاً
وتصبح الأغصان قصيدة.
** الحب الأول ليس بالضرورة
هو الحب الحقيقي
هذا ما قد تقوله الأيام!
** مع شريك الحياة..
الأنثى تنظر إلى الأمام
والرجل يراجع الأيام.
****

" كلمات قد تكون قصائد "
*الأمان.. هو أقصى ما تطلبه الأنثى من الرجل.
والسكينة.. هي أغلى ما يطلب الرجل من المرأة.
* ثمة شيء يشبه الشعر
ذاك هو الدمع.
* هناك فرق بين أن تبكي من الحب
أو أن تبكي عليه.
* عندما يتفق القلب والعقل في حب ما
فذاك هو الحب الأبدي.
* الوفاء إيمان
فلا تحب كافراً.
* المرأة تعطيك كل شيء بابتسامة
وتسلبك كل شيء بدمعة.
* الحب زهرة الدنيا
والشك شوكها.
* الندم.. آخر حبل ينقطع بالذكريات
فتهوي.
* الفرق بين المستقيم والمنحرف
أن الأول يتكئ على ماضيه
والثاني يتأمل مستقبله.
* الرجل الذي لا يضعف لدموع المرأة
ليس حرياً أن يكون شهماً.
* الحاجة ذل..
إلا أن تحتاج من يعطيك وكأنك تعطيه
وأولئك هم النبلاء.
* آخر صورة لحبيبي
كانت على جدار قلبي
وأصر أن ينزعها.. فترك الجدار مجروحاً.. ورحل.
* الحب..
بعض ما يتمناه الرجل
وكل ما تتمناه المرأة.
* لا تتمنى صديقاً شريفاً
بل تمنَ عدواً شريفاً
لتأمن غدره
* الإنسان يحب في حبه الأول حبيبه
وفي حبه الثاني يحب الحب نفسه.
* قالت امرأة عنصرية لرجل عنصري
كم أنا سعيدة أنني لم أكن رجلاً
فقال: بالطبع حتى لا تقترني بامرأة.
* الغيرة..
داء.. يبرر الكذب والتزوير
والتشويه والإساءة
* الثقة بالنفس..
مرآة ترى بها حقيقة الآخرين.
* توهم الحب
أشرَ خيانة للنفس
* المحب..
من يسمع ويرى ويتكلم بقلبه
* الشعور بالنقص
مدعاة للخيانة.
* أصدق الدموع..
ابتسامة حزينة
* لذة الحب الأول
أنه لا يضع احتمالاً للنهاية
ولا يحكّم العقل.
****

نفحه من نفحات الزهور التي ثبت عطرها في جنبات التاريخ
وهي من إبداعات الشاعر الراحل طلال الرشيدالله يرحمه


" كبح جماح "


النفس البشرية بطبيعتها ميّالة إلى اللهو والعبث حريصة على الاستمتاع بالحياة، بجميع أنواع المتعة المباحة وغير المباحة، دون النظر في عواقب الأمور، ولكن النظرة النقية الموجودة في كيان كل إنسان تثور بين فترة وأخرى لتكبح جماح النفس الأمارة بالسوء. ولتصرفها إلى الواجهة الصحيحة. محاولة تطهيرها من شوائب الذنوب والمعاصي التي علقت بها، ودنستها.
وغالباً ما تثور هذه النظرة في مواسم الخير والبركة، ويحل علينا في هذه الأيام موسم من هذه المواسم، وهو شهر رمضان الكريم. أعظم فرصة لتنقية الروح والتوبة إلى الله، والاستغفار من جميع الذنوب والخطايا التي ارتكبناها ونرتبكها. ما أجمل أن يرفع الإنسان يديه إلى السماء. ويمدهما إلى الكريم الذي لا يخيّب سائله، وما أجمل أن يخر العبد ساجداً بين يدي ربه يسأله العفو والرضوان، وما أجمل أن تدمع العين خشية من الله وحده دون سواه. فهو الخالق المعبود، وما سواه عبد حقير. وما أجمل أن يفتح المرء كتاب ربه. المصحف الشريف ليقرأ آيات الذكر الحكيم بكل خشوع وخضوع لينهل من المعين الثر، والمورد الصافي العذب الزلال، ففيه الأجر والثواب، وشفاء الصدور.
وتحضرني في هذه اللحظة قصة رأيتها بعيني، أصيب أحد أصدقائي، وأقرب المقربين إلى نفسي، بصدمة نفسية خطيرة زلزلت كيانه، وهزت وجدانه، وجرحت عاطفته جرحاً غائراً بليغاً، كان ذلك فجأة ودون أي مقدمات، قابلته بعدها مباشرة، كان يبكي بكاء مراً قوياً، ويصرخ بأعلى صوته، ثم ما لبث أن ضحك وقهقه، ثم عاد للبكاء والصراخ والنحيب، وانتابته هالة هستيرية عجيبة، خشيت بسببها عليه من الجنون، لم أدر ما أصنع له، فأنا في خوف وقلق عليه، هل أذهب به إلى المستشفى، أم أحضر له حبوباً مهدئة، أم ماذا؟! وأنا في هذه الحالة تذكرت الذي يجب ألا ننساه، كتاب الله، وهرعت مسرعاً لأحضر المصحف الكريم، وأعطيته لصاحبي، الذي أخذ يقرأ شيئاً فشيئاً، ولم تمض دقائق معدودة حتى عاد إلى حالته الطبيعية، وزالت عنه تلك الحالة التعيسة الكئيبة.
رمضان
فرصة للتقرب إلى الله جل وعلا. والانكباب بين يديه.
فرصة للتصافي والتآخي، ونسيان الضغائن والأحقاد.
فرصة للتآلف بين المسلمين واتحاد الرأي والكلمة، ومواجهة العدو الحقيقي.
رمضان
موسم العطاء، وموسم التوبة، وموسم الأمل والرجاء.
اللهم بلغنا صيامه وقيامه. ولا تحرمنا الأجر والمثوبة.
الموت
صدق ذلك الشاعر النبطي البدوي إذ يقول:
«يا ناس يا ويلي من الموت ويلاه
يا كيف انا بادله وهو مقتفيني»
الموت. الحق الذي نكرهه، والزائر الذي نخافه، ونهابه، ونهرب منه، ومن ذكراه - للأسف.
مع أن رسول الله صلى الله عليه وسلم أوصانا بالإكثار من ذكره، لنزهد في هذه الحياة الفانية، وتزداد آمالنا في الحياة الباقية، الحياة الحقيقية.
«هو الموت ما منه ملاذ ومهرب
متى حط ذا عن نعشه ذاك يركب»
وما أنا إلا واحد من الناس أكرهه كغيري، وازداد كرهي له حينما رأيت ملامحه في الأيام الماضية، وأنا محمول على السرير الأبيض إلى غرفة العمليات، وتمنيت ما تمناه الأمير محمد السديري «رحمه الله».
«سلطان شفت الموت مره ومره
والثالثه شفته كشر لي بنابه
ما ابيه مير إنه بلاني بشره
زود على خيله جذب لي ركابه
لو هو ظهر لي في صحاصيح بره
والله فانا يا ابوك لا عطب صوابه»
وأيقنت عندها أن الوزير أبا محمد المهلبي كان كاذباً حينما قال في سنوات بؤسه وفقره:
«ألا موت يباع فاشتريه
فهذا العيش ما لا خير فيه
ألا موت لذيذ الطعم يأتي
يخلصني من العيش الكريه
إذا أبصرت قبراً من بعيد
تمنيت لو اني ممن يليه
ألا رحم المهيمن نفس حر
تصدق بالوفاة على أخيه»
فالحياة جميلة مهما كانت مرارتها وبؤسها، والشقاء يزول ويعود، ولكن الحياة إذا زالت لا تعود إلا يوم الحشر.
خاتمة المطاف:
«ولمّا رأتني في النزاع تعطفت
عليّ وعندي من تعطفها شغل
دنت وحياض الموت بيني وبينها
وجادت بوصل حيث لا ينفع الوصل»

نفحه من نفحات الزهور التي ثبت عطرها في جنبات التاريخ
وهي من إبداعات الشاعر الراحل طلال الرشيدالله يرحمه


" رسالة من تركي "


وبين زمهرير الألف ودفء آخر نقطة في الياء تتأرجح الضاد بخفة الغادة اللعوب، تمتلئ الأسماء بالحروف وتفرغ الكلمات من معانيها إلا مـا ندر. فلا يعـلق في ذهـن الأوراق إلا ما كتب بحبر التاريخ. في التخمين هذا مـا يربط الشجاع (راعي الأجرب ) بالفيصل، ولكن من يرى بعين تاريخ الرجال يدرك أننا لو كنا نؤمن بتناسخ الأرواح - أستغفر الله - لأدركنا أن العلاقة هي شيء من هذا.. ولكن أليس خامس حفيد للأسد أسداً مثله. من قال إن (لكل زمان دولة ورجال) قاطعه أحدهم فلم يكمل لأن هذه العبارة ناقصة أو حتى خاطئة من وجهة نظري الفقيرة، أو هو لا يقصد رجل الجزيرة العربية، فرجل التاريخ العربي شهم، شجاع، كريم، حكيم، وفيّ، صادق ونبيل في أي زمان ومكان، ولن نقبل بغير هذا الرجل ليخلده تاريخنا. صحيح أن استخدامات هذه السجايا تختلف من زمان لآخر، ولو قال صاحب المثل ( لكل زمان دولة ورجل) لكان أقرب لفهمي للتاريخ الذي قرأته وسمعته من الرجال وعنهم، فالزمن والدولة متغيران عبر التاريخ، ولكن رجل التاريخ هو رجل واحد ثابت وغير متحــول، ومن هنا أقـول إن الفيصل وريث حسي لكل سجايا البطل تركي (راعي الأجرب ) كلما تبعثرت الإنسانية أعاد هذا الشهم ترتيبها.. ليسقط المطر.. وتتضح الرؤية. أعرف له مواقف في النبل ليس من حقي أن أخفيها لولا احترامي لرغبته النقية، فمواقفه مفخرة لنا جميعاً، أو ليس أبناء الملوك ملوكاً. عندما يرتجل الحديث وينهي الجملة، أول من يصفق هو السيد النحو وبعد قليل تهدأ الصالة، ولكن السيدة البلاغة لا تزال في تصفيق مستمر. كنت أشاهد له حديثاً مرتجلاً في مؤتمر ثقافي فلم تذهلني قدرته على الحديث بقدر ما أذهلتني قدرته النحوية لحديث غير مكتوب، وصادف أن التقيت الكاتب الأديب عبدالله نور وسألته عن الأمير فيصل وقدرته على الخطابة فقال: هو أحد أفضل المتحدثين العرب من وجهة نظري وكان يعرفه، على ما أظن، حق المعرفة. وقال لي أحد أقاربي من جيل سموه إنه كان يجمع الأطفال من زملائه في طفولته المتقدمة، ويلقي عليهم خطبا كانت مواضيعها في الغالب أكبر من استيعابهم. الفيصل بن فهد خير من يمثل الوطن، وهو أول وآخر وأفضل وأخلص من مثل المنتخب الوطني، أمير الشباب العربي، ورغم أن الثقافة والرياضة لبنتان أساسيتان في البناء الوطني الاجتماعي إلا أن راحلة هذا الرجل يثقل كاهلها ما هو أكبر من هذا. حرص على رفع العَلَمْ بين الأمم مثلما يحرص على رفع القلم بعد الشيم. ما دفعني أن أكتب عن فيصل بن فهد في يوم الوطن هو أنني تذكرت الإمام تركي (رحمه الله) .
****

" الخيال "
نفحه من نفحات الزهور التي ثبت عطرها في جنبات التاريخ
وهي من إبداعات الشاعر الراحل طلال الرشيدالله يرحمه
ولكن الحلم أو الخيال ليس كالحياة
فهو رحلة من العالم الخارجي , إلى أعماق الذات , أو هو رحلة من الاعماق
الذات إلى ما بين الجفن والعين , أو هو تلك الرحلتان معاً , فهل هو من علامات اليوم الاخر ؟..
فهو يقرب البعيد وينطق الحجر والحديد , ويولد الامة ربها , ويتطاول به البدو والفرقاء في البنان وو وأي قدرة لهذا الحلم ؟ بالخيال يصنع المعجزات , ويتجاهل الرقيب , ويبحر بصاحبة الى المستحيل , فبقدر ما تجد ساحة للحلم والاماني والخيال بداخلك , بقدر ما تتزن سلوكياتك , يونمو الطموح بداخلك , وترتسم أهداف مستقبلك بوضوح . فالانسان الذي تتحقق كل رغباته فور ولادتها في ذهنه , ينحرف لا محالة
لأن خياله وتفكيره لا يشغلها تصور أو طموح لتحقيقه فيتجه للمعاكس بحثا عن الاهداف غير الطبيعية والمستحيلة للانسانية 0
والخيال نعمة الخالق لخلقة بثها في النفس البشرية لتعالج نفسها بنفسها فأذكر أنني قرأت مذكرات فيلسوف يوناني قال فيها إنة يعالج نفسة بالتخيل يعالج حتى الجراح العضوية ويسكن الالام 0
فكم من القدرات داخل جغرافية هذا الذهن الذي تمرد على الجسد ولم يقبل السكن في إحدى زواياه 0
فأترك عزيزي القارئ كل ما في يدك , واترك حتى يدك , وتعال نتخيل دقيقة واحدة كيف نتمنى أن تكون حياتنا لنقول بصوت حالم .. لو ..
****

" الرومانسية والحب "

نفحه من نفحات الزهور التي ثبت عطرها في جنبات التاريخ
وهي من إبداعات الشاعر الراحل طلال الرشيدالله يرحمه
اخترت أن أكتب عن هذا الموضوع وأنا وبكل صراحة لا أعرف كيف أتهجى هذه الكلمة أهي (رومانسية) أم (رومنسية) والفرق أنها في الأولى تقف على قدم الألف كأنها فلاّح يحرث الأرض وفي الثانية تستلقي وكأنها غادة هيفاء تنام على شاطئ رملي في جزيرة بعيدة رملها أبيض وماؤها فيروز، وأظن أن عدم معرفتي بكتابة هذه الكلمة يعود لأنني لم أتعلم كتابتها في المدرسة. وللأمانة كان بإمكاني سؤال المصحح اللغوي في إدارة
التحرير إلا أنني فضلت أن تأتي كتابتي بتلقائيتها وللمصحح بعد هذه الأسطرة تصحيح ما يراه. فأنا لست مدرس قواعد وأرجو أن تتقبلون طيشي اللغوي في الكتابة.
وأظن أن الرومانسية كلمة من كلمات معدودة مثل الحب والإنسانية، والوفاء التي أتمنى أن نعرف معناها ونعمل به أهم من أن نعرف كيف نكتبها ونقرأها فقط!!
والغريب المؤلم في مدينة الغرام الحالمة أن الحب والرومانسية ليسا وجهان لعملة واحدة وليتهما كذلك فالمحب ليس بالضرورة هو فيلسوف في الرومانسية، كما أن الرومانسي قد لا يجد من يحب فإذا أحب الرومانسي بدل ملامح مدينة محبوبته وأمست أنوار شوارعها شموعاً تذوب على الطرقات وأسوار بيوتها من الياسمين وصارت مبانيها أكواخاً جميلة وقمرها دائماً بدراً لا يعترف بتاريخ الأيام، ليلها ساكن ونجومه ملونة يحفها البحر من إحدى الجهات ويمر النهر على جانبها الآخر عصافيرها ملونة وحمامها أبيض. باختصار أنا أقول إن الرومانسية هي حساسية مفرطة في التعامل مع الأشياء والأجواء والآخرين.
قبل أسبوع دعاني صديق عزيز إلى منزله وأخذني إلى غرفة الجلوس مكان لم أر فيه «لمبة واحدة» أرضها خشب داكن وجدرانها بيضاء مضاءة بالشموع بها كرسي طويل (صوفة) وثلاثة كراسي صغيرة وباقة ورد جافة في الزاوية البعيدة بها أكثر من خمسين شمعة كان مضاء منها خمس قبل جلوسنا ثم أضاءها جميعاً فأصبحت هذه الدار في نظري عاصمة الرومانسية، صديقي هذا شفاف جداً يحب الرسم ولكنه لا يعطيه وقتاً، لذا فهو مبدع مهمل سألته هل تحب قال لي: لا، قلت: ولم تحب من قبل؟ قال: كنت أحب أنثى كانت ترى كل ما أفعله أو أقوله ضرباً من الجنون وكانت تتهمني بعدم الواقعية. عندما أردت أن أخبرها أنني أحبها أرسلت لها باقة ورد وبها قفص خشبي به عصفوران من عصافير الحب الجميلة تخيل أنني سألتها عن العصفورين بعد ثلاثة أيام فقالت لي لا أدري من زارني وأخذهما ليقدمهما لأطفاله.
قلت له: أنت تبالغ ولا أظن أن لحواء بنتاً تتصرف مع من يحبها بهذا الشكل ولا تحب الرومانسية بل تموت من أجلها، قال لي: يا طلال أنا تورطت بحب امرأة كنت أضع على مكتبها وردة حمراء في كل صباح كانت تبدي لي شكراً جافاً في البداية، ومثل هذا التصرف لا يحتمل الشكر وبعد ذلك نصحتني بأن أوفر قيمة الورد، لأن وردة واحدة كانت تكفي، وأخبرتني أن من يقول لك إن الورد رسول حب مخطئ.. المهم انتهت قصة حبي الجافة ووضعت في بيتي هذا النصب تذكارياً لها وأشار إلى باقة الورد المجفف.
انتهت رواية صديقي وودعته بعد أن قدمت له العزاء في حبه وتمنيت له حبيبة تتنفس الهيام وتتوسد الأحلام، لتعيش في بيته الجميل وتضيء الشمعة الأكثر جاذبية في صدر صديقي الحالم.
****

" ملكة جمال الكون سعودية "
الدين - العادات - التقاليد - القيم - والأخلاق التي بذرها العرب في نفوسنا منذ الأزل وجاء الإسلام بسموه ليقرها ويتمم نواقصها.
وموضوع المرأة دائماً ما يكون هو نقطة انطلاق وارتكاز مثل تلك المجادلات التي تتهمنا بالتخلف، وغالباً ما يكون موضوع المرأة نفسه هو دليلنا القوي على الأصالة والعمق والخصوصية التي نتميز بها عن غيرنا.
ومما يؤسف له أن من يتهمنا بالتخلف هم بعض إخواننا العرب من الأقطار العربية التي طغى على بعض من أهلها التأثر بالأوروبيين والشعوب التي تملك التطور الصناعي وتفتقد للحضارة الروحية السامية.
ودعونا نستعرض أحد أهم المظاهر التي يعتبرها البعض تطوراً وحضارة، وتقف خلفها جهات رسمية ونعتبرها نحن ديناً وأخلاقاً.. قمة الانحطاط الخلقي والتخلف الجاهلي تلك هي (مسابقة ملكة جمال....) لعلي أذكّر من يعلم وأفيد من لا يعلم أن العرب في الجاهلية وعبر كتب التراث وما يحكيه الرواة كانوا يحددون يوماً في السنة أظن أنه كان يسمى (يوم الحِسَان) ولك عزيزي القارئ أن تعقد مقارنة بين هذا اليوم ويوم مسابقة ملكة الجمال الذي يتم الإعلان عنه والإعداد له مسبقاً.
في (يوم الحِسَان) كانت تجلب الجواري المملوكات ليتم استعراضهن مشيةً وغناءً وحديثاً وقواماً وبهاءً أمام وجهاء وأعيان المجتمع الجاهلي وكذلك الوافدين من كل حدبٍ وصوب إما لشراء ما يطيب لهم من الجواري أو الاستمتاع بالنظر لجمال هؤلاء الغيد المساكين اللواتي أجبرهن أسيادهن على إبراز مفاتنهن وجمالهن وكسر عفتهن لتباع الواحدة منهن بأكثر قدر من الدراهم ويستفيد مولاها الذي جلبها سلعة يتاجر بها.
فكان عليها أن تعبر الحضور في شبه عري وتعود من أمامهم لتستعرض ما تعرفه من فنون الرقص وإن غنت فذاك من زيادة الخير، ثم عليها أن تلقي ما تحفظ من الشعر العربي على مسامع الحضور.
وفي نهاية هذا المهرجان وبعد المزايدات والمزاد يعلن على الملأ أن الجارية فلانة هي أغلى الجواري ثمناً وقد فاز بها واشتراها فلان ابن فلان تليها الجارية فلانة ثم فلانة ثم فلانة..
فبالله عليك عزيزي القارئ عندما تعقد مقارنة بين ما رويته لك من أحاديث الجاهلية في استعراض وبيع الجواري وما شاهدته في مطلع القرن الحادي والعشرين على شاشة تلفزيون عربي، أتجد فرقاً سوى أن هناك جواري يُشترين ويُبعن إلا أن أسيادهن ينزهون ويكرمون بناتهم وأخواتهم وأمهاتهم عن هذا الانحطاط.. وهنا وفي وقتنا هذا مجتمعات ومؤسسات رسمية تستعرض بفتيات مجتمعها بطريقة لا تمت للأخلاق ولا للقيم الإنسانية بصلة. أستغرب أن يكون هناك رجال عقلاء خلف مثل هذا العمل الكبير والمنظم. وسؤالي هو أليس التخلف هو العودة لجهل الجاهلية في التعامل مع الإنسان كجسد بعيداً عن الروح؟! أم التخلف هو حفاظنا نحن الخليجيين على القيم الروحية والذاتية لمجتمعنا وأفراده.
أين القيّم الروحية في مسابقة ملكات الجمال، أين القيمة الإنسانية، أين قيمة الذات والأخلاق والعفة؟! كيف لنا في مجتمع إسلامي عربي أن نقيس بمقاييس غربية منحلة مجتمعاً عربياً ملتزماً.
والله إن هؤلاء الفتيات علي الشاشة لو دققت فيهن النظر لاكتشفت أنهن يثرن الشفقة والرحمة على ما هن فيه من ابتذال لا أخلاقي.. كل واحدة منهن تريد إثبات أنها أجرأ وأقوى من زميلاتها. أو ليس الحياء هو الجمال وقمة الأنوثة؟ كيف لنا أن نقيس بالمقياس الفرنسي الجمال العربي الأصيل الذي لا يغفل الملامح ولا يتجاهل الروح بل يبنى على أساسها.
ومثل هذه المسابقات هي دعوة مبطنة للانحلال، فالبائسة التي أُختيرت ملكة للجمال (المزعوم) هي صيد سمين لكل شركات الدعاية والإعلان ومروجي أغلفة المجلات فتبتذل جسديّاً حتى تستغل أسوأ استغلال ممكن لجمع أكبر دخل لها ولمتبنيها الفني من هذه الحملات.
وما بقي من الفتيات التسع عشرة والتي لم تفكر لجنة التحكيم في أنها بقرار الاختيار قد قضت على البنيان الإنساني النفسي بداخل كل واحدة منهن، خصوصاً إذا عرفنا أن أصل هذا البنيان هش قابل للانهيار لأنه بُني على أساس مادي وليس روحياً ومعنوياً.
وكل واحدة من الخاسرات تقف بانتظارها عصابة مفترسة تتأهب لاحتضانها والترويج لها بأي شكل مادي لا أخلاقي كاستعراض دعائي أو فني وما شابهه.
ثم ما الفائدة من مثل هذه المسابقات وما هو المردود الذي نستفيده منها؟ هل لنفهم أن الجمال هو أساس وجود المرأة؟ أليس في هذا إجحاف بحق النساء الأقل جمالاً، أم نتعلم من هذا أن نرفض وجودهن بيننا إن لم يكنّ جميلات جداً؟ أنرفض كل أم أو جدة عجوز فقدت جمال الصبا؟ وهل الجمال هو المقياس الوحيد الذي نتعامل به مع المرأة، أهكذا علمتنا أخلاقنا وقيمنا العربية؟.
حقاً هو سؤال جوهري أبحث له عن إجابة ما هي فائدة مثل هذه المسابقات لمجتمعنا، وأي بناء تحدثه لدينا؟.
فهذه الظاهرة ليست فردية ولا عشوائية لنتجاهلها إنها حدث خُطط له بعناية.
بعد هذا الاستعراض ألا يحق لي أن أختار هذا العنوان الذي توجت به هذه المقالة، وعندما أقول ملكة جمال الكون سعودية فأنا لا أقصد سعودية فقط بل بحرينية وقطرية وإماراتية وكويتية وعمانية وكل فتاة عفيفة من أي وطن فكل مجتمعاتنا العربية الأصيلة مليئة بالفتيات اللاتي يفتخر بهن عرش ملكة الجمال ولا تفتخر هي به.
ألا يحق لي بعد ما قلته وما لا أستطيع أن أقوله أن أقف ملء المكان وأقول.. فتاة صانت جمالها وحفظته لمن يرعاها ويقدرها ويصونها، لا لمن يراها جسداً بلا روح أليست هي ملكة جمال الكون؟ فتاة تقوم لصلاة الفجر وتتشح بردائها وتستقبل القبلة لتصلي أليست هي ملكة جمال الكون؟ فتاة حفظت زوجها حاضراً غائباً أليست هي ملكة جمال الكون؟ فتاة رفعت يديها إلى السماء يملؤها الإيمان (يا رب استرني) أليست هي ملكة جمال الكون؟ فتاة تربت على العفة والكرامة والحياء وأخلاقها القرآن أليست هي ملكة جمال الكون؟!.
****

مرثية ام نواف أرملة الشهيد طلال الرشيد { الملتاع }





ابو نواف راح .. ووش بقالي "
" من رموز الشجاعة والرجولـه
ابـو نـواف تفـداه العيالـي "
" لو بكيفي .. ماداج الموت حوله
ابو نـواف يـا نجـمٍ يلالـي "
" يا رمـز للبسالـه والرجولـه
ابو نواف يـا رمـزاً غدالـي "
" وغدالي هرج كنت انوي اقوله
لا قال بقولتـه درب العدالـي "
" كريم مفـرّغ لضيفـه عدولـه
وسيع الصدر .. نفسه بالعلالي "
" تعشق الطيب وللعليـا تخولـه
ابـو نـواف حـلاّل الحبالـي "
" مشاكل ما تجي غيـر بحلولـه
يفزّ بساع لا شـاف الخمالـي "
" يسامح مخمل مثّقـل حمولـه
ابـو نـواف اشباهـه قلالـي "
" عديم الندّ .. شدّ الموت زولـه
فواصل نجم فوق الراس عالي "
" بناها وباينـات بـه عمولـه
صبر .. للصبر دروب طوالـي "
" قليلٍ من صبر صبـره بطولـه
بياض نفتتـح بـه كالزلالـي "
" مقال الفاصله يزهـى بقولـه
كم حقوقٍ كتب لأجلـه مقالـي "
" ومقـالاتٍ كتبهـا مـا نقولـه
جِرى بالحق حـلا ّل المحالـي "
" حلاحيـلٍ يحلّـه مـا تحولـه
يا ليتني متّ قبل اسمع مقالـي "
" مقالٍ قِيـل جرّحنـي بمقولـه
جرالي شي ما عمـره جرالـي "
" لـو الرجليـن دّلنـه جرولـه
وطرالي شي ليته مـا طرالـي "
" طرالي شيخٍ اجـداده طرولـه





اللهم استجب لدعاها



عسى دار الجزاير للخلا ّلـي "
" وعسى الجلفه لدمار يطولـه
عسى ما بأرض جلفتهم عدالي "
" وعسى من راح يمّه ما ينوله
عسـى مايردونـه للخبالـي "
" وعسى تعدم إذا السبّه خبولـه
عسى طينٍ شـرب دمٍ لغالـي "
" يتصلب لين ما ناسي لجولـه
وعسى نفسٍ رمت زين الفعالي "
" لسهام الغدر تنشّب به وتغوله
ابو نواف ما يعّـوض بمالـي "
" ولا فات الفوت ما تفيد المقوله
الا يالله يا محصـي الليالـي "
" يا محصي النجم ثباته وافوله
تبَّرد قبـر وهّـاب الجزالـي "
" وتثيبه قـد وقفاتـه وفعولـه
عيونٍ ترتجي شبل الرجالـي "
" ولده نـواف غـذّاه الرجولـه
أيا نواف خّلف مـن غدالـي "
" طلالك راح إغد لمـن غدولـه
أصيح أنخاك نواف الطلالـي "
" أبوك اليـوم ممـدودٍ بطولـه
خِذ الرايه .. عليك الحمل تالي "
" عليك العين .. إزم لما زموله
بكوه عيال عمّـه والخوالـي "
" صفقو الكفّين شباب وكهولـه
صفقت الكف يوم العلم جالـي "
" وقفت بتوهتي كنّـي مهبولـه





... اعـــــــــــــــــــــــــــــــــــزّي ...



أعزّي شمّر شيـوخ ومعالـي "
" شباب وشيب .. نسوان وبعوله
أعـزّي كـل ورعٍ بالزمالـي "
" وبنات الغيد وارباب الطفولـه
أعزّي كل من شـبّ الدلالـي "
" طنايا .. وكل ركّابـة خيولـه
أعـزّي كـل حّيينـه وحالـي "
" تعـزّي مَّيتينـه والحّمـولـه
جبال تصيح وصياحه خيالـي "
" ( وقصر برزان يبكي من بكوله

ألف ألف شكر لك اخوي غفيلي الحجاز


والله أول مره اقرأ مرثية أم نواف ( قصيده جزله ومؤثره حييييل )




‏"‏ الله يرحمك ياطلال الرشيد "

‏"‏ الله يرحمك ياطلال الرشيد "

‏"‏ الله يرحمك ياطلال الرشيد "




.
.

بالمختصر.. اشكرك على مرورك الراقي هنا
دمت بحفظ الله لمحبيك